DOULOUREUX

adjectif

[T-L : doloros ; AND : dolurus ; DECT : doloros ; FEW (III, 120a) : dolorosus ; TLF (VII, 496b) : douloureux]

A. -[D'une chose]

1.Qui cause une douleur physique, qui fait mal.

N'a mon las cuer jamais bien ne vendra, N'a nul confort n'a joie n'ateindra, Jusques atant que la mort me prendra, Qui a grant tort Par devers moy, quant elle ne s'amort A moy mordre de son dolereus mort, Quant elle m'a dou tout tollu et mort Mon dous ami Que j'amoie de fin cuer et il mi. (Mach., J. R. Beh., c.1340, 65)

D'Ysion la roe repose, Qui est si dolereuse chose, Qu'entour sont roes tous ardans Et li las est dessous adans. (Mach., C. ami, 1357, 89)

Se, avant que la fievre viegne, aucune partie sent douleur, en la partie douloureuze sera l'apostume. (Saint-gille, A.Y., 1362-1365, 75)

[Dans un cont. métaph.]

Car il ha, sans menacier, trait Mon cuer d'un si doleureus trait Que jamais le cop n'en yert trait... (Mach., Les lays, 1377, 304)

Qui est le siège d'une douleur physique.

Ainsi Amours, mon cuer et Loyauté, Plaisant Attrait, Dous Accueil et Biauté Aveuc mes yex ont mon dolereus corps Destruit, detrait, hay et despité Et de tous maus martyré sans pité, Si qu'assés miex me vausist entre mort. (Mach., Les lays, 1377, 305)

2.Qui cause une douleur morale, qui fait du mal, pénible.

Dame, et quels maus vous fait si fort doloir ? Dites le moy ; que je cuit recevoir Si trés grief peinne, Si dolereuse, si dure, si greveinne, Si amere, que soiez bien certeinne, Il n'est dame, ne creature humeinne, Ne n'iert jamais, Qui tele peinne endurast onques mais. (Mach., J. R. Beh., c.1340, 61)

...sa clarté esclarissoit Les tenebres, la nuit obscure De ma dolereuse aventure... (Mach., R. Fort., c.1341, 55)

Regnault de Mont Auben, je te fis chevalier, Mais tu m'en as rendu un doloreux loyer (Renaut Mont. B.N. V., c.1350-1400, 364)

Mais chascuns et chascune pueple Sa face de larmes piteuses Pour les nouveles dolereuses, Car on ne tenoit milleur dame Ou païs, ne plus preude fame. (Mach., C. ami, 1357, 8)

Fu il onques mais aventure Si dolereuse ne si dure ? (Mach., F. am., c.1361, 196)

Helas ! einsi pour amer loiaument M'estuet grief mal sans joie recevoir, Pour ce que trop vous desir à veoir. Mais vraiement, se jamais aligier Ne me devoit mon dolereus tourment, Si vueil je adès de fin cuer et d'entier Vous honnourer et servir humblement... (Mach., L. dames, 1377, 94)

Se pleins fusse de matiere joieuse, Je feïsse mes chans joieusement, Mais point n'en ay qui ne soit dolereuse ; Pour ce les fais tous dolereusement. (Mach., L. dames, 1377, 136)

Certes qui n'obeira a ce son, il oïrra l'orrible tonnoirre de la sentence si tres doloreuse : 'Ite maledicti in ignem eternum, alés vous en, maudis, ou feu perdurable !' (Gers., Pent., p.1389, 79)

Mon chier enfant, dit la mere qui est en la doloreuse prison de purgatoire, en peine et en tourment, mon chier enfant, entens a moy, regarde moy, escoute moy ! (Gers., Déf., 1400, 226)

Et mesmement Je tien, selon vray jugement, Que un doulereux commencement Monstre signe d'exaulcement (Chart., L. Dames, 1416, 298)

Quand Madame Marguerite, fille du roy des Romains et seur de monsr l'archiduc d'Autriche, femme dudit prince, sceüt ceste douloureuse nouvelle, elle, qui estoit grosse de six moys, accoucha d'une fille toute morte. (Comm., III, 1495-1498, 295)

Cestui predist la douloureuse combustion de Cartage qui brula XVII jours sans cesser, comme dit est (Simon De Phares, Astrol., c.1494-1498, f° 65 v°)

Ce fut lui qui predist la douloreuse mort du roy Guillaume devoir estre tué en une forest et par negligence d'y penser et obvier aux insidiateurs (Simon De Phares, Astrol., c.1494-1498, f° 111 v°)

...Affin que soyez exenté De vostre douloureux tourment (La Vigne, S.M., 1496, 565)

[P. méton. du subst. qualifié]

Nompourquant li fols [Orphée] retourna Et set jours entiers sejourna Devant la dolereuse porte, Qu'il n'est homs qui riens li aporte. (Mach., C. ami, 1357, 91)

S'ay droit, car plus que ne sueil Concueil Dou dueil Dont me dueil, Si que ma char sevelie Yert en dolereus sarqueil. (Mach., Les lays, 1377, 313)

Estoupez vos oreilles a toutes bonnes amonicions, mais ce sera par tele condicion que tant plus y demourrez et plus approuchera le douloureux jour de vostre exterminacion, et en pourrez tant user et si longuement vous y aouiller que trop en avoir prins vous en fera souffreteux a tousjours. (Chart., Q. inv., 1422, 16)

3.Qui exprime la souffrance morale, l'affliction.

Et en moy tournant arrousay De larmes mon cuer et mes yeus Et ma poitrine en pluseurs lieus, En gettant un dolereus plaint Com cils qui moult se duet et plaint. (Mach., R. Fort., c.1341, 76)

Sa harpe acorda sans delay Et joua son dolereus lay... (Mach., C. ami, 1357, 82)

Mesfait ai, si l'amenderai, Se je puis, et responderai A sa complainte dolereuse, Qui me semble moult amoureuse. (Mach., Voir, 1364, 544)

...fait de souspirs amoureus Et d'autres qui sont dolereus. (Mach., Voir, 1364, 776)

Gieffroy (...) prist du feu a une lampe en l'eglise et bouta le feu ou feurre. La busche s'esprist. La peussiez oïr et veoir grant pitié, car, si tost que les moines sentirent le feu, ilz commencierent a faire piteux criz et tres amers et doulereux plains ; mais ce ne leur vault riens. (Arras, c.1392-1393, 251)

Et a chascune foiz qu'elle [Mélusine] passoit devant la fenestre, elle gettoit un cry si merveilleux et si doulereux que chascun en plouroit de pitié, et appercevoit on bien qu'elle se partoit enviz du lieu, et qu'elle s'en partoit par contraincte. (Arras, c.1392-1393, 260)

...en l'an de grasce .MCCC. et quarante siis, fu gastés et essilliés li bons pais et li cras de Normendie, de quoi les plaintes grandes et dolereuses en vinrent au roi Phelippe de Valois (Froiss., Chron. D., p.1400, 683)

Ouvrez doncques les oreilles espirituelles de vostre cuer, tendez les en hault, et escoutez leur humble requeste et leur plainte doloreuse, pour les aydier, secourir et delivrer. (Gers., Déf., 1400, 226)

...tresmalade, mon testament J'ay mis en escript doloreux, Lequel je presente humblement Devant tous loyaulx amoureux. (CH. D'ORLÉANS, Ball. C., c.1415-1457, 96)

Batre, rouiller pour ce n'est pas scïence ; Tollir, ravir, piller, meurtrir a tort : De Dieu ne chault, trop de verité se tort Qui en telz faiz sa jeunesse demaine, Dont a la fin ses poins doloureux tort, Par offenser et prendre autruy demaine. (Villon, Poèmes variés R.H., c.1456-1463, 62)

B. -[D'une pers., d'une communauté] Qui est affecté par une souffrance morale, qui est plein de peine, malheureux.

Car il estoit si forsenez, Si dolereus, si mal menez, Li las, qu'il se desesperoit Et parmi le pourpris queroit Yaue, feu ou fosse parfonde, Pour finer sa vie en ce monde. (Mach., D. Lyon, 1342, 180)

La entray je moult dolereus. Mais li lieus fu si savoureus, Si biaus, si gens et si faitis, Que mes maus fu tous anientis... (Mach., D. Aler., a.1349, 385)

Et trop plus amoit sans doubtance Misericorde que venjance, Car elle estoit franche et piteuse Et dou mal d'autrui dolereuse. (Mach., Voir, 1364, 438)

...on avoit esperance d'avoir bonne paix en ce tres doloreux royaulme de France (Juv. Urs., Aud. celi, 1435, 145)

Allons le faire en present douloureux Et luy monstrer ung tour qu'il ne scet pas. (La Vigne, S.M., 1496, 353)

[Du coeur] Qui souffre.

...je vous prouveray moult clerement la verité de ces paroles, que Ceulz yci sont bieneureux Qui les cuers ont doloreux (Gers., Déf., 1400, 219)

Nommez en ung, se vous pouez, qui soit venus a ceste bieneureuse gloire sans avoir cuer doloreux, sans souffrir peine, angoisse et tribulacion (Gers., Déf., 1400, 220)

Douloureux de qqc. Qui souffre à cause de qqc., ici jaloux de qqc..

Qui saiges est en ces choses se mire, Et ne soit ja d'autrui bien dolereus, Dont ame et corps et renommée empire : Maudis de Dieu soit tous cuers envieus ! (Desch., Oeuvres Q., t.1, c.1370-1407, 78)

Emploi substantival. Personne qui souffre.

Mais cils amis Qui folement s'est d'amer entremis Sans mon conseil, et se s'i est si mis, Li dolereus, qu'il en est tous remis, Les maus d'amer Sont en son cuer qui li sont trop amer (Mach., J. R. Beh., c.1340, 122)

...les dolereus Qui sont pleins de maulz amoureus (Mach., Voir, 1364, 296)

Aveugle Fortune, dure, sure et amere, bien m'as mis du hault siege de ta roe ou plus bas et ou plus boueux et ort lieu de ta maison ou Jupiter abeure les laz, chetifs, doulereux et maleureux. Tu soies de Dieu maudite. (Arras, c.1392-1393, 243)

...toute ma vie je serviray aux malades et douloureux. (Colart Mans., Dial. créat. R., 1482, 231)

Monsieur, vella le douloureux (La Vigne, S.M., 1496, 460)