CUIRE

verbe

[T-L : cuire ; GD : cuire, cuisant ; GDC : cuire, cuisant ; AND : cuire1 ; DECT : cuire ; FEW (II-2, 1162b) : coquere ; TLF (VI, 582b) : cuire, cuisant]

I. -Au propre. Transformer par l'action de la chaleur.

A. -[Domaine de l'alimentation] Rendre propre à l'alimentation par l'action de la chaleur (en bouillant, en rôtissant...).

1.[Le sujet désigne celui qui cuit]

Tantdis pourra pour souper cuire Nostre viande. (Mir. Theod., 1357, 85)

Et quant l'instruction fu faite, Li roys, qui ne pense ne gaite Fors à ses annemis destruire, Fist beccuit et vitaille cuire ; S'en fist leur galée garnir Largement jusqu'au revenir. (Mach., P. Alex., p.1369, 128)

...plusieurs de ses biens, c'est assavoir du lart qui avoit cousté IIJ sols, demie douzaine de grant pain, plain un grand pot de pois à cuire (Reg. crim. Chât., II, 1389-1392, 526)

Et valent les chars devant dictes Mieulx en rost qu'en eaue cuites, Pour la sécheur non pourrissant Qu'ilz acquièrent en rostissant ; Et, se nul convoite ou desire, Char de mouton en eaue cuire, Il la doit saler paravant, Un jour au mains, s'il est savant. Maiz toute char en eaue cuite En ce temps doit estre confite D'espices aromatizans (La Haye, P. peste, 1426, 90)

Lesqueles herbes, à vray dire, Doit on appareillier et cuire O bonne char soigneusement, Et en user petitement Pour leur substance aquatique, Qui engendre sang flegmatique (La Haye, P. peste, 1426, 94)

...Des viandes paravant cuites (La Haye, P. peste, 1426, 105)

...appella sa chambriere, et luy dist qu'elle prinst les deux meilleurs chapons (...) et puis qu'elle allast a la boucherie querir le meilleur morseau de beuf qu'elle pourroit trouver, et si cuisist tout a une bonne eaue (C.n.n., c.1456-1467, 368)

Au cappitaine Jehan Riou, Tant pour lui que pour ses archiers, Je donne six hures de lou, Qui n'est pas vïande a porchiers, Prins a groz matins de bouchiers Et cuictes en vin de buffet ; Pour manger de ces morceaulx chiers, On en feroit bien ung mauffait. (Villon, Test. R.H., 1461-1462, 95)

...mengier d'une pomme cuite (Ev. Quen., I, c.1466-1474, 85)

SOTIE. Le pot n'est pas cuit quand il boust, Des fais de Chacun me deporte. (Sots triumph., c.1475, 38)

...comme dit saint Jerosme en son second livre, qui dit que non seullement de chair cuite se abstenoit, mais aussi de toutes choses, c'est assavoir qu'il ne mengeoit riens cuit. (Simon De Phares, Astrol., c.1494-1498, f° 50 v°)

Pour vostre appetit actraper, Les vïandes sont ordonnees Bien cuyctes, bien assaisonnees (La Vigne, S.M., 1496, 202)

Remarque : Forme du verbe cuire ds l'ex. suiv. (?)

...ilh ardirent tous les arbres de là altour pour keurs leurs vitalhes (Stavelot, Chron. B., a.1447, 251)

[Le pain]

Item, toutes manières de thalemeliers, fourniers et pasticiers qui ont acoustumé cuire pain a bourgeois et a autres gens quelzconques, seront tenuz de... (Mét. corp. Paris L., t.1, 1351, 6)

...si comme du pain, l'en ne fait pas conseil a savoir se il est bien a point cuit ou bien fait. (Oresme, E.A., c.1370, 192)

...farines et pains quis (Froiss., Chron. R., X, c.1375-1400, 203)

...que, sur peine de la hart, touz les boulengiers, qui avoient acoustumé de cuire pain, feissent autant de pain et ainsi qu'il avoit esté dit et ordonné par lesdictes ordonnances (Fauq., I, 1417-1420, 354)

...chascun pain doit peser XXXXIIJ onces cuyt (Fauq., III, 1431-1435, 51)

SOCTE MYNE. Ung pain pesant et si mal cuict. (Sots, c.1480-1500, 271)

Les Bourguignons sont logés à Blangy et au dessus, et font cuyre beaucop de bescuit ; ne say pourquoy c'est faire. (Le Clerc, Interp. Roye, c.1502, 314)

Emploi absolu.

Et, quant li fournier avoient quit, il convenoit garder leurs maissons à force de gens ; autrement li menus peuples, qui moroient de faim, eussent efforciet les lieus. (Froiss., Chron. R., X, c.1375-1400, 202)

[De la chair humaine, dans un contexte guerrier, imaginaire, de vengeance...]

Or voient ilz [les chrétiens] et scevent bien que encontre le grant peuple que nous avons ilz ne pevent avoir victoire et si font semblant que ilz ne nous resoingnent ne que se nous feussions aussi pou de gens comme ilz sont. Par Mahon, dist le soudant de Barbarie, se ilz estoient tous cuiz, et il feust acoustumé de mengier telle char, il n'en y a pas assez pour nous repaistre. Et par ma loy, s'il n'y avoit que moy et ma gent, si n'en repasseront il ja pié dela la mer. (Arras, c.1392-1393, 226)

...malement Prist li roys cruele vengence De ce que desobeïssence Lui ot faite de non occire Son nepveu, car li roys fist cuire Le propre enfent de cil prevost Et puis faire mengier lui vost Ceste viande (Chr. Piz., M.F., II, 1400-1403, 197)

Participe passé. [P. oppos. à cru]

...il but d'une pinte de vin, menga du pain et du fromaige cuit et cru (Reg. crim. Chât., I, 1389-1392, 561)

Et, s'il y prent des grains ou fruiz De sa grant mère, crus ou cuiz, Il ne fault pas en cest endroit, Car il use de son bon droit. (La Haye, P. peste, 1426, 38)

Participe passé en emploi substantival. Ni cru ni cuit. Rien.

Tout est perdu, tout est par eulx destruict, Rien ne demeure en chasteau në en ville, De tous les biens que nature produyt Ilz font a eulx tout subject et serville, Et ne scauroye ne de jour ne de nuyt Tant en tuer o ma faulx orde et ville, Qu'il demeure sur terre ne cru ne cuyt. (Cene dieux, c.1492, 109)

Cuire le verjus / le vin. Soumettre (le verjus, le vin) à l'action de la chaleur pour en augmenter la concentration.

L'en fait verjus sec par telle maniere. L'en prent grappes tres vers, et les pile l'en et espreint, et les met l'en en un vaissel d'airain rouge sur le feu, et le cuit l'en jusques a tant que il soit presque prins et coagulé, et puis si le met l'en sur un vaissel estandu au soleil, jusques a tant que il soit sec (Rustican H., 1373-1374, 97)

Vin cuit. Vin concentré sous l'action de la chaleur.

...vin doulz, et vin cuit et vin aigre (Rustican H., 1373-1374, 96)

...Vin cuit, vin grec, ou muscadet. (Folle Bob. P., c.1500, 259)

Remarque : Cf. A. Henry, Lang. oenologique II, s.v. cuit (chez O. de Serres, 'le vin cuit est fait avec des raisins séchés sur claies, le moût étant bouilli jusqu'à la consomption du tiers').

Participe présent en emploi substantival. Cuisant. Celui qui cuit (le pain, les pâtes...) au four banal.

...la moitié des cuisant qui cuisent a leur four en laditte ville (Trés. Reth. L., t.3, 1441, 196)

[P. plaisant., contexte grivois] Demander lieu de cuire

...les deux vindrent devers elle, comme ilz avoient de coustume, non sachans l'un de l'autre, demandans lieu de cuyre et leur tour d'audience. [Les deux hommes prennent rendez-vous auprès de la dame, comme il est d'usage de le faire pour faire cuire le pain au four] (C.n.n., c.1456-1467, 241)

2.[Le sujet désigne ce qui permet de cuire (sujet instrumental)]

...les chars ne sont pas cuites de l'eaue maiz de la chaleur du feu (Saint-gille, Comment. A.Y. L., 1362-1365, 254)

Que vault service sans amour ? Ne que vault terre sans signour Qui ne la vuet mie deffendre Quant il la voit piller ou prendre : Molins oiseus, fours qui ne cuit, Il ne valent guerres, ce cuit. (Mach., Voir, 1364, 480)

Le cuisant

Tous cheulx qui commettent adultere sont comme four ou fournaise alumee du cuisant (Daudin, De la erudition H., c.1360-1380, 391)

Four pain cuisant. Four à pain, four pour cuire le pain.

Jugement (...) que dit coment on puelt bien faire ung four pain cuxant en une maison sceant en rue ou il i ait dez autrez four, ne ne s'en puënt li voixin debaitre comme pour dire : que c'est peril pour lour maison et chose nouvelle, la quelle nouvelletei il a bien a deffaire. (Jug. maître-échev. Metz S.M.S., t.1, a.1494, [1346], 250)

Remarque : Cf. W. Runkewitz, Der Wortschatz der Grafschaft Rethel, 1937, 74 (doc. 1324).

3.[Le sujet désigne ce que l'on cuit]

...et mectés boullir. Et advisés le grein dessusdit qu'il ne cuye tropt (Chiquart, Cuis. S., 1420, 185)

...car elles [les perdrix] furent mises en broche et rosties. Le bon prestre estoit la plupart du temps qu'elles mirent a cuire tousjours present (C.n.n., c.1456-1467, 582)

Faire cuire qqc.

Layens ne demoura plus cheval a mengier : La char en font rostir et cuire ou brazier (Renaut Mont. B.N. V., c.1350-1400, 387)

Mettre cuire qqc.

...et mirent cuire du lart (Reg. crim. Chât., II, 1389-1392, 267)

...et soit [le grain] mis cuire bien et nectement en chaudieres grandes selon que on vouldra faire (Chiquart, Cuis. S., 1420, 137)

Participe présent en emploi adjectival. Cuisant. Qui cuit facilement.

Navaiz sont durs et mal cuisans jusques a ce qu'ilz aient esté au froit et a la gellee (Ménagier Paris B.F., c.1392-1394, 204)

B. -[Domaines techniques] Soumettre qqc. à l'action du feu (pour le rendre propre à tel ou tel usage).

[Du plâtre]

...aud. Guillaume Héliez pour avoir vacqué (...) a eslire les plastreaux et iceulx porter au lieu ou on cuit le plastre, avoir drecé l'aire des prisons et emplie de terre (Comptes Archev. Rouen J., 1438-1439, 196)

...baillé à ung homme pour trois jours d'avoir cuit et batu du plastre : V s. (Doc. 1478. In : Pierre et métal dans le bât. au Moy. Âge, 1985, 124)

[Des tuiles, de la poterie]

Item, nul des hommes dessusdiz ouvrans des mestiers qui ensuivent ne pevent fournier pain, pour brasser, forgier, caronner, fouller draps, cuire pos de terre (...), ne cuire tieulle, du boiz de ladicte forest, ou autres faisans mestier du boiz d'icelle forest, qui ne soit tenu païer par chacun an au roy chacun cinq solz venant en la main de l'aloueur au terme saint Michiel. (Hector De Chartres, Cout. R., 1398-1408, 100)

Entre lesquelz fours qui sont en icelle tieulerie en y a ung appelle le four du Pré Chevalier, ou quel ledit suppliant avoit acoustumé de cuire ses tieules, quant elles estoient prestes et disposées à cuire (Doc. Poitou G., t.9, 1448, 46)

Terre cuite. Voir terre

...murs de terre cuite (Droiz Cour. Fr. H., 1460, 474)

[Du minerai]

Et après visité les recuiz de mine qui estoient ès minez du martinet dudit lieu de Chissieu, et trouvé qu'il y avoit cinq recuiz de mine dont le premier a eu 38 feux, et me dist ledit Jacquemont, maistre fondeur, qu'il ne savoit s'il estoit en estat de fondre ou non pour ce que la mine est mauvaise et ne se puet fondre et que on l'a essayée, et qu'il luy semble qu'il ne la fault plus cuire et que le feu ne luy prouffiteroit de riens et la fauldroit lessier mistionner avec autre bonne et en ce point la fondre, et luy semble que par ce moyen elle pourroit prouffiter. (Aff. Jacques Coeur M., 1453-1457, 249)

C. -Participe passé en emploi adjectival. Transformé par l'action de la chaleur.

Son droit lés est dous, l'autre cuit ; Le droit porte fleur, fueille et fruit, L'autre est desert, brehaingne et vuit Des biens terriens (Mach., R. Fort., c.1341, 41)

...par quoy nul n'en ose aprouchier, tant y sont les pierres et la terre cuite par l'antiquité du temps et par la challeur du feu. (La Sale, Salade, c.1442-1444, 143)

II. -Par analogie.

A. -Brûler.

1.[Domaine médical ou vétérinaire] Cautériser, brûler au fer rouge.

Se li chevaux a pointure d'espine ou pié, cerciés la plaie et le pié et cuire le genoil (...). Se li chevaux a corbes (...), si le cuise d'un fer chaut (Chir. chevaux P., c.1325-1350, 373)

2.Cuire qqn (son corps, une partie de son corps). Brûler qqn (son corps, une partie de son corps).

Souventefaiz [les serjans de la maison] sans achaison De l'eaue chaulde le cuisoient Et sur la teste li getoient Les ordures de la cuisine (Tomb. Chartr. W., c.1337-1339, 96)

Car tuit Juïf furent destruit, Li uns pendus, li autres cuit, L'autre noié, l'autre ot copée La teste de hache ou d'espée. (Mach., J. R. Nav., 1349, 145)

...sainte Bautheuch (...) qui, pour la rebellion de ses deux enfans, leur fist cuire les jambes (Mir. ste Bauth., c.1376, 81)

...boutez Charbon et feu soubz ce rostier, Si qu'ainsi soit cuit tout entier Son corps et ars. (Mir. st Lor., 1380, 189)

A tout le poil cuisant ung deable Afin qu'il sentist bon l'arseure ['avec le poil que brûle le diable'] Ce recipe m'escript sans fable (Villon, Test. R.H., 1461-1462, 113)

[De la flamme]

Je sui jalous et acoupis, S'ai l'angoisseuse flame ou pis, Qui autant m'art et grieve et cuit Que tous li feus d'enfer, ce cuit. (Mach., Voir, 1364, 642)

3.Emploi pronominal. Se brûler.

...et la laysse ylec refroydir [un récipent de cuisson] jusques que il la puysse a son aise tenir sans se cuire. (Chiquart, Cuis. S., 1420, 189)

B. -[Du soleil] Faire mûrir.

Et puis quant les grappes seront meures aprés comme en aoust, l'en ostera la moittié des fueilles superflues, afin que le soleil puisse veoir les grappes et les cuire. (Rustican H., 1373-1374, 86)

C. -Digérer.

... [superfluitez] digerees et bien cuites (Saint-gille, Comment. A.Y. L., 1362-1365, 254)

Remarque : T-L II, 1134 ; A. Henry, Romania 107, 1986, 10, n.4.

D. -Détruire, mettre en pièces.

...il [un monstre] les occist de sa queue envenimee ou de sa main armee, les cuit et les devore a ses dens (LEFÈVRE (R.), Hist. Troyes A., c.1464, 371)

Remarque : GD II, 397a.

III. -Au figuré.

A. -[Idée de souffrance, de tourment, de nuisance] Cuire qqn. Cuire à qqn

1.Cuire qqn. Consumer, tourmenter, faire souffrir qqn.

...trop me va le cuer cuisant (Mir. emper. Romme, 1369, 291)

Dieux, que j' ay ennuit souffert Une male nuit et pesant De froidure et de temps cuisant ! (Mir. Berthe, c.1373, 191)

Car, sans repentir, jour et nuit Elle me nuit Et fait anuit, Et si me cuit Que, pour voir, cuit Qu'elle sans cause me destruit. (Mach., Lays, 1377, 295)

Sire, voz parlers trop nous cuysent, Que l'un de nous traistre sera. Serai ge cil qui ce fera ? Declairez le en plaine audïence. (Myst. Pass. Troyes B., a.1482, 656)

Vous avez bien fait du vaillant, Tout le temps passé, pour nous nuyre ! Puisque Mort vous va assaillant, Je vous feray voz grox motz cuyre ['je ferai vos gros mots vous tourmenter'] ! (La Vigne, S.M., 1496, 563)

Emploi absolu. Faire souffrir.

...quand virent qu'en cas d'honneur qui poignoit le sang du chancelier encoire surmonteroit le leur, a priemes leur commença a cuire leur playe ['à les faire souffrir'] , et le viel mal conceu ja longuement contre iceluy tourna tout maintenant en appostume, disant qu'a peines mort leur seroit aussi aggreable que le souffrir plus (Chastell., Chron. IV, D., c.1461-1472, 106)

Emploi intransitif. Souffrir.

Mais regarde de rechief ou te boute et empaint ce maudit orgueil, pour ce que il te fait accroire que tu passes les aultres en grandeur et auctorité. Il fait ton cuer cuire et desfrire, de paour que aultre te puisse attaindre et avenir en si hault estat que tu es (Chr. Piz., Trois vertus W.H., c.1405, 17)

...le coeur luy cuisoit amèrement (Chastell., Chron. K., t.4, c.1456-1471, 476)

2.Cuire à qqn

a)Tourmenter qqn, faire souffrir qqn.

Pitié m'en fait le cuer cuisant Et plain de lermes (Mir. st Lor., 1380, 155)

...ses affaires (...) luy cuysoient en coeur. (Chastell., Chron. K., t.2, c.1456-1471, 132)

...a chascun cuisoit [var. ennuyoit] l'attente (Chastell., Temple Boc. B., 1463-1464, 69)

[D'un événement tragique] En cuire à qqn. Représenter une vive souffrance morale pour qqn.

Si en cuisoit la mort durement et la maniere du faire au marissal et au seigneur de Rocefort (Chastell., Chron. IV, D., c.1461-1472, 109)

b)Entraîner des ennuis pour qqn, nuire à qqn.

Espoir nuysant Lui est dessus tout et cuisant (Chart., L. Dames, 1416, 261)

Ta hastiveté nous nuyra Et a toy et autres cuyra. (Myst. Résurr. Angers S., 1456, 130)

LA LAYCTIERE. Par le corps bieu, il te cuira Ce que tu as dit, savetier. (Sav. serg. D.L., c.1480-1490, 32)

Rommain, entens qu'on te dira. Ton grant couraige te cuira, Puis que tu es ainsi pervers. (Myst. st Laur. S.W., 1499, 240)

Proverbe.

Et aussi vient souvent contraire De parler, quant on se doit taire, Car on dit que trop parler cuit. (Mach., R. Fort., c.1341, 139)

Et si comme trop grater cuist Et tout ainsi trop parler nuist (La Buigne, Rom. deduis B., 1359-1377, 139)

Trop parler nuist, trop grater cuist. (Miélot, Prov. U., 1456, 199)

[P. allusion au prov.]

Fame nice mout a homme nuit. Qui vieut prendre de lui deduit Plus que tegnieus ['s'il était teigneux'] grater li cuit. (Propr. choses Rosarius Z.S., c.1330, 149)

3.Emploi pronominal. [D'une pers.] Se consumer, se tourmenter.

Mais trop me cuis, Car en un puis, Où j'ay d'anuis Plus de cent muis, M'estuet cheoir, quant tu t'en fuis. (Mach., Lays, 1377, 422)

B. -Cuire qqc. Réfléchir longuement à qqc..

Ce mesmes roy saint Judichial cuisoit par dedens son cuer toutes ces choses cy et deliberoit que d'ores en avant il ne apostatiseroit plus de son propre sauvement, c'est a dire qu'il ne commenceroit plus a bien faire puis le laissier pour faire mal (Miélot, Vie st Josse J., c.1449, 14)

C. -Participe présent en emploi adjectival. Cuisant

1.[D'une chose]

a)Douloureux, qui fait souffrir.

Mais il het (...) L'orgueilleuse vie du monde Et vit en conscience monde De povre vie aspre et cuisant (Mir. parr., 1356, 44)

Et telz mauvais ont de leurs fais passés desplaisances dures et grandes et cuisanz. (Oresme, E.A.C., c.1370, 468)

Et pleust ore ore(s) a Dieu que goute Ne veissent jusqu'à dix ans, Ou qu'eussent telle goute, Qui au cuer leur fust cuisans (Chr. Piz., Cent ball. amant dame C., c.1409-1410, 114)

Dont se peut ensuivre clerement que, se le plus saige prince que oncques Dieu meist sur terre estoit environné de pesans affaires et de cuisans poinctures, qui pour relever ceste seigneurie opprimee sourviennent en chascun jour, dur lui seroit a y pourveoir au bien de la chose et aux divers appetiz des hommes. (Chart., Q. inv., 1422, 47)

...la pointure des cuisans affaires contraignent a refraindre ce que la planté des biens et l'oiseux esloingnement de grans cures avoit fait ouvert et abandoné (Chart., Q. inv., 1422, 51)

Sy leur en estoit mémoire plus cuisant. (Chastell., Chron. K., t.3, c.1456-1471, 156)

b)Blessant, violent.

...et tence et dit parolles de travers, cuisantes, qui tourjours chargent le pouvre home, qui ne sonne mot (Quinze joies mar. R., c.1390-1410, 30)

La n'avoit dit ne sonné mot cuisant Mais tous joyeux (Chr. Piz., Dit Poissy R., 1400, 161)

Mais je doubte Leurs faulses langues cuisans, Par qui ma joye est deroute (Chr. Piz., Cent ball. amant dame C., c.1409-1410, 114)

Et envÿeux lui reseront nuysans, Qui en diront mos aigres et cuisans Pour l'esloignier, Et saront bien contre lui tesmoigner (Chart., D. Fort., 1412-1413, 188)

Varron, romain, de langaige cuisant... (Robertet, Oeuvres Z., c.1450-1500, 172)

Laissons le moustier ou il est, Parlons de chose plus plaisante ; Ceste matiere a tous ne plest, Ennuieuse est et desplaisante. Povreté, chagrine, doulente, Tousjours, despiteuse et rebelle, Dit quelque parolle cuisante ; S'elle n'ose, si le pense elle (Villon, Test. R.H., 1461-1462, 40)

Sy m'ont voulu tousjours aidier Et de leurs biens faire confrere, Combien que Françoys, mon compere, Langues cuisans, flanbans et rouges, My commandement my priere, Me recommanda fort a Bourges. (Villon, Test. R.H., 1461-1462, 113)

Ha empereur comant tes dis Et tes parolles sont nuysans A toy mesme et sont cuysans Au dieu qui t'a fait et formé (Oudin, St Genis M.S., c.1490, 80)

...voz motz, qui trop sont cuysans... (Saint-gelais, Séj. honn. J., c.1490-1495, 270)

Mais toutesfois, maulgré leurs motz cuisans, Le samedi l'ost fust a Marigné (La Vigne, V.N., p.1495, 270)

2.[D'une pers.] Qui peut faire souffrir, désagréable, violent, impatient.

Visaige long et beau segnefie personne cuisant, peu loyale, despiteuse et plaine de ire et de cruaulté. (Comp. kal. bergiers, 1493. In : Chrestom. R., 267)

D. -Participe passé.

(Estre) cuit. Être en mauvaise posture.

Ars et brulez, esclavez et destruis (...), Or leur suppli tant humblement que puis Qu'avoir vueillent ma supplicacion (...) Vueillent au roy monstrer que je suis cuys (Desch., Oeuvres Q., t.5, c.1370-1407, 43)

Avoir (tout) cuit et moulu. Être perdu, être fichu (littér. : être dans un état tel que tout ce qu'on a est cuit, brûlé, perdu).

Helas, Amours, j'ay bien cuyt et mollu Pour ceste heurë (Au grey d'amours F.-H., c.1400-1500, 263)

De mes labeurs ne mentiray (...) ...le bien que j'en tiray Me fut tout robé et toulu Cuydans avoir cuyt et moulu, Et de ce bien si peu jouys Que point n'en fus moult esjouys. (Chast., Temps rec. D., 1451, 107)

J'avoye tout cuyt et moulu [éd. : 'C'en était fait de moi'] (Coquill., Oeuvres F., 1478-p.1494, 291)

S'i retournent et nous guaingons, Destruiz seront a tousjours mes ; Plus puissance sur nous n'aront Et desconfiz seront desormais. Que serviz les avons d'un mes Qui pain et potaige a valu ; S'il ont encor ung entremes, Il aront tous cuyt et mollu. (Myst. siège Orléans H., c.1480-1500, 550)

Va t'en d'icy [lui dit la belle] , tu as moulu et cuit ! (...) ta venue m'ennuit (Parn. sat. S., a.1500, 185)

Rage cuite et moulue

Rage molute, rage quite, Rage sus rage et pis que rage Me tient et n'en puis estre quite. (Molinet, Myst. st Quentin C., c.1482, 126)

Avoir les pieds cuits. Être en piteux état.

Adont il frappa sus le malleureux de la lance, tellement qu'il le porta mort a terre. Et pour ce dist vray qui dist : 'Aler ne s'en peut qui les piez a cuiz.' (Percef. III, R., t.3, c.1450 [c.1340], 222)

...dame fut qui n'ot point les pieds cuis (Molinet, Faictz Dictz D., 1467-1506, 679)

Être condamné d'avance (Éd.).

Atant ilz commanderent a leurs gens qu'ilz allassent devant a Deserte nomcier leur venue en ce soir, car ilz y arriveroyent ; mais non firent, car grandement leur meschey. Et pour ce dit vray le proverbe que a grant paine puet fuir cellui qui a les piez cuis. (Percef. IV, R., c.1450 [c.1340], 167)