EXPRESSEMENT

adverbe

[T-L : esprès1espressement ; GDC : espressement ; AND : expressement ; FEW (III, 313b) : expressus]

A. -[Porte sur un verbe]

[Détermine une façon d'affirmer, de dire] De manière explicite.

Et ce tient expressement Julius Fermacus en son livre ou il comprent presque toute astrologie judicative de fortune. (Oresme, Divin. C., c.1366, 90)

Et ce dit expressement Justin, ou commencement de son livre. (Oresme, Pol. Arist. M., c.1372-1374, 292)

...comme plus plainement fu dit et exposé par ledit Chancelier en termes assez generaulz, sans declarer expressement autrement aucuns cas particuliers. (Fauq., I, 1417-1420, 60)

Ceste loy par commendement, Dieu vous commende expressement ; Gardés la tous command qu'il aille. (Pass. Semur D.M., c.1420 [1488], 40)

[...une façon de s'engager]

...nous, en faisant le dit honmage, li pronmissions expresseement foi et loiauté porter (Froiss., Chron. D., p.1400, 193)

Savoir faisons que comme nous fissions a Amiens hommaige a excellant prince, nostre tres chier sr. et cousin Philippe roy de France, lors nous feust dit et requis de par luy que nous recongneussions ledit homage estre lige et que nous en faisant ledit hommaige luy promissions expressement foy et loyaulté porter (Juv. Urs., Aud. celi, 1435, 171)

...et combien que ce il ne puisse faire comme dit est, encores le jure il a son sacre expressement que il ne alyenera riens de son heritaige (Juv. Urs., Aud. celi, 1435, 188)

...et si promist le roy d'Engleterre expressement faire vuyder a ses coustz et fraiz toutes les forteresces prinses par luy, ses subgetz, adherens et aliez es pays de France, de Touraine, d'Anjou... (Juv. Urs., T. crest., c.1446, 121)

HERODE. Touteffoiz, le fault il tenir [Jean Baptiste] , Car expressement l'ay juré. (Gréban, Pass. J., c.1450, 164)

[... une façon de prendre une décision ; p. oppos. à taisiblement]

...il est à déterminer par la communaulté ou par la pluspart d'icelle, expressement ou taisiblement, quant, quelle et comme grande nécessité appert de ce faire. (Oresme, Monnoies W., c.1365, LXXI)

Et estoit en la faculté et puissance de Ysabel, se aulcun droit elle y eust eu, de y renoncer, ce qu'elle et son mary firent taisiblement voire expressement, en approuvant lesditz Phelippe le long et Charles le bel a roys de France (Juv. Urs., T. crest., c.1446, 27)

[...une façon de commander, d'exprimer une volonté, de défendre] D'une manière formelle, en insistant.

Or regardons qu'Amours demande Qu'on li doint, et plus ne commande : Elle demande expressement Les cuers des bons entierement ; Ce demande elle qu'on li doint. (Mach., J. R. Nav., 1349, 220)

Et leur mandoit expresseement que cescuns se presist priès de venir, au plus tost que il peuist et à tout le plus de gens qu'il pooit avoir, devers lui en le ville de Congnach. (Froiss., Chron. L., VII, c.1375-1400, 229)

Et remandoient li rois de France et la roine lor fil, le duch de Normendie, et li enjoindoient expresseement et especiaulment, toutes paroles et ensongnes misses arriere, il se partesist et desfesist son siege, et retournast en France pour aidier a desfendre et garder son hiretage. (Froiss., Chron. D., p.1400, 749)

...nous vous mandons et enjoignons expressement que, ces lettres veues, vous eslisiés entre vous VJ notables personnes et un president de nostre Parlement (Baye, II, 1411-1417, 79)

...vous mandons et le plus expressément que faire le povons commandons en comectant par ces présentes sur la foy et loyaulté que nous devez et sur tout ce que vous povez forfaire envers nous de rechef, que... (Monstrelet, Chron. D.-A., t.3, c.1425-1440, 91)

...pour ce que Madame lui avoit tres expressement deffendu que nul n'en sceust riens (La Sale, J.S., 1456, 61)

Vous devez aussi ung aultre disme aux devotz religieux du convent de saint Françoys, [que] nous voulons expressement qu'il soit payé (C.n.n., c.1456-1467, 224)

Damp moyne, ce voyant, luy defendit sa chambre, et chargea bien expressement a son clerc qu'il ne la souffrist plus entrer dedans (C.n.n., c.1456-1467, 273)

Et, le XVIe jour d'icellui moys d'octobre, advint qu'on advertit le roy qu'il y avoit entreprise faicte sur sa personne par aucuns ses ennemis de le prendre ou tuer dedens ladicte ville ; et, pour soy en garder et dormir seurement, ordonna expressement qu'on feist grant guet et garde en ladicte ville, tant sur la muraille que dedens, et que par chacun quartier et rue feussent faiz les feux ; ce qui fut fait. (Roye, Chron. scand., I, 1460-1483, 131)

Et, le mois de fevrier ensuivant, vindrent à Paris les ambasseurs de mondit seigneur de Bourgongne pour l'expedicion des articles à lui accordez de par le roy, et pour lesquelz le roy escripvy et charga bien expressement aux prevost des marchans et eschevins et tous autres officiers et gens notables de ladicte ville que, de tout leur povoir, ilz festiassent fort et honorablement lesdiz ambasseurs (Roye, Chron. scand., I, 1460-1483, 224)

Deffend il pas [un commandement] expressement, Que nul(si) ne soit point meurtrier ? (Fr. arch. B., c.1468-1480, 43)

[...une façon de percevoir, d'être perçu] Clairement, manifestement.

La tierce ymage est es benois en ceulx qui par clere vision congnoissent dieu et layment [l. l'ayment] par delitable fruicion, lesquelz resemblent moult expressement a dieu qui est naturellement benoist (Cib., p.1451, 204)

Bonnes gens de trestoulx estas, Vous avés veu tout maintenent - Si avés entendu le cas - Comment en ce monde present L'ung a heu des biens a grant tas Par les mains de faulce fortune, La quelle n'est jamais commune, Comme avés veu expressement. (Oliou, Mess. Arg. A., c.1470, 501)

[...une façon d'affecter qqn] Vivement, intensément.

...Et puis si a un autre fait, C'est ce que sa dame est cheüe De s'onneur en descouvenue. De ces deus poins forment li poise ; Mais trop plus expressement poise Le bien que sa dame a perdu Et plus a son cuer esperdu De la perte de sa partie, Qu'il ne soit de la departie. (Mach., D. Aler., a.1349, 381)

[...une façon de fixer un repère temporel] De façon précise.

Et se defaute estoit que dou duch de Bretagne il ne fuissent conforté et secouru dedens le jour qui expresseement y estoit mis, il livreroient presentement bons hostages pour rendre la forterèce. (Froiss., Chron. R., VIII, c.1375-1400, 198)

[...une façon de faire une chose quelconque]

A dessein.

Tout deux se dressèrent et furent esbahiz et se regardoit chascun l'un l'autre et engendrèrent suspection que ce n'eust esté faict expressement pour leur mal faire. (Comm., I, 1489-1491, 42)

Une autre chambre de velours cramoisy, De velours noir, puis l'autre d'un satin Expressement levé, pris et choisy Pour resjouïr ung petit l'advertin (La Vigne, V.N., p.1495, 182)

Vivement, vite.

LA MOUNYERE. Monsieur, je le tiendrés pour lache S'il ne partoyt expressement. LE MOUNYER. Je partiray presentement (Gent. moun. T., c.1500, 354)

Spécialement.

On dit que oncques a la court ne eut autant de vaisselle ne que il y a, et en plusieurs aultres lieux, et expressement faictes que on la vous preste, a rendre quant aurez de quoy. (Juv. Urs., Verba, 1452, 405)

...et aussi le sçay de verité pour ce qu'ilz ne s'en parjurerent point, car le roy m'avoit envoyé expressement à Amyens pour veoir comment il y estoit servy. (Le Clerc, Interp. Roye, c.1502, 269)

[P. oppos.à taisiblement]

...il est à déterminer par la communaulté ou par la pluspart d'icelle, expressément ou taisiblement, quant, quelle et comme grande nécessité appert de ce faire. (Oresme, Monnoies W., c.1365, LXXI)

Mes l'en pourroit dire que teles choses ont esté faites en nostre lay selon la forme du legislateur humain, et le divin legislateur les souffroit ou octroioit estre ainsi faictes de grace ou approvoit expressement ou taisiblement, et pour le miex, combien que ces dignités ou honeurs doient estre distribués et gouvernés par autre forme, si comme il est dit devant laquele forme est baillié es sains canons. (Oresme, Pol. Arist. M., c.1372-1374, 312)

B. -[Porte sur la relation d'un synt. nominal au verbe] En particulier.

...et ay veu ordonnance que ilz juroient de se abstenir de jeulx illicites et de tous vices et expressement de fornicacion. (Juv. Urs., Nescio, 1445, 542)

Auquel souper Othon fut assis a la table du roy amprés la belle Florissant (...) et prenoit chascum grant plaisir a veoir Othon et a l'ouyr, et expressement le roy et sa fille, car il les reconfortoit tousjours par bonne façon (Rambaux Frise S., c.1450-1475, 56)