DISCERNER

verbe

[T-L : discerner ; GDC : discerner ; AND : discerner ; FEW (III, 91b) : discernere ; TLF (VII, 255b) : discerner]

Emploi transitif.

A. -Au propre. Séparer.

Discerniculum (...) : brochete ou graviere a discerner, devisier les cheveulz (Aalma R., c.1380, 107)

B. -Distinguer, reconnaître (ce qui a tendance à se confondre avec autre chose).

Bien doit la gueule deviser Et ce c'on dit bien discerner Tout juge qui en veut jugier (Guill. Digull., Pèler. vie hum. S., c.1330-1331, 35)

...et charité, vous qui estes hommes, par raison dicernez. (Mir. Barl. Josaph., c.1363, 247)

Tant come la chose sensible ou entendible, c'est a dire qui puet estre entendue, est tele comme il appartient et bien conveniente et que le sens ou entendement est bien disposé et discerne, cognoist et considere tele chose, tant longuement est et dure delectacion en l'operacion. (Oresme, E.A., c.1370, 508)

...ire empesche le corage afin qu'il ne puist discerner en chose raisonnable ou veritable (Jean Golein, Rational B.D., c.1370-1372, 591)

Encores, Beau Filz, ton confesseur doit estre saige, meur et discret, bien fonde en la science de theologie et es loix divines et morales, pour savoir discerner et determiner des grans cas qui peuent entravenir a ta personne royalle. (Mézières, Songe vieil pèl. C., t.2, c.1386-1389, 271)

...ung chevalier doit estre vaillant, sage et advisé, et se savoir bien garder, doit discerner ce qui luy est expedient (Juv. Urs., Verba, 1452, 246)

Discerner qqc. de/d'avec qqc. (une chose d'une autre). Distinguer, séparer.

...non obstant le bouillon de si jeune aage (...), fu enluminé de clere cognoiscence, qui vraiement lui discerna le cler du trouble, le bel du lait, le bien du mal (Chr. Piz., Faits meurs Ch. V, S., I, 1404, 20)

Cellui qui est dit de Grace est en l'ame de creature humaine, et cestui est l'entendement qui donne, si comme dit Aristote, ymaginer et comprendre les choses qui sont ou pevent estre et congnoissance d'entendre et concevoir celles que on a veues, oyes et congneues, et discerner les unes des autres en eslisant les unes pour bonnes et deboutant les autres comme mauvaises. (Chr. Piz., P.V.H., 1416-1418, 34)

Mais les derniers [articles] s'enclinent sans plus a la perfection de nostre vie humaine par infusion du saint Esperit et des dons de grace et par l'adrecement de noz oeuvres a salut et a gloire, en la puissance et par les merites de l'Eglise fondee sur la foy des saintz apostres, des lors que a saint Pierre furent bailliez les deulx clefz : l'une de discretion pour discerner les indignes d'avec les dignes, l'autre juridition espirituelle pour absouldre et lier par vicariat divin excercé en terre et approuvé es cieulx. (Chart., L. Esp., c.1429-1430, 28)

Force l'esvertua [David] a resister perseveraument aux tentations humaines et attendre constamment les consolations divines. Entendement l'esclarcy a discerner lez biens corruptibles des dons pardurables. (Chart., L. Esp., c.1429-1430, 96)

Les trois premieres nocions sont dictes personnelles, pour ce qu'elles sont les personnes de la trinité et proprement les distinguent et discernent l'une de l'aultre. (Somme abr., c.1477-1481, 150)

...il composa aussi aucuns traictés sur astrologie et, entre autres, en fist ung qu'il appella son Speculle, ouquel il divisa et discerna les ars liberaulx des prohibez (Simon De Phares, Astrol., c.1494-1498, f° 125 v°)

...Le grant bien du mal discerner (La Vigne, S.M., 1496, 205)

Discerner entre deux choses

...ainssi soubz le nom de logique il comprend trois sciences par lesquelez on aprend a parler, asscavoir gramaire, rethorique et dyalethique qui enseigne a discerner entre le vray et le faulx. (Daudin, De la erudition H., c.1360-1380, 77)

...et savoir discerner entre mal et bien (Jean Golein, Rational B.D., c.1370-1372, 653)

...il ne scavoit discerner entre la clarté de dilection et le broullas de charnele delectation. (Daudin, De la erudition H., c.1360-1380, 271)

COMMENT L'EN POURRA DISCERNER ENTRE VRAY AMI ET AMI FORTUNEL (Desch., M.M., c.1385-1403, 4)

...et qu'il sache discerner entre l'un pechié et l'autre pour remede donner. (Ménagier Paris B.F., c.1392-1394, 17)

Discerner + interr. indir.

Et par ce il discernera et jugera droiturierement quelle chose est bien et la desirera selon verité (Oresme, E.A., c.1370, 201)

Et te prie de bien discerner quieulx sont les dons que tu as prins (Crap., Cur Deus, De arrha B.H., c.1450-1460, 267)

Emploi absolu. Percevoir, observer distinctement.

Mais il samble, a bien discerner, Que tu la vueilles gouverner Et que tu la vueilles contreindre, Si qu'estable doie remeindre, Ou autrement tu t'en pleindras. (Mach., R. Fort., c.1341, 98)

...en l'ame sont diverses vertus, c'est a scavoir la puissance intellective, par laquelle elle entent, la puissance raisonnable, par laquelle elle raisonne et juge et discerne, la puissance volentive, par laquelle elle veult ou non veult, la puissance sensitive, par laquelle elle sent, et ainsi des aultres. (Somme abr., c.1477-1481, 147)

Appréhender qqc., juger de qqc. (d'une chose parmi d'autres).

La declaration entendras par ceste proposition : qui veult discerner les estatz des creatures par le Createur, il commence trop hault, et ne peult a son commencement fournir, ne jucquez a fin achever. (Chart., L. Esp., c.1429-1430, 38)

C. -Isoler telle ou telle chose (de telle ou telle manière, à telle ou telle fin, avec tel ou tel attribut...).

Discerner les choses de telle ou telle manière. Isoler une à une les choses de telle ou telle manière.

Dieu tout puissant, par son divin gouverne, Tous ses haults faictz tant saigement discerne Qu'on n'y peult rien adjouster ne hors mectre (Meschin., Lun. princes M.-G., c.1461-1465, 27)

Discerner de qqc. Isoler une chose parmi d'autres pour en juger, juger de qqc..

Tu scés qui est expedient donner a ung chascun et pour quoy l'un en a plus et l'autre mains, et ce n'est point a nous d'en discerner mais a toy (Internele consol. P., 1447, 136)

Discerner qqc. sur qqn. Isoler qqc. pour le pointer sur qqn.

Car voz conseilz sont sans liberté et sans ordre, vos oppinions par affection, voz conclusions sans arrest, et voz ordonnances sans exploit. A vous en advient ce que Dieu discerna par la voix de Ysaïe sur yceulx qui chastier ne se voulloient, par telz termes : 'Mandés et remandés, attendés et ratendés, maintenant de ça, maintenant de la...' (Chart., L. Esp., c.1429-1430, 81)

Discerner qqn/qqc. + attr. Pointer qqn pour, le déclarer tel ou tel.

[Le saint pere] Ceste chose, beau sire, a vous [le marquis] Ottroions pour les biens qu'a nous Et noz predecesseurs a faiz, Et discernons des ore mais Tous ceulx pour excommenïez Et, se mestier est, aggregiez, Qui le traiteront au contraire. Congié lui donnons de contraire Nouvel marïage et plus hault. (Gris., 1395, 73)

...que le saint sène ou saint concile général voulsist déclairer et discerner l'union et communion faicte des deux collèges des cardinaulx de saincte Église Rommaine avoir esté et estre légitime et canonique (Monstrelet, Chron. D.-A., t.2, c.1425-1440, 14)