SUPPOST

substantif masculin

[T-L : supost ; GD : supost ; GDC : suppost ; FEW (XII, 450a) : supponere ; TLF (XV, 1126a) : suppôt1, suppôt2]

I. -[Idée de soutien, à propos d'une pers. ; ou bien, au fig., à propos d'une pers. ou d'une chose]

A. -[À propos d'une pers.]

1.Celui qui, appartenant à un corps constitué, à une compagnie, y remplit certaines fonctions, membre d'un corps constitué, d'une compagnie.

...renommée estoit que tant en general, es faiz d'estude comme autrement, et es particuliers et singuliers supposts ladicte Université se gouvernoit mal (Baye, I, 1400-1410, 122)

...l'injure que on dit avoir esté faicte lundi derrenier passé à ladicte Université et ses suppoz, eulx estans à la procession qui lors se faisoit à la Saincte-Katherine du Val des Escoliers (Ch. VI, D., t.1, 1404, 261)

Et encharga le Chancelier au recteur et deputez de l'Université, qui firent le serement en leur nom, qu'ilz feissent assembler ladicte Université pour faire jurer tous les autres suppostz d'icelle Université (Fauq., II, 1421-1430, 74)

...est conclu et appoinctié que prochainement, quant monseigneur le regent et madame la regente devront entrer à Paris, chascun college et corps, le mieulz acompagnié de ses suppostz, habilliez le plus honnestement qu'ilz pourront, yront de pié au devant desdiz segneur et dame (Fauq., III, 1431-1435, 142)

Et toy, Saincte Esgise, fais que tes suppots se mettent en bon estat, cardinaulx, archevesques, evesques, abbés, prelats et prestres, se repentent et confessent de leurs pechiés et monstrent exemple aux autres (Juv. Urs., Aud. celi, 1435, 275)

...autres ayans dignitez, personnaiges et offices, chanoines, chappellains, choriaulz et autres suppostz de la dicte eglise (Doc. Poitou G., t.8, 1437, 106)

...ou grant prejudice a la jurisdiction ecclesiastique et des suppos d'icelle (Juv. Urs., Verba, 1452, 355)

En après, le recteur de l'Université de Paris et les suppos d'icelle alerent pardevers ledit legat, qui de lui appellerent, et de l'effet desdictes lettres au saint concile et partout ailleurs où ilz verroient estre à faire ; et puis vindrent oudit Chastellet, où pareillement autant en firent et dirent, et firent ilec enregistrer leur opposition. (Roye, Chron. scand., I, 1460-1483, 186)

Et furent et yssirent hors de ladicte ville de Paris, pour aler et estre au devant de ladicte royne, et du commandement exprès du roy, le prelat et evesque de ladicte ville, l'Université, la court de Parlement, le prevost de Paris et suppostz du Chastellet, le prevost des marchans, les eschevins, marchans, bourgois, manans et officiers d'icelle ville, tous moult honnorablement et en habitz honnestes, et en moult grant et merveilleux nombre. (Roye, Chron. scand., I, 1460-1483, 250)

Et lui, estant ainsi dessoubz, vint jusques à Saint-Estienne des Grecs, où il trouva les recteur, suppotz et bedeaux de l'Université de Paris, qui proposerent devant lui sa bienvenue. Et, ce fait, s'en vint jusques en l'eglise de Paris, où il y fut receu par le prelat d'icelle moult honnorablement. (Roye, Chron. scand., II, 1460-1483, 27)

En après, le dimenche, premier jour de decembre, oudit an IIIIcLXXVI, alerent passer pardevant sondit logis toute l'Université de Paris et toutes les facultez et suppotz d'icelle, et puis s'en vindrent chanter une grant messe à Saint-Germain l'Auxerrois. (Roye, Chron. scand., II, 1460-1483, 29)

...nous avons ordonné que les suppostz d'icelle université joissent entierement de tous et chascuns les previleges, libertez, franchises, preeminences et prerogatives, dont joissent et ont acoustumé joyr les autres universitez de nostre royaume (Lettres Louis XI, V., t.4, 1469-1472, 83)

Remarque : Ex. d'a.fr. cf. TLF. DESCH., Oeuvres R., t.8, c.1370-1407, 154.

2.Celui qui appartient à une communauté quelconque.

Et pour ce que j'ay dist que le college de tous Crestians si est un corps, vous me pourriés demander conment ce puet estre que tant de suppoz ou de personnes puissent estre un corps, je le vous declaire, et ce fera assez a aucunes choses lezquelles nous dirons par ainprés ... (Songe verg. S., t.2, 1378, 166)

Pareillement, à dire voir, Peut-il transmettre à son vouloir En ce Monde mortalité Pour corrigier l'iniquité Ou autrement à l'avantage De mains suppostz d'umain lignage (La Haye, P. peste, 1426, 61)

Car iceulx par droite amité Les hantent plus, à dire voir, Et servent, s'ilz font leur devoir, D'ont il avient, selon raison, Que les suppostz d'une maison Meurent volentiers en grant nombre, Quant le mal la maison encombre. (La Haye, P. peste, 1426, 141)

Suppostz, c'est à dire les membres ou parties d'aucun corps naturel ou civil. (La Haye, P. peste, 1426, 229)

Je te requiers que soye des supos Des Innocens, martirs tres glorieux (Prières saints R., t.1, c.1488, 51)

3.[Dans le domaine pol.] Vassal ou sujet.

Et aussi comme ceste multitude ne est pas un monstre pour ce se elle a pluseurs testes en pluseurs supposts, non est elle se elle a pluseurs chiefs en pluseures [l. pluseurs d'apr. ms. A] royalmes et cités, qui tous sunt sous Dieu. (Oresme, Pol. Arist. M., c.1372-1374, 292)

Tu veulz faire pais entre France et Angleterre, mais tu ne la scés faire entre tes suppos ne tes subgés (Juv. Urs., Aud. celi, 1435, 231)

...tous lesquelz ambassades estoient fais et tendoient à une fin, c'est assavoir de entretenir lesdiz seigneurs et princes en vraie concorde et bonne union et tous les suppos du royaulme en paix et tranquilité. (Maupoint, Journ. paris. F., p.1466, 100)

Voire, c'est l'empereur de Romme Qui veult faire escripre tout homme En ses paÿs par ses suppos. (Myst. Pass. Troyes B., a.1482, 209)

...alors n'estoit nulles nouvelles de guerre en France par quoy le Roy et tous ses suppotz en grans triumphes et richesses habundoient (Jehan de Paris W., 1494-1495, 4)

B. -Par extension. Celui qui soutient qqn, adepte, partisan.

...voulans que d'iceulx privileges icele nostre fille et ses vrays suppos, sans fraude usent et joïssent paisiblement (Paris domin. angl. L., 1431, 325)

Adieu, Amours, et a tous ses suppos (Régn., F.A., 1432-c.1465, 223)

Et ont plusieurs imaginé que se ledit de Bourgoigne n'eust eu de tres grans supposts en l'ost du roy et ailleurs, ladicte ville eust esté prinse (Cagny, Chron. M., 1436, 91)

LUCIFER. (...) a tous je conseille Que vous faictes persecuter Celle foy de crestienté ; Et ceulx qui la vouldront cherir, Faictes briefvemant a morir Par nos sathalitez et suppoz, Que nous tenons ja en despoz ; Et en ce ne vuellez faillir. (Myst. st Adr. P., c.1450-1485, 140)

Ces trois dames regretant leur suppost, Leur champion, chevallier de leur ost, Qui militoit souvent leur exercite, J'ouy plourer à plein non en repost. (Robertet, Oeuvres Z., c.1450-1500, 167)

Or ça ! Que direz vous, Science ? Mon jardin veez disparé Maintz suppoz de vous separé : Que ferons nous ? Rendez sentence. (Exc., Science A.R., c.1465-1468, 57)

Sus, sus, mes suppostz qu'on vous voist Procedans en ceste matiere. (Rapp., c.1480, 63)

Tourmentee des infernaulx suppotz... (Saint-gelais, Séj. honn. D., c.1490-1495, 242)

C. -Au figuré. [À propos d'une pers. ou d'une chose] Soutien, appui de qqc..

...art, prudence, entendement, science et sapience sont les suppoz de perfaitte sagece (Chr. Piz., Faits meurs Ch. V, S., II, 1404, 10)

Car tout ainsi que toutes les vertus embellissent leur suppost, ne poevent estre trouvees en une seulle personne qu'il n'y ait aulcun vice rengnant empeschant la vertu opposite (La Sale, Sale D., 1451, 2)

II. -[Idée de support]

A. -[Terme scolastique]

1.Support (de qqc.), substance.

Boire et mengier est neccessaire pour soustenir la vie du suppost et l'autre chose est neccessaire pour l'umain lignage continuer. (Oresme, E.A.C., c.1370, 376)

Et ceste intelligence ou ame et le corps du ciel font et constituent un suppost vif. (Oresme, C.M., c.1377, 314)

Item, selon Averroïz, en choses inmaterieles ne peuent estre pluseurs supposts en une espece et donques chascune intelligence differe de l'autre en espece. (Oresme, C.M., c.1377, 464)

...lequel Droit naturel veult et enseigne que ce qui ne puet estre pardurable en soy meismez ne en un suppot, laquelle chose est selon nature impossible, le soit, en son espece, par generacion. (Songe verg. S., t.2, 1378, 215)

Pour ce que le susdit suppost, c'est assavoir, la matiere où nous sommes entrez du temps de l'aage de jeunece nous donne cause de plus avant dire, sera un petit divulgué, en cestui chappittre, des proprietés d'ycelle, en descripsant, selon les autteurs et mon petit engin, ses mouvemens, passions et operacions diverses (Chr. Piz., Faits meurs Ch. V, S., I, 1404, 22)

Support, forme.

Et ne convient pas ignorer que de toutes choses dont les susposts sunt differens en espece et desquelles une est premiere et principal et les autres sunt secundes et encore autres apres ensuiant, de toutes telez choses il ne est nulle appellation commune ou a peine peut estre. (Oresme, Pol. Arist. M., c.1372-1374, 116)

Et la cause si est, car pas il n'est individué, c'est a dire determiné ou singularisié, par matere comme les corps et les choses corporeles, ne par suppost comme l'angele. (Somme abr., c.1477-1481, 137)

Aucune chose est en lieu en partie pour circonscription comme chose corporele et aucunement par diffinition comme suppost ainsi que l'angele, par laquelle maniere le corps Jhesu Crist est soubz le sacrement (Somme abr., c.1477-1481, 137)

2.Individu (comme support, comme lieu de qqc.).

...c'est assavoir se la puissance espirituele et la puissance seculiere sont divisees et toutes separees en divers suppos, ou se lez deux puissances sont sanz estre divisees ne aucunement separees, et en un maime suppot en la persone du Saint Pere de Ronme. (Songe verg. S., t.1, 1378, 4)

S'engin parfait en grant acuité, Tost concevoir et comprendre legier, Sens resolu en euvre exercité, Langaige prompt, tost dit et recité, Trescopieux, subtil, aigre jugier En memoire se povoient logier En un suppost pour tes haulz fais escripre, Si fauldroit il trop de temps à l'escripre. (Robertet, Oeuvres Z., c.1450-1500, 124)

...comme se j'estoie un grant suppost de science (Robertet, Oeuvres Z., c.1450-1500, 132)

Suppost particulier/suppost personnel/suppost singulier

Et c'est verité, pousé que la chose fust telle que nous ne peussons entendre ne prendre la forme ou l'espece sanz le singulier suppost et sanz la matiere, quar ce puet bien estre. (Oresme, C.M., c.1377, 152)

...À la savance et industrie Des Maistres et Phisiciens, Qui visitent les patiens Et oevrent en particulier En quelque suppost singulier (La Haye, P. peste, 1426, 159)

Nature que Dieu t'a baillié en ayde n'est pas oyseuse en sa commission, ainçois par ses belles vertus qui lui ministrent chacun en son ordre, s'estudie a continuer l'espece humaine et conserver l'individuel suppost (Chart., L. Esp., c.1429-1430, 24)

Item que ung Dieu est se demonstre par raison. Car la simple forme de la divinité, s'elle n'estoit une par unité nombrable, mais communicable comme la forme de humanité a Sortes et a Platon, elle se contrairoit en pluseurs suppos particuliers par aucune addition ou adjoustement a l'estre singuler ou particuler, et par ainsi seroit composee et adjoincte avec aultrui. (Somme abr., c.1477-1481, 103)

...car il [Dieu] est par soy et est ce qu'il est. Ne en lui n'est composition de substance et accidens comme ez suppostz personnelz. Exemple : Jehan, Pierre, Jaques sont homes selon la nature humaine, mais ung chascun est cest homme suppost personnel aiant ung chasun ses qualités comme blanc, noir, palle, malvais, et leur quantité, l'un grant, l'aultre petit (Somme abr., c.1477-1481, 148)

[À propos de Dieu]

...le createur Impetrateur Et suppost de divine essence... (Prières saints R., t.2, c.1480-1500, 396)

B. -Objet, sujet, matière (d'une activité intellectuelle, d'un propos...).

Et ainsi avarice atise Le cuer de cil ou el se fiche, Si que n'est jamais a gré riche. Et encor dit de ce suppos Cellui un bon mot au propos : O les filz Adam, convoiteuse Ligniee, dit il, souffreteuse De vertus, pour quoy delitant Vous alez en richeces (Chr. Piz., Chem. estude P., 1402-1403, 197)

Retournant à nostre matiere, nous avons le suppoz de nostre oeuvre, c'est nostre dit prince, né, nourry, parcreu et couronné. (Chr. Piz., Faits meurs Ch. V, S., I, 1404, 36)

Avant que plus oultre je procede en ceste matiere, me plaist, comme chose expedient, entrer en un autre suppost, qui assez est pertinent, et, à propos du loz et gloire de nostre prince... (Chr. Piz., Faits meurs Ch. V, S., I, 1404, 133)