CONSORT

substantif masculin et adjectif

[T-L : consort ; GDC : consort ; FEW (II-2, 1078) : consors ; TLF (V, 1409a) : consort]

I. -Substantif masculin.

A. -Celui qui partage le sort d'un autre, qui est associé à un autre (dans une action, dans une requête...), compagnon.

Donques entre vous, ministres de l'Yglise, qui estes en prosperité, en soulas et en joe, n'estes pas consors ne conpaignons dez tribulacions dez Apostres et, par consequant, ne devés mie estre participans de leur consolacion pardurable. (Songe verg. S., t.1, 1378, 18)

Sachent tous, et vous Françoys, que descongnoissance de Dieu et faulte de justice vous ont aconstumé a sacrilege. Aprenés, se ne le sçavez, que ceste seulle offence suffist a confundre royaulmez et seigneuriez, a destruire et dissiper ostz et bataillez, et pour le pechié d'un fayre ses consors maleureux. (Chart., L. Esp., c.1429-1430, 61)

Lesquelles requestes leur furent accordées par ledit conte de Dunois et les aultres du grant conseil du roy dessus nommez, par ainsi toutes voyes que ledit arcevesque et ses consorts depputez promectoient de rendre et de remectre ladite ville et cité (...) en l'obéissance du roy. (Chart. J., Chron. Ch. VII, V., t.2, c.1437-1464, 147)

J'acumulle et amasse En mes dangiers les foibles [et] les fors ; Ou qu'il me plaist, je monstre mes renfors Et ceulx qui ont besoing de mes consors, S'a gré me vient, partaige leur en foys. (La Vigne, V.N., p.1495, 161)

Dieu nous face avec luy consors En son hault trosne triumphant. (Myst. st Laur. S.W., 1499, 244)

Remarque : DESCH., Oeuvres Q., t.1, c.1370-1407, 258 ; Myst. process. Lille K., t.3, a.1485, gloss..

Associé.

Mes pour ce que le prince ne pourroit par soi si grant labeur prendre, il convient qu'il ait consors et conseilliers. (Oresme, Pol. Arist. M., c.1372-1374, 329)

Compaignon et consors en marchandie ou en meublez pevent bien demander ung pour touz en donnant caucion que les autres consors l'auront ferme et estable (Cout. instit. Anjou Maine B.-B., t.4, 1426, 73)

Complice, partisan.

...et qu'il a oÿ dire a plusieurs personnes que l'on detient plus ledit Richart Poitronnier audit Chalamon pour ce qu'il n'en encuse ledit receveur et ses consors que autrement. (Doc. 1391. In : M. Bubenicek, Entre rébellion et obéissance, 2013, 584)

...mais ou contempt dudit appoinctement, et contre la teneur et l'exécution d'iceluy, avoit détenu et occupé, et encore de présent détenoit et occupoit, luy et ses consorts, les susdits palais et chastel d'icelle ville de Rouen (Chart. J., Chron. Ch. VII, V., t.2, c.1437-1464, 153)

Advisez en ceste matiere Pour ces Anglois bouter dehors, Faire morir de mort amere Tous leurs aliez et consors. (Myst. siège Orléans H., c.1480-1500, 243)

Les deables t'ont bien rapporté, Faulx larron et tous tes consors, Car a tormens hideux et fors Sera vostre groing huttiné. (Myst. Pass. Troyes B., a.1482, 1039)

Qui frequente les malfaisans Des malfaisans est dit consors (Paraboles Maistre Alain H., 1493, 57)

Remarque : GRÉBAN, Pass. J., c.1450, gloss. ; Livre Regnart S.-H., c.1460, gloss. ; SAINT-GELAIS, Séj. honn. D., c.1490-1495, gloss.

Consort en opinion. Celui qui partage une opinion avec qqn.

Et supplie toy et tes consors en oppinion : ne me sachiés mal gré pour cause de mes escriptures et du present debat sus le livre de la Rose. (Chr. Piz., Déb. R. Rose H., 1401-1402, 149)

B. -En particulier. au pluriel. DROIT Ceux qui ont des intérêts communs dans une affaire donnée.

...après pluseurs altercacions fu accordé entr'eulx que, parmi certaine quantité de vins et somme d'argent, qui lors par les dis maistres furent baillés realment et de fait aux dis Jamet, Manin et autres leurs consors, (...) yceulx (...) dessus nommés quicterent et quicte clamerent à tous jours les dis maistres de la dicte prinse et des vins, billon, nef et marchandises (Doc. Poitou G., t.4, 1372, 145)

...mais pour ce qu'il (...) ne se sentoit mie assez fort, avoit mandé deux rois ses alliés et consors, qui à son mandement vindrent à Thunes (CABARET D'ORV., Chron. Loys de Bourb. C., 1429, 234)

La Court a enjoint à maistre Jacques Thiessart, advocat, et à maistre Jehan Roussel, procureur ceans, qu'ilz soient du conseil de maistre Paoul Nicolas, bachelier en theologie, contre l'Université de Paris et autres consors. (Fauq., III, 1431-1435, 170)

...Richart Capelle et autres consors dénommez eu procès, porteurs de clamour de gaige plege selon l'estat du procès (Cartul. Hôtel-Dieu Cout. L., 1486, 338)

Jugement de segneur Jaicques, de Hombourch, chanoine de Nostre-Dame-la-Ronde, et de ces consors d'une pairt, et des hoirs segneur Willaume-Bourcal le prebtre d'autre pairt (Jug. maître-échev. Metz S.M.S., t.1, a.1494, [1343], 226)

Jugement de Nemmerei Noiron, pour Maianssatte, sa femme, et de ces consors d'une pairt, et de dame Jaicque, femme le segneur Willamme le Huingre, et de ces consors d'autre pairt, que dit que ung homme acquaist fiedz a temps de sa femme, se vuellent li hoirs de la femme avoir la moitiet des fiedz (Jug. maître-échev. Metz S.M.S., t.1, a.1494, [1362], 399)

II. -Adjectif. DROIT Engagé conjointement dans.

Consort en une partie

...sa femme, suer desdis freres, et ladicte femme consors en ceste partie (Trés. Reth. S.L., t.2, 1403, 492)

...plusieurs autres personnes (...) consors en ceste partie (Paris domin. angl. L., 1421, 14)

...nous avoir receu l'umble supplicacion des maistres et varlets cordouenniers de nostre bonne ville de Paris, consors en ceste partie (Paris domin. angl. L., 1425, 220)

Reçeu avons l'umble supplicacion des maitres et jurez du mestier de boulengerie en nostre ville de Paris et ès fauxbours d'icelle, consors en ceste partie, contenant comme d'ancienneté les boulengiers de nostre dite ville de Paris aient une confrarie deuement fondée en l'eglise Saint Honnoré a Paris (Mét. corp. Paris L., t.1, 1439, 207)

Au féminin. Consorte en

Et semblablement ce sera de toutes autres personnes qui seront conjointtes et consortes en une mesme cause. (Cout. bourg. glosé P.M., c.1380-1400, 111)