COMPLICE

substantif masculin

[T-L : complice ; GDC : complice ; AND : complice ; FEW (II-2, 983b) : complex ; TLF (V, 1183a) : complice]

A. -Celui qui est associé à un autre.

...le roy de France a receu ou voulu recevoir les appeaulx du conte d'Armignac, du sire de Lebret et de leur adherens et compliz (Cédule roi Anglet. D., 1369, 79)

Ainsi fut la ville de Montferrant en Auvergne prise, le joedi par nuit devant le cras dimenche, le XIIIe. jour ou mois de fevrier, par Perrot le Bernois et ses complisses. (Froiss., Chron. M., XIV, c.1375-1400, 217)

...qant il entendirent que la roine venoit a poissance de gens d'armes et d'archiers et estoient li Londriien en sa compagnie, ne se hastoient point de venir, mais se dissimuloient, car il veoient bien que les besongnes se porteroient mal pour le roi et ses complisses. (Froiss., Chron. D., p.1400, 82)

Pour ce dis, en concluant, a vous sire tres chier, et a tous voz aliéz et complices qui tant le louéz et si hault vouléz magnifier que a pou tous autres volumes vouléz et ozéz abaissier devant lui, n'est digne que louenge lui soit imputee, sauve vostre bonne grace (Chr. Piz., Déb. R. Rose H., 1401-1402, 21)

Et, par lesdictes lettres, estoit contenu l'aliance faicte du roy Henry d'Angleterre, en mandant par lesdictes lettres tous Anglois laisser venir et descendre en ce royaume pour leurs afaires et marchandises, sans saufconduis ne autre seureté, comme les subgetz de France, sauf en ce non comprins Edouart de la Marche, nagueres roy dudit royaume d'Angleterre, ses aliez et complices. (Roye, Chron. scand., I, 1460-1483, 247)

[À propos d'un religieux] Confrère.

Ainsi fist une fois le maistre de l'ordre des predicateurs et aucuns ses complices, et puis laissierent tout. (Oresme, E.A.C., c.1370, 269)

[À propos d'un gouvernant] Adjoint, auxiliaire.

Et dire que ceulz qui sunt ou policeme, ce est a dire le princey ou princeps, et leur complices soient tant en multitude que il soient plus puissans que tous les autres, ce est une chose impossible. (Oresme, Pol. Arist. M., c.1372-1374, 323)

Emploi adjectival.

...estes garny de celle noble vertu de misericorde (...) non mie seulement a ceulx de la langue d'Angleterre mais a vos subgetz aliés et complices (Juv. Urs., Exort., 1458, 419)

Emploi adjectival.

Loyaulté est une vertu complice Pour gaignier ceurs et en bien rapeller Ung fourvoyé et du fourvoy saulver. (La Marche, Triumphe dames K.-B., p.1488, 24)

B. -En particulier. Celui qui participe à une action condamnable.

...ne ne faisoient ne disoient riens que il ne sceussent tantost par (...) Ytier et Jehan et par leurs complices et messages. (Conf. Jug. Parlem. Paris L.L., 1333, 88)

...quant il ne pout faire touz seus ses granz malices, Si fait dou pis qu'il puet par ses malvais complices. (Gir. Ross. H., c.1334, 198)

...je fas savoir De par le duc de Normandie (...) Que de sa duchié pour ses vices Robert le dyable et ses complices Banist (Mir. Rob. Dyable, c.1375, 22)

...par iceulx chevaliers fu tesmoignié, et par leurs seremens, que au temps qu'ilz ont esté oudit pays de Limosin, ès frontieres dudit pays, pour deffendre icellui et resister à la male entreprinse dudit Merigot, Perrot Le Biernois et autres ses complices, et mesmement durant le temps qu'ilz ont esté et tenu siege au devant de lui à la Roche de Vendas, icellui Merigot tousjours a esté pourveu et avitaillié de vivres par aucunes gens du pays (Reg. crim. Chât., II, 1389-1392, 202)

Et n'ose demourer au pays, et l'ont cuidé plusieurs foiz faire tuer ; et fut féru à l'assise de Tours par aucuns aliez des diz complices. (Ch. VI, D., t.1, 1390, 103)

Et pour ce que je vueil que chascun congnoisse que je ne fay pas cecy pour avarice, mais pour garder mon droit heritaige et esclarcir la vilaine et felonnesse trahison que le faulx traitre et ses complices firent a mon pere pour lui enchasser, preingne son filz Olivier et un de ses plus prouchains. (Arras, c.1392-1393, 59)

...et autres delits commiz et perpetrez par le duc de Lorrainne et pluseurs autres ses complices contre le Roy (Baye, I, 1400-1410, 319)

Ilz appellerent a justice ceulx qui les avoient degettez par oultrage, et firent droit au pays, et satisfation a Dieu et a sa loy, des traistres et prevaricateurs, entre lesquelz Alchius et autres ses complices, aprés tant de richessez extorqueez et de gloire usurpee par traison, fina miserablement ses jours. (Chart., L. Esp., c.1429-1430, 135)

LE PREMIER SERGENT. Par Nostre Dame, Je suis ad ce faire propice : Qui me vouldroit tenir novice En ce cas bien s'abuseroit. Sa, seigneur, qui est le complice Qu'adjourner maintenant fauldroit ? L'USURIER. C'est une femme. (La Vigne, S.M., 1496, 512)

Complice de + subst. Celui qui participe au même méfait que qqn.

Estiene Blondel (...) prisonnier detenu oudit Chastellet, et admené en la compaignie du dessus dit Cousin, pour souspeçon qu'il ne soit compaignon, complice et consentant des larrecins faites par ycellui Cousin (Reg. crim. Chât., I, 1389-1392, 93)

Et se le fait estoit injurieux et detestable de soy, la condition des faiseurs aggravoit l'amertume de la desplaisance ; entre lezquielz ses propres enfans, et ceulx qu'il avoit honorez de dons et graces, furent complices et culpables de si grant crime. (Chart., L. Esp., c.1429-1430, 144)

Complice de + inf. Celui qui aide à.

... [il] confessa que durant le temps qu'il a esté avec les Angloiz, il, avec de ses compaignons, a esté complice de faire morir soixante François par force de prison, ou par faire morir de fain et de trop batre, en ceste maniere (Reg. crim. Chât., II, 1389-1392, 97)

C. -Complément, ce qui doit être uni, associé à qqc..

...en la court y a le parlouer Ou a treillices De fer doubles a fenestres coulices, Et la en droit les dames des offices A ceulz de hors parlent pour les complices Et neccessaires Qu'il leur convient et fault en leurs affaires. (Chr. Piz., Dit Poissy R., 1400, 169)