ESTROITEMENT

adverbe

[GD : estroitement ; AND : estreitement ; DECT : estroitement ; FEW (XII, 300a) : strictus ; TLF (VIII, 303b) : étroitement]

I. -[Correspond à estroit1 I]

A. -Au propre.

1.[À propos d'espace]

a)À proximité immédiate, tout près.

Et pour ytant que leur navie Estoit estroitement rengie Près de la rive de la mer, L'un ne pooit tant l'autre avier Qu'il descendissent IJ. et IJ. (Mach., P. Alex., p.1369, 68)

b)De façon à disposer de peu d'espace, à l'étroit.

Et ferez entendant que vous nous tenez estroitement en prison pour vostre tresor que nous devions garder, et vous l'avons emblé malicieusement. (Bérinus, I, c.1350-1370, 387)

...sire Ypolites, Estroitement emprisonnez Cest homme, et si ne li donnez Ne que boire ne que mangier. (Mir. st Lor., 1380, 168)

...et quant il est liens enclos, on lui ferme la porte, qui est de fer fermant a grosses barres, et est si estroictement tenu que jamés pour nulles prieres ne avoir ne peut saillir. (Quinze joies mar. R., c.1390-1410, 1)

...il a tousjours demouré prisonnier, très estroictement tenu et enferré (Doc. Poitou G., t.7, 1408, 145)

...leur demandoit l'on si grant ranson, que tous leurs amys eussent eu trop a faire de la poier, et parce qu'ilz ne s'i vouloient pas consentir, ilz furent mis au pain et a l'eaue moult estroitement durant ledit temps de XIIII moys et trois jours, tant et en telle manière que leurs trois compaignons mourirent en la fosse (Mir. ste Cath. Fierbois C., 1470-1483, 43)

...le monument, qui est ung aultre petit lieu sans clarté fors que de lampes qui la ardent, ou ne peult entrer que troys personnes bien estroictement. (Pèler. D., 1486, 358)

Le roy fut mis en la place fermee Avec plusieurs des gens d'auctorité ; Mais au dit bourg, pour dire verité, Estroictement fut logee l'armee. (La Vigne, V.N., p.1495, 195)

B. -Par analogie. De près.

...en ce chastel avoit une pucelle de quinze ans qui estoit fille au seigneur de ce païs, qui, voyant l'excessive beauté de sa fille, la faisoit illecq garder tres estroittement. (Percef. III, R., t.1, c.1450 [c.1340], 93)

Le varlet fut enferré et estroictement gardé cest nuyct. (Comm., II, 1489-1491, 40)

...et lors y entroyent les officiers, et les capitaines des gardes mectoyent les portiers ordinaires et puis ordonnoyent leur guet d'archiers tant à la porte que parmy la court, comme en une place de frontière estroictement gardée (Comm., II, 1489-1491, 323)

C. -Au figuré.

Dans un sens restreint.

...mon entencion n'est mie ce nom de clareté prendre tant estroitement que tousjours signifie ou sonne en vertu,ains le vueil prendre plus largement et traire en plus ample sens, sauve la bonne paix des lisans (Cleres nobles femmes B.H., t.1, 1401, 13)

II. -[Correspond à estroit1 II]

A. -Au propre.

1.[Pour qualifier une façon de lier] De façon serrée.

...Et de tant qu'il iert plus soutis, Haus, nobles, puissans ou gentils, De tant sera il plus batus, S'il est en mes las embatus, Et plus estroitement laciez, Ne sans moy n'en iert deslaciez. (Mach., D. verg., a.1340, 24)

LE BAILLIF. (...) Bourrel, oste li celle corde, Dont tu l'as si estroittement Lïee (Mir. enf. ress., 1353, 71)

...à ung piller les fist loyer estroitement Et mettre gresillons ez dois qu'i leur estent, Puis fist lez menestreus juer en leur present. (Hugues Capet L., c.1358, 233)

DEUXIESME SERGENT. Regarde. Ont il lié les mains Estroittement ? (Mir. st Panth., 1364, 365)

Li roys commanda qu'on l'enserre, Et qu'on le mette estroitement Uns fers en ses piez, telement Et si pesans qu'il ne s'en vole, Car mettre le vuet en géole... (Mach., P. Alex., p.1369, 258)

Car sachiez que j'ay essayé que quant les couvertures, pennes, ou robes ou il a puces sont enclos et enfermez secretement, comme en male bien lyee estroictement de couroyes, ou en sac bien lyé et pressé, ou autrement mis ou compressé, que icelles puces soient sans jour et sans air et tenues a destroit, et ainsi se periront et mourront sur heure. (Ménagier Paris B.F., c.1392-1394, 101)

LE PREVOST. Seurement verité dirés, Në de mes mains ne partirés Tant que tout soit verifïé. Fine Espice, qu'il soit lïé Estroictement. (Myst. jeune fille L., c.1413-1445 [c.1530], 63)

LE CHANCELIER. Meilleur remede n'y voy goute, Fors que de les fere amener Par devant vous, et que mandez Soit par vous a vostre grant juge Que briefment et sans nul refuge Les vous amainne attivement, Prins et liez estroictement (Myst. st Adr. P., c.1450-1485, 141)

2.En tenant serré (qqn).

Mais mar vit pour li ce jour né, Qu'entre les flos vit Leandon Qui floteloit a abandon. Et quant de près le pot vëoir, Seur le corps se laissa chëoir Au pié de sa tour droitement ; Si l'embrassoit estroitement, Forcenée et criant : 'Haro !' Einsi fina belle Hero, Qui de dueil fu noïe en mer Avec son ami, pour amer. (Mach., J. R. Nav., 1349, 250)

B. -Par analogie.

1.[À propos de qqn/d'une ville assiégée] De façon resserrée, sans laisser d'espace.

Il vinrent devant une cité qui s'appelle Lourde, de la quele uns chevaliers estoit chapitains de par le conte de Fois (...) Là s'arrestèrent toutes ces gens d'armes et l'assegièrent fortement et estroitement. (Froiss., Chron. R., VIII, c.1375-1400, 174)

...et, tandis, il sceult par commune voix qui couroit que le prinche de Castelongne faisoit forte guerre au conte d'Urgel et de Rousillon, seigneur de Parpingnan, lequel estoit estroitement assegié et en grant dangier de cheoir ez mains de son ennemy le prince de Castelongne (Comte Artois, c.1453-1467, 27)

Tenir estroitement (une ville). Tenir (une ville) par un siège resserré autour d'elle.

Il convient savoir que, du temps que le roy Pirro tint moult estroittement la cité de Romme, ainsi Arroflor dedens les ystoires rommaines recite que le medecin du roy Pirro, voyant Romme assiegee et en si très grant peril (La Sale, Sale D., 1451, 94)

2.Violemment.

Frappez fort et estroitement Sans le m'espargner nullement. (Pac. Job M., c.1448-1478, 385)

Trop fu grant le debat la ou Salhadin et Chavingni s'entrebatoient ; eulx deux s'entreapoignerent fort et serré, et adont sailli sus Chavingni, et le prinst par le heaulme si estroitement qu'a terre le porta. (Saladin C., c.1465-1468, 105)

Et icellui pris et estroittement par tortures examinez, il congneut toute la verité de la trahison. (Colart Mans., Dial. créat. R., 1482, 229)

C. -Au figuré.

1.Strictement, nettement, formellement.

...Et estroittement lui commande Que le tonnel d'arain soit fait. (Renart contref. R.L., t.1, 1328-1342, 196)

...a vostre ame En convenra estroittement Respondre au jour du jugement (Mir. mère pape, c.1355, 386)

Sus la place fu li barnages, Où il trouverent IJ. messages Dou prince qui là les atendent Et estroitement leur commandent, De par le prince, qu'il retournent Eu chastel et plus ne sejournent, Car le prince est forment courciez De ce qu'il sont ainsi bleciez, Et quant onques il commencerent L'escarmuche. (Mach., P. Alex., p.1369, 157)

J'ay voulu avoir et user de vengence et avoir pugnicion de ceulx que j'ay seulement pensé qui m'avoient voulu mal ou mal fait, et en ay voulu avoir haultement et estroitement mon desir acomply, feust tort ou droit, sans les espargnier ne avoir d'eulx aucune mercy. (Ménagier Paris B.F., c.1392-1394, 26)

Et lor estoit estroitement conmandé que tout ce que il veroient, qui prendre terre vodroient en Engleterre, fuissent mort, sans nului prendre a merchi. (Froiss., Chron. D., p.1400, 69)

Et dist li baillieus que il li estoit conmandé estroitement que il le menast a Paris. (Froiss., Chron. D., p.1400, 755)

Li rois de France, moi et mi compagnon qui ichi dedens sonmes enclos, nous a ichi envoiiet, ensi que faire le puet, car il est nostres sires et nous sonmes si subject, et nous conmanda estroitement au departir de li que nous gardisions la vile et le chastiel de Calais si que blame n'en euissions, ne ils point de damage. (Froiss., Chron. D., p.1400, 836)

Le roy [Laomedon] , adverty de la descente des Gregois donnans a entendre qu'ilz se venoient avitaillier, ymagina tantost que c'estoient espyes que Herculés envoyoit illec pour le royaulme espyer. Si renvoya son chevalier devers les Gregois et leur manda bien estroitement qu'ilz se disposassent pour aler autre part querir vivres (LEFÈVRE (R.), Hist. Jason P., c.1460, 169)

Rigoureusement, scrupuleusement.

Le Sabbat ilz gardoient si estroittement que le jour ilz ne purgoient point leur ventre (Renart contref. R.L., t.1, 1328-1342, 235)

Lacedemone, par qui les lois vindrent a diverses nacions desquelles encores nous usons, ne pout oncques tant estroictement garder les lois de Ligurgus le droicturier, qui furent faictes pour sa perpetuation, que sa vertu ne soit estaincte et aneantie. (Chart., Q. inv., 1422, 3)

Si fais ma premisse jouxte la tresgriefve sentence de Valere, que discipline de chevalerie estroitement retenue et rigoureusement gardee maintiennent les seigneuries acquises et si acquiert celles qui sont a l'encontre defendues. (Chart., Q. inv., 1422, 54)

Et pour ce nous nous devons sougneusement preparer en temps devot et plus estroitement garder toute observance comme se nous devions en brief temps percevoir le loier de nostre labeur. (Internele consol. P., 1447, 322)

Et, pour vous monstrer que on doist estroitement garder et tenir les ordonnances faictes en guerre, anciennement les Roumains y tenoient telle justice que les infracteurs ne perdoient pas seulement les biens, mais y perdoient le corps. (Bueil, II, 1461-1466, 13)

Sévèrement.

Nous volons que les autres soient estroitement corrigiés et ne volons point estre corrigiés. La large licence des autres nous desplaist, et toutevoies ne volons nous mie estre a nous denyé ce que nous demandons. (Internele consol. P., 1447, 309)

...avons ouy comment Jhesu Crist ne cesse de prier pour nous pescheurs. Or oyons maintenant (...) combien estroittement il vouldra tenir son dernier grant jugement (Miélot, Spec. hum. salv. L.P., 1448, 156)

Et, se aucun oultre l'ordonnance et deffence de son chevetain faisoit aucune entreprise, combien qu'il en venist au-dessus, encores estoit-il estroictement pugny pour la desobéissance. (Bueil, II, 1461-1466, 13)

...tous ceulx qui seront trouvez faisant le contraire seront pugniz estroictement, comme transgresseurs de noz commandemens et ordonnances. (Lettres Louis XI, V., t.4, 1469-1472, 147)

Strictement.

Comment font tant d'autres religieux qui sont assez estroictement tenus soubz discipline de cloistre ? Ilz issent peu souvent. Ilz vivent astractivement. Ilz menguent trés povrement. (Internele consol. P., 1447, 356)

Vivement, douloureusement.

Mais neantmoins vat'en legierement Que mon mary ne te treuve en cest lieu, Qui te feroit souffrir estroictement Le suplice du mal que t'ay acreu. (Saint-gelais, Eurial. Lucr. R., c.1490, 36)

En mettant une grande pression, fortement.

Et disoient communement ensi qu'il ne voloient mies chevalier ne escuier rançonner si estroitement qu'il ne se peuist bien chevir et gouvrener du sien, et servir ses signeurs, selonch son estat. (Froiss., Chron. L., V, c.1375-1400, 64)

2.De près, en étant vigilant.

Et ceulz qui gardent leurs pecunes estroitement, aucuns le font pour une maniere de actrempance et moderance et pour paour de laidure (Oresme, E.A., c.1370, 239)

Parcimonieusement.

[Avec une valeur positive]

De ce fu fait decret entre les Lacedemones que les princes devoient user des biens publiques de la gent, de la communité, moult estroitement et a leur pooir les espargnier, supposé que il eussent pooir et faculté de plus crasse fortune et que de ce a point selon droit commun il usassent. (Foul., Policrat., IV, 1372, 59)

[Avec une valeur nég.]

Avarice est soy estroitement tenir, escharcement despendre, avec volenté desordonnee et ardeur de acquerir les biens de ce monde a tort ou a droit, ne peut chaloir comment. (Ménagier Paris B.F., c.1392-1394, 32)

3.Avec insistance, instamment.

C'estoit li intentions dou conte de Haynau ; et commandoit estroitement à ses gens que nulz, sus le hart, ne fourfesist riens au royaume de France. (Froiss., Chron. L., I, c.1375-1400, 163)

Si lor manda par mos exprès et deffendi estroitement que de leurs raençons il ne paiassent nulles, et les dispensa et absolst de leurs fois. (Froiss., Chron. L., VI, c.1375-1400, 227)

Lequel procès et lettres ledit empereur incontinent manda aux senateurs, comme par nouvelles tresmerveilleuses, leur reduisant a memoire les prophecies que de ce avoit ja oÿ, priant moult estroitement le senat que icellui Jhesus de Nazareth fust consacré et tenu a vray Dieu. (La Sale, Salade, c.1442-1444, 66)

Dont il estant es portes de Boulguerie et tenant siege a l'emperreur de Constantinople, il fut moult estroictement requis de secourir Pappe Gregoire, qui pour lors estoit, tresoppressé et assiegié de Henry, emperreur d'Allemaigne et du peuple rommain. (La Sale, Salade, c.1442-1444, 168)

...vous mandons et estroictement enjoignons que vous mectez lesdiz commissaires et receveur hors de court et de tout procés touchant ceste matiere et autres semblables. (Lettres Louis XI, V., t.7, 1478, 108)

[Avec une valeur nég.] Avec obstination.

Or veez quel fin son orgueil lui donna qui par sa grant inobedience vouloit si estroictement garder sa raison contre son mary. (Ménagier Paris B.F., c.1392-1394, 74)