COUR

substantif féminin

[T-L : cort ; GD : cort ; GDC : court2 ; AND : curt ; DECT : cort1 ; FEW (II-1, 849b, 851a) : cohors ; TLF (VI, 331b, 332b) : cour1, cour2]

A. -Lieu clos ; domaine clos ; espace clos qui en fait partie.

1.Lieu clos, tanière.

...a trois ai jeo comencee a comparer le coer : l'un si est le glout de la mere ; et l'autre si est de qoi jeo doi ore parler par vostre grace, douz Sires, et a resembler mon coer et a comparir : c'est a un grant courte de renars, qe homme trove en ces forestes et en ces bois. (Henri Lanc., Seyntz medicines A., 1354, 103-104)

L'autre manere a destruire les renars en la court, si est come j'ai dit devant, pur faire fieu sur un pertuz et estoper touz les autres (Henri Lanc., Seyntz medicines A., 1354, 108)

Remarque : AND, s.v. curt¹.

2.Domaine rural.

Audit estene pour avoir (...) assis les peutilles et pluseurs pieces de bos venans de le court de leschevinage (Comptes Doullens W., 1470, 22)

3.Espace compris entre la première et la deuxième enceinte d'un château (où se trouvent en partic. les écuries).

Lors s'arma et laca le heaume, et prent un flael de plonc a trois chayennes et une grant faux d'acier, et vint aux pons et les abaisse, et vint en la court, et demanda a Gieffroy : Qui es tu, chevalier, qui cy me viens requerir si hardiement ? (Arras, c.1392-1393, 245)

Basse cour. Voir basse-cour

...li chastiaus est biaus et fors, mais la basse cours fu toute arse et la ville osi (Froiss., Chron. D., p.1400, 326)

...affin que, quant ceulx du chastel sailliroient, que l'en saillist des tentes sur eux, et que on les chassast, si que on peust gaigner la basse court (CABARET D'ORV., Chron. Loys de Bourb. C., 1429, 138)

Et en la basse court du chastel estoient aucunes maisonnetes couvertes de paille ou l'en gecta le feu (CABARET D'ORV., Chron. Loys de Bourb. C., 1429, 299)

...beau sire, telz qu'ils sont nous vous prions que les veons en ceste basse court aprés disner, et nous ferons clorre et bien garder les portes. (La Sale, J.S., 1456, 92)

... [le chevalier] picque son courtaut et fait tant en peu d'heure qu'il est en la basse court de son hostel descendu, ou il trouva ung varlet qui le deffist de son cheval. (C.n.n., c.1456-1467, 111)

...et ce jour mesme l'on avoit mené une quantité d'artillerie devant ung lieu fort, ou avoit une basse court assez forte de bonne muraille et une grosse tour tres forte (La Vigne, V.N., p.1495, 253)

Et après cela descendirent et s'en allerent en la basse court, où ils demanderent à ceulx de la maison une ligne pour peschier es fossez de laditte Bastide, et avoit ledit Voyau du plomb et ung bout de chandelle ; et affin qu'on ne s'en apperceust de ce qu'ilz vouloyent faire, le conte demanda du fourmage, faignant de vouloir prandre du poisson. (Le Clerc, Interp. Roye, c.1502, 168)

Remarque : Cligès C.T., 1455, gloss.

4.Espace découvert et clos qui fait partie d'une habitation, cour.

Et la fonteinne Est en la court... (Mach., J. R. Beh., c.1340, 110)

Il (...) monta en une loge et s'apoya à une fenestre qui regardoit en la court du palais (Froiss., Chron. M., XIV, c.1375-1400, 53)

Vezci de leur hostel la court : Droit a eulx vois, a brief mot court. (Mir. ste Bauth., c.1376, 165)

...il monta par une eschelle qu'il ala querre assez prez de l'ostel dudit chevalier, par dessus les murs de la cour d'icellui hostel (Reg. crim. Chât., I, 1389-1392, 32)

...li rois fu logiés en une povre court d'abeie qui la estoit. (Froiss., Chron. D., p.1400, 130)

LE SOT. Voire pour remplir sa vecie, Puis aprés tant crocquer la pie Qu'il s'endormit en une court. (Gaud. sot, c.1450, 7)

...tout coyement et doulcement hurte a l'huys de la court (C.n.n., c.1456-1467, 442)

Premier y est la belle court notable Pour mettre avant plusieurs charivariz, Et tout auprés la belle grant estable (La Vigne, V.N., p.1495, 185)

Et y a audit palais quatre belles salles richement dorées et fort grant logis ; mais la court est petite. (Comm., III, 1495-1498, 111)

B. -Résidence du souverain (ou d'un grand seigneur) et de son entourage ; p. méton. entourage du roi (ou d'un grand seigneur).

1.Résidence du souverain (ou d'un grand seigneur) et de son entourage.

Mais ce qui plus va mon mal empirant, C'est ce que bien à mon borgne oueil parçoy Qu'à court de roy chascuns y est pour soy, Car il n'est homs qui tant à moy aconte Que de mes maus face samblant ne conte. (Mach., Compl., 1340-1377, 252)

Li roys se parti de la court. Mais sa renommée qui court Par tous païs, par tous chemins, L'essaussa tant que les Hermins L'ont pour leur signeur esleü (Mach., P. Alex., p.1369, 222)

...qu'il se desdie En vostre presence, et qu'il die, Si haut qu'il ne le puist nier, Qu'il me tient pour bon chevalier En tous cas, preudomme et loial Pour estre en toute court royal ; Et que chascuns le sache et l'oie Par quoy desamensongiés soie (Mach., P. Alex., p.1369, 239)

...si sens bien ne gariray A droit tant qu'a la cour yray ; Mais quant avec l'empereris Seray, je seray touz garis (Mir. emper. Romme, 1369, 262)

...à un soir, à un jour donc il n'est record, que touz les varlez estoient alez en esbatement à la court du seigneur dudit lieu (Reg. crim. Chât., I, 1389-1392, 230)

Beaulx seigneurs, vous direz au roy que je ne viens fors pour bien, pour avoir droit en sa court de ce que je demanderay, selon la raison que le roy et son conseil verront que j'auray. Et assez briefment je me trairay par devant lui en sa court. (Arras, c.1392-1393, 51)

Mais, s'il vous plaist, vous me vendrez acompaignier, vous et voz enfans, a la court du roy. (Arras, c.1392-1393, 54)

Gens qui bien scevent losengier N'ont nul talant d'eulx estrangier Des cours des seigneurs terriens (Chr. Piz., M.F., I, 1400-1403, 150)

Plusieurs menistres de ces cours Y a mauvais de commun cours (Chr. Piz., M.F., II, 1400-1403, 59)

Ci dit encore de ce meismes, et enseignement aux femmes de court comment se garderont en elles du vice d'envie. (Chr. Piz., Trois vertus W.H., c.1405, 135)

...messire J. de Nyelles, chevalier et chancellier dudit Dauphin et de la Royne, et qui avoit eu grant auctorité es cours desdis seigneurs puiz IIIJ ans (Baye, II, 1411-1417, 114)

Et lors se abdita : c'est a dire, desmist de sa dictateure et yssi hors de sa court. (La Sale, Sale D., 1451, 184)

À Cardin Mauger, poursuivant, le VII jour dudit mois, la somme de vingt escus pour son veaige à la grand court (Comptes roi René A., t.3, 1477, 115)

Chivaliers, ce sont les gasteaulx Qu'on fait en court pour en taster. (Pass. Auv., 1477, 111)

Maistre Michel de Renners, grant medicin et astrologien, stipendié en la court du roy en France. (Simon De Phares, Astrol., c.1494-1498, f° 101 v°)

Proverbe.

...il n'est cours, tant soit de noblesse, Qu'il ne couvegne departir (Mach., D. Aler., a.1349, 366)

2.Par métonymie. Entourage du roi (ou d'un grand seigneur), ensemble des personnages qui font partie de l'entourage direct d'un souverain, d'un prince, institution correspondante.

Quant la messe fu dite entiere, J'oï sonner une trompette Dont uns chambellains haut trompette. Qui adont veïst gent de court ! Chascuns a son office accourt, L'un devers la paneterie, Et l'autre en la boutillerie, Li autre vont en la cuisine, Selonc ce que chascuns cuisine. (Mach., R. Fort., c.1341, 143)

...tant vous di je sanz doubter Que la court moult troublée estoit Du dueil que chascun jour faisoit Le pape pour la vostre amour (Mir. mère pape, c.1355, 380)

...pluseurs murmurations en sont à la court du roy (Froiss., Chron. M., XIV, c.1375-1400, 234)

...celui qui avoit fait icellui larrecin estoit un escuïer de la court de la royne, que l'en appelle Guïot, hault homme et orguilleux, vestu d'un habit de vert (Reg. crim. Chât., II, 1389-1392, 294)

Sire, dist Remondin, dictes moy, s'il vous plaist, vit il nul homme en ces marches qui, pour le temps que vostre frere regnoit, fut en la court en auctorité ? (Arras, c.1392-1393, 54)

Sire, hault et puissans roys, dist Remondin, il est bien verité que commune renommee court par tous païs que vostre court est si noble et si raisonnable que elle est droicte fontaine de justice et de raison (Arras, c.1392-1393, 56)

Je les combatray, au regart du noble et juste jugement de vostre court [du roi des Bretons] , voire l'un après l'autre. (Arras, c.1392-1393, 59)

Je vous requier, nobles roys, que vous me tenez en droit en vostre court et faictes bonnes justice. (Arras, c.1392-1393, 59)

Amour de court c'est amour de chien : c'est toute envie et flaterie. (Gers., Annonc., a.1400, 236)

Si ne veoye, ne sentoie En maniere que j'apperceusse, Ne que de riens le fait sceusse De l'ordonnance de la court (Chr. Piz., M.F., I, 1400-1403, 24)

...je diray ce que j'ay sceu d'un bien grant qui a esté de vostre court (Gers., Noël, p.1404, 312)

...c'est assavoir des pompes de la court, en estats excessis, tant des hommes que des femmes (Juv. Urs., Nescio, 1445, 531)

Et ainsin fut fait. Et quant le roy, la royne, et especialment Madame et les autres de la cour le sceurent, la joye fut telle par tout que pluseurs jours a peine parloit on d'autre chose (La Sale, J.S., 1456, 138)

Comme gens de court se trouvent voluntiers avec les dames, ilz furent contens de soy gouverner a l'appetit de celuy qui les avoit mis en train (C.n.n., c.1456-1467, 475)

... [le chevalier] le lendemain au matin avec son hoste a la court retourna (...) tost après la court se partit du païs, et il suyvit le train. (C.n.n., c.1456-1467, 481)

...quourt n'est jamés sans envie, sans division (Chastell., Chron. IV, D., c.1461-1472, 105)

Estoient aussi tous ses nobles [du duc de Clèves] , par especial ceulx qui estoient de court, gens de grant parement et puissans en chevance pour faire honneur a leur maistre. (Chastell., Chron. IV, D., c.1461-1472, 235)

Et aussi faiz mon compte que bestes ne simples gens ne s'amuseroient point à lire ces Memoires, mais princes ou gens de cour y trouveront de bons advertissemens à mon advis. (Comm., I, 1489-1491, 222)

Cestui Jerson fut bon catholique, mais il eut plusieurs vices, car il fut presumptieux et orguilleux et appetoit de gouverner princes et aver legacions et ne povoit souffrir en court autre que lui. (Simon De Phares, Astrol., c.1494-1498, f° 152 v°)

...le roy sortit a tout ses gentilz hommes, ses pensionnaires, ses archiers de la garde, avecques tous les grans seigneurs de sa court (La Vigne, V.N., p.1495, 307)

Et lors print de rechief icelluy Voyau et le mena en la grant salle du chasteau de Saint-Fergeau, en luy demandant tousjours quel bruyt il avoit en court. (Le Clerc, Interp. Roye, c.1502, 152)

Tenir cour. Recevoir tous les barons, tout l'entourage princier.

La commenca la feste grant, et tint le roy grant court et noble, et estoit moult joyeux de ce qu'il avoit recouvré un si noble homme en son pays. (Arras, c.1392-1393, 65)

Li jones rois d'Engleterre, pour mieuls festoiier ces signeurs et toute lor compagnie, tint une grande court au jour de la Trenité (Froiss., Chron. D., p.1400, 115)

...madame la roine tint sa court et son asisse ens ou dortoir. (Froiss., Chron. D., p.1400, 116)

Tenir cour ouverte. Ouvrir à tous l'espace de sa cour.

A une jour droit fist crier a abandon Pour tenir court ouverte (Renaut Mont. B.N. V., c.1350-1400, 435)

Et vint la la roine environ la Toussains, et tint court ouverte, le jour de la Toussains, de tous signeurs et de toutes dames. (Froiss., Chron. D., p.1400, 793)

Li amiraulx Gaudisse o palaix demoura, Pour l'amour de Hulin court ouvertte tint la. (Huon Bordeaux B., c.1400-1450, 127)

...le roy fist ung jour semonre tous ses barons et fist criier court ouverte (Wauquelin, Manequine C.T., a.1448, 222)

Remarque : Cf. OUDIN Curiositez 1640 : Cour ouverte .i. où l'on traitte tous ceux qui se presentent.

Tenir cour abandonnee

[Ici à l'occasion d'une noce] Il fault recepvoir au jour de huy De Genevez toute noblesse, De Savoye la gentiliesse, Et tenir cort habandonnée. (Myst. st Bern. Menth. L., c.1450, 87)

3.Ensemble des proches conseillers du souverain.

...ou temps de la substraction qui fu faite à Nostre Saint Pere par le Conseil de l'Eglise et Court de France (Baye, I, 1400-1410, 135)

...autresfois fut ordonné par les predecesseurs du roy que en la court auroit tousjours ung evesque ordinaire et ung chevalier lay pour estre aux jugemens (Juv. Urs., Nescio, 1445, 541)

En ce temps desdites quatre années, ceulx qui gouvernoient ledit roy, qui estoient le duc et duchesse de Bourbon et ung chambelan appellé le seigneur de Grasvile et aultres chambelans, qui en ce temps eurent grand règne, appellèrent en court, en auctorité et credit ledit duc de Lorreyne, pour en avoir port et aide (Comm., III, 1495-1498, 7)

Court pleniere. Assemblée de vassaux.

Balthasar une court planiere Tint un jour, ou mainte maniere Avoit des gens de son païs, Car c'estoit leur sires naïs (Mach., C. ami, 1357, 25)

...le jour de la Tousains tint li dus de Normendie court pleniere de tous les signeurs ens ou chastiel de Nantes (Froiss., Chron. D., p.1400, 500)

Proesce fait aux nobles assavoir, Qui ont le cuer de suyvre sa banniere, Que nul ne peut par elle pris avoir N'estre receu a sa grant cour plenniere S'il n'a en soy trop plus fait que maniere, Sens pour choisir bon parti justement Et, a l'exploit, conduite et hardement, Ferme propos et arresté courage, Diligence, secret et peu langage (Chart., B. Nobles, c.1424, 399)

4.Résidence du pape, entourage du pape, curie romaine.

Li papes, li cardinal et toute li cours furent grandement resjoi de la venue dou roi de France (Froiss., Chron. D., p.1400, 241)

Cour de Rome

...jamais ne celebreray, Tant que je viengne a court de Romme Et qu'au pape (...) Sera ceste miracle dite (Mir. mère pape, c.1355, 404)

...par prieres de seigneurs, aussy des amis de court de Romme (La Sale, J.S. E., 1456, 364)

...ne puis [je] donc pas (...) moy qui tant ay veu de choses en court de Romme, et en tant de divers lieux, sçavoir par parolles faire convertir ces perdriz, qui est chair, de poisson devenir (C.n.n., c.1456-1467, 583)

Gerard l'Allement fut tantost après eslevé en bruit et en honneur, en court de Romme, pour les esmerveillables experiances (Simon De Phares, Astrol., c.1494-1498, f° 92 r°)

5.[Cont. allégorique]

Et les mauvais par sentence Sont com traïtre failli De sa court [d'Amours] bani. (Mach., R. Fort., c.1341, 73)

Ce sont li gentil cuer loial Qui entrent en la court roial De Bonne Amour qui n'a nul per. (Mach., J. R. Nav., 1349, 220)

En signe de memoire Sera ta blanche plume noire Et tuit li corbel que l'ont blanche L'aront plus noire que n'est anche (...). Jamais ne feras que jangler ; Maus aigles te puist estrangler ! Va t'en, de ma court [de Phébus] iés banis (Mach., Voir, 1364, 704)

Male Bouche tient bien grant court : Chascun a mesdire estudie ; Faulx amoureux au temps qui court Servent tous de goulïardye. (Chart., B. Dame, 1424, 357)

Si vous avez entretenu ung gentilhomme en cas d'amours, ce n'est pas chose defendue en la court d'honneur (C.n.n., c.1456-1467, 165)

Ung tresgracieux gentilhomme, desirant d'emploier son service et son temps en la tresnoble court d'Amours... (C.n.n., c.1456-1467, 252)

Cour de paradis. Les bienheureux.

...chose qui soit a la gloire de toute la court de paradis (Mir. nat. N.S.J.C., c.1343, 205)

Si que, Perceval, je m'acort, Et sui dou tout à vostre acort, Si qu'en l'onneur de Dieu le pere, Et de sa glorieuse mere, Et de la court de paradis, Où j'aray fiance toudis, Nous penrons demain nostre voie Vers Alixandre... (Mach., P. Alex., p.1369, 63)

Et fist faire processions, Veus, promesses, oblations, A la gloire de Dieu toudis Et de la court de paradis. (Mach., P. Alex., p.1369, 122)

...la Vierge glorieuse qui des pecheurs, desquieulx jusques cy le tres miserable avoir esté nous confessons, tousjours est advocate, et qui non sans cause est dicte du redempteur de l'humain gendre et roy de gloire mere très debonnaire, à Mons. Sainct-Michel et à toute la court de paradis celeste, affin que, par leurs prieres, elle monte es saintz cieulx pardurablement regner avec eulx (Le Clerc, Interp. Roye, c.1502, 282)

Cour des cieux

Je me rens confesse et coulpable A Dieu le pére esperitable (...) Et a sa doulce mére aussi Et des cieulx a toute la court (Mir. abbeesse, 1340, 96)

C. -Siège de justice ; organe de justice.

Il fust bon avocat en court (Mir. abbeesse, 1340, 63)

Et d'autre part, quoy que nuls die, Bons drois a bon mestier d'aïe, Par quoy grace ait adès son cours, Pour aidier droit en toutes cours. (Mach., J. R. Nav., 1349, 191)

LE CONTE. Oïl, baillif. Je vueil vëoir L'entencïon et le propos D'entre vous sur les faiz plus gros De ceste court. (Mir. enf. ress., 1353, 43)

Et semblablement fait l'en la ou les pretores, ce est assavoir les cours, la ou l'en tient les jugemens ne sunt pas du policeme. (Oresme, Pol. Arist. M., c.1372-1374, 219)

Guillaume Le Madre, procureur de la court de la royne (Reg. crim. Chât., II, 1389-1392, 496)

Comme à la requeste du procureur du Roy en la senechaucée de Tholouse, monseigneur l'evesque d'Alby, qui à present est, et son official (...) eussent esté adjornez en la Court de Tholouze (Baye, II, 1411-1417, 203)

...fu conclud par la Court de dire ou faire dire ausdictes gens des Comptes qu'il sembloit plus convenable que chascune Court, college ou Université, uniement, à par soy, sans soy entremesler l'une parmy l'autre, feust au devant du Roy (Fauq., II, 1421-1430, 346)

Et pour les choses dessusdictes et chascun d'ycelles tenir, entretenir et accomplir, nous submettons à la cohercion, conclusion et constrainte, de nostredit saint père, dudit saint concille, et des dessusdiz cardinaulx, légalz et aultres ambassadeurs du concille, et à tous cours, tant d'église comme séculiers. Voellans et ottroians par ycelles et chascune d'ycelles, estre constraint et compellé par la censure de l'Église, tant et si avant qu'il samblera expédient auxdiz cardinaulx et ambassadeurs de nosdit saint père et du concille (Doc. 1435. In : MONSTRELET, Chron. D.-A., t.5, c.1444-1453, 182)

Aussi le duc d'Anjou conte du Maine a telle prerogative que s'aucune cause pend en la court subgecte d'aucuns de ses vassaulx entre deux parties, si l'une partie se clame en la court du prince de poursuicte, le juge du vassal cessera de plus proceder (Cout. instit. Anjou Maine B.-B., t.2, 1437, 152)

N'a gueres qu'en la ville de Mons, en Haynau, ung procureur de la court dudit Mons... (C.n.n., c.1456-1467, 150)

...iceluy Pichet qui estoit ung grant plaideur, fort noiseux et rioteux, et lequel avoit esté homme de guerre, et souvantes fois avoit debat avecques plusieurs gens de bien, a fait convenir et adjourner lesdiz supplians et mis en involucions de procès en diverses instances en la court des grans assises de Montagu (Doc. Poitou G., t.10, 1458, 61)

A le vous dire brief et court, Parleray je de gens de court Ou praticiens en court laye ? (S. fol, c.1480-1490, 7)

LE JUIF. Je propose qu'il [le chrétien] doit jurer De ceste heure. LE CRESTIEN. Pas ne suis prest. L'ADVOCAT. Monseigneur, vous voyez que c'est. Il fault les delais de la court. LE JUIF. Je ne demande que le court Affin que j'en soye a delivre. (Mir. st Nic. juif, c.1480-1500, 120)

...or suis je par la court Condempné en mains de justice (La Vigne, S.M., 1496, 319)

Cour de justice. Tribunal.

Tres nobles et puissans roys, je ne me quier plus celer, puis que je suis en court de droit et de justice, et que je voy mon ennemy devant moy. (Arras, c.1392-1393, 58)

Comment et par quoy est ce que la paine du purgatoire est plus dure que celle de ceste vie presente ? Response : Elle est moins voluntaire ; item elle est en la court de justice la rigoreuse, et yci court de misericorde ou sont sains et saintes qui prient pour nous. (Gers., Déf., 1400, 231)

Appellons de la court de justice a celle de misericorde, ou nostre Dame est maistresse, saichans qu'il est necessité que nous plourons en ce monde ou en l'autre (Gers., Déf., 1400, 242)

...et pareillement que autres sergens d'autres chambres ou cours de justice ne se appellassent huissiers, hors les huissiers de ceans. (Baye, I, 1400-1410, 143)

Cour d'Eglise/de l'Eglise. Cour judiciaire de l'évêque ; officialité, tribunal de l'Église chargé de juger les affaires concernant les domaines de la foi et de la morale et ce qui concerne les intérêts de l'Église et des clercs.

...et ledit maistre Nicole, que il tenoit en sa conscience que à la court de l'Eglise appartenoit la cognoissance de ce, attendu ce que, des ensorcelemens par elle fais audit son mary, aucune mort ne s'en est ensuye en la personne d'icellui. (Reg. crim. Chât., II, 1389-1392, 335)

Et defend la Court audit de Saint-Ligier, sur paine de cent marcs d'argent, qu'il ne procede contre ledit de Fauquembergue en Court de Romme, ne ailleurs en Court d'eglise, pour raison desdis chanoinie et prebende (Fauq., II, 1421-1430, 93)

Et oultre ordonne ycelle Court que s'aucunes citacions, monicions ou autres explois de court d'eglise sont trouvez touchant ceste matiere, ilz seront prins et mis en la main du Roy (Fauq., II, 1421-1430, 354)

...une maison enclavée en la viz de ladite eglise, qui fut feu Emery le Mareschal, qui souloit tenir, d'une part, à ladite eglise, et d'autre part, à une maison qui fut Pierre du Moulin, en laquelle souloit demourer Drouet le Grant, procureur en court d'eglise (Comptes Paris V.L.D., t.1, 1424-1425, 30)

Item, a maistre Jehan Cotart, Mon procureur en court d'Eglise, Devoye environ ung patart - Car a present bien m'en advise - Quant chicaner me feist Denise, Disant que l'avoye mauldicte. Pour son ame, qu'es cieulx soit mise, Ceste orroison j'ay cy escripte. (Villon, Test. R.H., 1461-1462, 101)

Cour ecclesiastique

...pour les abuz et entreprises qui, à Paris et en la viconté de Paris, sont fait par pluseurs de la court ecclesiastique de l'evesque de Paris (Baye, I, 1400-1410, 144)

Et pareillement devroit on prendre des advocas pour estre en la court de Parlement, voire des advocas de la court ecclesiastique (Juv. Urs., Nescio, 1445, 516)

Cour spirituelle. Cour ecclésiastique.

...Jehan de Noroys, clerc, povre homme (...) nagaires appariteur de la court espérituelle de (...) l'évesque d'Amiens (Ch. VI, D., t.2, 1400, 11)

Cour de l'Official. Juridiction du diocèse.

...et ledit Jehannin du Boys aussi semblablement emprisonné, lequel, pour ce qu'il avoit tonsure, avoit esté rendus à la cour de l'official, afin d'eschever la punicion de la justice temporelle (Reg. crim. Chât., I, 1389-1392, 89)

De Me Philippe de la Hure, jadis seelleur de Mgr de Paris, pour sa maison qui fut Pierre Forestier, procureur de la cour de l'official (Comptes Paris V.L.D., t.1, 1447-1449, 545)

Cour de Rome. Tribunal où la justice est administrée sous l'autorité du pape.

...et a délaissié le plait de court de Romme par ce qu'il n'en a peu riens prouver. (Ch. VI, D., t.1, 1390, 105)

...maistre Hugues Grimaut, doien de Noyon et conseiller du Roy ceans, estoit dès janvier derrain passé alé en court de Romme qui seoit à Boloigne la grace (Baye, I, 1400-1410, 323)

En oultre, la Court a eu advis et deliberacion pour remedier aux vexacions que on fait chascun jour par procès de Court de Romme aux personnes ecclesiastiques de royaume (Fauq., II, 1421-1430, 6)

Et defend la Court audit de Saint Ligier, sur paine de cent marcs d'argent, qu'il ne procede contre ledit de Fauquembergue en Court de Romme, ne ailleurs en Court d'eglise, pour raison desdis chanoinie et prebende (Fauq., II, 1421-1430, 93)

[P. oppos. à la justice ecclésiastique]

Cour laie. Cour de justice séculière par opposition à la justice ecclésiastique.

Jehan Guerrier, advocat en court laye à Meaux (Reg. crim. Chât., II, 1389-1392, 289)

Le procureur du Roy dit que le calice n'est mie au cordelier, qui a confessé que le calice est à une personne qui l'a chargié en confession d'en faire restitution, et, se besoing est, la Court laye en fera bien restitution (Fauq., III, 1431-1435, 126)

Cour seculiere

...ès dictes derrenieres assises, d'office et du consentement du dit procureur, fu commis et mandé à mestre André Belea, sage en droit, et à Jehan des Forges, advocat en cour seculiere, et à chascun d'eulx pour le tout, que il se informassent savoir si les diz freres murtrirent ou occirent le dit Alaudon (Doc. Poitou G., t.6, 1392, 104)

...aussi comme si ung clerc fait demande à ung lay en la court seculliere, icelluy lay ne le peut faire, et ne peut estre faicte reconvencion sans faire adjourner le demandeur (Cout. instit. Anjou Maine B.-B., t.2, 1437, 46)

...et fault par ce moyen que la court seculiere domine sur la ecclesiastique (Juv. Urs., Nescio, 1445, 502)

Et supposé que la court seculiere en puisse avoir la congnoissance, il ne s'ensuit pas que la court spirituelle ne la puisse avoir. (Juv. Urs., Verba, 1452, 364)

Cour de Parlement. Cour de justice suprême comprenant la Grand'Chambre, la Chambre des Enquêtes et la Chambre des Requêtes.

... [il] leur monstra les procès que fais avoit contre lesdites femmes. Par lesquieulx mesdiz seigneurs fu dit, commandé, ordonné et appointié que les procès dessus diz il baillast au procureur et conseil du roy nostre sire en laditte court de parlement, afin de adviser iceulx sur ce, et deffendre le droit du roy contre les requestes et demandes dudit mons. l'evesque (Reg. crim. Chât., II, 1389-1392, 313)

...jusques à ce que ordonné en fust par justice de ladicte Court de Parlement (Baye, I, 1400-1410, 17)

Ce mesme jour, maistre Guillaume de Gy s'est opposé à ce que la Court ne ordonne aucunement de l'office de conseiller vacant en la Court de Parlement par le decès de maistre Renault d'Amiens, sanz le oïr, et ce a requiz estre enregistré. (Baye, I, 1400-1410, 50)

Jà soit ce que la court de parlement vacant de présent ne siée point, néantmoins, touz quanques avons peu estre trouvez à Paris, avons esté le XXVIIIe jour d'octobre, assemblez en la chambre dudit parlement. (Ch. VI, D., t.1, 1401, 214)

...en la presence desquelz furent leues certaines lettres du Roy et du duc de Bourgongne, adreçans les unes à la Court de Parlement, les autres au Chancelier (Fauq., I, 1417-1420, 243)

Et l'accusa horriblement En plaine court de Parlement Favorisant et confortant Son frère Mars et l'enortant, O lesquelz aussi fut ajoint Le Promoteur quant à ce point (La Haye, P. peste, 1426, 35)

...achat de huit bourses pour mettre l'argent de la pension de ceulx de la court de parlement (Comptes roi René A., t.2, 1451, 2)

Et, le samedi ensuivant, XXVIIe jour dudit moys de juillet, oudit an LXV, ung nommé Jehan de Bourges, qui avoit esté clerc et serviteur de maistre Jehan Berard, conseiller du roy nostre sire en sa cour de Parlement, et qui avoit esté mis et constitué prisonnier avecques Gacien Meriaudeau et François Meriaudeau, son frere, pour occasion de ce qu'ilz et autres s'estoient tirez de Paris en Bretaigne pardevers mondit seigneur de Berry, en conspirant contre le roy, fut icellui Jehan de Bourges tiré hors de ladicte Bastide (Roye, Chron. scand., I, 1460-1483, 73)

...le roy doit et est tenu de faire justice a ses subgéz et de faire executer les arrestz et jugemens de sa court de Parlement, qui est sa court souveraine (Chastell., Chron. IV, D., c.1461-1472, 206)

Peu souvent nul ne se desappointe, et soustient la cour de parlement cest article, et est raison ; mais aussi il touche presque à tous. (Comm., I, 1489-1491, 51)

Cour capitale

...on pourra savoir en la court capital de mondit seigneur (Ch. VI, D., t.1, 1405, 278)

Emploi absolu.

Ce jour, la Court a commendé à maistre Jaques Le Fer que soit avec maistre Michiel Mignon à l'encontre de l'Université de Paris. (Baye, I, 1400-1410, 135)

Ce jour, la Court fist emprisonner en la Conciergerie du Palais maistre J. Tillart, clerc du prevost de Paris (Fauq., I, 1417-1420, 273)

Cour souveraine. Cour de justice qui juge sans appel.

...la cour souveraine de mon seigneur (Ch. VI, D., t.1, 1405, 279)

...par ung seul clam et adjournement baillé en court souveraine à la requeste du subgit au seigneur, à tout ce que le subgit lui vouldra demander, le subgit et sa famille demeurent exemps du seigneur pendant le adjournement (Cout. instit. Anjou Maine B.-B., t.1, 1411, 453)

...le roy doit et est tenu de faire justice a ses subgéz et de faire executer les arrestz et jugemens de sa court de Parlement, qui est sa court souveraine (Chastell., Chron. IV, D., c.1461-1472, 206)

Souveraine cour. Parlement de Paris, cour suprême du royaume.

Souveraine Court par qui sommes icy, Vous nous avez gardez de desconfire ; Or la langue seule ne peut suffire A vous rendre suffisantes louenges, Si parlons tous, fille du souverain Sire, Mere des bons et seur des benoistz anges. (Villon, Poèmes variés R.H., c.1456-1463, 76)

Louez la Court conjointe au saint empire, L'heur des François, le confort des estranges, Procreee lassus au ciel empire, Mere des bons et seur des benoistz anges. (Villon, Poèmes variés R.H., c.1456-1463, 76)

Cour royale. Cour de justice relevant de l'autorité royale.

Lundi, XXVIIJe jour d'avril, les prevost des marchans et eschevins de Paris ont requis estre mis lecta et publicata sur unes lettres royaulx par eux impetrées afin de cercher es cours royaulx de Paris lettres et tiltres à eulx appartenans, qu'ilz dient estre adirées. (Fauq., II, 1421-1430, 231)

Cour suzeraine

Qui a exoine de maladie de soy, de son pere, de sa mere, (...) de eaues desrivées, ou de tempestes, de ports brisez quant on ne puet passer ailleurs, d'adjournemens preallables en court suzeraine à cause de son heritaige (Cout. instit. Anjou Maine B.-B., t.3, 1463, 98)

Locution.

Par maniere de cour. Au nom de la cour, en engageant la responsabilité de la cour.

Et ou regard du Pape a esté deliberé et conclu que de present la Court ne lui rescripra point, ne lui requerra aucunes graces expectatives par maniere de Court ou de college (Fauq., II, 1421-1430, 6)

Sur quoy la Court, par maniere de Court, ne volt sur ce dire advis ou opinion (Fauq., II, 1421-1430, 78)

[À propos d'un fief noble] Avoir cour et usage. Avoir droit de justice et de juridiction.

Et avecques ce, est trouvé par ladicte information que de son dit fieu, tient par hommage la dame du Bosc-Vimont, a cours et usage, pastronange d'esglise et noblesche de fieu (Hector De Chartres, Cout. R., 1398-1408, 160)

Remarque : Cf. Fr. Ragueau, E. Laurière, Gloss. du dr. fr., 1969 [1704], 453b, s.v. sergenterie.

Avoir la cour de qqc. Avoir le pouvoir de juger, de rendre la justice.

Le duc de Bourgoingne doit avoir la court et la congnoissance de toutes les choses où il doit avoir droit ; c'est à entendre que, se discension, est de fief ou d'arriere fief, nait entre parties, la congnoissance en appartient au prince et non à autre. La cause si est : car il est sires d'aleux, de fiefs et d'arriere fiefs ; et ceulx qui tiennent en fief ou es refiefs ne sont que seigneurs utiles. (Cout. bourg. glosé P.M., c.1380-1400, 198)

Apprendre sa cour à qqn. Apprendre à qqn à quelle cour il sera jugé ? Son sort ?.

Monstrer luy fault ung tour de paige Pour luy apprendre ung peu sa court. (Arq. P., c.1500, 421)

Tenir cour. Se réunir pour délibérer et juger.

'S'il appert aux juges, devant qui les causes seroient introduites, que ycelles causes soient desdis dons, ilz n'en tiengnent court ne congnoissance, mais renvoient tout devant les gens dudit Conseil à Rouen.' (Fauq., II, 1421-1430, 273)

Tenir cour de qqn. Juger qqn.

...nienmoins, vous leur avez enterdit et deffendu que du dit Jaquemart ne tignent court ne cognoissance, disant que à vous appartient (Hist. dr. munic. E., t.2, 1368, 34)

[Cont. allégorique]

Puet on acquerir pardons pour les mors ? Response : Je tiens que non, car pardons sont ordonnez a ceulz qui se soubmettent a la court de misericorde qui est icy et qui dure jusques a la mort, non pas aprés la mort. (Gers., Déf., 1400, 237)

Par métonymie. L'ensemble des officiers membres d'une cour de justice.

Fu plaidoié par environ une heure, et après furent pronuncez arrests par environ heure et demie, et puiz ala la Court à Saint Marcel aux exeques de maistre Pierre Reilhac, feu conseiller du Roy nostre Sire ceans. (Baye, I, 1400-1410, 38)

Administration judiciaire.

...et tout passe par la court de la chancellerie chelz le roy comme en France. (La Vigne, V.N., p.1495, 258)

D. -[Antiquité romaine]

1.Lieu où s'assemble le sénat.

Mes quant il avint que les ires furent un po repayseez, les consuls les pristrent a redarguer en disant quar auci po avoit il de santé et de atrempance en la court [trad. lat. curia] come il avoyt la hors en la place (Bers., II.29, c.1354-1359, ms. Paris, B.N.F., nouv. acq. fr. 27401, f° 200a)

Il li voudrent faire et metre statues ou comice, en rostris, en la court [trad. lat. curia] et en la celle de Jupiter le tres bon et le tres grant Translateur : (...) Par la court il entent le palais ou la place ou le senat s'assembloit ; par celle de Jupiter il entent son temple (Sim. Hesdin, Val. Max., 1375-1383, IV.1.6, texte et glose, f° 184b-c)

Et par ainsi en lieu de .xx. sergens portans haches et bannieres alans devant furent veus en la court [trad. lat. curia] et ou palais des causes non mie sans pareille espouenteur du peuple et des anciens de Romme (Premierfait, Cas nobles hommes, 1400, III.9, f° 46)

Et pour ce que nous n'avons que faire, car puis que le senat a esté destruit et que les jugemens ont esté abatuz, nous ne sarions quelle chose eslire qui nous fust digne a faire, fut en court [trad. lat. curia] ou en jugement (Bourré, 1461-1464, III.2, f° h1)

Et pour ces causes et aussi pour la maladie de Cesar, obstant ce qu'il n'estoit pas bien sain, il tarda longuement d'aler au palais et en la court [trad. lat. curia] (Mamerot, Romuleon D., 1466, 273)

2.Instances dirigeantes de Rome.

Et sur les conseilz dist Valerius : 'Au tamps que nostre court estoit si haulte et si loyale de toutes pars, par la salubrietté et saincte sillence ; de laquelle court ceulx qui passoient oultre le soeul gectoient arriere leur propre cherité, pour vestir l'abbit de la chose publicque'. (La Sale, Sale D., 1451, 34)

...Cathon, qui dist : les choses qui firent noz Rommains sy tres puissans furent sans, industre et vray conseil en noz cours et assemblees de consaulz. (La Sale, J.S. E., 1456, 126)

Subdivision du sénat, lors de sa création par Romulus' (sens non attesté du subst. lat. curia).

...et, adfin de son propos entammer, establi .x. cours de senateurs, dont en chascune court estoient par trois fois .x., ce sont .xxx., qui montent en somme totale .iii.^cz personnes, desquelz il contendoit avoir ayde et conseil au residu de son entente achever, car lesdis senateurs estoient anchiens hommes et prudens, qui par leur sens aidoient la cité a gouverner comme le pere son enfant. (Duchesne, César, 1473, I.4, f° 8a)

3.Une des divisions du peuple romain.

...dont il avint quar puys que Romulus devisa le peuple romayn a trente cours [trad. lat. curia] , il impousa a dictes cours les noms des dictes Sabines (Bers., I.13, c.1354-1359, ms. Paris, B.N.F., nouv. acq. fr. 27401, f° 167b)

...lequel aprés ce departit le peuple en .xxx. cours [trad. lat. curia] (Mamerot, Romuleon, 1466, I.12, f° 26d)