BOUILLIR

verbe

[T-L : bolir ; GD : boudre ; GDC : bouilli, bouillir ; AND : buillir ; DECT : bolir ; FEW (I, 619a) : bullire ; TLF (IV, 782b) : bouillir]

I. -Au propre. Être en ébullition ou porter à ébullition.

A. -Emploi intransitif.

1.[D'un liquide ou d'un solide en fusion] Être en ébullition.

...l'eau boult tres fort (Saint-gille, Comment. A.Y. L., 1362-1365, 237)

Ne ne cuides que feu ardent Ne tourment nul n'yaue boulant (...) La charité en mon courage Ne l'amour de mon Dieu estaingne. (Mir. st Ign., 1366, 86)

...si comme ceuls qui ont une espece de meselerie qui se delitent en eaue bouillante, ce leur semble. (Oresme, E.A.C., c.1370, 402)

En or boullant boulu seras (Mart. st Pierre st Paul R., c.1430-1440, 156)

...en plonc boullant (Marcadé, Myst. Pass. Arras R., a.1440, 28)

En plomb boillant, pour mieulx les esmorcher, Les pourbouldray sans en avoir mercy (La Vigne, S.M., 1496, 220)

Faire bouillir. Mettre en ébullition.

Faictes boulir ung boullon (Ménagier Paris B.F., c.1392-1394, 205)

...ledit maistre Gabriel (...) fondit certain metail, estaing, arguan, bourre et sublimé tout ensemble et le fist bouillir (Doc. Poitou G., t.11, 1469, 213)

...fais boullir fort au four eaue bien nette en pot de terre (Tardif, Art faulconn., 1492. In : Chrestom. R., 235)

infinitif substantivé. Fait d'être en ébullition.

Exemple quant l'eaue mise sur le feu commence a eschauffer jusques au boulir, elle s'estent et espart tant qu'elle puet. (Somme abr., c.1477-1481, 145)

Remarque : Simonnet Caillau, ds CH. D'ORLÉANS, Rond. C., 1443-1460, 357 (auboillir).

2.[P. méton., de ce qui est mis dans le liquide en ébullition ou d'un contenant mis au feu]

a)[De ce qui est mis dans le liquide en ébullition, d''une chose, d'un aliment]

...le percil ne doit point estre boulu, se trepetit non, car en boulant il pert sa saveur. (Ménagier Paris B.F., c.1392-1394, 202)

...Vray congnoiseur de chair qui buist sans sal A grans bouillons (Du Prier, Roy Adv. M., 1455, 253)

Quant poix ou poiree bouillent ou pot qui est mis jus du feu, sachiez pour vray que en cestui hostel n' y a nulles sorcieres. (Ev. Quen., I, c.1466-1474, 91)

Faire bouillir qqc.

Et, ce fait, mena, elle qui parle, icelle devine en la chambre en laquelle elle avoit acoustumé à faire frire et boulir icellui voult de cire ; et lors lui dist comme elle-mesmes avoit sondit mary ensorcelé, et non autre. (Reg. crim. Chât., II, 1389-1392, 332)

DRAPERIE Donner le bouillon à.

Que nuls tainteniers ne tainteniere de boullon, quels qu'il soit, ne faiche boulie [l. boulir] en une caudiere tenant le montance de 2 tonnaus de Saint-Jehan de muison, que le montance de 10 draps et nient plus. (Drap. Valenc. E., c.1344, 277)

Remarque : G. de Poerck, La Drap. médiév. en Flandre et en Artois, t.2, 1951, 23-24.

[Un cadavre]

Et li fist jurer sus sains que, si tost qu'il seroit trespassés, il le feroit boulir en une caudière, tant que li char se partiroit des os, et feroit le char mettre en terre et garderoit les os. (Froiss., Chron. L., I, c.1375-1400, 114)

On fist boullir le corps du duc d'Iork et du conte d'Oxenfort, affin d'emporter leurs os ou royaulme d'Angleterre. (Lefèvre St-rémy, Chron. M., t.1, c.1462-1468, 260)

b)[D'un contenant mis au feu]

...et prenés un pot de terre neuf (...) et soit empli d'eve bien clere ; puis metés la poudre dedens et faitez boullir [var. boulier] (Henri Ferr., Modus et Ratio, Livre deduis T., c.1354-1377, 206)

Si comme quant un pot boillt [sic] et il est couvert, l'eaue est eslevee par fumee contre le couvercle, et les choses terrestres qui sont en ce pot n'i sont pas eslevees. (Oresme, C.M., c.1377, 702)

Item, une donzelle de fer à mectre ung pot de terre boulir sur le feu. 21 s. (Aff. Jacques Coeur M., 1453-1457, 326)

Perrette Tost Vestue dist que la chose que les cauquemaires craingnent le plus, c'est un pot qui boult jus du feu (Ev. Quen., I, c.1466-1474, 91)

Le pot n'est pas cuit quand il boust (Sots triumph., c.1475, 38)

Faire bouillir

Les souffleurs font bouillir la chaudiere (La Marche, Mém., IV, Pièces annexées, 1474, 52)

Allez faire boullir le pot. (Colin loue dép. Dieu T., c.1485, 137)

3.[D'une pers., en enfer] Subir le feu de l'enfer.

Vous boullirés tout au dessus De nostre maistre Lucifer Dedens la chaudiere d'enfer. (Mart. st Pierre st Paul, fragm. Anholt R., c.1480-1500, 184)

B. -Emploi transitif. Bouillir un liquide / bouillir qqc. / bouillir qqn

1.Bouillir un liquide. Porter (un liquide ou un solide en fusion) à ébullition.

Pour les eux qui sunt usez et occurs prenez le jus de fanueil et de rue, autant de l'un conme de l'autre, et du miel ovec, et si le boulez tant qu'il soit espès ; si le metez jus du feu (Doc. 1300-1350. In : P. Meyer, Ch. Joret, Romania 18, 1889, 573)

Aussi ceulx de quelque parage, Qui puissance n'ont ou usage D'avoir vin en bonne manière, Doivent bouillir de l'eaue clère Et pou de vin aigre ajouxter Pour icelle mains redoubter, Ou composer de la ptisaine D'eaue et d'orge, qui est bien saine (La Haye, P. peste, 1426, 102)

2.Bouillir qqc. Cuire qqc. dans un liquide en ébullition.

...le percil ne doit point estre boulu, se trepetit non, car en boulant il pert sa saveur. (Ménagier Paris B.F., c.1392-1394, 202)

Puis boulez tout, et mectez au derrain du succre roux : et ce est cameline d'yver. (Ménagier Paris B.F., c.1392-1394, 258)

Pour faire liqueur pour seigner linge, prenez camboiz (c'est le lymon noir qui est aux deux boutz de l'essieul de la charrecte) et mectez de l'arrement et aliez d'uille et de vinaigre et boulez tout ensemble, et puis chauffez vostre merque et moulliez dedens et asseez dessus vostre linge. (Ménagier Paris B.F., c.1392-1394, 278)

...grans soles boulies, frictes et rosties au verjus d'orenge, rougez, barbeaux, saulmons rostis, bouliz et en pasté (La Sale, J.S., 1456, 252)

Quant une fille mengue par coustume lait bouly a la paielle, voulontiers pleut a ses nopces (Ev. Quen., II, c.1466-1474, 119)

Mange ceste poere boulie Et de ce guasteau mal prestit ! (Pass. Auv., 1477, 189)

J'ay ce Rosty boully. (Cene dieux, c.1492, 128)

Cuir bouilli. Cuir endurci dans un bain d'eau bouillante.

A Perrin Bernart, gaingnier (...) pour deniers à li paiez (...) pour un estuy de cuir boully, poinçonné et ouvré à devises d'ennelès entretenans (...) pour mettre et porter une aiguière d'or (Comptes argent. rois Fr. D.-A., II, 1387, 179)

Adont n'yert armeure nesune de fer (...) Tant seulement de cuir boulu. (Chr. Piz., M.F., II, 1400-1403, 178)

Et avoient fait sa semblance et représentacion de cuir boulu, moult gentilment, portant en son chef couronne d'or moult précieuse, et tenoit en sa main dextre ung ceptre et verge royale (Monstrelet, Chron. D.-A., t.4, c.1425-1440, 113-114)

Et si ot ung cheval de pris qui estoit tout bardé de cuir bouilly, qui fut tué d'un cop de coulevrine que lui baillerent lesdiz Bourguignons (Roye, Chron. scand., I, 1460-1483, 109)

Remarque : FROISS., Chron. L., V, c.1375-1400, 225 ; FROISS., Chron. D., p.1400, 635 ; Faits Lalaing K., c.1470, 208-209...

Participe passé en emploi substantival. Viande cuite dans son bouillon.

...les dessus dicts furent grandement servis de potaiges espicez en manière de cyvé, de boueill [ l. bouelli], roust, de plusieurs manières de viande avec les saulces et espices appartenantes et servis de pain blanc, vin blanc et claret. (Cartul. Laval B., t.2, c.1400, 363)

'Amis,' dit Pinart, 'et je le vous octry, Ja ne m'en desdiray, (...) Car vous aurés assés et boully et rosty, Et vin viel et clairé...' (Galien D.B., c.1400-1500, 78)

Il ne fault point servir de rost Ou boullu est acoustumé. (Myst. Viel test. R., t.6, c.1450, 74)

Remarque : Cf. DU CANGE I, 778a, s.v. bullire.

3.Bouillir qqn

a)[Dans les procédures judiciaires] Soumettre qqn à la question de l'eau chaude ; faire périr qqn dans une chaudière d'eau bouillante (supplice des faux-monnayeurs).

'Chacun scet, Beau Filz,' dist la royne, 'que ceulx qui forgent faulce monnoye, selon les loix civiles doivent estre bouilliz...' (Mézières, Songe vieil pèl. C., t.2, c.1386-1389, 371)

... [ils] delibererent et furent d'oppinion que l'en ne povoit ou devoit espargnier qu'il ne feust digne de souffrir mort, comme homme qui avoit fait faux coings et forgé faulse monnoye, c'est assavoir qu'il feust bouilly. (Reg. crim. Chât., I, 1389-1392, 492)

Et en especial ayent iceulx exposans justice et seigneurie haulte, moienne et basse en la dicte ville, banlieue et enclavementz, sauve à nous et à nos officiers les cas previllegés et les cas de ressort et de souverainetté, et aient puissance de executer, ardoir, bouillir et enfouir homes et femme pour leurs demerites. (Hist. dr. munic. E., t.1, 1402, 204)

Neron, Neron, mal esploitas, Quant oultre droit or convoitas, Quant ta propre mere tuas, Quant d'une reyne t'empregnas, Quant home pour fame espousas, Quant Romme ardis, la gent grevas, Quant les apostres martiras, Quant en tout mal te demenas, Quant en rez d'or en mer peschas, Et or vousis et or buras. En or boullant boulu seras Et sans durer y dureras. (Mart. st Pierre st Paul R., c.1430-1440, 156)

Accordez vous, roix et ducz, accordez Et regardez vostre peuple en pité ; Resuscitez justice et le gardez ; Prenez, pendez, plantez, patibulez, Boulez, brulez, nul ne soit respité (Molinet, Faictz Dictz D., 1467-1506, 145)

Traynés seront [les chrétiens] comme chiens erragiés (...), Fendus, bouillis, pourfendus, pourboulis (Molinet, Myst. st Quentin C., c.1482, 16)

Soit pour pendre, pour estrangler, Pour rostir, boulir ou mal faire, N'est nul qui le puist resambler (Molinet, Myst. st Quentin C., c.1482, 67)

b)[Comme martyr, en enfer...]

Saint Estienne lapidez fu, Saint Jehan en huile boullu, Saint Lorenz rostis sur charbons (Desch., M.M., c.1385-1403, 253)

En or boullant boulu seras (Mart. st Pierre st Paul R., c.1430-1440, 156)

Au moustier voy, dont suis parroissïenne, Paradiz paint, ou sont harpes et leuz, Et ung enffer, ou dampnez sont bouluz (Villon, Test. R.H., 1461-1462, 80)

Et bouillés avec suis et poix Pour toutes regions infere. (Cene dieux, c.1492, 128)

[Injure] Diable bouilli

Dyables boulis, dampnés sans fin, Crever puissiez vous de venin (Marcadé, Myst. Pass. Arras R., a.1440, 12)

On te puist les membres detraire ! Crapaut, garchon, dyable boully, Si je peusse avenir a ty, Je te monsteroie que j'ay. (Marcadé, Myst. Pass. Arras R., a.1440, 13)

II. -[P. anal. ou au fig.]

A. -Par analogie. [Idées de tourbillon, de jaillissement, de fermentation, de sensation de brûlure...]

1.Emploi intransitif.

a)[D'un liquide, d'une étendue d'eau] Tourbillonner.

...elle se muet en boulant si comme il appert en la mer de Cesille ou le bouillon de la mer fremist moult fort entre deux lieux moult perilleux (Corbechon, Propriétés, 1372, XIII, 20, 211 v°)

Bouillir de. Jaillir de.

Remarque : Baud. Sebourc B., c.1350, XX, 628 (T-L I, 1046).

b)[Du moût, de la vendange...] Fermenter.

...ainsi comme ung moust qui boust en tonnel (Chart., L. Esp., c.1429-1430, 6)

...en cellui an fut tres bel aost et tres belles vendenges, et furent les vertjus hastifs, car aussitost qu'ilz estoient entonnez, ils commençoient à boullir ou à gieter pour mieulx dire (Journal bourgeois Paris T., 1430, 261)

c)[D'une partie du corps, d'une enflure...] Donner une sensation de très forte brûlure.

En moy sens un trop dur assault. La char me bout, tressue et sault De ce que ja dedans ce lit N'a pris et eu son delit (...) de la pucelle (Mir. chan., c.1361, 174)

...elles [les fleumasies] bouillent fort (Saint-gille, Comment. A.Y. L., 1362-1365, 237)

Dieux ! conme il a boulant le chief, Et conme les temples li batent ! (Mir. emper. Romme, 1369, 259)

d)[D'un surgeon] Sortir, pousser (comme un liquide en ébullition qui déborde).

Et s'i avoit entour mainte flour espanie, Et bouloit li sourjons par moult grant melodie. (Brun de la Mont. M., c.1350-1400, 53)

e)[D'un oiseau] Se remuer, s'envoler (comme par un bouillonnement).

...tout devant S'en yront toudis tabourant. Qui les oroit batre et ferir Le tabour et verroit boulir [var. bondir, voller, fouir] Oiseaulx, saiches que a l'environ Rien ne remaint pour le faucon (La Buigne, Rom. deduis B., 1359-1377, 122)

2.Emploi transitif. [Du cerf] Bouillir sa teste. Faire sortir son bois (comme par un bouillonnement).

A la Nostre Dame en mars commencent les appareilz des servoisons, et dit l'en a la my may, My may, my teste, pource que lors le cerf a boulu la moictié de sa teste, maiz le droit cuer des servoisons commence a la Saincte Croix en may, et de la croist le cerf en venoison jusques a la Magdaleine (Ménagier Paris B.F., c.1392-1394, 211)

B. -Au figuré. [Idées d'excitation, d'agitation...]

1.Emploi intransitif.

a)[D'une pers.] Être très excité, très agité.

A mal faire est boullant et chault, Mais de bien faire ne tient compte. (Mir. Rob. Dyable, c.1375, 4)

Remarque : GILLES LE MUISIT, Poésies K., t.1, c.1347-1353, 59 (au mal hastieus etboullant ; T-L I, 1046).

Bouillant en amour. Troublé, agité d'un désir amoureux intense.

Jason atant s'en ala en sa chambre, et Ysiphile demoura en la sienne, boullant en amours et tant courroucee de ce qu'elle n'avoit peu convertir Jason que nul ne le sçairoit escripre. (LEFÈVRE (R.), Hist. Jason P., c.1460, 174)

Chaleur bouillante. Complexion très agitée.

...car ire vient de chaleur boulant et de complexion naturel (Oresme, E.A.C., c.1370, 384)

b)[D'une chose] Estre bouillant à qqn. Troubler, tourmenter qqn.

Ça, baillez leur fault ung assault, A nostre premiere venue, Qui leur soit fort boillant et chault, Et gecter a pierre perdue, Que sus leurs meurs ne en leur rue Nul d'eulx ne si ose trouvoir ; D'artillerie grosse et menue Donques servir vous les povoir. (Myst. siège Orléans H., c.1480-1500, 541)

La cervelle, le sang bout (à qqn). Se sentir troublé, agité.

Pour ce, ta cervelle qui boult Refroide, et Envie ne croy (Martin Le Franc, Champion dames I-II, P., 1440-1442, 171)

Quant Jason vey Medee en ce point et ossy regarda que la vielle dormoit, il fu fort esmeu d'amours. Le sang lui commença a boullir et le cuer a desirer en telle façon qu'il s'aproça d'elle de fait et la bouche lui baisa. (LEFÈVRE (R.), Hist. Jason P., c.1460, 204)

Et de la part du bon duc Philippe, semble que ce qui le fist si legierement condescendre fut au regard du salut du royaulme de France, au noble sang dont il estoit né et yssu, qui luy bouilloit en l'estomac et à l'entour du cueur, et aux grans biens qu'il avoit receus en ses predecesseurs de la maison royalle, tant de droit naturel comme de biens faiz. (La Marche, Mém., I, c.1470, 240)

2.Emploi transitif. [D'une chose] Exciter, agiter, troubler qqn.

Le vin qu'ilz ont en eulx enserré Les boult, fait router, et grousser, Balbucier et courroucer (Rivière, Nef folz D., 1497, 733)