CONQUERIR

verbe

[GDC : conquerir ; AND : conquere ; DECT : conquerre ; FEW (II-2, 1058a) : conquirere ; TLF (V, 1358b) : conquérir]

I. -Emploi transitif.

A. -[Domaine milit.]

1.Conquerir qqc. (un territoire / une ville / une place forte...). Se rendre maître de qqc. par les armes, le soumettre par la force.

De la s'en ala en Pouleinne Et la conquist a moult grant peinne. Aussi conquist il Breselau, Qui estoit le duc Boselau, Et treize dus qui tout hommage Li firent, par son vasselage. (Mach., C. ami, 1357, 107)

Li roy ala de porte en porte ; N'onques n'i ot porte si forte Que par force ne conqueïst, Et que de ses gens n'i meïst, Selonc la possibilité (Mach., P. Alex., p.1369, 95)

Signeurs, la Dieu grace, Nos annemis sont desconfis, Et ceste ville avons conquis. (Mach., P. Alex., p.1369, 100)

...il fault que je m'atire A aler deffendre ma terre Que Sarrazins veulent conquerre (Mir. roy Thierry, c.1374, 316)

...il (...) fist ses pourveances si grandes et si grosses que s'il voulsist aler conquerir ung royaulme ou ung grant pays de deffense (Froiss., Chron. M., XIV, c.1375-1400, 167)

...messire Servais et XXX. lanches d'Alemans se departirent de celle routte pour venir devant et conquerir la porte et le tenir, tant que messire Guillaume et la grosse routte seroient venus (Froiss., Chron. M., XIV, c.1375-1400, 193)

...les Anglois, en la nuit, avoient prins et conquis la bonne ville de Montferrant (Froiss., Chron. M., XIV, c.1375-1400, 218)

Et Guyon prist les autres cent Sarrasins et les deux plus riches nefs de celles que ilz avoient conquises (Arras, c.1392-1393, 129)

Et trouverent grant foison de bonne gent qui moult honnourablement receurent Gieffroy et sa compaignie, et moult se donnoient merveille de son grant et de sa fierté. Et dient que ces freres conquerront moult : Je croy que cestuy cy ne repassera jamais en son pays tant qu'il aura conquesté quelque terre que ce soit par deca. (Arras, c.1392-1393, 215)

Adont fu avisé dou Saint Pere et dou colege a preechier celle crois (...) pour aidier le roi de France a conquerir la terre de Surie et la sainte chité de Jherusalem. (Froiss., Chron. D., p.1400, 241)

Li Hainnuier furent devant Mortagne trois jours et trois nuis, et petit i reposerent que tousjours il n'i euist assaut ou escarmuce, car se elle fu bien assallie, ele fu bien desfendue, ensi que il i apari. Car li Hainnuier n'i porent riens conquerir, ne pour enghien que il amenaissent de Valenchiennes ne pour aultre cose (Froiss., Chron. D., p.1400, 425)

...je l'ai conquis en bataille par fait d'armes (Froiss., Chron. D., p.1400, 790)

Se nous perdons la Roce Deurient pour celle fois, une aultre fois venra que nous le recouverons. Il n'a pas .II. mois que nous le conquesimes : une fois desous et l'autre desus, ce sont li estat de gerre. (Froiss., Chron. D., p.1400, 815)

Si dit qu'il veult, s'il n'a essoine, Aler conquerir Babiloine (Chr. Piz., M.F., II, 1400-1403, 177)

Terres environ eulx conquisdrent, Qu'en leur juridicïon misdrent. (Chr. Piz., M.F., IV, 1400-1403, 74)

Perdu y a le roy sa dominacïon, Jamaiz ne conquerra ceste perdicïon, N'advint telle pitié puis le temps Salemon. (Galien D.B., c.1400-1500, 63)

...que d'attendre que, par force d'armes et de siege, ycelle forteresse fust conquise et occupée par les Anglois (Fauq., I, 1417-1420, 352)

Et de ces trois regions a celle grant bataille furent tant de roys, de seigneurs et de peuple que toute la terre en estoit couverte, cuidans conquerir le surplus, ainsin que j'ay dit. (La Sale, J.S., 1456, 214)

Et puis fut deliberé par le roy et son grant conseil d'aler conquerir, prendre et avoir la conté d'Armaignac et la mettre en la main du roy, et promis de icelle bailler à mondit seigneur de Guienne. (Roye, Chron. scand., I, 1460-1483, 231)

Et ilec depuis y sejourna bien grant piece sans rien conquerir, sinon le Neuf Chastel de Nycourt, où ilz se bouterent pour ce que dedens n'y trouverent aucun qui leur contredeist (Roye, Chron. scand., I, 1460-1483, 282)

Et, en peu de temps aprez, le payz fut tout conquiz et n'y eust plus de resistence. (Bueil, II, 1461-1466, 150)

Et, quant les ennemyz du Roy eussent marché pour venir gaigner et conquerir son artillerie, ilz se fussent myz hors d'alaine (Bueil, II, 1461-1466, 232)

Adonc le canon m'esbranla, Et vint ceste fortune la Quant nous eusmes le fort conquis. (Fr. arch. B., c.1468-1480, 31)

Comment le duc Charles de Bourgongne alla conquerir le pays de Gueldres et le droit qu'il a audit pays de Gueldres. (Comm., II, 1489-1491, 1)

...puis ala en Trace, où il tua le puissant et horrible senglier, de là passa le fleuve de Eufrate et conquist tout le pays (Simon De Phares, Astrol., c.1494-1498, f° 26 r°)

...et fist icelui Hastingus de merveilleuses conquestes en France et en Normandie et depuis ala jusques à Florence et la conquist par merveilleuse maniere de son obseque. (Simon De Phares, Astrol., c.1494-1498, f° 107 v°)

Ces choses faictes tant par mer que par terre, On commença a faire bonne guerre, Et de marcher par villes et par champs ; Villes, chasteaulx acquerir et conquerre Sans demander, supplier ne requerre. (La Vigne, V.N., p.1495, 139)

Et estoit ledit roy d'Angleterre prince de grant apparance ; et aussi l'avoit il bien monstré, car il avoit conquis son royaulme à l'espée. (Le Clerc, Interp. Roye, c.1502, 343)

Remarque : JEAN LE LONG, Voy. Odoric A.M., 1351, gloss.

S'emparer de qqc. par la force.

Ci a trop mortel traïson. Aussi diray je de Jason Qui conquist par l'art de Medée En Colcos la toison dorée (Mach., J. R. Nav., 1349, 232)

L'isle est apellée Colcos, Et c'est li lieus, bien dire l'os, Où enciennement Jason Conquist la dorée toison. (Mach., P. Alex., p.1369, 137)

Aucuns Grecz dient qu'il bailla ellection à ung prince de Grece, nommé Jazon, pour aller en l'isle de Colcos conquerir la Toison d'or. (Simon De Phares, Astrol., c.1494-1498, f° 31 r°)

Conquerir (qqc.) sur qqn

...les Escoçois (...) tenoient la chité de Bervic, que li rois Robers de Brus (...) avoit conquis sus le roi Edouwart (Froiss., Chron. D., p.1400, 202)

Ces deux avoient esté des Gennevois, n'y avoit guères de temps, et conquis sur eulx par Florentins, du temps de Laurens de Medicis. (Comm., III, 1495-1498, 53)

2.Conquerir des personnes

a)Soumettre, vaincre (des personnes, des hommes d'armes...).

...li gentilhonme veirent ce que il estoient conquis par derriere et assalli des Valenchiennois par devant, si se requellierent (...) et monstrerent desfense. (Froiss., Chron. D., p.1400, 427)

Il fu consilliés que il (...) cevauçast a poissance de gens d'armes en Bretagne, et conquesist de fait les rebelles et fesist venir a obeissance (Froiss., Chron. D., p.1400, 467)

...les Englois (...) trouverent le pont bien garni et pourveu de gens d'armes et d'archiers ; et estoit cose imposible de euls conquerre et la passer. (Froiss., Chron. D., p.1400, 705)

...quelque mal que nous souffrons pour nostre pechié et la division d'entre nous, François, qui accroist la force de l'adversaire, on voit clerement que ses pertes ont esté et sont grandes et ses dangiers merveilleux, et, se nous savons mectre paine a le saigement grever et avoir pacience de souffrir, trop plus legiere chose est a nous, si fortunez que nous sommes, de le dechacier que a lui, si exaucié comme il cuide, de nous conquerir. (Chart., Q. inv., 1422, 36)

...et [Fabius Maximus] les prist et concquist par famine [les habitants de Capane] . (La Sale, Salade, c.1442-1444, 59)

...en Frise estoit de long temps venu ung grant seigneur estrangier lequel par sa prouesse avoit conquis le roy de Dampnemarche en plain champ de bataille (Rambaux Frise S., c.1450-1475, 83)

[D'une pers.] Estre conquis à qqn. Avoir rendu les armes à qqn, être à sa discrétion.

...et fut dit pour le cappitaine que le prisonnier estoit conquiz à lui par les raisons qui s'ensuivent :... (Bueil, II, 1461-1466, 10)

[Formule de reddition et d'allégeance] Je suis vostre conquis

- Monseigneur, je me rens à vous, car c'est bien raison que vous qui estes mon seigneur et mon pere, que je soye vostre conquis. (Cleriadus Z., c.1440-1444, 248)

...'Mercy, pour Dieu, noble chevalier ! Mercy,' fait il, 'et ne m'ochiez, car je me rens comme vostre tout conquis.' Alors se mist a genoux et luy tendy son espee, en luy priant que sa vie luy fust sauvee (Comte Artois S., c.1453-1467, 57)

Vaincre (un animal).

Baruth, le lieu ou saint George conquist le serpent (Voy. Jérus., c.1395, 10)

b)Vaincre (qqn au corps à corps, en champ clos).

Moult seroit or vaillans li homs, Et bien de l'espée ferroit, Qui corps à corps le conquerroit. (Mach., P. Alex., p.1369, 164)

Et pour ce que le cuer m'en serre, Le traistre en champ vueil conquerre (Mir. Oton, c.1370, 377)

Si l'en vueil corps a corps conquerre Et desregnier. (Mir. Oton, c.1370, 377)

c)[P. métaph. dans un cont. grivois]

...fut force a la gente damoiselle qu'elle retournast sans luy laisser ce que avoir ne povoit, se par force d'armes ne le conqueroit (C.n.n., c.1456-1467, 194)

3.Emploi absolu.

Car quant uns haus princes conquiert Par l'espée, gloire en acquiert, Honneur et profit tout ensamble, Et bon memoire, ce me samble. (Mach., P. Alex., p.1369, 15)

...ce roy Aquin (...) s'en vint par mer en Bretaingne (...) et ses gens s'i amasserent, en conquerrant tousjours avant. (Froiss., Chron. M., XIV, c.1375-1400, 10)

...François et Englois (...) entendoient a conquerir par armes l'un sus l'autre (Froiss., Chron. D., p.1400, 665)

Vous grevez et guerroiez voz ennemis de souhaiz. Vous desirez leur desconfiture par prieres et parolles, et ilz pourchacent la vostre par entreprinse de fait. Vous conseillez de les dechacer, et ilz besoignent en vous dechaçant ; leur travail et songneux desir de conquerir esbahit voz couraiges et vostre negligence de defendre enhardist leurs voulentez (Chart., Q. inv., 1422, 13)

Les exemples de ceulx du temps passé suffiroient à demonstrer que tout l'honneur du monde est venu par conquerir et guerroyer. Et jamais on ne conquiert sans faire guerre. (Bueil, I, 1461-1466, 52)

Lors Alexandre lui dist : 'Demande ce que tu vouldras et tu l'auras'. Diogenes respondit : 'Je suis plus riche que toy, car ce que j'ay me souffist et tu veulx toujours conquerre'. (Simon De Phares, Astrol., c.1494-1498, f° 56 r°)

B. -Par extension. [L'image militaire restant souvent sous-jacente]

1.Conquerir qqc. Faire effort pour acquérir qqc., pour entrer en possession de qqc., acquérir qqc..

L'um la mort de l'autre desirre Pour son benefice conquerre, Ce court entre abbez et convent. (Dupin, Mélanc. L., c.1324-1340, 55)

Par ces cinc vertus puet conquerre Grant avoir et amis acquerre, Et par ce science conquiert De retenir ce qu'il acquiert (Mach., D. verg., a.1340, 30)

Mais qui acquiert en douleur chose chiere, Plus a de bien et de joyeuse chiere En sa comqueste (sic) Et lui semble plus hault et plus honneste Le bien qu'il a a paine et a requeste, Et en maine plus de joye et de feste Et mieulx le prise Que s'il l'eust eu tout a sa belle guise, Car Nature a en nous ceste loy mise Que mieulx nous plaist chose a dangier conquise. (Chart., D. Fort., 1412-1413, 166)

Car quant bien quis A tous les biens qu'ou monde sont conquis, En vain n'a pas travaillé ne requis Qui a un cuer de belle dame acquis, Qui bien lui veult Et a vertu et bon renon l'esmeut, Son preu desire et de son mal se deult Et lui donne le confort qu'elle peut. (Chart., D. Fort., 1412-1413, 176)

Conquerir une chose concr.

Par foy, cil chevalier n'est mie venu pour avarice en ce pays. Il a mis sa vie en aventure pour conquerre son heritaige. Quant si tost s'en est dessaisiz, il convient qu'il ait grant richesse ailleurs. (Arras, c.1392-1393, 66)

SAINCT MARTIN. Je vous pry, sans plus de langaige, C'une robe m'allez querir. ARCEDIACRE. Vous n'avez plus argent ne gaige Dont je la puisse conquerir ; Touteffois, je vois requerir Quelc'un qui m'en baillera une. (La Vigne, S.M., 1496, 549)

Conquerir de l'argent

...or et argent estoit si chier à avoir et au conquerir que marchandise en estoit toutte morte et perdue (Froiss., Chron. M., XIV, c.1375-1400, 41)

Et entrerent dedens Englois et Gascons et ocirent tous ceuls que il i trouverent, et i conquissent grant finance en monnoie apparillie (Froiss., Chron. D., p.1400, 765)

...sans y estre en personne [aux affaires] il perdoit une grosse somme de deniers, et par sa presence il la povoit conquerir, ce qu'il fist ; en laquelle gaignant, il conquist bien meilleur butin (C.n.n., c.1456-1467, 435)

Conquerir une chose abstr. (honneur, gloire...)

Pren garde au bon roy de Behaingne Qui en France et en Alemaingne, En Savoie et en Lombardie, En Dannemarche et en Hongrie, En Pouleinne, en Russe, en Cracoe, En Masouve, en Prusse, en Letoe, Ala pris et honneur conquerre. Il donnoit fiez, joiaus et terre, Or, argent ; riens ne retenoit Fors l'onneur ; ad ce se tenoit, Et il en avoit plus que nuls. (Mach., C. ami, 1357, 103)

Alons en droit à Candelour, Pour conquerre pris et honnour (Mach., P. Alex., p.1369, 121)

...le bon prestre conquiert vie a l'ame en saintement celebrant (Jean Golein, Rational B.D., c.1370-1372, 264)

Et c'est tout cler que monsignour Yvon Par bien servir, non pas par vasselage, Conquist l'amour dou grant lion sauvage. (Mach., Motés, 1377, 491)

...li vaillant honme travellent lors corps en armes pour conquerir la glore et renonmee de che monde (Froiss., Chron. D., p.1400, 37)

...ensi averiés vous perdu tout ce que vous avés mis en Flandres a conquerir l'amour des Flamens jusques a chi. (Froiss., Chron. D., p.1400, 641)

Ou Amours est, il veult que tout soit sien Et gouverne sens, vouloir et maintien Par sa maistrise ; Et des qu'il a la pensee conquise Et ou logeis sa droitte merche mise, Il y veult faire aussi bien a sa guise Qu'en sa maison. (Chart., D. Fort., 1412-1413, 160)

LE HERAULT. '(...) ung vaillant pouvre sans doubte A plus de bien de ce qu'il sent Qu'on l'aime, louë et redoubte, Que n'ont lasches riches ung cent.' LE VASSAULT. 'A ce loz et honneur conquerre A souvent des perilz assez, Et bien souvent en l'alant querre Sont, sans l'avoir, mains trespassez. Dieu par sa grace les assoille ! Or maintenant par sa vaillence Nul bon ne treuve qui l'acueille Comme l'on souloit faire en France.' (Chart., D. Her., p.1415, 423)

Merci de dame est un tresor Pour enrichir amans sur terre, Si ne l'a pas chascun tresor Qui a voulenté de l'aquerre ; Ains le fault a dangier conquerre Et en souffrir doleur amere, Car pour prïer ne pour requerre Nul n'a bien s'il ne le compere. (Chart., D. Rev., a.1424, 315)

...belle cousine, bien apparcevons que vraiement vous estes peu joieuse de l'onneur que ce tres vaillant escuier a huy conquis (La Sale, J.S., 1456, 158)

Conquerir qqc. sur qqn

Haa, dure Guerre, Pourquoy veulx sur moy tant conquerre, Sans deffïer, que d'une serre M'ostes mon paradis en terre, Ma lie chiere Et la joie que j'ay plus chiere, Sans acomte ne sans enchiere ? (Chart., L. Dames, 1416, 244)

2.Conquerir qqn

a)Soumettre qqn, dominer qqn.

Homs qui est formé de terre, Foible com vaissel de verre, Naist et vit, travaille et erre Pour beneureté acquerre ; Sy est mis ou monde en serre, Ainsi que en lices de guerre ; La chair esmeult et enserre, Malin esperit l'enserre, Le monde s'il peult l'aterre ; Or lui fault vertu acquerre ; Et grace de Dieu exquerre, Qui merites lui asserre, Par qui il puisse conquerre Ceulx qui le viennent surquerre (Chart., L. Esp., c.1429-1430, 169)

Faire rechercher qqn par voie de justice.

Il [le président d'un tribunal] se doit estudier a conquerre et prendre les sacrileges, pillars, larrons, bateurs de gens (Foul., Policrat. B., V, 1372, 403)

[D'une chose]

Grande est leur malediction, quant ilz [le peuple des Juifs] querent l'entention dez anciens volumez, et ne lez veullent entendre, et que lez maistrez de leurs synagoges lez nourrissent en abus, et pervertissent le sens dez saintes lettres pour divertir leur gent de vraye conversion. Et tant lez a conquis perverse adhurterie et opinative esperance, que ilz ne daignent encliner leur entendement au sens de la lettre, maiz ozent forcer les sains textes, et contraindre la verité des prophecies a expositions controuveez. (Chart., L. Esp., c.1429-1430, 106)

Participe passé en emploi adjectival. Pris par la force, soumis, vaincu.

Adonc se departi d'elle en disant qu'il se rendoit pour conquis, et que briefment retourneroit devers elle. (Reg. crim. Chât., II, 1389-1392, 282)

Par extension. Abattu (de fatigue), épuisé.

Regnault fu si conquis qu'aler il ne pooit C'unne lieue le jour (Renaut Mont. B.N. V., c.1350-1400, 442)

A paines puis j'aler mais pas Tant sui traveillie et conquise. (Mir. mère pape, c.1355, 390)

b)Se gagner qqn (ici obtenir la présence de qqn).

ABBÉ. (...) A grant bien nous sommes venus D'avoir Frere Martin acquis ; Et mieulx serons entretenus Que devant, puis qu'ainsi conquis Nous l'avons, sans l'avoir requis Ne ad ce contrainct nullement (La Vigne, S.M., 1496, 364)

c)[Domaine de l'amour] Séduire qqn.

...ma chiere dame, Qui a mon cuer, mon corps et m'ame Conquis par son regart soutil... (Mach., D. Lyon, 1342, 186)

Quar pour les biens que de vous dit Tous li mondes communement Conquise l'avez bonnement. (Mach., Voir, 1364, 54)

...quant Marotele Yray vëoir, s'il fait lait temps, Et s'aray solers bien fermens A troiz ou a quatre noyaux ? Ne luiteray je aux pastoureaux Quant vouldray en lieu de tournoy ? Je pense estre de tel conroy Que g'y conquerray belle amie. (Gris., 1395, 47)

Ceste vaillante preude femme (...) avoit pluseurs serviteurs en amours, pourchassans et desirans sa grace, qui n'estoit pas trop difficile de conquerre tant estoit doulce (C.n.n., c.1456-1467, 241)

[D'un aspect de la personne]

Douce dame, si loyaument conquis M'ont vos regars et vo maniere gaye Qu'à vous me rens com sers pris et acquis, Dont il convient que meinte doleur traie (Mach., L. dames, 1377, 65)

Car vos dous vis rians, fres, coulourès, Qui est seur tous de grant biauté parès, M'a si conquis que je vous serviray Sans repentir, tant com durer porray. (Mach., L. dames, 1377, 89)

Je ne la puis trop amer ne chierir, Car seur toutes a le cuer debonnaire, Corps gracieus, yex pour cuers conquerir, Douce, simple, faitice, blonde et vaire (Mach., L. dames, 1377, 120)

...son regart qui conquis M'a par sa vigour... (Mach., Motés, 1377, 508)

Car vostre doulceur m'a conquis Et je n'y ay remede quis ; Amours l'a bien sceu et enquis. En gré soit pris Ce livret pour vous entrepris, Car se aucun bien y est compris, Ce a fait l'amour dont suis espris (Chart., L. Dames, 1416, 304)

II. -Emploi pronominal. Faire effort sur soi-même pour ne pas se laisser aller à trop de plaintes ? Se lamenter en s'avouant conquis, vaincu, abattu ?.

Et en ce point que seul me conqueroye, La dame vint (...) Et quant elle eut de mon pleur congnoissance... (Saint-gelais, Séj. honn. D., c.1490-1495, 183)

III. -Participe présent en emploi adjectival.

Et gardez, tant que vous aurez a estre conquerant, que entre vous compaignons ne vous maintenez comme sire, mais commun au grant et au petit, et parler et tenir compaignie a chascun selon sa qualité, car ce fait les cuers enflammez d'amour a ceulx qui ainsi sont humain en seignourie. (Arras, c.1392-1393, 86)

...ung grand seigneur dudit royaume d'Angleterre entre les mieulx nez, riche, puissant, et conquerant (C.n.n., c.1456-1467, 79)

Remarque : Percef. I, R., c.1450 [c.1340], gloss. ('audacieux, entreprenant') ; Percef. IV, R., c.1450 [c.1340], gloss..

Emploi substantival.

En toutes façons, une bataille perdue a tousjours grand queue et mauvaise pour le perdant. Vray est que les conquerans les doivent cercher, pour abreger leur oeuvre (Comm., I, 1489-1491, 109)