ESPERER

verbe

[T-L : esperer ; GD : esperer1 ; GDC : esperer ; AND : esperer1 ; DECT : esperer ; FEW (XII, 164b) : sperare ; TLF (VIII, 139a) : espérer]

Emploi transitif direct. emploi transitif indirect.

A. -[Idée d'attente d'une chose qu'on envisage, qu'on souhaite ou qu'on redoute]

1.Envisager comme possible (la réalisation, la survenue de qqc.).

S'attendre à qqc..

Ensi furent ces deus hoos l'une devant l'autre. Et n'i esperoit on aultres coses que la bataille (Froiss., Chron. D., p.1400, 590)

...lequel [un enfant] avoit eu quatre boces et deux escarboucles, et esperoit l'on en luy plus la mort que la vie, et fut deux jours sans parler (Mir. ste Cath. Fierbois C., 1470-1483, 69)

Esperer + inf. S'imaginer que.

... [il] print le lit d'icelle Gilete avec une paire de draps et une sarge vermaille et iceulx porta en garde en l'hostel d'icelle Modete, sanz ce que alors il feust ne depuis aussi aucune fraccion d'uys ou de fenestres en la chambre d'icelle Gilete non cuidant ou esperant en ce aucunement offenser. (Reg. crim. Chât., II, 1389-1392, 414)

Esperer qqn + attribut Imaginer qqn + attribut.

...Pierre Garnier (...) a juré et certifié que sa femme estoit en si grant infirmité de maladie que tous ceulx qui la veoient l'esperoient plus morte que vive, et ne parloit point ne ne congnoissoit plus homme ne femme, et la fist mettre son dit mary en unxion. (Mir. ste Cath. Fierbois C., 1470-1483, 132)

Esperer que. Présumer que.

Lors fu la lettre examinee Et le stile consideré, Si fu du commun esperé Que Johan de Damas l'eust faicte (Tomb. Chartr. W., c.1337-1339, 19)

...en l'istoire ne truis mie Qu'il vesquist de malvese vie. Mais a mon encïent espoire Qu'il fut dampné par vaine gloire, Qui est trop perilleux pechié A cil qui en est entechié. (Tomb. Chartr. Dix-huit contes K., c.1337-1339, 146)

...et pour ce qu'il esperoit et cuidoit que ladite tasse feust audit Julian et que de lui il ne povoit estre païez de IJ frans qu'il lui devoit d'argent presté, print ycelle tasse et l'emporta avec soy (Reg. crim. Chât., II, 1389-1392, 447)

Toutesvoyes il ne se ausoit plaindre, car il lui estoit advis qu'il ne pouoit avoir ne paine ne douleur qui fust a comparer a celle qu'il esperoit que Neronés avoit portee. (Percef. III, R., t.2, c.1450 [c.1340], 243)

Esperer pour vrai que. Tenir pour vrai que.

Nous devons esperer pour voir Que cest enfant de par lui [Diex] vient, Puis qu'après l'enfanter il tient Vierge la mére. (Mir. nat. N.S.J.C., c.1343, 219)

Esperer + prop. interr. indir. Imaginer.

'...Or vous y avons trouvez [dans un endroit où il est interdit de pénétrer] , et ne sçavons esperer pourquoy vous y estes venus ne quelle advanture vous maine cy...' (Beufves Hant. I., c.1499-1503, 173)

Participe passé en emploi adjectival. [D'un événement] Esperé à/de + inf. Qui a des chances de, qui est susceptible de.

...estoit débat espéré à mouvoir entre eulz, pour cause de l'abatouis des diz portail et tourelles (Cartul. Laval B., t.2, 1346, 220)

Comme descors fust meus ou esperer a mouvoir entre nous, d'une part, et religieuses personnes et honestes l'abbé et le convent de l'eglise de Signy, de l'ordene de Cistiaus, de la diocese de Reins, d'autre part... (Comté Porcien R., 1347, 154)

'Savoir faisons que, comme pour les dissensions, debas, descors et estris, meus et espérés à mouvoir entre nous et nostre très chier frère le roy de France, certains tretteurs et procureurs (...) soient assamblé à Bretegni priès de Chartres...' (Froiss., Chron. L., VI, c.1375-1400, 5)

...sur ce que procès estoit esperé d'estre meu ou à mouvoir entre messire Phelippe de Poitiers, chevalier (...) d'une part, et madame d'Orgemont, d'autre part (Baye, I, 1400-1410, 300)

...pour occasion des causes et procès meuz et esperez à mouvoir ceans (Fauq., III, 1431-1435, 41)

2.Envisager qqc. avec confiance, souhaiter qqc..

a)Esperer qqc.

Attendre qqc..

Lors estoit mors d'amoureuse morsure Mes cuers et poins de joieuse pointure Et repeüs de douce nourreture Par Dous Penser Qui ma doleur faisoit toute cesser Et garison me faisoit esperer. (Mach., J. R. Beh., c.1340, 75)

Pour ç'ay desir. Mais quels est il ? Il est de tost morir, Car il n'est riens qui me peüst venir Dont je peüsse esperer le garir. Et se j'avoie L'amour de li mieus que je ne soloie, Ne say je pas, se je m'i fieroie. (Mach., J. R. Beh., c.1340, 94)

Dame, par vous me sens reconfortez De tous les griés que recevoir soloie, Par vous sui hors de toutes orphentez, Par vous ne puis riens sentir qui m'anoie, Par vous m'estuet esperer Quanque loyaus amis puet desirer, C'est de merci don, s'en moy ne demeure En lieu dou cuer, dame, qui vous demeure. (Mach., Bal., 1377, 545)

...non cuidant aucune chose mesprendre ou offencer contre la magesté royal, esperant, comme dit est cy-dessus, que se le pays de Limosin, par le traittié de la paix que l'en espere qui se doit faire entre les deux roys, est rendu aus Engloiz ou au duc de Lenclastre, que tousjours il, par ce, demourast en sa bonne grace et amour (Reg. crim. Chât., II, 1389-1392, 201)

Alors subitement leurs pavillons seront par sur les lisses gettez dehors, esperant nostre ordonnance de la battaille par le cry du mareschal. (La Sale, Salade, c.1442-1444, 221)

Souhaiter qqc..

Las ! einsi ne sçay penser Que je doie devenir, Fors que la mort esperer. Et si m'en convient morir. Bien puis dire sanz meffaire, Puis que plus n'en puis avoir : 'Hé ! tres douce, debonnaire, Quant vous porray je veoir ?' (Mach., L. dames, 1377, 47)

[P. oppos. à vouloir] Avoir des velléités sur qqc., souhaiter qqc. sans agir pour l'avoir.

Et li disoit car elle n'avoit pas eu souffraite d'ome a cui elle fust mariee ne a cui elle servist priveement, mes que elle avoit eu besoing de home qui se reputast digne d'estre roy, qui se recordast estre fil de roy Prisque Tarquin, et qui plus vosist avoir le royaume que le esperer. (Bers., I, 1, c.1354-1359, 47.2, 79)

Emploi absolu.

'Par foy, sire', ce dist Gieffroy, 'je vien d'oïr celle male gent, qui font grans plaiz et grans riotes pour vostre avoir, et ont grans estris li uns vers l'autre, mais li affaires ira autrement qu'il ne esperent, et si soiez tout sceür, car, a l'aide de Dieu, je vous feray delivrer vostre avoïr et faire amende envers vous de l'oultrage qu'il vous ont fait.' (Bérinus, I, c.1350-1370, 89)

Et quant les choses ne adviennent pas teles comme ilz esperoient, il s'enfuient. (Oresme, E.A., c.1370, 215)

En incise.

Comme je l'espere

Or me doint Diex tel joie, Douce dame, que temprement vous voie. Car s'il avient einsi, com je l'espoir, Que je voie vo parfaite douçour, Doubler ferez ma joie et mon espoir (Mach., L. dames, 1377, 234)

LA MARQUISE. (...) Avec ceste dame, et non mie Avec autre, joyeuse vie Et bieneuree demenras, Et toute joye y averas Si com je l'espoire et desire (Gris., 1395, 94)

Emploi absolu. Comme j'espere/comme l'on espere

...en gré prendrez, si com j'espoir, Les loenges que je diray De vous (Mir. st J. Cris., c.1344, 278)

...sur lesquelles les parties ne pourront estre delivrées sans fais quant vendra au jugement, comme l'en espere et croit. (Baye, I, 1400-1410, 335)

...si a ceste foiz, comme j'espere, la fortune me donne eur, plus jamais n'y [en voyage] veil aller (C.n.n., c.1456-1467, 561)

Participe présent en emploi adjectival. Qui a grande confiance en soi.

Et ces ici sont hardis pour ce que il cuident estre les plus vaillans et reputent que leurs adversaires ne leur peuent nuyre ne faire avoir a souffrir. Et telz hardiesces font aucunes fois ceulz qui sont yvres ; pour leur yvresce il sont faiz bien esperans. (Oresme, E.A., c.1370, 215)

Esperer qqc. à qqn. Attendre qqc. de qqn.

Touteffois il prenostica sur la revolucion de l'an 1419 la venue du roy Henri et le siege de Rouen, mis par icelui et y fut VII mois devant et tant qu'ilz mengerent tous leurs raz par famine et esperoient secours au Dauphin, qui, d'autre part, sur la riviere de Saine, contre autres Anglois estoit empesché (Simon De Phares, Astrol., c.1494-1498, f° 153 r°)

b)Esperer de qqc. Avoir confiance que qqc. se fera.

Cestui, sur toutes choses, ayma et se servit de la science des estoilles et eut avecque lui les plus expers en icelle science qu'il peut trouver par toutes terres, au moïen de laquelle il fut très victorieux en toutes ses entreprinses et de ses forfaiz fist penitance, telle et si austere, que plusieurs esperent de son salut. (Simon De Phares, Astrol., c.1494-1498, f° 44 r°)

Esperer en qqc. S'en remettre à qqc..

Soy pourveïr aucunement et premettre aucune chose de bien est meilleur chose que esperer en l'aide des autres. (Internele consol. P., 1447, 341)

c)Esperer (à) (de) + inf.

S'attendre à.

...[elle] laissa en la cuisine sur une scabelle tout ce bagage, chemises, couvrechefs et petiz draps, esperant a son retour les retrouver (C.n.n., c.1456-1467, 397)

Souhaiter de.

...les gens d'armes de messire Charles de Valois, assemblez en grant nombre d'emprez les murs de Paris leiz la porte Saint-Honnoré, esperans par commocion de peuple grever et dommagier la ville (Fauq., II, 1421-1430, 322)

...maistre curé, esperant de joïr de sa dame quand elle seroit mariée, conduisit les besoignes en tel estat (C.n.n., c.1456-1467, 297)

Maudit [l. Mauldit] soit mon premier parent Qu'oncques fus en ce monde né. Je pers mon sens, non esperant D'estre jamaiz sain ne saulvé. (Pass. Auv., 1477, 217)

...encores sont plusieurs choses demourées intactées que je espere, aidant Dieu, aucunes d'icelles à joindre à ces parties (Simon De Phares, Astrol., c.1494-1498, f° 112 v°)

Avoir l'intention de, envisager de.

Le roy y print grant fiance et eut vouloir de parler audict duc, esperant le gaigner de tous pointz à sa volunté (Comm., I, 1489-1491, 123)

Ainsi party de luy et fist parler ledict chevalier à monsr du Lude, dont il se trouva esbahy, et se departit tost, sans entrer en grand marchandise, car ledit seigneur du Lude et luy ne se fussent jamais accordéz ny entenduz, pour ce qu'il estoit venu esperant faire son proffit et s'enrichir (Comm., II, 1489-1491, 175)

SAINCT MARTIN. Quant est de moy, sire de hault parage, De vous ne veulx aulcune chose prandre. L'EMPEREUR. Esperez vous envers moy de mesprendre ? SAINCT MARTIN. Mon chier seigneur, nenny, sauf vostre grace. (La Vigne, S.M., 1496, 244)

J'espoire demain parler à mon frere le connestable, affin de sçavoir mieulx ce que j'ay à faire et adviser sur le tout. (Le Clerc, Interp. Roye, c.1502, 264)

Par analogie. [D'un animal]

Semblablement, quant le lyon voit ou treuve .I. cerf ou une chievre sauvage, il ne se delicte pas en veoir les, fors pour ce que il espere mengier les. (Oresme, E.A., c.1370, 221)

Esperer + prop. inf. Attendre avec confiance que, avoir bon espoir que.

...esperans yceulz traictiez ainsi solempnelment passez, accordez et jurez, estre entretenus et observez (Fauq., I, 1417-1420, 318)

De ceste pacience, comme Nostre-Seigneur nous en donnast en sa propre personne exemple, qui plus souffri que onques ne fist autre mortel homme, povons par l'ensuivre esperer celle voye estre sur toutes salutaire. (Chr. Piz., P.V.H., 1416-1418, 29)

...quant ung roy la fait [la justice] il doit esperer la beatitude advenir. (Juv. Urs., Verba, 1452, 294)

...il fut tresvoluntiers oy, et tant que la dolente assemblée (...) fut a ce point quelque pou consolée, esperant l'effect sortir tel que a sa parolle le touchoit. (C.n.n., c.1456-1467, 34)

d)Esperer que

Souhaiter que.

Et, neantmoins, ont tousjours enduré et continué la Court aussi diligemment que onques mais, pour l'entretenement de la seignorie du Roy et de la ville de Paris, esperans que en la venue du Roy leur feust pourveu. (Fauq., II, 1421-1430, 366)

...esperant que jamais ne vous adviendra, de ce qui est fait ne soit il plus parlé (C.n.n., c.1456-1467, 419)

Avoir bon espoir que.

Car je vif en tresdoulz espoir De vëoir ma dame, et s'espoir Qu'elle me fera bonne chiere (Mach., Voir, 1364, 134)

...Et qu'il soient de tel affaire Qu'il sachent moustrer vostre entente, Et la passée et la presente, Au soudan, et nous esperons Que si courtois le trouverons Que nous cherrons en bon acort. (Mach., P. Alex., p.1369, 126)

Escompter que.

...le roy espere que les gens d'esglise luy aideront (Juv. Urs., Nescio, 1445, 504)

' -- 'Sire, nous entendons les signiffier a la court de l'empereur, et se la ne trouvons qui nous veulle delivrer, nous le signiffierons a la court d'Engleterre, esperans que en l'un de ces deux lieux ne faillirons point. (La Sale, J.S., 1456, 239)

3.Envisager qqc. avec crainte, craindre qqc..

Envisager (une possibilité négative)..

Sa lettre bien considerai Et lors contre moi esperai Pluiseurs choses a moi contraires... (Mach., Voir, 1364, 276)

Lors respondit ledit grant maistre qu'il estoit prest à mener l'une desdittes bandes, tant celle des gens de pié que de cheval, ou laquelle qu'il plairoit au roy, offrant d'y employer sa vie ; laquelle bande, dont il auroit la charge, il n'esperoit point perdre sans estre chierement vendue à ses ennemys et qu'ilz n'en eussent doloreuse victoire. (Le Clerc, Interp. Roye, c.1502, 273)

Craindre qqc..

...il est raison d'esperer les maladies en amptonne (Saint-gille, Comment. A.Y. L., 1362-1365, 273)

Et encore y puet estre adjoint Assez proprement, se tu veulx, Ton compte et ta fable des leux, Car ceulx qui aises ne sont mie Et languissent en grant partie, Et esperent plus grant dolour, Cuident avoir un an d'un jour. (Desch., M.M., c.1385-1403, 288)

...pour la joye qu'elle eut de ce que son mary n'estoit point si mal ne si desvoyé qu'elle esperoit, ny que son cueur luy avoit jugié, elle s'en alla querir ses enfans [La femme avait cru que son mari était gravement malade] (C.n.n., c.1456-1467, 367)

...il donna ung coup de baston sur le tour de l'oreille à ung jeune homme lors demourant à Melle, qui fut gendre Jehan Valée, tellement qu'il en fut grandement malade et y espera l'on la mort, mais depuis il en est guary (Doc. Poitou G., t.11, 1465, 4)

...et esperoient les medicins qu'il [le mal] luy descendroit sur ung bras et qu'il en seroit percluz, mais qu'il n'en mourroit point (Comm., III, 1495-1498, 311)

Esperer à + inf. Envisager la possibilité menaçante que.

Li Englès, qui estoient à leurs deffenses en la ville de Bourbourc et qui veoient le poissance dou roi de France si grande devant eux, esperoient bien à avoir l'assault. De ce estoient il tout conforté, mais de ce que il se trouvoient enclos en une ville qui n'estoit fremée que de palis, il n'estoient pas bien asseur. (Froiss., Chron. R., XI, c.1375-1400, 135)

Li contes d'Ermignach, li sires de Labreth et li aultre retournèrent en leurs pays et pourveirent leurs villes et leurs chastiaus grandement, ensi que cil qui esperoient à avoir le guerre. (Froiss., Chron. L., VII, c.1375-1400, 241)

Esperer que. Envisager la possibilté que, craindre que.

...Et s'ai desir qui toudis veille, Qui jusques a mort me traveille, Et s'ai si tres petit espoir En moy, vraiement, que j'espoir Que jamais n'aray bien ne joie, Einsois suis mors, ou que je soie, Car tuit mi penser contre my Sont et mi mortel anemy (Mach., C. ami, 1357, 74)

Helas ! dolans, c'est ce qui me desvoie Et qui me fait dou tout desconforter ; Car li pensers fait ma doleur doubler, Et mon desir croistre en ardeur qui dure, Et esperer qu'adès me sera dure Celle que je comper si chierement, Que cuers me faut et mes corps se desment, Quant sans pité voy sa douce figure. (Mach., L. dames, 1377, 58)

...et com plus m'humelie, De tant croist plus la dure maladie Qui m'art et seche et me fait esperer Qu'Amours n'a pas pouoir de moy donner Mercy : tant sui je outrés crueusement De la doleur que j'endure humblement. (Mach., L. dames, 1377, 64)

Li sires de Biaugeu (...) avoit grandement remparet et fortefiiet le ville de Mortagne ; car li François esperoient bien que il averoient l'asaut (Froiss., Chron. D., p.1400, 424)

Et pour tant les gens du dit duc de Bourgongne sachant la prinse de leursdiz coureurs, et aussi espérans que par iceulz leur entreprinse seroit descouverte, furent moult troublez (Monstrelet, Chron. D.-A., t.3, c.1425-1440, 30)

Esperer + prop. inf. Craindre que.

Le remors de ce qu'il esperoit estre transmué en pierre par cellui qui estoit destiné naistre de sa fille l'esmouvoit a cruauté (LEFÈVRE (R.), Hist. Troyes A., c.1464, 186)

Emploi absolu. en incise. Craindre, redouter.

Y sont bien, comme j'espere, De neuf a dix mille Anglois (Myst. siège Orléans H., c.1480-1500, 442)

B. -En particulier. [Domaine religieux ; idée de confiance absolue]

Esperer en (un être céleste, telle qualité d'un être céleste) que. Avoir confiance que Dieu (fera telle chose).

LE MARQUIS. (...) Si lui recommende humblement [à Dieu] Le sort de mon marïement, Esperant en sa bonté bele Qu'il me ottroit a femme tele Avec qui vivre puisse en paix A mon salut des ore maiz (Gris., 1395, 17)

Qui te meult a fayre a Dieu tant de injure comme de voulloir destruire par desesperance son oeuvre qu'il a fait pour esperer en lui ? (Chart., L. Esp., c.1429-1430, 97)

...mais tant est l'amour que je vous porte que vous vouldroie en tous endrois le plus vaillant et le meilleur, esperant en Dieu que il vous partira de l'onneur. (La Sale, J.S., 1456, 146)

Faire de Dieu le fondement de sa vie.

Vierge en pitié meue touz dis, Toy doit on fervenment louer Et esperer en ton chier filz (Mir. pape, 1346, 384)

'Aultrement jadis les saintes fenmes esperans en Dieu se aournoient par dedens, subgettes a leurs propres maris', comme on list en la premiere Epistre de saint Pierre ou .IIIe. chapitre. (Daudin, De la erudition H., c.1360-1380, 414)

Ceulx qui espereront en moy ne decherront de leur desir. Et dit le psalmiste : Beneuré est cellui qui a fiance en Nostre-Seigneur, car c'est le seul refuge de tribulacion. (Chr. Piz., P.V.H., 1416-1418, 28)

Participe présent en emploi substantival. Celui qui fait de Dieu le fondement de sa vie.

...trosne de foy nommer Vous puis et vray secours des esperans (Mir. st Sev., 1362, 238)

Et tu, Sire, mon Dieu, delivre moy, qui sauves les esperans en toy (Gast. Phébus, Livre oraisons T., c.1380-1383, 64)

Et pour ce, est il que toutes choses peu te prouffitent jusques tu regardes que je suis celui qui delivre les esperans en moy (Internele consol. P., 1447, 157)

Esperer que. Avoir confiance que.

Et li rois, a chiere piteuse, Li dist : 'Daniel, biaus amis, En lac des lions sera mis. Sergens de Dieu, pren bon espoir En ton dieu, car par li j'espoir Que chascuns clerement verra Qu'a joie te delivrera.' (Mach., C. ami, 1357, 40)

Si ne vous soit en desplaisir, car je suis toute reconfortee esperant que Dieu vous ramenra a tresgrant joye. (La Sale, J.S., 1456, 96)

Emploi absolu. Avoir la vertu théologale d'espérance.

Dame Foy aprez cez parolles garda silence et donna lieu de parler a Esperance sa seur, comme a celle qui adresse l'esperit a entendre par desireuse confiance ce que nous devons premier entendre par entiere foy. Car la creanse va devant l'espoir, et la certaineté d'esperer est fondee en la fermeté de bien croire. (Chart., L. Esp., c.1429-1430, 86)

Car esperance eslieve l'omme a esperer sur sa propre puissance par confidence de la divine bonté, et crainte le fait retourner a doubter de soy mesmez par consideration de fraille nature. (Chart., L. Esp., c.1429-1430, 103)