SUBJUGUER

verbe

[T-L : subjuguer ; GDC : subjuguer ; FEW (V, 62a) : jugum ; TLF (XV, 1012b) : subjuguer]

Emploi transitif.

A. -Subjuguer (un peuple, une nation, un pays, une terre, un seigneur, un adversaire...). Assujettir par la force, par les armes.

Car vraiement c'est uns grans fais, (...) Que moult grant peinne, moult grant mise, Grant ordenance, grant devise, Grant cuer, grant scens et grant avis Ne couveingne, ce m'est avis, D'aler en si lonteinne terre, Pour la subjuguer et conquerre. (Mach., P. Alex., p.1369, 38)

Il [Codrus] fu roy de Athenes, car il les deffendi de ceulz de Dorie qui se efforceoient de les subjuguer. (Oresme, Pol. Arist. M., c.1372-1374, 234)

Ne, en celuy temps, il n'estoit aucun Impereur qui donast aucune aide aux diz Roys pour le païs subjuguer ou conquester (Songe verg. S., t.1, 1378, 54)

Or dictes cause et alleguez Pour quoy le plus qui grant nombre a Le moins du tout ne subjuga, Car plus doit, ce devez sçavoir, En .Xm. hommes force avoir Naturelment qu'en .IIII. mille. (Desch., M.M., c.1385-1403, 359)

S'Ector li preux, Cesar et Alixandre, Deyphile, Tantha, Semiramis, David, Judas Machabée, qui tendre A subjuguer vouldrent leurs ennemis... (Desch., Art dictier R., 1392, 280)

...l'emperiere de Romme, nommé Helyus Adrianus, les subjuga et bouta hors (Chr. Piz., M.F., II, 1400-1403, 170)

Esquelz consaulx finablement fut conclud qu'on procéderoit contre lui [le duc de Bourgogne] en toute rigueur selon les termes de justice, et que, se il ne vouloit obéir, le Roy, tous ses vassaulx et subgetz, se mectroient sus, à tout la plus grant puissance qu'ilz pourroient finer, et yroit contre lui pour le subjuguer et tous ses aidans. (Monstrelet, Chron. D.-A., t.1, c.1425-1440, 388)

...le duc de Bourgongne amenoit le roy de France avecques toute sa puissance contre eulx, pour les conquerre et subjuguer. (Monstrelet, Chron. D.-A., t.2, c.1425-1440, 257)

Et ce pendant que le siège se tint, vint ung grant seigneur nommé Monseigneur Bourga Le Moyne, lequel l'empereur l'avoit envoyé devers Monseigneur le Dauphin pour le conduire ès pays de Basle, Montbelliart, Colombarra, Salestat, Sabourg, et Haguerre estans en pays de Nausay, affin de subjuguer les Suisses et les Allemans qui disoient riens tenir dudit empereur. (Chart. J., Chron. Ch. VII, V., t.2, c.1437-1464, 44)

Les Romains jadis subjuguier Nous volrent par leur grant puissance Qui est en eulx et la vaillance, Or sommes nous a eulx submis (Marcadé, Myst. Pass. Arras R., a.1440, 144)

...mais finablement les Rommains les subjugerent [les Volces] , et furent subgez a eulz. (La Sale, Salade, c.1442-1444, 35)

...un roy sarrazin (...) vinst assigier la cité de Romme en voulenté et entencion d'icelle destruire ou subjuguier (Wauquelin, Belle Hélène Const. C., c.1448-1452, 16)

Et n'est point à doubter que, quant le roy eust voulu dire Avant, et qu'il eust esté bien servy des gens de guerre prenans ses gaiges et souldées, avecques les nobles et peuple de Paris qui bonne devocion avoient au saint, il eust subjugué et mis tous sesdiz ennemis en tel estat que jamais ne feussent retournez dont ilz estoient partis pour venir devant ladicte ville. (Roye, Chron. scand., I, 1460-1483, 105)

En ce mesmes temps, le duc de Bourgongne mist sus son armée et s'en ala en la duchié de Guerles pour la subjuguer et mettre en ses mains. (Roye, Chron. scand., I, 1460-1483, 299)

...car, en pou de temps, il subjugua, vainquit et desconfist ses adversaires, recouvra et remist en sa main les diverses parties de sa terre et seigneurie, qui à tort lui estoient usurpéez par ses anciens ennemis, et reintegra sa couronne en si pou de temps que penser d'homme ne le pourroit croire (Bueil, I, 1461-1466, 28)

Et vouloient aucuns des seigneurs et des capitaines que, sur le point du jour, l'on leur courut sus et que jamais à plus juste tiltre, ne à plus grant puissance, ne pourroit Gand estre subjughée (La Marche, Mém., I, c.1470, 173)

Theotes et Menolz furent en ce temps deux singuliers hommes, grans astrologiens, au moyen et conseil desquieulx, Regulle, prudent consul romain, subjuga septante deux cités (Simon De Phares, Astrol., c.1494-1498, f° 61 r°)

...et par ce moyen conquirent et subjuguerent toute la terre, parce que ilz preveoient les inclinacions et disposicions des hommes et des regions et y donnoient les provisions et les remedes. (Simon De Phares, Astrol., c.1494-1498, f° 63 v°)

...et ou derrenier conflict en mourut cent LXm et à la chasse grande multitude, aymant mieulx mourir que estre subjugués par leurs ennemis. (Simon De Phares, Astrol., c.1494-1498, f° 67 r°)

Subjuguer (un peuple, une nation, un pays, une terre, un seigneur, un adversaire...). à qqn. Assujetir, soumettre à qqn par la force, par les armes, rendre sujet de qqn.

Bellisarius patricius en ce temps, par l'industrie qu'il eut en la science des estoilles, subjuga ceulx de Perse à l'empereur Justinian (Simon De Phares, Astrol., c.1494-1498, f° 96 v°)

B. -Par extension.

1.Subjuguer qqn/un animal. Soumettre, vaincre qqn/un animal.

Mes pour la defaute de ceste chose, les gens communement en temps de paes et de prosperité deviennent effeminés et perdent prudence et puissance. Et par ce sunt de legier subjugués par estranges. (Oresme, Pol. Arist. M., c.1372-1374, 327)

Car son esprit ens ou despit Des infernaulx tout rompera, Tous les diables subjuguera, Et se vous traira malgré eulx Hors des lieux qui sont tenebreux, Et vous menra en paradis (Marcadé, Myst. Pass. Arras R., a.1440, 235)

La bataille dura moult longuement et tant que ledit Jason gecta sa lance contre les beufz et mit la main à l'espée, et, en soy combatant, luy souvint que Medée luy avoit donné une fiolle pleine d'aucune liqueur ayant telle vertu que, au moyen de ladicte liqueur, il pouvoit lesditz beufs matter et subjuger et esteindre leur ardent feu, qui luy nuysoit fort. (La Marche, Mém., II, c.1470, 358)

Il donna ordre aux points plus necessaires Pour subjuguer ses mortelz adversaires (La Vigne, V.N., p.1495, 238)

2.Subjuguer qqc. Vaincre, surmonter, dominer qqc..

SAINCT MARTIN. En Dieu serez aussi seur c'un pillier, S'a vous ne tient, puisque portez ses armes, Aussi l'abit d'un moyne regullier Pour subjuguer les perilleux alarmes, Temptacions et dangereux vacarmes Que nuyt et jour le faulx deable nous fait. (La Vigne, S.M., 1496, 373)

Subjuguer la chair

Apren doncques a toy submettre legierement a ton souverain, se tu desires ta propre char subjugier, car plus tost est vaincu l'ennemy de dehors quant l'omme interiore n'est point degasté (Internele consol. P., 1447, 106)

[D'une chose] Dominer qqc..

Adonc furent estirpees les estranges germes la belle ente subiugant toutes les tiges de mes courtilz flouri en grant reverence (Chr. Piz., Avision T., 1405, 81)