COMPARER

verbe

[T-L : comparer2 ; GD : comperer ; DECT : comparer2 ; FEW (II-2, 968b) : comparare¹]

A. -Acquérir en se donnant du mal, obtenir à grand peine.

1.Comparer qqc.

Si comparé / tant comparé. Acquis avec tant de peine, payé si cher.

...je vous doi par raison petit amer, quant vous voliés par nuit embler ce que j'ay si comparet, et qui m'a coustet tant de deniers (Froiss., Chron. L., IV, c.1375-1400, 82)

...li rois d'Engleterre en prope personne vint a Calais, non congneus de plenté de gens ; de quoi mesires Gautiers de Manni fu moult esmervilliés qant il le vei ; nequedent il se fissent bonne chiere. Et dist li rois : 'Gautier, je voel veoir et connoistre quels gens vendront pour moi tolir Calais, que je ai tant comparet. Je le voel aidier a desfendre et a garder...' (Froiss., Chron. D., p.1400, 864)

[Un bien abstrait]

Pour bien Prudence et Justice partir, Aussi Force, doibt homme comparer Ceste vertu (Meschin., Lun. princes M.-G., c.1461-1465, 79)

[Domaine de l'amour]

Pour ytant que m'amour aviés sans comparer, Ne vous chaloit, beaus sire, de moy a honorer. (Tristan Nant. S., c.1350, 407)

Quant je me plein, nulz ne m'en doit blasmer, Puis qu'en amer ne puis trouver qu'amer. Trop compere ses gracieus biens fais Cilz qui la sert de fin cuer et entier ; Car quant il cuide avoir passé son fais, Lors li sera dou tout à racointier, Et li sera pis qu'à l'encommencier. (Mach., L. dames, 1377, 39)

...S'il par sa druerie Maintient qu'amours soit faussée, Quant il n'i trueve mie Merci d'amant desirée, Combien qu'il l'ait comparée Par mout dure hachie, N'en doit estre amour blasmée, Mais de tant plus prisie Qu'elle ensieut comme ordenée Nature qui l'a formée, Sans estre en rien brisie. (Mach., Motés, 1377, 516)

Or en gemy Quant separee Suis de toy, seule et esgaree, De tout plaisir desemparee. La doulceur m'est chier comparee, Dont je mendie. (Chart., L. Dames, 1416, 215)

Comparer (un cens) à double. Racheter (un cens) au double de sa valeur (pour une raison juridique).

Cens forcelleit. Jugement de Jehan de Waudrewange d'une pairt, et de Aillison, femme Maitheu Buglei, d'autre pairt, pour ung .L. sols de cens qui estoient forcelleit, se volloit ledit Jehan de Waudrewange que ladicte Allison le combareit a double ; la quelle Aillison dit que çou n'avoit elle mie a ffaire, ne qu'elle ne li avoit mie a essigner .C. solz de cens pour le double, pour ce qu'elle se traioit point az heritaige sor quoi lez .L. sols de cens estoient escheus pour hoirs ne pour encheute. (Jug. maître-échev. Metz S.M.S., t.1, a.1494 [1393], 573)

Remarque : Les trois attest. de ce sens fournis par GD II, 206b concernent le domaine messin.

Proverbe.

Nulz n'a bien, s'il ne le compere (Froiss., Méliad. L., t.1, 1373-1388, 83)

On n'a riens, se on ne le compère. (Froiss., Chron. L., VII, c.1375-1400, 24)

Nul n'a bien s'il ne le compere. (Chart., D. Rev., a.1424, 315)

2.Comparer qqn

a)Se dépenser pour qqn, pour avoir sa confiance, pour l'avoir avec soi.

[Une mère s'adresse à son fils] Ha ! Bernard, je t'avoye assés Comparez, et tu m'a fay guerre ! (Myst. st Bern. Menth. L., c.1450, 91)

Comparer cher qqn. Dépenser trop pour avoir qqn avec soi.

Celluy c'on ne puet comparer [Jésus, qui est incomparable] Ne puet nulx hons chier comparer. Chescum y mette s'esperance. (Dupin, Mélanc. L., c.1324-1340, 237)

b)Obliger qqn par un service rendu, par ce qu'on subit pour qqn.

LE PARALETIQUE. Hélas ! or n'ay ge nulz qui m'ayde A moy pourté au bon corps saint. (...) LE FIEVREUX. Or l'alons querir. Le bon homme Prendrés ; la filie pourterons. LE PARALETIQUE. Las ! grant marcy, mes compagnons ! Vous me comparez grandement. (Myst. st Bern. Menth. L., c.1450, 179)

Beau cousin Herchambault, je vous ay comparé, car on m'a martyré et navré ainsi pour l'amour de vous [on a martyrisé Hermant pour avoir facilité la tâche à Herchambault] (Doolin de Mayence V, P., 1501, 19-5)

B. -Subir les conséquences de qqc., payer cher qqc..

1.[Un acte, une initiative, un fait, une erreur, une faute... qu'on en soit ou non responsable...]

[Dont on est responsable]

Vo sergant me fait blafme, maix il lou comperait ! (Lion Bourges K.P.F., c.1350, 64)

Et volentiers me desdiray Et de point en point tout diray Ce que vous m'avez commandé ; Car pour ce m'avez vous mandé, Et meffait li ay ; par saint Pere, C'est bien drois que je le compere. (Mach., P. Alex., p.1369, 243)

Qui mal fera si le compere. (Desch., Oeuvres Q., t.3, c.1370-1407, 234)

...moult bien comparer doi Che meffait (Froiss., Joli buiss. F., 1373, 155)

Et ce veu par ledit pelletier, il dist audit trespassé que puisqu'il vouloit grever son compere, il le comparroit ; et tenoit en sa main un baston de cotheret, dont il se efforça de ferir ledit trespassé (Reg. crim. Chât., I, 1389-1392, 412)

Les trois ambassadeurs de Lucembourc adviserent bien leur contenance et dirent l'un a l'autre : Par foy, ces enfans sont bien tailliez de conquerre encores une grant partie du monde. Or puet bien dire le roy d'Ausay qu'il comparra la fole emprise et le dommage qu'il a fait a nostre pucelle et a son pays. (Arras, c.1392-1393, 156)

Mais il fu moult doulent de la perte de sa mere et de la douleur de son pere. Et senty que la premiere racine de ceste grief mesaventure mouvoit par le conte de Forest, son oncle, et jura la Trinité qu'il le comparroit. (Arras, c.1392-1393, 268)

...et qu'elle compere Le fait couvient (Chr. Piz., M.F., III, 1400-1403, 190)

Tu vois que tout homme compere Sa mauvaise concupiscence. (Martin Le Franc, Champion dames I-II, P., 1440-1442, 145)

Ha ! ydole de Dieu mauldi, Tu as regné trop longuemant Et as destruis les pouvre gent : Tu le comparras dorimès, Des oltrayge que tu a fais A la pouvre nature humainne. (Myst. st Bern. Menth. L., c.1450, 133)

De ce veulx prandre plet, Suyés moy pas a pas. Som cas en sera let. Griefmant le comperas. (Myst. st Sébast. M., c.1450-1500, 298)

'Ores, damp Abbés, cognoissez que Dieu est vray juge, quant vostre force et vostre faulz, mauvais et injurieux parler ne ont eu pouoir que ne soiés chastié, et present celle (...) par laquelle avez si deshonnestement menty et parlé contre les chevaliers et escuiers, et pour ce celle tres faulse langue le comparra.' (La Sale, J.S., 1456, 298)

Comparer cher / cherement qqc.

Mais cils qui ot le cuer franc sans amer Dist : 'Dame chiere, Pour Dieu merci, reprenez vo maniere, Vous vous tuez de faire tele chiere, Car je voy bien que moult comparez chiere L'amour de li. Si n'aiez pas le cuer einsi failli, Car ce n'est pas preus, ne honneur aussi.' (Mach., J. R. Beh., c.1340, 66)

...Quant voit le ber Tristan a la chere membree Que Galaffre ot versé par sa fiere posnee, Dont jura que tres cher lui sera comparee. (Tristan Nant. S., c.1350, 402)

HERIPPÉ. (...) De touz voz autres diex di fi : Ce n'est que songe. DEUXIESME SERGENT. Chier comparras ceste mençonge. (Mir. st Panth., 1364, 366)

...mais qu'il tant sceust vouloit Que la doulour, ou il l'ot mis, De Patroclus, ses chiers amis, Lui feroit moult chier comparer (Chr. Piz., M.F., III, 1400-1403, 91)

Ne tient à peu que je vous fasse cher comparer vostre folie. (Chastell., Chron. K., t.5, c.1456-1471, 68)

[Comme menace]

Par Mahom ! Bien le comparrez, Car demain le matin mourrez. (Le Petit, Champ d'or L., c.1388-1392, 168)

Par le vray Dieu, qui de mes mains Genelhon osterat, il le comparerat ! (JEAN D'OUTREM., Myr. histors G., a.1400, 109)

Seigneur, vecy .I. homme mort. Resuscités le ! Sy verrons Le quel dit voir ; sy croirons Que celuy soit Diex en verité Par qui sera resuscité ; Se non, tous .II. le conparrez ! (Mart. st Pierre st Paul R., c.1430-1440, 126)

Satham, advise que feras. Si tu faulx, tu le compareras ! (Pac. Job M., c.1448-1478, 325)

Comparer qqc. de son corps / du corps. Payer qqc. de sa vie.

...se je savoie qui batu vous at, du corps le comparoit (JEAN D'OUTREM., Myr. histors G., a.1400, 118)

Remarque : FROISS., Chron. L., IV, c.1375-1400, 175.

[Dont on n'est pas soi-même responsable]

Et pour ce je n'averay ja mercy de toy car tu compereras les eniquités de tes ensestres. (Veng. Nostre-Seign. F., t.1, c.1300-1400, 160)

...pour oster toute matiere de discention, et afin que dorenavant, se le cas s'offroit de faire contrainte, que ceulx qui seroient diligens ne coperassent mie la deffault des negligens (Trés. Reth. S.L., t.2, 1366, 149)

Faites ces choses reparer, Car li pueples pas comparer Ne doit, par droit, sa couvoitise Qui maint cuer esprent et atise, Car li pueples assez à faire ha. (Mach., P. Alex., p.1369, 125)

Tu [Aveugle Fortune] soies de Dieu maudite. Par toy fiz je le grief forfait de mon tres chier seigneur. Or le me veulz faire comparer. (Arras, c.1392-1393, 243)

Les bonnes gens n'estoient encores de riens en doubte, et ne quidoient point comparer les chevauchies que lors sires, messires Jehans de Hainnau, avoit fait en France, en servant le roi d'Engleterre (Froiss., Chron. D., p.1400, 346)

...et recordons a noz cueurs le fait de la maleureuse bataille d'Agincourt, dont nous avons chier comparé et encore plaignons la douloureux infortune et emportons sur nous toute celle malle mescheance (Chart., Q. inv., 1422, 35)

A mon doel nul ['aucun autre'] ne se compere Car il convient que je compere Ce que les autres ont meffait. (Taillev., Moral. D., 1435, 90)

NOSTRE DAME. Gabrïel, ma garde fëable, Combien que ceste mort compere ['que j'en subisse les conséquences'] , La voulenté de Dieu, mon pere, Soit faicte (Gréban, Pass. J., c.1450, 349)

...si ne vouloit pas que son royaume comparast ['subisse les conséquences de'] sa viellesse. (Percef. IV, R., c.1450 [c.1340], 500)

...qu'avez vous, meschant yvroigne, ce dist elle, fault il que je compare le trop de vin que vostre gorge a entonné ? (C.n.n., c.1456-1467, 244)

2.En particulier. Payer, expier (un péché, particulièrement le péché originel...).

Son pechié li fault comparer. (Dupin, Mélanc. L., c.1324-1340, 139)

Daniel hucha l'un des juges, Et dist : 'Tu qui faussement juges, Envieillis yès et entichiés De mauvais jours pleins de pechiés Qui devant le pueple apparront. T'ame et tes corps le comparront, Pour ce qu'as jugié faussement Maint preudomme et maint jugement...' (Mach., C. ami, 1357, 13)

Desquieux [Noé et sa famille] touz li humains linaiges Est yssuz, qui encor compére Le pechié dou dit premier pére (Jour Jug. R., c.1380-1400, 216)

Une meschine de prestre perseverant et mourant ou pechié est chevalet au dyable, et ne fault ja prier pour elle ; et leurs enfans sont plus enclins a pechier que d'autres gens, car souvent advient que enfans comperent les pechiés de leur pere et leur mere. (Ev. Quen. II, c.1466-1474, 132)

Je vous promet certaynnemant Que vous en aurés mal meschié Et comparerés le pechié Des oultrages que m'avés dit (Oudin, St Genis M.S., c.1490, 56)

Remarque : GUILL. DIGULL., Pèler. âme S., c.1355-1358, 206.

[De J.C. et du mystère de la Rédemption] Racheter, en expiant les péchés des hommes.

...comment il auoit chierement compare les hommes, quil auoit faiz a son ymage, et comment il nous auoit rachetes chierement, pour la grant amour quil auoit vers nous (Mandeville, Voy. L., p.1360, 230)

3.Emploi absolu. Payer, se racheter.

Je me donne grant merveille de ces amans par amours qui suivent leurs amies longtemps, puis reviennent et cuident estre amez comme devant. Mais certes ilz n'en ont garde, je ne le sçay que par moy mesmes ; et puis prient, et s'aucune chose leur est ottroyee, ilz ne comperent point et faillent de promesse, puis vuellent revenir par excusation. Jamais aprés ce, bien a femme ne feront. (Ev. Quen. II, c.1466-1474, 143)

C. -Par extension. Souffrir qqc., supporter qqc..

'Alixandre, vieng a ton pere, Qui en ce champ la mort compere (...)' Alixandre arriere revint Quant de son pere lui souvint ; A terre le troeuve estendu (Renart contref. R.L., t.1, 1328-1342, 113)

Car ce desir [ce desir amoureux] qui asprement s'avance A dessus moi grant part et grant puissance, Et me couvient que, la ou il me tire, Au mieuls que puis comparer mon martire [Éd. : 'il me faut subir mon martyre aussi bien que je le peux, là où le désir me tire'] . (Froiss., Orl., 1368, 95)

Joye en fera comme la bonne mere Qui pour ses filz chaleur et froit compere. (Michault, Doctr. temps prés. W., 1466, 176)

Remarque : Peut-être même sens ds l'ex. suiv.

Vous ne poëz, bien le compere ['et je le subis comme tel', 'et j'en souffre' ?] , Au filz rendre le sang son pere (Renart contref. R.L., t.1, 1328-1342, 171)