ACQUERIR

verbe

[T-L : aquerre ; GD : aquerir, acquerre ; GDC : aquerir ; AND : aquerre1 ; DECT : aquerre ; FEW (XXIV, 110a) : acquirere ; TLF (I, 558a) : acquérir]

I. -Emploi transitif. Acquérir, obtenir, entrer en possession de.

A. -Qqn acquiert qqc./qqn

1.Acquerir [une chose concr.]. Entrer en possession de qqc. par achat, par héritage, par conquête (bien, richesse, terre...).

Moynes vuillent touz jours acquerre Par force ou par plait autruy terre ; Ilz ne seront ja sens content. (Dupin, Mélanc. L., c.1324-1340, 55)

Einsois donnoit [Largesse] a toutes mains, A l'un plus et a l'autre meins, Or, argent, destriers, oisiaus, terre, Et quanqu'elle pooit acquerre, Contez, duchiez et baronnies, A heritages et a vies. (Mach., J. R. Nav., 1349, 180)

...et tu vois que les Sabins tienet ja nostre tour, laquele il ont par traïson acquise (Bers., I, 1, c.1354-1359, 12.4, 20)

Cestui Damarachus avoit acquis en Tarquine grans richeces et engendré deus enfans (Bers., I, 1, c.1354-1359, 34.2, 58)

...il peust a son plaisir occirre, banir et priver des biens non pas seulement ceulz lesquelz il avoit suspecz ou lesquelz il haioit, mes encorez ceulz desquelz il esperoit pooir acquerre aucun pourfit par praie et par rapine. (Bers., I, 1, c.1354-1359, 49.5, 83)

Et certez ja ce fust que [ses] citoiens, c'est a dire lez Romainz, li eussent commis et doné leur empire et que il ne l'eust pas acquis par parricides (Bers., I, 1, c.1354-1359, 50.5, 84)

Avarice est soy estroitement tenir, escharcement despendre, avec volenté desordonnee et ardeur de acquerir les biens de ce monde a tort ou a droit, ne peut chaloir comment. (Ménagier Paris B.F., c.1392-1394, 32)

Et se tu, mon propre enfant, et vous, mes autres parens et amis, qui avez mes biens pour lesquelz acquerir j'ay trop oublié Dieu, pour lesquelz je n'ay pas acomply ses commandemens (...) se vous, dy je, vous (...) n'avez compassion de ma doleur, et ne me secourez vrayement, vous vous monstrez trop plains d'ingratitude, d'oubliance et mescongnoissance (Gers., Déf., 1400, 228)

On doit bien avoir grant envie D'une telle pierre acquerir (Chr. Piz., M.F., I, 1400-1403, 17)

...pour non payer souldee Et tribu a homme vivant, Qui les peüst aler suivant, Ne vouldrent mie dessus terre Leur habitacion acquerre (Chr. Piz., M.F., II, 1400-1403, 19)

Et plus sont povres et plus quierent Le bon vin, comment qu'ilz l'aquierent (Chr. Piz., M.F., II, 1400-1403, 75)

...que (...) il puist pratiquer, retenir et aquerir pensions, et exercer office de advocacie pour chascun (Fauq., II, 1421-1430, 341)

...voz engins travaillent a acquerre finances (Chart., Q. inv., 1422, 17)

...conclut qu'il [Robert d'Artois] acquerroit et conquerroit la principaulté et seigneurie du royaulme de France. (Juv. Urs., T. crest., c.1446, 35)

Il est saison de me mectre en chemin Pour aller veoir se pourray rien acquerre (Berg. agn. France L., 1485, 26)

...et est plus grant chose pour eulx d'avoir acquis ces places que beaucoup de gens n'entendent, et en tirent grands bledz et huylle (Comm., III, 1495-1498, 265)

Dieu ne fut oncq si bien vestu, Veloux ne volut onc acquerre Ne couronne aussi (La Vigne, S.M., 1496, 541)

Plusieurs de sesditz serviteurs bastirent et edifierent soubz son regne de bonnes, belles et fortes maisons, places et chasteaulx, et acquirent plusieurs bons et grans heritaiges (Le Clerc, Interp. Roye, c.1502, 400)

[P. méton. du compl.] Acquerir sa vie. Gagner sa vie.

Mais [la dame] trouva une bonne femme Que doulcement voulut requerre Pour, comme elle, sa vie acquerre Et estre povre lavendiere. (Vie st Eust. 2 P., c.1400-1450, 204)

...Pour habiter et vie querre [var. acquerre] (Gréban, Pass. J., c.1450, 16)

Proverbe.

Dons oultraigeux comme legierement et sans prouffit se despandent. Tost acquis tost se despens. Il appert par les acquestes des jeux de dez ou par usure. (Gers., Réf. roy. G., 1405, 1179)

Car si que dit un philosophe : N'est pas si grant maistrise d'acquerir la chose desiré comme de la bien garder. (Chr. Piz., Paix W., 1412-1413, 62)

Rien n'est si bien acquis que ce qu'on donne, Ni si loyal ne si bon a deffendre (Michault, Doctr. temps prés. W., 1466, 100)

Emploi absolu.

Li ung acquiert par sa vitesce Et li autre par sa noblesce, Li autre pert par sa folie. (Dupin, Mélanc. L., c.1324-1340, 228)

Car le fol large qui a prodigalité, il superhabunde en donner et en despendre et deffaut en aquerir et prendre. Et celui qui est illiberal, il superhabunde en prendre et en aquerir et deffaut en donner et despendre. (Oresme, E.A., c.1370, 165)

Messires Ustasses d'Aubrecicourt, qui pour ce temps estoit un chevaliers moult ables et moult vighereus et en grant desir d'acquerre, fu uns des premiers (...) qui le glave au poing (...) s'en vint combatre (Froiss., Chron. L., IV, c.1375-1400, 166)

Et depuis [Mélusine] ediffia Pons en Poictou et Sainctes, qui pour lors fu nommee Linges. Puis fist Talemont en Tallemondoiz, et moult d'autres villes et forteresses. Et acquist tant Remondin que, en Bretaigne, en Guienne, ne en Gascoingne, n'avoit prince nul, ne homme qui marchesist a lui, et qui ne le ressoignast tres fort a courroucier. (Arras, c.1392-1393, 79)

Retrayez, sire, vostre main et voz grans dons, et vous verrez ceulz qui demourront. Dit Seneque que telz ensuyvent le seigneur comme les mouches le miel, l'escouffle la charongne, le larron le mercier, c'est pour ravir et acquerir. (Gers., Noël, p.1404, 311)

...son mary (...) tresconvoiteux estoit et homme de grand diligence, et qui fort tiroit d'acquerre et gaigner. (C.n.n., c.1456-1467, 289)

Et tousjours s'efforçoient d'acquerir et conquester à l'entour d'eulx sur leurs ennemys. (Bueil, I, 1461-1466, 113)

Vieillesse acquiert, batist, maisonne, Jeunesse du bon temps se donne Et ne veult que joye demener. (Alecis, Blas. faulses am. P.P., a.1486, 196)

Proverbe. En donnant, l'on acquiert :

Et puis la belle dont je dy, Pensans qu'en donnant l'en acquiert, C'une bonté l'aultre requiert, A Tristifer a redonné Ung chapelet tout boutonné, Dont il l'enclina bassement Et remercïa doulcement. (Pastor. B., c.1422-1425, 46)

[Avec un adv. de quantité]

Et ce qui est meu est meu pour acquerir miex ou pour la conservacion de son bien. Et Dieu ne puet miex avoir et n'a mestier d'estre meu pour guarder son bien. (Oresme, C.M., c.1377, 164)

Trop acquerre n'est pas bon (Pastor. B., c.1422-1425, 199)

Mal/mauvaisement acquerir

Aussi occist il les premiers des perez, liquel avoient esté favorables a Servius, et doubtans que a lui meismez prist on example contre soy de le punir dont il avoit mal acquis le royaume, pour ce que il vooit soi avoir nul droit en icelui fors que force et violence (Bers., I, 1, c.1354-1359, 49.2, 82)

Se tu es riche et puissant et tu as assez et largement et te doubtes que ton avoir ne te doie faillir, et pour ce tu ne donnes quant il est temps et neccessité aux povres, ou quant tu ne rens ce que tu as de l'autruy, soit par emprunt ou autrement, mauvaisement acquis, tu peches en avarice. (Ménagier Paris B.F., c.1392-1394, 33)

... [il] viendra ung temps que Dieu exaulcera les pouvres, et les grans et mauvaiz riches auront assez affaire de mauldire l'eure que oncques eurent richesse et tresors mauvaisement acquiz. (Bueil, II, 1461-1466, 76)

Proverbe.

Et si croy que oncquez nulz hom Qui a volu ce mestier faire Que on appelle apotiquaire, On ne veÿ morir riche homme. Tous meurent povres, c'est la somme, Car c'est escripture divine : 'Qui mal acquiert, tresmal define.' (Renart contref. R.L., t.2, 1328-1342, 45)

Mais chose qui est bien acquise, Et seignourie, quant g'i vise, Qui est par raison gouvernée, A tousjours moult longue durée Et ainsis que perpetuele. La male acquise n'est pas tele, Qui petit ou neant profite Selon la raison dessus dicte. (Desch., Oeuvres R., t.8, c.1370-1407, 255)

De chose mal acquise ne joyra ja tiers hoir. (Prov. c.1400-1500. In : J. Morawski, Prov. fr., 1925, n° 478, 17)

...car proufit ou chevance mal acquise et contre honnesteté et bonnes meurs apporte souvent a son maistre ou a celluy qui le posside plus de dommage que de prouffit. Et de ce procede ce commun proverbe que de chose mal acquise ne jouyra le tiers hoir. (Fillastre, Traité Conseil H., c.1472-1473, 216)

Et, pour ce, nul ne doit desirer ce qu'il n'a pas, affin qu'il ne perde ce qu'il ha, car de la chose mal acquise le tiers hoir n'en jouyst point. (Macho, Esope R., c.1480, 218)

Au passif. DROIT Estre acquis à qqn. Appartenir à qqn, tomber en la possession de qqn.

Et si tost qu'il ara sceü Que vous n'arez justice fait, Il [le souverain] mettera la main de fait Sur toute vostre seigneurie, Et si dira, je n'en doubt mie, Que de droit li sera acquise. (Mir. enf. ress., 1353, 48)

[Après la prise d'Audenarde par François Acrement et ses gens] et fu tout acquis à iaux tous li avoirs qui estoit de Flandres, de France et de Tournai ; mais tout ce qui estoit de Hainnau fu sauvés, ne onques il n'enlevèrent riens (...) que tout ne paiassent (Froiss., Chron. R., XI, c.1375-1400, 141)

...laquelle [coste] il porta et bailla en gaiges, en la ville de Chartres, à un juif (...) pour la somme de deux fr. X s. ; par ainsi que s'il ne la rachetoit dedens le jour de la Sainct-Audarien prouchain venant, que icelle coste estoit acquise audit juif. (Reg. crim. Chât., I, 1389-1392, 111)

...aultres rentes tant par deniers que par blez... qui furent acquises sur le nom de Jehan de Bretaigne frere de mondit seigneur de Olivier de Pleven. (Comptes Lamballe C.-L., 1411-1412, 102)

...lesquelz le procureur du Roy maintenoit estre acquis au Roy pour certaines causes declarées oudit procès (Fauq., I, 1417-1420, 315)

Tout est en autres mains acquis ce que force de murs et de fossez n'environne (Chart., Q. inv., 1422, 21)

...par quoy les biens sont confisquez et aquis au Roy (Fauq., III, 1431-1435, 139)

...et tous ses biens acquis et confisquez au roy. (Roye, Chron. scand., I, 1460-1483, 4)

Une autre question fut des chevaux, du harnoys, de tous les aultres biens qui se peurent trouver en essence et par vraye congnoissance. Et fut dit qu'ilz seroient renduz à ceulx qui les avoient perduz, puisqu'ilz avoient esté rescoux avant que entrer en chastel, ne en ville, ne en lieu fort du party contraire ; et, tant qu'ilz estoient sur les champs, qu'ilz n'estoient point acquiz aux ennemiz qui ne les avoient point en possession en leurs barrières ne forteresses. Et bien y parust ; car ilz furent rescoux aux champs, comme vous avez oy. Mais, s'ilz eussent entré seullement en une barrière et feussent ressailliz aux champs, ilz leur eussent esté acquiz. (Bueil, II, 1461-1466, 214)

Acquerir qqc. à qqn. Procurer qqc. à qqn, rendre qqn possesseur de qqc. .

Et pour ce que je t'ai acquis, Et que d'umble cuer m'as enquis (Mach., R. Fort., c.1341, 89)

Quant ainssy ot toute soubmise Auffrique, et aux Rommains aquise, Adont, le vaillant Scipïon S'en part, com vaillant champïon, Atout d'avoir et de prisons Grant somme, et d'auffriquains grisons. (Chr. Piz., M.F., III, 1400-1403, 236)

... [Octovien Cesar mourust] moult plaint de tous les Romains ; car il leur avoit aquises moult de seigneuries et de biens et estoit moult preudomme, droicturier, debonnaire et de franc couraige. (Bueil, II, 1461-1466, 226)

Aquérir qqc. de qqn. Gagner sur qqn.

...il avoit soustrait le champ, c'est a dire les terres acquisez dez anemis, aus premiers et auz nobles de la cité (Bers., I, 1, c.1354-1359, 47.11, 80)

2.Acquerir [une chose abstr., un bien ou un profit d'ordre non matériel]

a)[Gén. dans un sens positif]

[intellectuel]

Dieu mist sens en toute figure. Chescune selonc sa nature Donna sa propre hehurance, Quar cilz qu'est saige par nature, Est de plus noble confetture Que n'est sens acquis par science. (Dupin, Mélanc. L., c.1324-1340, 213)

Quant de ceaus me fu departis, De leur science trés gentis Que j'aquis de fait avisé, Einsi comme j'ay devisé, D'une autre chose me souvint, Dont je croy que bien m'en avint. (Mach., D. Aler., a.1349, 246)

C'est a dire le premier Livre de la loy ou de introduttoire ouquel il ensaigne la maniere d'aquerir medicine et quelles et quantes sont les condicions qu'il esconvient avoir, qui veult avoir et acquerir la science (Saint-gille, A.Y., 1362-1365, 111)

A comsiderer raison, il acquist la povre conclusion que il ot ensi que je vous dirai. Il voloit de tous poins deshireter de la conté de Flandres, le conte Lois l'escachiet et Lois de Male, son fil (Froiss., Chron. D., p.1400, 633)

Les sciences que acqueriez A grant honneur vous menoient. (Régn., F.A., 1432-c.1465, 73)

Il fut natif de Samus, comme dit Justin et, pour acquerir science, ala en divers lieux, comme par toute Egipte, en Babillone, puis retourna en Crethe, puis en Lacedemone, pour sçaver de astrologie et des loix de Moïse et de Ligurgue. (Simon De Phares, Astrol., c.1494-1498, f° 45 v°)

[moral]

Aprés il monstre que bonne acoustumance est neccessaire pour vertu acquerir. (Oresme, E.A.C., c.1370, 531)

Je te pourroye nombrer les durs services, les perilz de corps et d'ame qu'il fault souffrir pour acquerir et garder la tres muable (...) amour des richesses de ce monde. (Gers., Concept., 1401, 411)

...par doctrine ouye en predicacion ou aultre maniere de instruction par la quelle leçon ou doctrine ton entendement acquiert science et apperçoit qui est a faire et qui est à laisser. (Cib., p.1451, 177)

...tu dois excerciter a vertu acquerir par frequentacion et excercite de bonnes operacions (Cib., p.1451, 187)

...philosophie morale, combien que elle enseigne de acquerir vertus coustumieres comme fortitude, prudence, justice, attremprance, liberalité et pareilles, qui se acquierent par operation et excercites humaines et continuees par long temps, toutevoies point n'enseigne comment on doibt et puet acquerir charité pour amer Dieu comme creature raisonnable le doibt amer. (Somme abr., c.1477-1481, 98)

Et c'est ce qu'on list ou .XXVe. chappittre de l'Ecclesiasticque : 'Se, en ta jonesse, tu ne as acquiz et assemblé aucuns biens et vertuz, comment les cuides tu trouver ne acquerre en ta viellesse ?' (Colart Mans., Dial. créat. R., 1482, 196)

[spirituel]

...Pour la gloire des cieulx acquerre (Mir. st J. Cris., c.1344, 264)

La premiere distinction d'icelles trois est neccessaire pour acquerir l'amour de Dieu et la salvacion de vostre ame (Ménagier Paris B.F., c.1392-1394, 3)

La IXe question : Puet on acquerir pardons pour les mors ? Response : Je tiens que non, car pardons sont ordonnez a ceulz qui se soubmettent a la court de misericorde qui est icy et qui dure jusques a la mort, non pas aprés la mort. (Gers., Déf., 1400, 237)

M'ame (...) ne desire rien fors Que d'un seul coup fussons deux mors En ceste guerre, Et les corps tous ensemble en terre, Tous en un cerqueil bien en serre, Et peussons paradis acquerre. (Chart., L. Dames, 1416, 218)

Aux pelerins et aux hermites Acquerans le pardon de Romme Pour estre de leurs pechez quictes (...) A tous vous fais scavoir en somme (...) Que pardon ne vault une pomme, Qui ne fait satisfaction. (Régn., F.A., 1432-c.1465, 215)

...et en ce faisant vous pourrez aquerir la joye de paradis (Juv. Urs., Loquar, 1440, 435)

Endementiers que Madame estoit en l'abbaye pour acquerir les pardons arriva ledit maistre Julien de Broy (La Sale, J.S., 1456, 258)

Pourquoy nous prirons Saincte Andoulle Que le vin et le blé ne coule Mais que en ayons a grant foisson En acquerent le grant pardon. (Serm. st Jamb. K., c.1460, 56)

Cy fine le livre du Jouvencel compilé par ung discret et honnourable chevallier pour introduire et donner couraige et hardement à tous jeunes hommes qui ont desir et voullenté de sieuvyr le noble stille et exercite des armes, èsquelles on puet bien faire et acquerir son sauvement, qui s'i scet bien conduire et gouverner en droit et bonne justice. (Bueil, II, 1461-1466, 261)

SATHAN. Tant que ceste ame estoit au corps, Povoit grace et mercy acquerre, Mais puis qu'elle en est mise hors, Plus n'en doit avoir ne requerre. (Le Mors de la pomme, éd. F.-E. Schneegans, a.1468. In : Romania 46, 1920, 564)

Tiercement, la personne qui est en charité peult faire son proffit de tout, car se prosperité luy arrive, maiz qu'elle la prengne en crainte et en pourpos de servir Dieu, elle luy est meritoire : s'il luy survient adversité et qu'elle ait pacience en endurant pour l'amour de Dieu, elle acquiert merite, et luy vault a la purgacion et satisfacion de ses faultes. (Olivier Maillard, Serm., 1475. In : Chrestom. R., 219)

JHESUS. Mathieu, mon amy, je t'acorde Que, si avecques moy converses Et les biens du monde delaisses, Je te feray si loyaux changes Que les biens eternelz des anges Pourras au haultain regne adquerre. (Michel, Myst. Pass. J., 1486, 57)

Je me tiens, mon seigneur, ou bois Pour acquerir mon saulvement (Sots gard., a.1488, 101)

Sainte Helyzabeth, qui acquistes Povoir de susciter les mors, Faictes tant par voz saintz merites, Que Dieu me soit misericors. (Prières saints R., t.1, c.1488, 49)

Acqueru nous a saulvement Jhesu Crist nostre redempteur (Prisonn. desconf. C., c.1488-1489, 39)

La paix des cieulx faiz en terre descendre Pour acquerir nostre salvacion. (La Vigne, S.M., 1496, 249)

[affectif]

Par coi j'ai mis sens, temps et jours Pour acquerre l'otroi d'ami Au gré de si noble merci Comme de vous, qui estes pure Flourz de toute creature (Acart, Prise am. H., 1332, 5)

Mais souvenirs la figuroit En mon cuer et m'asseüroit Que sa bonne grace acquerroie (Mach., Voir, 1364, 405)

Ma Dame, vous povez savoir Les biens qu'ay euz a vous servir ! Car, par ma foy, pour dire voir, Oncques je n'y peuz acquerir Tant seulement un doulx plaissir, Que, sitost que je le tenoye, Dangier le me venoit tolir Ce peu de plaisir que j'avoye. (CH. D'ORLÉANS, Ball. C., c.1415-1457, 33)

Se je tens honneur surquerir, Dieu et Fortune me confonde Et ne me doint ja acquerir Une seule joye en ce monde. (Chart., B. Dame, 1424, 343)

...d'ou sont venues les grans vaillances (...) sinon par le service d'amours acquerir et eulz entretenir en la grace de leurs tres desirees dames ? (La Sale, J.S., 1456, 9)

...pour acquerir par l'amant la tres desiree grace de sa dame, se efforcera d'estre doulz, humble, courtois et gracieux (La Sale, J.S., 1456, 17)

...pour ma part, vous savez que j'ai fait pour vostre grace acquerir (C.n.n., c.1456-1467, 345)

...plaise toy doncques avoir merci de ceste pouvre desolee qui sera tantost assolee, et ma cité depopulee et a grant ruyne livree par ton alee infortunee, et vueille muer ton couraige se mes prieres et requestes peulvent avoir lieu ne merite d'acquerir mercy envers toy. (Eneydes, 1483. In : Chrestom. R., 232)

Dame, pour Dieu regardez les labours Que j'ay souffers pour vostre amour acquerre (Saint-gelais, Eurial. Lucr., c.1490. In : Chrestom. R., 262)

[soc.]

Et, pour voir, la vois et l'ordenance du conditeur de cesti temple, par laquele il voult que ceux qui emprés lui vendront portassent et donnassent illecquez les despoullez des anemis, et non pas les donassent a leur compaignons pour acquerre loenge, fu aus dieux agreables. (Bers., I, 1, c.1354-1359, 10.7, 17)

Si fu celle besoigne tant agreable au commun que il acquist le seurnom de tres grant et en fu apelez Fabius Maximus (Bers., I, 9, c.1354-1359, 46.15, 88)

Et si serai secrés et bien celans, Et pour pröece acquerre traveillans, Tant que bon los et bon renom avrai. (Froiss., Orl., 1368, 96)

Car Tubulus, si com j'ai lut de li, Qui fu, ce recommendent li aucteur, Uns vres amans, acquist moult haulte honneur, Quant pour amer par amours, vres martirs, Frans et loyaus, moru de coer entirs. (Froiss., Orl., 1368, 109)

Monseigneur, et vous, madame, s'il vous plaisoit, il seroit bien temps que nous alissions adventurer pour acquerir l'ordre de chevalerie, car ce n'est pas l'entencion de nul de nous de le prendre, fors au plus prez que nous pourrons de l'avoir, comme Uriiens et Guyon, noz freres, l'ont eue, combien que nous ne sommes pas dignes de l'avoir si noblement ne en si nobles places (Arras, c.1392-1393, 145)

...mon frere et moy ne sommes pas venus de nostre pays sur la fiance de gaignier peccune sur vous ne sur autrui, mais en desir et en espoir d'acquerir honneur et bon renom, sans avarice. (Arras, c.1392-1393, 167)

On l'acquiert [Eür] a trop grant dangier Et si le pert on de legier (Chr. Piz., M.F., I, 1400-1403, 70)

Et plus de joye avoit de donner que autres de prendre, dont il acquist telle renommee que chascun parloit de luy en bien. (Guy Warwick, c.1400-1450. In : Chrestom. R., 94)

...los et bonne grace que vous avez tousjours acquis (Lettres Chart., 1425, 360)

...se vous [les nobles] estes nobles a cause de lignee, que on en doit dire grant mercy a voz predecesseurs qui vous ont acquis celle noblesse (Juv. Urs., T. rever., 1433, 68)

Et quant la journee du tournoy et que les courtoisiez des honneurs acquerre seront passeez, adont venra la journee de devocion et de recongnoistre et aourer son droit createur (Percef. IV, R., c.1450 [c.1340], 21)

...ce bon chevalier, pour mieulx valoir et honneur acquerre et embrasser, se partit de sa marche (C.n.n., c.1456-1467, 246)

Secondement ay entencion de declairer et magnifester les haultes vertus, les grans triumphes, la loyauté et le grant courage des gens de guerre, quant ilz sont bons, avecques les plaisirs, loenges, honneurs et bonne renommée qu'ilz acquièrent en exerçant les armes. (Bueil, I, 1461-1466, 46)

Et luy suffist d'acquerir la vaine louenge du monde, dont selon la sentence de nostre seigneur et saulveur Jhesucrist, contenue es sainctes euvangiles, il a desja receu le sallere vain qu'il a desservy. (Ovide mor., 1466-1467. In : Chrestom. R., 205)

Jobias fut en regne et en fleur en ce temps et aquist bruit merveilleux par tout le siecle pour la science de astrologie (Simon De Phares, Astrol., c.1494-1498, f° 38 v°)

Emploi factitif.

La seconde chose qui fait acquerir glore au prince, c'est foy que l'en voit estre en luy, tele qu'il se fye en son peuple et que son peuple se peut fier en luy. (Fillastre, Traité Conseil H., c.1472-1473, 230)

Je luy diz que non, mais faict bonne chère, et que le roy avoit cause de l'aymer, car il luy faisoit acquerir grant honneur en l'assaillant. (Comm., III, 1495-1498, 200)

[pol., stratégique]

...le roy d'Angleterre (...) met toute la peine qu'il puet a acquerir alliance contre nous. (Phil. Vi Valois, Lettres closes C., 1338, 75)

Donques comme il veist que il avoit ja tant acquis et procuré d'aydes et de forces que il pooit resister a tous preforcemens (Bers., I, 1, c.1354-1359, 54.5, 90)

Mais cuides tu, pour estre eschars, Pour garder tes vins et tes chars, Ton or, ton argent, tes jouiaus, (...) Aquerir les victoires belles ? (Mach., C. ami, 1357, 114)

Pour eaus requerir, par linage, D'entreprendre le saint passage, Les uns par dons et par prieres, L'autre par faire bonnes chieres, Tout pour aquerir l'aliance Des bonnes gens d'armes de France. (Mach., P. Alex., p.1369, 17)

...si ly firent tous feaulté, comme à leur droit seigneur. Et ly fu tous cils grans tresors delivrés, par le grant acord qu'il acquist as bourgois de le cité, par grans dons et prommesses qu'il leur fist. (Froiss., Chron. L., II, c.1375-1400, 89)

Depuis, ce sire de La Vote le tint en son chastel et sans point le laissier partir, tant que il ot à Limosin acquis sa paix partout. (Froiss., Chron. M., XII, c.1375-1400, 112)

...et iront deviers le duc de Braibant (...) et a son frere de par sa serour le conte de Gerlles, et aussi au marqis de Jullers et aqiere amour et aliance a euls. Et se il puet avoir le confort et l'aide des Alemans avoecques la sienne, il pora bien adont desfiier le roi de France et demander son droit (Froiss., Chron. D., p.1400, 250)

Le Regent, qui estoit homme de guerre, regarda la convine de ses ennemyz et leur contenance et vit bien qu'ilz n'avoient point voulloir d'assembler avecques le roi Amydas ne avecques lui, pour ce qu'ilz ne véoient point leur avantaige et leur souffisoit de se monstrer puissans pour acquerir la voix du peuple. (Bueil, II, 1461-1466, 199)

Toutesfois, messire Jacques, nous vous tenons bien estre recors des alliances de nostre très-cher et bien aimé fils de Navarre et de nostre très-chère et bien aimée fille sa compagne, laquelle est nièce de nostre très-cher et bien aimé le duc de Bourgongne, ensemble plusieurs alliances par nos ancestres et par elle acquises (Faits Lalaing K., c.1470, 152)

Ilz ont aulcunnefois une maniere, quant ilz veulent acquerir la grace des hommes, de user d'unne grande liberalité et largesse et quant, par ce moyen, ilz ont acquis ce qu'ilz desirent et sont parvenus a le auctorité qu'ilz queroient, ilz convertissent leur pouoir et auctorité en pure tyrannye (Fillastre, Traité Conseil H., c.1472-1473, 161)

[jur.]

...et seroit ung erreur que le droit qui ne fut oncques acquis a la dicte Ysabeau feust transferé a son filz. (Juv. Urs., T. crest., c.1446, 50)

...le duc d'Albanie disoit que sondit frere usurpoit sur luy ledit royaulme pour ce que lesdiz roy d'Escosse et duc d'Albanie, qui estoient freres, estoient venus et yssus sur terre d'une ventrée, et que d'icelle ledit duc d'Albanie estoit le premier yssu et que par ainsy il avoit acquis droit d'ainsnesse devant sondit frere audit royaulme. (Roye, Chron. scand., II, 1460-1483, 125)

Celle de laquelle l'enfant est receu est a toy faite commere par le fait de ta femme, et ta femme morte tu ne porras avoir icelle en espeuse et en femme. Et entendre fault icelle mesmes compaternité estre acquise a la femme par le mary. (Sacr. mar., c.1477-1481, 58)

b)[Plus rarement, valeur nég. ; ce que l'on acquiert est pénible ou néfaste]

Subir, éprouver ; s'attirer.

...moult porroit comparer chiere Tele priere Mes cuers qui gist en son lien. Pour ce n'en fais samblant ne chiere, Que je n'aquiere Refus qui me deboute ou fiere De li arriere (Mach., R. Fort., c.1341, 21)

...et fist puis aprez de beaulx miracles au lieu où il fut decolez ; de quoy ledit messire Hues acquist grand hayne de tout le pays et aussy de la royne et du conte de Cayn dessusdit, qui estoit frere du roy. (Le Bel, Chron. V.D., t.1, 1352-1358, 10)

Lors vostre mére sanz respit Me conmanda les enfans prendre Et qu'en l'eure (...) Dedans la forest les portasse, Et la touz trois les estranglasse (...) ; Et je qui oi doubte d'aquerre, Chier sire, s'indignacion, Les trois filz sans dilacion Pris et ou boys les emportay (Mir. roy Thierry, c.1374, 313)

Li dus ne le volt ou n'osa plus soustenir ouvertement en son pooir, pour doubtance que de avoir et acquerre le hayne dou dit roy de France. (Froiss., Chron. L., I, c.1375-1400, 102)

Mais par la loy est le contraire : Maris puet a sa femme traire, Et la femme avec son mari, Pour hoirs avoir, lors sont gari (...) : L'un ne l'autre en ce cas n'aquiert Sanz plus que pechié veniel Que l'en appelle originel. (Desch., M.M., c.1385-1403, 313)

...cent douleurs contre un plaisir acquierent (Chart., D. Fort., 1412-1413, 180)

Bien sçay que je fais desplaisance Aux amoureux d'ainsi parler Et que j'acquier leur malvueillance (CH. D'ORLÉANS, Ball. C., c.1415-1457, 147)

...tu affermes que ceulz du peuple, qui soubz ton umbre se sont mis sus, font les deliz dont tu acquiers les mauvais loz. (Chart., Q. inv., 1422, 39)

Vous advés tort Si grand remort - faire, et aquarrés ung blasme ! (Pass. Auv., 1477, 240)

Acquis avons une grant onte Que reprochee nous sera, Car tout le monde nous diré Estre murtriers de sanctes gens. (Pass. Auv., 1477, 270)

A cause de ce qu'il disoit sçavoir ces choses par revelation, murmuroient plusieurs contre luy, et acquist la hayne du pape et de plusieurs de la cité de Florence. (Comm., III, 1495-1498, 308)

Pas ne m'actens d'acquerir vitupere (La Vigne, S.M., 1496, 172)

...le grant bastard de Bourgoigne, garny de honneste couraige, lequel estoit saige chevalier, notable et de très grant honneur, qui conseilla au duc qu'il ne pourroit acquerir ung plus grant deshonneur que de retenir le roy (Le Clerc, Interp. Roye, c.1502, 219)

Gagner, obtenir.

Je te afferme que tant de peine, de travail, de soucy et de honte ne te fault pas souffrir pour servir Dieu, ton bon et loyal amy, et paradis avoir, comme ceulz icy prenent pour argent et enfer acquerir. (Gers., Concept., 1401, 412)

Vueilliez consentir orendroit Qu'estre curee selon droit Puist la plaie contagieuse, Qui cueurt si pestilencieuse Que les hommes tous envenime, Si qu'entr'eulx n'a raison ne rime, Par le desir qu'ilz ont d'acquerre Ce qui fait mouvoir entr'eulx guerre, Dont il s'ensuit maulx infinis. (Chr. Piz., Chem. estude P., 1402-1403, 123)

Et certains est que l'omme ne pecha point devant qu'il fut, ne n'avoit fait chose par quoy il ne deust estre ; mais aprés ce qu'il fut fait, il pecha et par pechié il perdit ce pour quoy il avoit esté fait, combien qu'il ne perdit pas entierement ce qu'il estoit monlt, mais a acquis punicion et que Dieu eust misericorde de lui. (Crap., Cur Deus, De arrha B.H., c.1450-1460, 235)

Aprés ilz se prindrent a deviser de l'isle de Colcos, et le roy leur compta ceulx et celles qui la mort en avoient acquise, puis leur conseilla qu'ilz n'y alassent point. Mais quelque chose qu'il leur en deist, Jason demoura en son propos de soy adventurer illec entre les terribles bestes... (LEFÈVRE (R.), Hist. Jason P., c.1460, 195)

Adam en sue, et Eve en pleure, Gloire ont perdu, grant paine acquierent (Molinet, Myst. st Quentin C., c.1482, 49)

Mériter, chercher.

Qui te puet avoir dessevré De la bonne amour du marquis ? Ne croy pas que l'aies acquis. (...) Moult est la chose tost tournee Et moult puis avoir cuer dolent, Quant ta belle et bonne jouvent As usee ou noble servise Du marquis, qui a sa devise Prent autre pour toy delaissier. (Gris., 1395, 86)

...et estoient tenu en Hainnau de comparer tous ces cas, car trop bien l'avoient li Hainnuier acquis. (...) il fu acordé et ordonné que li compagnon saudoiier françois (...) venroient en Hainnau et i bouteroient le feu (Froiss., Chron. D., p.1400, 351)

Provoquer, exciter.

[Jennin et son frère] ont tousjours esté acquerans noises et debats (Arch. Nord, 1473, B 1695, f° 11 v°, IGLF)

3.Acquerir qqn

a)Séduire, faire la conquête de.

Douce dame, j'ay bien assavouré Ce doulz regart par tel savourement Qu'encor en ay le dart tout amouré Dedens mon cuer ; ce sachiés vraiement. Et quant j'en sens le point si doucement, M'avés acquis, tres belle à qui m'ottroie, Que cuer et corps et penser m'en resjoie. (Mach., L. dames, 1377, 101)

Puis me venoient les aucuns dire Moult doulcement et requerir Que, pour leurs dames acquerir, Je feisse chansons et rondeaulx Ou mottez qui feussent nouveaulx. (Régn., F.A., 1432-c.1465, 158)

Amans qui est sy gracieux Ne fault pas de dame acquerir. (Jeu quatre pers. L., a.1465, 188)

...c'est la plus plaisant creature que je visse oncques. Si suis tout ravy de luy ; s'il vouloit, il acquerroit beaucop de dames. (Jehan de Paris W., 1494-1495, 79)

b)[Dans le lang. mystique, relig.] Amener, gagner [qqn à Dieu].

Tu as tout ce peuple retrait D'enfer et l'as a Dieu acquis (Mir. st Val., c.1367, 162)

...par miracles acquist a soy [le Sauveur] sa sainte Eglise. (Chart., L. Esp., c.1429-1430, 126)

...Dieu qui tant nous ayme que, pour offense que nous lui povons faire, il nous acroist et soeuffre pour nous vouloir acquerir (La Sale, Sale D., 1451, 239)

[En mauvaise part] [De Mahomet] Gagner à soi, rallier.

Ce non obstant tiercement aquis tu les paoureux et lez foibles par espoventement et par menaces, si tost que tu te sentiz puissant et adextré dez cruelz sathalitez. (Chart., L. Esp., c.1429-1430, 125)

c)Gagner à soi, rallier, enrôler.

...il veoit bien que, par lui ne par le poissance de son royaume, il poroit à mesaise mettre au desous le grant royaume de France, se il n'acqueroit des signeurs poissans, en l'Empire et d'autre part, par son or et par son argent. (Froiss., Chron. L., I, c.1375-1400, 119)

...faire sa guerre de gens acquis par dons et par prieres (Chart., Q. inv., 1422, 57)

d)Soumettre, se rendre maître de.

S. JEHAN BAPTISTE. Seigneurs, ou temps que je vivoie, Ou fleu Jourdain le baptisé. Le filz Dieu bien l'ay avisé, Que c'est cil qui nous vient secourre. Ly diable ne saront tant courre Ne fuïr qu'i ne les acquiere ! (Myst. Pass. N.S. R., c.1350-1370, 248)

Au figuré. [D'un vice personnifié]

Vient oussy gloutonnie d'autre léz et dist tu es miens Car le boire et le mengier d'un jour et le convive est le joie et plaisance de ta vie (...) entre les hanas vins et viandes je t'ay aquis et conquesté (Psaut. Ludolphe le Chartreux D., c.1495, 73)

Au passif. [D'un prisonnier, d'un délinquant] Estre acquis à qqn/à une autorité. Être en son pouvoir.

Pour ce, fut dit que, tant qu'on est sur les champs et en payz de guerre ou prez de ses ennemiz, que chascun garde son prisonnier ; car qui le pert de veue, depuis qu'il est hors des barrieres et des escoutes, il est gaigné et acquiz à cellui qui le treuve, pour les grans inconveniens qui en pevent advenir. (Bueil, II, 1461-1466, 94)

Et, le VIIJe jour du dit moix, on fit ung huchement publicque que nulz ne parlit à eux, ne lor donnit à maingier, ne lor donnit vestemens, ne lor fit favour quelconcque, sur penne d'etre acquis de corps et de biens à la cité. (Aubrion, Journal L., 1491, 276)

Et quiconcques y mespranroit, il seroit acquis à justice de corps et de biens, et le réputeroit-on pour traytre à la cité et à justice. (Aubrion, Journal L., 1491, 291)

e)Acquerir un ami/un ennemi. Se faire un ami, un allié/un ennemi.

Et mains bons chevaliers a la chiére hardie A la fin qu'en fait d'armes puist aquerir amie. (Brun de la Mont. M., c.1350-1400, 1)

...il n'est nulz rois (...) qui au temps present vous osast couroucier, tant estes vous renommés de bonne chevalerie, de grasce et de fortune : si vous deveroit par raison souffire ce que vous avés, et non acquerre nul anemi. (Froiss., Chron. L., VI, c.1375-1400, 201)

La seconde distinction est neccessaire pour le prouffit du mesnaige acroistre, acquerir amis, et sauver le sien, pour secourir soy et aidier contre les males fortunes de la viellesse advenir (Ménagier Paris B.F., c.1392-1394, 3)

Et li contes de Montfort entendoit d'aultre part a acquerre amis de toutes pars, tant que en Bretagne et ens es marces voisines, dont il pensoit le mieuls a valoir (Froiss., Chron. D., p.1400, 476)

Le jouvencel respondit que plus de L [avait-il d'amis], voire plus de cent, car il cuidoit comme inexpert, que tous ceulz feussent trop bien ses amis qui luy monstroyent beau semblant de chere, de parole ou de bras. 'C'est grant merveille, dist le pere, car en tout mon aage et si est si grant, je n'en ay peu acquerir que ung demi'. (Gers., Concept., 1401, 415)

Millour fait amis acquerre Que nulle chevance conquerre (Pastor. B., c.1422-1425, 122)

...elle se garde en l'amour de chascun et si acquiert nouveaulz amis (La Sale, J.S., 1456, 75)

f)S'adjoindre [qqn].

Dont je te veulx devostement requerre Qu'il te plaise de m'ayder a querre Et enquerre L'omme de bien que sur tous veulx acquerre (La Vigne, S.M., 1496, 349)

g)Acquerir qqn + attribut ou compl.

Prendre pour chevalier servant.

...tant feroye mon devoir Vers vous, qui tout m'ariés acquis Vostre chevalier, serf conquis Qu'aultre ne voudroye honorer Jamais (Chr. Piz., M.F., III, 1400-1403, 39)

Madame (...) l'amoit trop mieulz, pensant que se elle pouoit par bonne façon en son service l'acquerir, que elle le mectroit bien a son ploy (La Sale, J.S., 1456, 13)

Prendre pour amie.

Ceste lecon chascun bien estudie Qui tant se payne m'aquerir pour amye, Et qui voudra a mes grans biens pretendre, Car en la fin convient ou rendre ou pendre (Die Liederhandschrift des Cardinals de Rohan, éd. M. Löpelmann, c.1463-1475, 3, 23, IGLF)

4.[P. méton. du suj. ; d'un attribut, d'une faculté] Procurer, faire obtenir.

Par quoy on doibt reverer sans folleur A ce dict jour les martirs de valeur, En recolant les douleurs qu'ilz souffrirent (...) Et le loyer que telz travaulx acquirent Aux benoictz sainctz et martirs glorïeux. (Vie st Eust. 2 P., c.1400-1450, 225)

...ilz ont protesté et protestent que pour le temps avenir ce qu'ilz feront et paieront ne leur puist porter aucun prejudice, ne aquerir aucun droit ou saisine de servitute à ycellui segneur contre les dessusdiz (Fauq., II, 1421-1430, 356)

Et est signifié ausdis de Saint-Martin et de Saint-Denis que ceste tollerance ne leur aquerra aucun plus grant droit qu'ilz ont de present (Fauq., II, 1421-1430, 360)

Aprés ceste entree s'aida le malin esperit de ce decepveur d'une seconde cautele, et s'apensa que extremité n'acquiert riens sans debat et que la voie moienne a ses adresses a tous chemins. (Chart., L. Esp., c.1429-1430, 119)

SIMO. Sa vie estoit tele : il enduroit de touz ceulx avecques qui il estoit, et s'abandonnoit a leurs volentez. Il ensuivoit leurs estudes. Il n'estoit contraire a nul (...). SOSIA. Il a establi et commencé sa vie bien sagement, car en ce temps cy, service acquiert amis, et verité hayne [lat. : obsequium amicos, veritas odium parit] . (Rippe, Andrienne, a.1466. In : Chrestom. R., 207)

Et se il [le prince] n'a la faculté ou la puissance de leur faire ou procurer le bien qu'ilz desireroient avoir de luy et il leur moustre ceste benivolence que s'il estoit en luy de leur acomplir leur desir il le feroit, ceste benivolence ainsi demoustree acquiert l'amité du peuple comme s'ilz avoient obtenu le benefice qu'ilz desirent. (Fillastre, Traité Conseil H., c.1472-1473, 229)

B. -Qqc. acquiert qqc.

1.[Une qualité] En venir à posséder cette qualité.

...la secheur acquiert une acuité et devient plus aguë (Saint-gille, Comment. A.Y. L., 1362-1365, 223)

Item, les parties des ellemens simples qui ont contraire esquelles leur contraire ne fet aucune action, n'ont mestier de telle qualité ou puissance pour durer, si comme les parties de terre qui sont vers le centre et les parties du feu qui sont pres du ciel, quar se touzjours estoient la ou il sont et aucune chose contraire ne approchast de elles, elles dureroient par temps infini sanz aquerir autre puissance que [celle] que elles ont (Oresme, C.M., c.1377, 232)

...les corps du ciel ne attaignent ou aquierent par leur mouvement quelcunque perfection fors tant seulement que par telz mouvemens il sont appliquiéz deuement pour oevrer a la fin pour quoy il sont ou furent creés (Oresme, C.M., c.1377, 508)

Aussi sont lors bons et plaisans Gellines, perdriz et faisans, Merles, mauviz et estourneaulx, Et mains autres menuz oyseaulx, Et valent les chars devant dictes Mieulx en rost qu'en eaue cuites, Pour la sécheur non pourrissant Qu'ilz acquièrent en rostissant (La Haye, P. peste, 1426, 90)

2.[Une modalité] Acquerir sa cause de qqc. Trouver son origine dans qqc..

Déterminé aucunement Des causes et droit fondement, Dont cestui mal de pestillence Acquiert sa cause et sa naissance (La Haye, P. peste, 1426, 50)

C. -[D'une chose] Acquerir qqn

Estre acquis de qqc. Être sous l'emprise de qqc..

Mais tant souffry de painne ce jour ly rois Loÿs Qu'il fu de malladie moult grevé et acquis (Hugues Capet Lab., c.1358, 94)

II. -Emploi pronominal.

A. -Emploi pronominal réfléchi. S'acquerir qqc. S'attirer, encourir.

Certes, si les bien clairs hommes méritent louenges par les bons vertueux exemples, ceux qui se desvoient doncques et s'aclinent à vicieux usages, s'acquièrent aussi les titres confus. (Chastell., Chron. K., t.5, c.1456-1471, 497)

S'acquerir des ennemis. Se faire des ennemis.

Et ces termes et façons qu'il tenoit, dont j'ay parlé icy dessus, luy ont saulvé la couronne, veu les ennemys qu'il s'estoit luy mesmes acquis à son advenement (Comm., I, 1489-1491, 68)

B. -Emploi pronominal à sens passif. Être obtenu.

...toute science est difficile et obscure. Par quoy il s'ensuit qu'elle ne se puet acquerir sanz travail (Legrand, Archil. Sophie B., c.1400, 48)

L'amour caritative est en nostre ame supernaturelement de Dieu infuse, l'amour naturele naist avec l'omme et l'amour acquise s'aquiert par excercitacion studieuse. (Vie contempl., c.1450-1500, fº 45 vº)

...philosophie morale, combien que elle enseigne de acquerir vertus coustumieres comme fortitude, prudence, justice, attremprance, liberalité et pareilles, qui se acquierent par operation et excercites humaines et continuees par long temps, toutevoies point n'enseigne comment on doibt et puet acquerir charité pour amer Dieu comme creature raisonnable le doibt amer. (Somme abr., c.1477-1481, 98)

III. -Participe passé en emploi adjectival.

A. -[D'une chose]

1.[D'un bien matériel] Gagné, obtenu.

...la seconde femme il pourra douer des hiretaiges, terres acquises oultre la rieviere de Muese, marchissans à l'eveschié de Liege et à la duchié de Brabant sans en riens chargier la principale seignourie de Guerles. (Froiss., Chron. M., XIV, c.1375-1400, 150)

Quant le baron ou banerez et aultre grant noble homme a troiz ou quatre baronnies de son patrismoyne ou acquises (...) ses hommes de foy, son roy ou prince, par qui il doit estre viconte, doit estre en place publicque assiz, en l'estat que a lui appartient, et a ses piez doit estre le viconte a genoulz. (La Sale, Salade, c.1442-1444, 233)

Mal acquis

...ne si ne delessa point de continuer son magistrat jusques a tant que ces empires mal acquis, mal demenez et mal retenus, le mirent a mort et a destruction ! (Bers., I, 9, c.1354-1359, 34.2, 60)

2.[D'une faculté, qualité ou capacité] [P. oppos. à naturel] Obtenu par apprentissage, expérience ou pratique.

Il est tout vray, sans nulle doubte, Que je sceus la maniere toute Des alerions, et leur guise, La naturele avec l'aquise (Mach., D. Aler., a.1349, 308)

Car se l'un habit et l'autre, c'est a savoir, vertu naturele et vertu acquise sont ensemble, adonques est ce proprement vertu. Et donques tout aussi comme en la partie de l'ame opinative ou raisonnant sont .II. especes, c'est a savoir, demotique et prudence ; semblablement, en la partie ou appetit moral sont .II. especes. Une est vertu naturel et l'autre est vertu principal et aquise. (Oresme, E.A., c.1370, 358-359)

Muse eloquent entre les .IX., Christine, Nompareille que je saiche au jour d'ui, En sens acquis et en toute dotrine, Tu as de Dieu science et non d'autruy (Desch., Oeuvres Q., t.6, c.1370-1407, 251)

[Les saints docteurs] eurent par grace divine science infuse, et science acquise par la peine qu'ilz eurent prise (Nesson, Vigiles des morts P.D., c.1400-1442, 77)

Quant la dame eut oÿ le chevalier ainsi parler, sens acquis n'eut aucun pouoir contre amour naturelle, dont commença a dire en tendrement plourant : Haa ! char de ma char et enffant de mon effant, amour de grant mere ne se puet en moy plus celer, trop y a couvé ! (Percef. IV, R., c.1450 [c.1340], 996)

L'amour caritative est en nostre ame supernaturelement de Dieu infuse, l'amour naturele naist avec l'omme et l'amour acquise s'aquiert par excercitacion studieuse. (Vie contempl., c.1450-1500, fº 45 vº)

Et sy puis seurement dire que, combien que ung prince ne ait en soy lettres ne science acquise, se il use du conseil de sages et lettrez, que il les interrogue en ses affaires et sçache par eulz ce qu'est de faire (...), tel prince est a jugier sage, tel le doit on tenir, tel le doit on nommer. (Fillastre, Traité Conseil H., c.1472-1473, 157)

3.[D'un bien, d'un profit moral] Obtenu par faveur (?).

Proverbe.

Tant vault bon bruyt que grace acquise (Villon, Poèmes variés R.H., c.1456-1463, 52)

4.[D'un droit] Obtenu autrement que par succession.

Veoir les fais et sçavoir l'escripture, Et la lettre tresententivement, Quelz sont les droiz acquis et de nature, Qui a esté de bon gouvernement, Qui s'est aussi gouverné folement, Que vault sçavoir tout ce qui n'y prant garde ? Mieulx vault cellui qui chace et rien ne prant, Car sages homs la fin voit et regarde. (Desch., Oeuvres Q., t.2, c.1370-1407, 66)

5.Mort acquise. Mort qui n'est pas due à la vieillesse, mort provoquée par le malheur, la souffrance morale' (Éd.).

...pour les perilz que je voy es signes apparans il m'est engendré au cuer une estincelle qui ne puet estaindre se plus saige de moy ne l'estaint, et ce me fault querre et trouver, ou mourir me convient de mort acquise. Car en pourtant telle douleur je ne pourroie longuement vivre (Percef. IV, R., c.1450 [c.1340], 504)

6.[D'une propriété phys.] Accidentel, contingent.

Et n'est pas proprement pesanteur, quar se un pertuis estoit de ci jusques au centre de la terre et encor oultre, et une chose pesante descendoit par ce pertuis ou treu, quant elle vendroit ou centre, elle passeroit oultre et monteroit par ceste qualité accidentelle et aquise et puis redescendroit et yroit et vendroit plusseurs foys (Oresme, C.M., c.1377, 144)

7.Oeuvre acquise. Oeuvre produite par l'activité humaine.

Plus de science en li manoit [en Sens] Que par tout le monde n'avoit. Elle aprendoit les yngnorans, Les vieus, les moyens, les enfans, Toute oevre acquise et de nature Venoit de se gente figure, Onques ouvraiges ne valu U Sens au labourer ne fu (Jean De Le Mote, Regr. Guill. S., 1339, 47)

B. -[D'une pers.]

1.[D'un vaincu] Soumis au pouvoir du vainqueur.

Mais les Siraspidicïens (...) Au roy Antigonus manderent : 'Roy, se tu nous as desconfis, Nos femmes et nos enfans pris Par ta grant force en la bataille, De nous courouchier ne te chaille. Nous sommes une gent acquis, Si n'en devons point valoir pis...' (Renart contref. R.L., t.1, 1328-1342, 181)

2.[La situation soc. ou familiale indiquée par le subst. qualifié n'existait pas à la naissance]

[P. oppos. à ami naturel, ami charnel] Ami acquis. Ami d'élection.

...tous ses amis et amyes acquis et charnelz. (Prière, c.1400-1500, ms. Sens, Bibl. municipale, 39)

...se tu as bien ame ton pere ta mere tes freres et tes suers ta femme ou toy femme ton mary ou tes parens et amis naturelz ou acquis plus que tu nas fait dieu ou seigneurs ou maistres qui te auront promis de grans biens (...) et il aduient que par enuie on te mettera en leur malegrace dont tu te feras dechassier de leur court ou de leur hostel pourquoy te fauldra viure sur la labeur de tes bras (RENÉ D'ANJOU, Mortif. Vaine Plais. L., 1455, 24)

Bourgeois acquis. Bourgeois qui n'avait pas cette qualité à la naissance.

...nuls n'en est exens, s'ilh n'est borgois cytains, ch'eist à entendre qu'ilh soit neis en la dicte citeit ou frankieze de Liege, car tous altres borgois sont borgois acquis. (Hemricourt, Patron Temp. B., c.1360-1399, 60)

[P. oppos. à fils naturel] Fils acquis. Fils d'adoption.

Et, en tant qu'il me touche, croiez, Monseigneur, que, tant que je vivray, je vous seray aussi loyal comme je vouldroye estre au Roy, mon souverain seigneur, et comme se vous m'aviez engendré en madame la Royne, qui est yci presente, et que je feusse vostre propre filz à vous deulx. Je suis ung filz acquiz ; mais je vous seray ung filz naturel, comme se j'estoye de vostre propre sang. (Bueil, II, 1461-1466, 184)

IV. -Participe passé en emploi substantival.

A. -Partisan.

Ung jour a Katheline quis Et ses jurés et ses acquis ; Tous les semont ordonnement, En secret et couvertement. (Renart contref. R.L., t.1, 1328-1342, 215)

B. -Prisonnier qui se trouve au pouvoir de son vainqueur.

Et, entre aultres, vint le debat d'ung bon prisonnier, lequel estoit eschappé au retour, la nuyt que le Jouvencel coucha à Francheville. Ainsi qu'il s'en alloit, aucuns des gens de la compaignie du Jouvencel, qui venoient encores de leur adventure, le rencontrerent et le prindrent et disoient qu'il estoit leur acquiz. Ceulx qui l'avoient perdu disoient que non et qu'ilz ne le devoient point perdre. Beaucoup de raisons furent aleguées d'une part et d'autre ; et, en conclusion, il fut dit par le Jouvencel et autres, tant de gens de guerre que de gens de justice, qu'il estoit à ceulx qui l'avoient recouvré... (Bueil, II, 1461-1466, 94)

Par extension.

PREMIER DYABLE. Non ferons, Sathan ; ains yrons Porter la devant le vray juge [cette âme], Si dirons qu'il la nous adjuge Com nostre acquise. (Mir. ev. arced., c.1341, 138)

V. -infinitif substantivé.

A. -Désir de s'enrichir.

Si font li amasseur, qui les deniers musis Gardent, en leurs escrins, et les vairs, et les gris. Il aroient d'avoir otant que vault Paris, Enchois c'uns povres homs, des biens Dieu mal partis, Eust de son avoir .J. tout seul parésis ; (...) Il n'ont onques les coers de l'aquerre remplis (Baud. Sebourc B., t.1, c.1350, 238)

B. -Conquête' (Éd.).

L'AMANT. Repeu suis de tous entremetz, Puis que vo cueur ay d'abandon. D'autre acquerir ne m'entremetz, Soit en paix, guerre ou bandon. (Colin loue dép. Dieu T., c.1485, 154)