FICTION

substantif féminin

[T-L : ficcïon ; GDC : fiction ; DEAF, F 361) : fictïon ; FEW (III, 495a) : fictio ; TLF (VIII, 837a) : fiction]

A. -Action de façonner, de créer, d'inventer et p. méton., oeuvre littéraire.

1.Forme donnée à un objet lors de sa fabrication, façon.

Et par dessoubz en fiction requise Une grant fierte de couverture exquise Bien reparee avec les ordinaires Cerymonyes (La Vigne, V.N., p.1495, 192)

2.Création littéraire ; narration, histoire imaginée, inventée .

De che dist Ysidore ou livre des Sentences : 'On deffend aux christiens lire les fictions des poetes pour che que, par les delectations de leurs fables, ilz esmeuvent trop les corages ou pensees aux ardeurs de luxure.' (Daudin, De la erudition H., c.1360-1380, 41)

Monsigneur le duc de Bar et pluiseurs autres signeurs ont esté en maison ; si y avoit tant d'alans et venans, et me couchoie si tart et levoie si matin, que je ne l'ay peu amender ; ne de jour n'y pooie entendre ne a vostre livre aussi se po non, dont moult me poise ; le quel je vous envoie par ce message, ce qui en est fait. Si vous pri (...) que vous le veuilliés bien garder et vous le me veuilliés renvoier quant vous l'arés leu, par quoi je le puisse parfaire ; car je seroie trop coureciés se tel paine et si grant come je l'i ai mise et entend a mettre estoit perdue ; car ores vient le fort, et les beles et subtives fictions dont je le pense a parfaire, par quoi vous et li autre le voiés volentiers et qu'il en soit bon memoire a tous jours mais. (Mach., Voir, 1364, 566)

...si est assavoir que comme en general le nom de poesie soit pris pour fiction quelconques, c'est-à-dire pour toute narracion ou introduction apparaument signifiant un senz, et occultement en segnefie un aultre ou plusieurs, combien que plus proprement dire celle soit poesie, dont la fin est verité, et le procès doctrine revestue en paroles d'ornemens delictables et par propres couleurs, lesquelz revestemens soient d'estranges guises au propos dont on veult, et les couleurs selon propres figures. (Chr. Piz., Faits meurs Ch. V, S., II, 1404, 176)

Au sens moral de ceste fiction, Par Zephirus prens l'espoux pardurable, Qui desirant nostre salvation Voult esposer la fleurette notable, Par qui j'entens nostre ame raisonnable (Robertet, Oeuvres Z., c.1450-1500, 101)

Fable.

...je vous reciteray une petite ficcion que j'ay trouvee en escript parlant des bestes, entre lesquelles eut moult grant division et debat, specialment entre celles qui mengoient chair et herbe. (Juv. Urs., Loquar, 1440, 346)

Et n'ay mis ladicte ficcion, que j'ay trouvee ailleurs recitee, si non pour vous esveiller et monstrer la destruccion de vostre seignorie, et que vous ne croyés nulz regnars comme mauvaiz raporteurs, flateurs, vaneux (Juv. Urs., Loquar, 1440, 352)

Représentation dramatique.

Et s'on fait quelque fiction Le jour du Sacrement, l'un d'eux Jouera l'annonciation, Pource qu'ilz ont si beaux cheveulx ! (Coquill., Oeuvres F., 1478-p.1494, 338)

Par fiction. Par le moyen d'une création littéraire, à travers une histoire inventée.

Mais, je diray, par ficcion Le fait de la mutacion Comment de femme devins homme (Chr. Piz., M.F., I, 1400-1403, 12)

Copie, portrait.

...mirent le corps de luy [du roy] sur un chariot que quatre chevaux blancs menoient ; et la fiction de son image firent faire, de cuir boully, vestue réallement et peinte au vif, couronne d'or en teste (Chastell., Chron. K., t.1, c.1456-1471, 332)

3.Invention, imagination.

Et peut estre verité et ficcion en paroles et en operacions. (Oresme, E.A., c.1370, 267)

Et ce samble un dit du tout desraisonnable et samblable a une fiction. (Oresme, C.M., c.1377, 428)

Et ce samble un dit du tout desraisonnable et samblable a une fiction. (Oresme, C.M., c.1377, 428)

Par fiction. Par invention fabuleuse.

Et pour ce que il ot forme d'omme et nature de thorel, en ce que il fu fort et de grant asprete et si mauvais que tout le pays exilloit, distrent les poetes par ficcion que il fu moitie homme, moitie thorel. (Chr. Piz., Ep. Othea L., c.1400-1401, 216)

O ! tu, Pan qui par fictïon Es composés d'umble matere, Et qui par mervilleux mistere As cornes aux rais ressamblans Du soleil... (Pastor. B., c.1422-1425, 155)

Et incontinent icelle sa maistresse demanda à Perrine Gardate, sa niepce, par fixion et pour recouvrer la clef d'icelle estable que icellui franc archer avoit ainsi prinse, s'elle avoit mis ou toit les oisons, qui lui respondit que non. (Doc. Poitou G., t.12, 1479, 291)

Sans fiction. Sans rien inventer.

...cestui orpheus aussi a parler proprement sanz nulle ficcion si que bouece recite en sa musique estoit trestant bon cythariste (Chr. Piz., Avision T., 1405, 120)

Faire fiction

Mais encore ne peust l'en dire que chose pesante soit composee de parties integrales qui ne sont pesantes, car il convendroit que ceulz qui ce dient, se il ne vouloient faire fiction, determinassent quans poins font pesanteur et quans non. (Oresme, C.M., c.1377, 594)

Fiction poétique

Mes ce est aussi comme une fiction poëtique ou comme une ymagination mathematique. (Oresme, Pol. Arist. M., c.1372-1374, 294)

Mais, pour mieulx dire, il fault respondre que telz grandz mistères ne viennent point de Fortune et que Fortune n'est riens, fors seullement une fiction poetique et qu'il failloit que Dieu l'eust habondonné, à considerer toutes ces choses devant dictes et assez d'autres que je n'ay point recitées. (Comm., II, 1489-1491, 86)

Mettre qqc. en fiction. Considérer qqc. comme une invention, tenir qqc. pour fictif.

Vous advés desolacïon De l'actïon Qu'advés faicte injustement. Il gist bien, car m'oppinïon En fictïon Advés mis a desprisement. (Pass. Auv., 1477, 277)

B. -[Avec une valeur négative]

1.Tromperie, mensonge, dissimulation.

Dieu, qui toi bien appercevra, La foleur pour sens recevra Que tu feras par ficcion (Mir. parr., 1356, 9)

...conment pourray Congnoissance avoir de trouver Ce saint corps qui fol approuver Se fait par ficcion prouvée... ? (Mir. parr., 1356, 45)

Ficcion est quant l'en veult faire apparoir fausseté comme se ce fust verité. (Oresme, E.A.C., c.1370, 267)

Mais se il [aucun des deux amis] est ainsi deceü par la simulacion et par la ficcion de l'autre, adonques est ce chose juste que il accuse celui qui l'a deceü. (Oresme, E.A., c.1370, 462)

...ainssi ilz feront saint Françoys menteur, par consequant il pecha mo[r]telment, [o]uquel pechié il demora juques a la mort, car tousjours il afferma que ce luy estoit revelé de Nostre Seigneur. Et, par consequant, ilz ne sont mie fondés sur ferme fondement, mez sur fiction seulement. (Songe verg. S., t.2, 1378, 242)

Au temple, a grant processïon, Le menerent, par ficcïon, Puis firent semblant de partir Les Grieux (Chr. Piz., M.F., III, 1400-1403, 158)

Aussi Bonne Foy, par raison, Se plaint fort en ceste saison, Considérant les fictions Et doubles simulations, Et défault de franche pité Et de pure et seure amité Semez clèrement par le Monde, Où grant masse de mal abonde. (La Haye, P. peste, 1426, 170)

Pour quoy je, chroniqueur dessus nommé, désirant escryre le vray, m'en suis bien duement informé, pour la fiction descouvrir, et sçavoir la vérité et conduite du cas. (Chart. J., Chron. Ch. VII, V., t.2, c.1437-1464, 182)

LE PRINCIPAL. Et que vient il icy querir, Veult il present troubler ma court ? Despoille toy et le fais court. Il gist en mon oppinion Qu'il y a quelque fiction Va le despouiller vistement. LE COCQUIN. Je n'ay pas grant habillement Ne guieres vestu sur le dos... (Sots gard., a.1488, 103)

Feinte, ruse, hypocrisie.

...les belles paroles et grandes excusations dont il faisoit user à ses ambassadeurs, n'estoient fors que couvertures et fictions sans effet pour donner abus. (Chastell., Chron. K., t.3, c.1456-1471, 312)

...elle (...) portoit journellement la haire sur sa chair nue, jeunoit en pain et en eau mainte journée par fiction couverte (Chastell., Chron. K., t.4, c.1456-1471, 218)

Par fiction

...en celui temps, le dit roy de Navarre, qui avoit esté pris (...) par messire Olivier de Mauny, fu delivré, et il bailla par ficcion son fil en ostaige et trois chevaliers. (Chron. Jean II Ch. V, D., t.2, c.1375, 31)

...le seigneur de Lannoy, luy, par fiction, de quatre jours devant s'estoit feint estre malade des dents et portoit le visage bandé (Chastell., Chron. K., t.5, c.1456-1471, 178)

Prétexte.

Par fiction de + inf. Sous prétexte de.

...par fiction de les veoir et festoier, de eulz meismes sceurent francement leur emprinse (La Sale, J.S. E., 1456, 285)

Faire une fiction de + inf. Faire semblant de.

...et fist on une fiction de le rendre a son ordinaire, mais tousjours on le detenoit et a l'en detenu jusques ad ce que on fust asseuré de la finance que on luy demandoit, et le fist on renoncer a son office, et a la fin on le delivra, et assez tost aprez ala de vie a trespassement. (Juv. Urs., Nescio, 1445, 486)

2.Sans fiction

Réellement, effectivement.

...et doit estre (...), que par sa reginale devocion, sans fiction, les pauvres du royaume soient sustenuz et relievez (Mézières, Songe vieil pèl. C., t.2, c.1386-1389, 349)

Pour lequel [électuaire] composer et faire Pren de fait, en prest ou [en] don, La pouldre de dyarodon, Qui de l'abre, sans fiction, Prent sa dénomination (La Haye, P. peste, 1426, 157)

Messager, sçay tu nullement La cause pour [quoy] il nous mande ? C'est raison que ce qu'il commande Soit adcomply sans fiction. (Pac. Job M., c.1448-1478, 243)

L'EMPEREUR. Chevaliers, sans longue distance, Ostez ce larron traïteur De l'estule, par grant fureur, Et le rebaillez au tribun, Nostre juge, qui le commun A de tout en gouvernement, Pour le remener seurement, Comm'il estoit, en la prison, Bien enferré sans ficcion (Myst. st Adr. P., c.1450-1485, 129)

DIEU [à Gabriel] (...) Vous en irés sans finction A Joseph, espoux de Marie, Lequel a grant suspicion Du faict de la vierge anoblye (Myst. Pass. Troyes B., a.1482, 181)

Sincèrement, sans hypocrisie.

Ayez aussi continuellement vostre regard sur vostre livre ou au visaige de l'imaige, sans regarder homme ne femme, peinture ne autre chose, et sans pepelardie ou fiction. (Ménagier Paris B.F., c.1392-1394, 11)

...criez a Dieu mercy et misericorde sans fiction ou simulacion aucune, et vous gardés d'ores en avant de pechiez, et vueillez chascun endroit soy aidier a recouvrer ce povre royaulme. (Juv. Urs., T. rever., 1433, 64)

Chescum dyra sa volanté ; Sains fiction dicte vous sors. (Myst. st Bern. Menth. L., c.1450, 109)

Certes lame [l. l'ame] raisonnable ne peult auoir plus conuenable moyen a soy humilier que par se congnoistre en verite [l. verité] et sans fiction, dissimulacion ou excusacion. (Cib., p.1451, 197)

Car qui eyme sans fiction, C'il est de tel condicion Qu'il ne saiche lire n'escrire, Lors nuyt et jour yl ne desire Que ceullement de le savoir (Lord. Tart Ab. L., a.1465, 166)

Vostre haulte extimacion, Sans opcion, De toute vertus decoree, Vault bien avoir fruiction, Sans fiction, De telle gloire veneree. (Myst. Pass. Troyes B., a.1482, 16)

Affin qu'il ayent bon corage De toy amer sans fiction (Oudin, St Genis M.S., c.1490, 54)

Hellas, en grant devocion, En parfaicte operacion, Sans fiction, Sur tous je vous doibs bien servir (La Vigne, S.M., 1496, 391)

En toute vérité.

...si di sanz ficcion Que mil ans ains que la vierge fu née Amours l'avoit arche predestinée... (Mir. nat. N.S.J.C., c.1343, 244)

Il [Dieu] en scet la verité toute Sanz ficcion. (Mir. Theod., 1357, 83)

Sans réticence, sans retenue.

Le duc Regnier passa oultre, et le premier qu'il rancontre ce fut le roy Sortibrant et luy donne moult grant coup sans fiction sur son escu. (Bagnyon, Hist. Charlem. K., c.1465-1470, 165)

SECUNDUS PASTOR. (...) Et chantons a haulte alaine Une chansonette jolye, Avant, Robin, ne te foing mye ! Pour l'amour de ce nouveau Roy Qui est venu(s) conner la loy Pour la nostre redemptïon. TERTIUS PASTOR. Je chanteray sans fiction. (Bosco, Jeu Neuch. M., c.1481-1503, 87)