COMPERE

substantif masculin

[T-L : compere ; GDC : compere ; AND : compere1 ; FEW (II-2, 973b) : compater ; TLF (V, 1168a) : compère]

A. -Parrain d'un enfant par rapport au père (ou à la mère) ou bien par rapport à la marraine (le parrain d'un enfant est le compère du père, de la mère et de la marraine) ; père de l'enfant considéré par rapport au parrain (le père est le compère du parrain).

Le chevalier l'enmaine droit a l'ostel Climent, C'est le plus riches homs qui soit ou firmament, Comperes ert au duc, se l'istoire ne ment. (Tristan Nant. S., c.1350, 227)

Laquelle prisonniere, examiné sur ce par serement, dit que plusieurs fois elle a veu et cogneu ledit Colin et sa femme, lesquelz sont ses comperes, et de sondit mary, d'un enfant eu par la famme dudit Colin (Reg. crim. Chât., I, 1389-1392, 255)

...et estoit telle amour conjointe et vive entre eulx que le dit Canteau s'estoit offert et avoit promis estre compere au dit Jehan Marchant de l'enfant que auroit sa femme. (Doc. Poitou G., t.6, 1394, 180)

... [le parrain] demoura a disner en la ville sans monter au chasteau ; et luy tindrent compaignie le curé, son compere et aucuns aultres des plus gens de bien. (C.n.n., c.1456-1467, 426)

Je sçay bien qu'elle est acouchee De vingt et quatre guiterneaux, Enfans a l'abbé d'Iverneaux ; Il me fault estre son compere. (Path. D., c.1456-1469, 122)

Et tout ce jour demoura audit lieu de Saint-Denis jusques au lendemain après vespres, qu'il s'en retourna en son hostel des Tournelles, et d'ilec s'en ala souper en l'ostel de sire Denis Hesselin, son pennetier et esleu de Paris, qui nouvellement estoit devenu compere du roy à cause d'une sienne fille dont sa femme estoit accouchée, que le roy fist tenir pour lui par maistre Jehan Balue, evesque d'Evreux (Roye, Chron. scand., I, 1460-1483, 182)

Se ung homme marié habite a la femme de son compere ou autre mariee, il meismes se clost la porte de paradiz encontre au visage, ne jamais ne lui est ouverte, fors par cellui a qui tant a offensé, quant il luy a pardonné [Ou sens B ?] . (Ev. Quen. II, c.1466-1474, 132)

La premiere est dicte compaternité qui est entendue entre le pere espirituel de l'enfant et le pere charnel. Ung compere est toujours pere espirituel de l'enfant et l'aultre charnel, comme il appert par ces mectres ensieuvans : L'un des comperes sera tousjours espirituel, l'aultre charnel, et tele rigle ne fault jamais. (Sacr. mar., c.1477-1481, 54)

Aucuns ont volu dire que les enfans de deux comperes ne peuent ensemble estre nullement copuléz par mariage, ou fussent engendréz devant la compaternité ou aprez. Il fault tenir indubitamment que les enfans de deux comperes peuent avoir les ungz les autres, excepté icelle personne moyennant laquelle compaternité est contraite (Sacr. mar., c.1477-1481, 58)

Remarque : Il semble, dans l'ex. suivant, qu'il s'agisse d'une relation entre beaux-parents :

LE COMPÉRE. Conmére, Dieu par son plaisir Bon jour vous doint. GUIBOUR. Biau compére, et il vous pardoint Voz meffaiz et a moy les miens. Que fait ma conmére ? je tiens Que bien le fait. LE COMPÉRE. La Dieu mercy, voirement fait. Et vous, conmére ? GUIBOUR. Bien. Je me lo de Dieu, compére ; Car fait nous a grace moult grant De ce qu'a un si bon enfant Avons nostre fille donnée (Mir. femme, 1368, 183)

Par compere ni par commere. Par personne.

Par compere ne par commere Ne par aulcun enchantement Ne fut faict ce divin mistere (La Vigne, S.M., 1496, 296)

B. -Par extension.

1.Celui qui est lié à qqn par des rapports d'entente, d'amitié, compagnon.

PREMIER BOURGOYS. (...) Sa venez, compére Robert. Seez vous sur ceste herbe vert Decoste moy. LE TIERS BOURGOIS. Voulentiers, compére, par foy ; Vez me la jus. (Mir. emp. Julien, 1351, 186)

Godefroy Miltin pour 4 draps marbrez, lons, de Broixelles, de 2 sortes bailliès à Eustace du Brulle (...) pour faire robes à monseigneur le Dauphin et à ses compères, pour la feste de la Chandeleur. (Comptes argent. rois Fr. D.-A., I, 1352, 85)

...et crioit ycellui Eustace : Haro ! haro ! j'ay esté batu. Lesquelles parolles par lui oyes, il qui parle, pour l'amitié qu'il avoit à lui, qui est son compere, ami et voisin, et qui demeure au devant de lui, print en sa main le baton dont il faisoit son lit, en entencion de aidier à sondit compere, s'il avoit aucun besoing et yssi hors de sondit hostel (Reg. crim. Chât., I, 1389-1392, 410)

Et la ot en convenant au conte Lois de Flandres son cousin et son compere, que jamais n'enteroit en la chité de Paris, si averoit esté en Flandres et abatu l'orguel des Flamens (Froiss., Chron. D., p.1400, 175)

...dites au roi d'Engleterre, vostre biau frere et mon compere, que il (...) se mete au retour dou plus tos que il puet. (Froiss., Chron. D., p.1400, 364)

Et convint le roi d'Engleterre, ensi que je fui enfourmés, enprunter a Jaquemon d'Artevelle, son compere, et a tout le pais de Flandres chienqante mille mars (Froiss., Chron. D., p.1400, 450)

...chils Thomas Denis, li doiiens des tisserans (...) Se li avoit Jaques d'Artevelle fait pluisseurs biens et l'avoit mis en l'office dou doiainné des telliers, et si estoit son compere. (Froiss., Chron. D., p.1400, 639)

...chil de Gant avoient ocis Jaquemon d'Artevelle, son grant amic et son chier compere (Froiss., Chron. D., p.1400, 640)

...uns aultres tres honestes bourgois (...) se leva et dist tout ensi, et que il feroit compagnie en ce cas a son compere et cousin sire Ustasse de Saint Piere (Froiss., Chron. D., p.1400, 843)

Si a des cousins et des comperes qui la viennent demander a l'ostel et veoir aucunes foiz (Chr. Piz., Trois vertus W.H., c.1405, 210)

...maistre Jehan de Lanstais, conseillier, compere de mondit seigneur et maistre de ses comptes à Lille (Comptes Etat bourg. M.F., t.3, 1418-1420, 510)

Entre lesquelz y avoit ung boullenger nommé le Vavasseur, compère dudit prévost, lequel, congnoessant la commocion du peuple et voyant icellui prévost tout perturbé de ce qu'il véoit, le cuida faire retraire et trouver son appoinctement avec le roy. (Chart. J., Chron. Ch. VII, V., t.1, c.1437-1464, 225)

Près de son hermitage avoit une riviere et ung moulin, ou quel demouroit ung musnier nommé Colinet, qui estoit compere de Mathelin l'ermite. Ensemble souvent repairoient. (Nouvelles inéd. L., p.1452, 101)

...si cuide estre seur de mon compere qui cy est, et de mon voisin (C.n.n., c.1456-1467, 205)

Ainsi m'aist Dieu, ce dit le tiers, mon compere dit tresbien. (C.n.n., c.1456-1467, 206)

[Comme appellatif familier]

Et dit que, à prendre ledit sac, estoit present le dessus dit Thevenin de Luserches, lequel dist audit Hays : Que est-ce, compere, que tu as prins ? Au moins que j'en aye ma part. Et ledit Hays lui respondi moult bas : Tay-toy ! (Reg. crim. Chât., II, 1389-1392, 82)

SECOND MARCHANT. Pencez que je n'ay pas dormy Pour en faire provision. Dictes, compere, mon amy, J'en ay encore en ma maison Cinq cens bichotz. (La Vigne, S.M., 1496, 271)

[Relation considérée comme moins forte que l'amitié]

Il est beaucoup plus de comperes La moitié que de bons amis. (Menus propos P., 1461, 89)

[Cont. métaph.]

C'est a dire qu'a bon droit le compere Cils qui ne tient Bon Espoir son droit pere Et Dous Penser aussi sa chiere mere, Car qui s'aërt A desespoir et en fait son compere Et de penser a tristece se pere, S'il estoit roys, si vit il en misere Et si s'assert Qu'honneur, franchise et toute joie pert. (Mach., F. am., c.1361, 175)

2.Compere de qqc. Participant à qqc..

J'eusse plus chier que anciennement Nostre ancesseur eussent esté compere De ces doulours qui sont presentement, Ou que noz hoirs qui seront ça arriere Eussent ces biens langureux Dont nous sommes chetifs et souffreteux (Desch., Oeuvres Q., t.3, c.1370-1407, 132)

3.Compere ni commere. Personne.

LE TEMPS. N'espargnez ne frere ne seur, Perrin, compere ne commere, Mesmes ton pere ne ta mere Ne dois espargner. (Sots triumph., c.1475, 46)

Par compere ni par commere. Par personne.

Par compere ne par commere Ne par aulcun enchantement Ne fut fait ce divin mistere. (La Vigne, S.M., 1496, 296)

Par comperes et par commeres. Par camaraderie, par copinage et par protection.

Touchant ceulx des cours souveyraines il fault encoures qu'ilz soient plus grans personnaeges car ilz sont les derniers jucges et quant il en vacque ung, le prince doit faire querir par tout son pays le plus metable personnacge qu'il pourra grand clerc et proudomme, luy donner la place que vacque, non pas la donner par comperes et par commeres (Traité politique C., c.1492-1493, 156)