FERME

adjectif et adverbe

[T-L : ferm ; GD : ferme ; GDC : ferme ; AND : ferm1 ; DECT : ferm ; FEW (III, 576a) : firmus ; TLF (VIII, 763b) : ferme1]

I. -Adjectif.

A. -Au propre.

1.Qui présente une certaine résistance à la pression, qui est consistant sans être dur.

Car, se bonne disposicion de corps est avoir la char bien ferme et bien composee, par ce l'en scet que mauvaise disposicion est avoir la char molle et mal composee. (Oresme, E.A., c.1370, 276)

Et le mouvement des gens et des bestes les eschaufe. Et pour ce que longue chose seroit reciter les opinions, reprobacions, alteracions des causes que pluseurs assignent en ce, je suppose premierement une experience que je cuide estre vraie, et est ceste : que se un corps ferme est meu tres isnelement de quelcunque mouvement local, chaleur n'est pas pour ce causee es parties de ce corps qui sont en parfont dedens lui se n'est, par aventure, bien pou par l'eschaufement des parties de lui qui sont vers dehors. (Oresme, C.M., c.1377, 436)

Sa charneure ferme, dure et entiere, Souefve au tast et de bonne maniere, Clere, brune, plaisant et si belle yere Que plus ne peust. (Chr. Piz., Dit Poissy R., 1400, 194)

Devenu solide.

Et pour ce dit l'en qu'elle [ceste yaue] est ferme et aussi comme congeliee ou engelee et est appellee celum glaciale ou celum cristallinum. (Oresme, C.M., c.1377, 170)

2.Stable, solide.

...il [le paradis] est ferme et estable, car il n'a nulle mutacion (Mir. march. larr., c.1349, 91)

Si vous vueil dire et devisier Au mieus que j'y saray viser Comment li chastiaus est assis De Courc, qui est grans et massis De tours, de creniaus et de murs, Qui sont haus, fermes et seürs. (Mach., P. Alex., p.1369, 136)

Et selon ce que dit est, cest ciel ou ceste yaue est en son lieu naturel nonobstant que touz les autres cielz et elemens soient enclos en la concavité de cestuy ; quar il est ferme, et le centre de sa pesanteur est le centre du monde. (Oresme, C.M., c.1377, 170)

LA FILLE. Quant ung homme n'a les rains fermes Pour jouster ung coup de lance, Ce n'est riens que de sa puisance A l'encontre d'ung bon escu. (P. moyne, a.1500, 49)

Stable, immobile.

...lequel fluye de celle heure sy demoura ferme sans soy mouvoir et ne bailloit point de cours (Vie Adam et Eve F., a.1456, 382)

Terre ferme. Sol sur lequel on se sent stable.

Sains Georges tua le serpent Qui avoit de lonc un erpent ; Sains Blaises sus le lac embla, Qui terre ferme li sambla ; Saint Lorent rendi la veüe A ceaus qui l'avoient perdue... (Mach., P. Alex., p.1369, 14)

...sur icelle [corde] monta ung Portingalois qui chemina desus tout droit comme dessus terre ferme (...), et fist tant de choses estranges et perileuses que mains yeulz y avoit qui regarder ne l'osoient de peur de son mescheoir. (Chastell., Chron. IV, D., c.1461-1472, 245)

[Contexte métaph.]

Ou fonda foy si ferme tour ? (...) C'est en vous, doulce vierge pure. (Mir. mère pape, c.1355, 398)

...le roy se monstra vray catholique et ferme pillier de la foy ; car au matin il manda tous les seigneurs, barons, chevaliers et autres pour l'acompaigner en la procession et faire honneur au Sainct Sacrement. (La Vigne, V.N., p.1495, 273)

3.[D'une ville] Fortifié.

Remarque : Doc. 1461 (Bourgogne) ds GD III, 759b.

4.Bataille ferme. Combat en champ clos, duel judiciaire.

...lequel dez deux champions, puisqu'il sont en champ clos, doit l'autre ferir le premier. (...) ...ceste bataille ferme... (Bouvet, Arbre bat. R.-B., c.1386-1389, 526)

B. -Au figuré.

1.[D'une pers., d'un aspect de la pers., de son comportement]

a)Qui ne varie pas, qui ne change pas, qui est constant, sûr.

Car elle [Fortune] n'est ferme n'estable, Juste, loyal, ne veritable ; Quant on la cuide charitable, Elle est avere, Dure, diverse, espouentable, Traïtre, poignant, decevable... (Mach., R. Fort., c.1341, 34)

Il est certain - et je l'afferme - Qu'en cuer de femme n'a riens ferme, Rien seür, rien d'estableté, Fors toute variableté. Et puis qu'elle est si variable Qu'elle en rien n'est ferme n'estable Et que de petit se varie, Il faut que de po pleure et rie. (Mach., J. R. Nav., 1349, 241)

Li dieus qui point ne faut ne ment, Qui n'a fin ne commencement, Qui est fermes, justes, estables, Regnans sans fin et pardurables, A veü et congnut les ouevres De quoy tu as ouvré et ouevres. (Mach., C. ami, 1357, 32)

Tout puet, tout vaut, tout scet, tout a. Onques riens ne creint ne doubta, Car riens ne le bransle n'esloche, Einsois est trop plus c'une roche Fors, fermes, certeins et seürs. Certeinnement, c'est grans eürs, Autant au grant comme au meneur, Qui tient tel dieu pour son signeur. (Mach., C. ami, 1357, 48)

...Car s'on vëoit a ta maniere Que fusses mas et desconfis, Pis t'en seroit, j'en sui tous fis, En trois manieres ou en quatre ; Car ne te pues si bien esbatre Comme en ce qu'on te voie ferme En lieu si vil ne si enferme, Et que tu soies sans doubtance, Riches d'avis et de vaillance. (Mach., C. ami, 1357, 62)

...Car c'est grant honte et grant laidure A prince qui se desconforte. Pour nouvelle qu'on li aporte Pour povreté ne pour richesse, Pour grant joie ne pour tristesse Ne doit muer qu'il ne soit fermes Com Socratès. S'en ce te fermes, Tu en seras si bien parez Qu'aus philosophes comparez Seras, qui tant furent estable Qu'il n'estoit riens, tant fust doutable, Qu'il n'amassent mieus recevoir Que ce qu'on peüst parcevoir Qu'en leur bon propos variassent Ne que verité declinassent. (Mach., C. ami, 1357, 63)

Aussi de fait Elle verra les maus qu'elle me fait, Se Morpheüs a droit me contrefait, Et que je l'aim de loial cuer parfait, Ferme et estable, Et qu'elle m'a par le riant attrait De son dous oueil droit parmi le cuer trait. (Mach., F. am., c.1361, 171)

Messires Briemons de la Vote Estoit là com chastiaus sus mote ; Fors et fermes et deffensables, Plus que Gauvains li combatables. (Mach., P. Alex., p.1369, 73)

Li roys qui ja bien le savoit, Son commandement fait avoit Au noble prince d'Entioche, Qui est fors com chastiaus sus roche, En batailles fermes, seürs, Sages, avisiez et meürs, Dous aus gens d'armes et humains, Et s'estoit ses freres germains, Engendrez de pere et de mere. (Mach., P. Alex., p.1369, 137)

Qui es promesses de Fortune se fie Et es richesses de ses dons s'asseüre, Ou cils qui croit qu'elle soit tant s'amie Que pour li soit en riens ferme ou seüre, Il est trop fols, car elle est non seüre Sans foy, sans loy, sans droit et sans mesure, C'est fiens couvers de riche couverture, Qui dehors luist et dedens est ordure. (Mach., Motés, 1377, 497)

Et que vault s'un est bon aux armes, Et en meurs n'est constans et fermes... ? (Chr. Piz., M.F., II, 1400-1403, 36)

...par la seule memoire du sacrement de baptesme l'en chasseray en sus de moy [le diable] , tant ay ferme foy en ce divin mistere. (C.n.n., c.1456-1467, 428)

...[il] n'avoit toutesfoiz pour toutes armeures que ses mains (...) et son bon escu de ferme foy au saint mistere de baptesme. (C.n.n., c.1456-1467, 429)

Il convient doncques que prenez maintenant courage, bon et ferme. (C.n.n., c.1456-1467, 561)

Ma tresdoulce et seule amye, aiez ferme et constant courage (C.n.n., c.1456-1467, 577)

...le roy leur faisoit savoir qu'ilz lui fussent tousjours fermes, bons et léaux (Lefèvre St-rémy, Chron. M., t.1, c.1462-1468, 88)

Estre ferme à qqn

Si que, pour moi ramentevoir Et aussi pour mieulz percevoir S'elle m'estoit ferme et seüre, Li envoia[y] ceste escripture ; Car j'avoie du mal assez Et tant, qu'estoie tous lassez Dou porter et dou soubstenir (Mach., Voir, 1364, 312)

Mais puis qu'à vous, dame, me sui donnés, Fermes, loyaus vous seray et secrés, Et de fin cuer parfait vous ameray, Sans repentir, tant com durer porrai. (Mach., L. dames, 1377, 89)

Estre ferme du babin. Ne rien avouer.

PETIT BON. Dieu, que c'est bien dit, vïolee ! Est elle ferme du babin. (Myst. jeune fille L., c.1413-1445 [c.1530], 45)

b)Résolu, déterminé.

Il prist ferme conclusion, A grant deliberation, Par maintes fois en son corage, Qu'il entreprenroit le passage. (Mach., P. Alex., p.1369, 11)

...mais avecques ce, ilz ont ferme propos de avoir et procurer venjance. (Oresme, E.A.C., c.1370, 262)

Pour ce vous pri, dame, s'il vous agrée, Que moy de vous ne vueilliez estrangier, Car de vray cuer et de ferme pensée Vueil vivre adès en amoureus dangier ; Et mieus morir vorroie qu'eslongier Mon cuer de vous, qui tous vous est remeins, Dame, coment que vous soie longteins. (Mach., L. dames, 1377, 29)

Et pour ce je vous prie que, s'il a en ceste place homme qui ne sente son cuer ferme pour actendre l'adventure qu'il plaira a Jhesucrist de nous envoier, qu'il se traye a part, car par un seul couart failly est aucunesfoiz une besoingne perdue. (Arras, c.1392-1393, 108)

PATHELIN. Il nous fault estre tous deux fermes, Affin qu'il ne s'en apparçoive. (Path. D., c.1456-1469, 92)

PATHELIN. Or t'y garde, tiens te bien ferme. A moy mesme, pour quelque chose Que je te die ne propose, Si ne [me] respondz aultrement. (Path. D., c.1456-1469, 152)

Ferme à / de + inf. Déterminé, résolu à.

Lion de nobilité En prosperité, Liepart de fierté En adversité, Roy te puet on bien nommer, Sangler hardi et cresté, En fait apresté, Ferm et arresté Et entalenté De tes nuisans contrester. (Mach., Les lays, 1377, 476)

Et sur ce (...) fu deliberé et conclu que la Court devoit tenir la main ferme à faire observer et entretenir lesdictes ordonnances sans enfraindre (Fauq., I, 1417-1420, 271)

c)[Avec une valeur négative] Insensible à la compassion, cruel.

Ferm et Ferme, c'est à dire cruel et cruel[le]. (La Haye, P. peste, 1426, 200)

Emploi substantival. Cruauté.

...c'est tres mauvaise beste, gouffre de mer, loup ravissable en tous estas ; en estat de clergie : symonye, faintise, ypocrisie, scismez et division ; en estat de bourgoisie : ferme, rapine, fraude, parjuremens, usure, baraterie et mainte deception ; en estat de chevalerie ou de seignourie : violence, rapine, tyrannie et puis sedition. (Gers., Annonc., a.1400, 237)

2.[D'une chose abstr.] Stable, durable.

Et se Desirs, qui point ne m'entreporte, Et Fortune, qui maint cuer desconforte, Devant mes yeus me fermoient la porte D'envoiseüre, Comment qu'amours soit en moy ferme et forte, Plus ne seroit Dous Pensers de ma sorte, Et si seroit tost l'Esperence morte, Qui m'asseüre. (Mach., Compl., 1340-1377, 259)

J'ay en mon cuer un ferme espoir Qu'en gré prendrez (...) Les loenges que je diray (Mir. st J. Cris., c.1344, 278)

Il est certain - et je l'afferme - Qu'en cuer de femme n'a riens ferme, Rien seür, rien d'estableté, Fors toute variableté. (Mach., J. R. Nav., 1349, 241)

Et la sainture qu'elle a sainte N'est pas en amours chose fainte, C'est propre loial Couvenance, Cloée de ferme Fiance. (Mach., J. R. Nav., 1349, 278)

Se prirent Dieu a mercier, A loer, a glorefier, Qui biens et corps et ames garde A tous ceuls qui sont en sa garde Et qui en li ont leur fiance Vraie, ferme, et bonne esperence. (Mach., C. ami, 1357, 15)

Et ainsi avra le beneuré ce de quoy estoit la question, c'est assavoir de sa felicité permanente, ferme et estable, et sera beneuré tout le temps de sa vie. (Oresme, E.A., c.1370, 134)

Et tiercement est a regarder se il a coustume ferme et estable de telles operacions faire (Oresme, E.A., c.1370, 156)

Mais quant à ce suis menée Que mon cuer sans dessevrée, Tout entier, te baille, Où vraie amour enserrée Est, loyal, ferme et secrée, Ce seroit, sans faille, Pechiés d'estre si moquée... (Mach., Les lays, 1377, 421)

Comment est sa douceur pure Douce à tous et à moy sure Et ne cure De ma cure Ne de la mortel pointure Dont mes cuers est entechiés, Et seur toute creature L'aim d'amour ferme et seüre ? (Mach., Les lays, 1377, 437)

...réservé de ce la conté de Bourguongne, en laquelle tout ce qui a esté prins et emblé et tant de dons de terre, de revenues, de confiscacions qui ont esté receuz à l'occasion de la guerre, et icelle durant du vivant dudit duc deffunct et du duc qui est à présent, demourront fermes et estables, sans ce que aucune chose leur en peust estre demandée, ne à leurs hoirs ou temps advenir. (Doc. 1450. In : CHART. J., Chron. Ch. VII, V., t.1, c.1437-1464, 202)

...mais au contraire est la condicion de verité, car elle est si tres estable et si ferme que tant plus a de contredisans se eslieve elle plus et croist. (La Sale, J.S., 1456, 45)

...ce qu'il en diroit ou ordonneroit seroit tenu ferme et estable par les dictes deux parties. [De l'arbitre d'un différend] (C.n.n., c.1456-1467, 393)

Sus, ma mie, va t'en de ce lieu En bonne paix de ta conscience ! Garde bien ta ferme creance ; Ta foy t'a fait estre saulvee. (Pass. Auv., 1477, 156)

Qui est conclu, définitif, dont on ne peut se dédire.

...pour ycelles ventes de tel nombre d'arpens que sembleroit expedient, baillier et delivrer par marchié ferme à marchans solvables, chascun arpent pour le pris et somme de huyt livres tournois (Fauq., I, 1417-1420, 204)

Sûr, avéré, indubitable.

Il est bien chose veritable, Et se le fais ferme et estable, Que, quant je m'en vi esseulés, Je me trouvay si adolez Que je ne savoie que faire, Ne riens jugier de mon affaire, Fors que tristeces et dolours De moult de diverses coulours. (Mach., D. Aler., a.1349, 290)

Ma dame, par ses damoiselles, A alligué raisons trés beles Et toutes choses veritables, Fermes, seüres et estables, Toutes traites de l'escripture Et ramenées a droiture. (Mach., J. R. Nav., 1349, 263)

Tenir qqc. à ferme. Considérer qqc. comme sûr.

Dont je di pour voir et afferme, Et se tieng ce propos a ferme, Qu'Amours a pooir en droiture Plus que Fortune ne Nature. (Mach., D. Aler., a.1349, 325)

II. -Adverbe.

Énergiquement, solidement.

DEUXIESME SERGENT. (...) Despoullons le (...) Et sur ce gril par nous soit mis Et lié ferme. (Mir. st Lor., 1380, 189)

Lors le prent par la main et le tyre fort et ferme en disant... (Arras, c.1392-1393, 24)

Sûrement, durablement.

Quar tu ne pues tant subtiller Que tu puisses appeticier Son bien ne sa vaillance. Telz richesses fait à prisier Qui dure ferme sanz changier Et sans faire muance. Pour ce a Nature puissance ; Ce sera mis en remembrance Sans fin pour exausser. (Mach., Les lays, 1377, 478)

Intensément, vivement.

LA VENTRIÉRE. (...) Traveille elle ? LE MARI. Gertrus, oil. Elle travaille fort et ferme. (Mir. st J. Paulu, c.1372, 119)

Nous sommes contens qu'ilz il aillent Et que fort et ferme ilz assaillent Ces Parthois (Myst. st Adr. P., c.1450-1485, 59)

Les debtes de l'ung qui restoient, Bien a cinq cens deniers montoient, L'autre a cinquante en nombre entier. Or n'ont de quoy payer tous deux : Cil [le créancier] les quicte, que riens n'en clame. Je te demande lequel d'eulx Plus ferme son crediteur ame. (Myst. Pass. Troyes B., a.1482, 439)

III. -Locution. À ferme. Entièrement, durablement absolument.

Si vous pri qu'absolz soie a ferme, Et que tel charge me fermez De penitance qu'affermez Ressoie a la paix du vray juge (Mir. parr., 1356, 33)

Remarque : Ou faut-il le rattacher à ferme, subst. fém. (à ferme 'avec un bail à ferme, donc durable') ?