DISSIMULATION

substantif féminin

[T-L : dissimulacïon ; GDC : dissimulacion ; AND : dissimulacion ; FEW (III, 99a) : dissimulare ; TLF (VII, 308a) : dissimulation]

A. -Fait de dissimuler, de cacher, conduite de celui qui dissimule, feinte, apparence trompeuse.

Car leur dissimulacion et leur cautele est legierement apparceüe. (Oresme, E.A.C., c.1370, 269)

Ainsy me sembloit parler Orgueil, quant je apparceu en tournant les yeulz de la pensee vers Male Voulenté que elle se muoyt en maintes guises, especialment en IIII qui sont ou lieu ou je presche. Et premierement elle print ung habit qui se nommoit dissimulacion : il me estoit avis que ce estoit familiere prodicion ou trayson. (Gers., Noël, p.1404, 305)

Verité a la foys par le moyen de Conscience denoncoit a Male Voulenté cachee soubz dissimulacion, que elle failloit, que elle se parjuroit, que elle decevoit son seigneur et son peuple a escient, et dechassoit bonne paix. (Gers., Noël, p.1404, 305)

...et vouloient, si comme on disoit, noter ou chargier sans cause les gens de la justice de negligence ou de corruption, d'ignorance ou de dissimulacion. (Fauq., I, 1417-1420, 150)

Ne sces tu pas que dissimulation a de si long temps occupé les portes et les entrees des cours des princes, que verité qui tant a hurté a l'uys et se fait ouir dehors par publiques oeuvres, ne peult dedens avoir entree ? (Chart., L. Esp., c.1429-1430, 7)

...gardés que (...) Sedicion, Division, Dissimulacion et Flaterie ne se mette entre vous (Juv. Urs., Aud. celi, 1435, 235)

Dont par ainssy la mensonge du malicieux duc, enveloppé de dissimulacion de begninolleucence, deceupt deux peupples (La Sale, Salade, c.1442-1444, 36)

Au surplus reste de reciter la loyaulté et grant couraige des gens de guerre ; car ilz sont loyaulx et vont le plain chemin sans decevoir l'un l'autre et communéement n'ont point leurs penséez à dissimullations, frauldes et cavillations (Bueil, I, 1461-1466, 54)

Je me trouvay present à l'assemblée qui se feïst à Pequigny entre nostre roy et le roy d'Angleterre Edouard, et en parleray plus au long où il servira. Il se tint peu de choses qui y furent promises. Ilz besongnèrent en dissimulation. Vray est qu'ilz n'eurent plus de guerre : aussi la mer estoit entre deux ; mais parfaicte amytié n'y eut-il jamais. (Comm., I, 1489-1491, 141)

Quant ceulx qui estoient contre luy veïrent sa dissimulation et qu'il n'estoit fort, executèrent leur entreprinse et meïsdrent ceulx du roy dedans. (Comm., I, 1489-1491, 178)

Sans dissimulation

[Les Gantois souhaitent] ...que li contes lors sires vosist retourner avoecques euls, et estre bons et loiaus Flamens sans nulle dissimulation (Froiss., Chron. D., p.1400, 365)

Et fu la aresté et ordonné avoecques toutes ces devises que casquns sires selonch sa poissance, venroient et seroient, dedens le jour de la Magdelainne ou la environ, avoecques le roi d'Engleterre devant Tournai, et le tenroient le siege tant que ordenance dou tenir se porteroit, sans fraude, mal enghien ne dissimulation. (Froiss., Chron. D., p.1400, 415)

...et defenderons l'onneur l'un de l'autre, tant en couvert comme en appert, sans faintise ou dissimulacion quelzconques (Fauq., II, 1421-1430, 95)

Certes lame raisonnable ne peult auoir plus conuenable moyen a soy humilier que par se congnoistre en verite et sans fiction, dissimulacion ou excusacion. (Cib., p.1451, 197)

Par dissimulation. En dissimulant, en cachant.

Et ont esté es ditz pays faiz et commis, se font encores et commettent chascun jour plusieurs autres grans maulx, abuz, crimes et delitz, en diverses manieres qui seroyent en voye, se l'on les tolleroit et passoit par dissimulation, de tourner à très grant inconvenient et scandale pour toute la chose publique de nostre royaume. (Le Clerc, Interp. Roye, c.1502, 226)

Sous dissimulation. En dissimulant, en cachant.

...le roy Anthiocus (...) faigny le pelerinage d'aler au temple pour le desrober, qui est leur maniere communement de couvrir leur faiz soubz dissimulacion et faindre que leur motif soit à cause de bien. (Chr. Piz., Paix W., 1412-1413, 122)

...toutes les choses devant dictes sont faictes contre ladicte paix faicte à Auxoirre et contre la cédulle derrainement faicte à Pontoise pour le bon entretenement, et (...) nous sont tant importables que nullement ne le povons porter ne souffrir soubz dissimulacion (Doc. 1414. In : MONSTRELET, Chron. D.-A., t.6 c.1444-1453, 142-143)

Envye à proprement parler est la droitte nourrisse de hayne, et n'est autre chose fors ire endormye soubz dissimulacion. (Bueil, I, 1461-1466, 124)

Passer qqc. sous dissimulation. Passer qqc. sous silence.

Remarque : Doc. 1391. In : M. Bubenicek, Entre rébellion et obéissance, 2013, 596 (...et est chose de tres mauvais exemple et ne le vouldrions ne pourrions par aucune maniere passer soubz dissimulacion).

B. -En particulier. Déguisement.

Remarque : Guill. Orange T.H.G., p.1450, gloss.

C. -Par extension.

1.[Avec une idée (moins négative) de discrétion]

a)Manoeuvre discrète.

...li dis contes veoit bien que en l'ostel dou roi et en sa cambre messires Hues li Espensiers avoit ja acquis tant d'amis par ses dons et presens, lesquels il avoit donnés et la envoiiés et envoioit encores tous les jours, que toute dissimulation estoit en place et portoient trop fort partie a l'encontre de la roine d'Engleterre. (Froiss., Chron. D., p.1400, 56)

Par dissimulation(s). Discrètement.

...puisque coustume est ainsi approuvee par tout le monde sur le fait de ces bataillez [sur l'acceptation tacite du duel judiciaire] lez princes me lesseroient mie revoquer leurs sentences. Pour ce vault mieux a mon semblant de lez lessier passer par dissimulacions [var. par dissimulacion] (Bouvet, Arbre bat. R.-B., c.1386-1389, 535)

b)Ruse discrète.

Ainsi la sage dame usera de ceste discrete dissimulacion et prudent cautele, laquelle chose ne croye nul que ce soit vice, mais grant vertu quant faicte est a cause de bien et de paix et sans a nul nuire, pour eschiver greigneur inconvenient. (Chr. Piz., Trois vertus W.H., c.1405, 64)

2.Manoeuvre dilatoire.

En toutes ces années et autres subsequentes des differens qui ont duré environ vingt années ou plus, les unes en guerres, les autres en trefves et dissimulations, que chascun des princes comprenoit par la trefve ses alliéz, a fait Dieu ce bien au royaulme de France (Comm., I, 1489-1491, 100)

Faire une dissimulation. Entreprendre une manoeuvre dilatoire.

Li dus de Braibant se vei pris en parole ; et convenoit que il respondesist, ne plus ne pooit requler ne faire nulle disimulation (Froiss., Chron. D., p.1400, 318)

Sans dissimulation. Sans différer.

Premier fault conclusion faire Et sans dissimulacions Sus voz deliberacions (Myst. st Vincent L., c.1471-1476, 353 )