COMMANDEMENT

substantif masculin

[T-L : comandement ; GDC : commandement ; AND : comandement ; DECT : comandement ; FEW (II-2, 948b-950ba) : commendare ; TLF (V, 1097) : commandement]

I. -[Déverbal de commander]

A. -Ce qui est commandé, ordonné, prescrit.

1.Ordre donné, injonction.

Si que moult paoureusement Respondi assez simplement : 'Ma dame, refuser ne puis Vostre commandement...' (Mach., R. Fort., c.1341, 130)

La sentence est commandement de operacion, et ilecques est la fin du conseil et le commencement de l'execucion (Oresme, E.A.C., c.1370, 345)

Li rois de France, en istance que pour conforter la ville de Calais (...) estendi ses mandemens et conmandemens parmi tout son roiaulme, et mandoit et conmandoit tres estroitement que tout venissent sans nul delai, ses lettres veues, en la chité d'Amiens ou la environ. (Froiss., Chron. D., p.1400, 821)

...nonobstant les commandemens et inhibitions faictes de par le Roy par ledit sergent (Baye, I, 1400-1410, 17)

Bien y apparut au fait memorable de Manlius Torquatus, lequel, ou temps qu'il conduisoit les legions rommaines, fist trenchier la teste a son propre filz pour ce qu'il s'estoit combatu aux ennemis contre son commandement, jaçoit ce que il eust la victoire obtenue (Chart., Q. inv., 1422, 54)

Ma dame, pardonnez moi, que il a bien a penser, le cuer d'un nouvel amant deliberé de loyalment servir, comme le scien est, de bien choisir et soy du tout asservir aux entiers commandemens de sa dame, s'il n'est d'amours bien grandement amy (La Sale, J.S., 1456, 14)

Traistre ribauld, comment avez vous osé rober l'église oultre mon commendement et ma defense ? (C.n.n., c.1456-1467, 58)

Las, mon seigneur l'arbalestrier, Gardez bien ce commandement ! (Fr. arch. B., c.1468-1480, 43)

...ne y faire entreprise, pilherie aucune, ne en prandre harnois, ne faire chosse quelzconque directement ou indirectement qui pourte prejudice audit duc ne à sondit païs hors du royaume tel qu'il est à presant, en renonçant à tous comendemens ou contrainctes que le roy nous pourroit faire faire. (Le Clerc, Interp. Roye, c.1502, 361)

Commandement de + inf.

...et voloient li auqun baron dou pais que on envoiast soufissans honmes deviers le roi de France, a savoir si de li venoit li conmendemens d'avoir ars en le conté de Hainnau sans desfiier. (Froiss., Chron. D., p.1400, 355)

Commandement que + subj.

Li amiraus d'Alexandrie Leur envoia par courtoisie De sa maisnie et de sa gent Qui les reçurent bel et gent Et moult tres honnourablement ; Et s'avoient commandement Qu'on les menast en leurs hostels. (Mach., P. Alex., p.1369, 188)

'Biaus fils, montés a cheval et alés celle part, et vous traiiés avoecques les Hainnuiers ; et faites un conmandement tres fort et tres cruel que nuls Englois, sus la painne a perdre la teste, ne se mueve et ne face fait ne debat, et prendés la cose sus vous.' (Froiss., Chron. D., p.1400, 119)

Commandement + disc. dir.

Comendement Te faiz, ydeuse [croix] (...) Rans moy mon fils (Pass. Auv., 1477, 242)

Commandement + disc. indir. libre

...messires Carles de Blois (...) fist faire un ban et un conmandement : quiconques avoit riens pris ne levé en la ville de Jugon, tout fust restitué et mis arriere sus une painne que on i asist. (Froiss., Chron. D., p.1400, 560)

Faire commandement (à qqn) de/que

Faites li tost conmandement Qu'il lui die qu'appertement Viengne a son jour. (Mir. ev. arced., c.1341, 134)

Li rois fist un commandement Qu'on l'alast querre inellement, Et on l'ala tantost querir Pour demander et enquerir S'il saroit sorre la demande Que li rois enquiert et demande. (Mach., C. ami, 1357, 27)

...lez officiaux dez prelas, en enpechant et en troublant la juridiction seculiere a la requeste du clerc, si font conmandement au juge et a partie que ilz cessent de poursivir celluy ajournement, sur poine de excomuniement et d'aucune poine pecuniere. (Songe verg. S., t.2, 1378, 152)

Lors retourna le roy en la sale, et fist on commandement, sur la hart, de par le roy, que nulz ne deist mot. Et lors dist le roy : Or entendez, biaulx seigneurs, avisez vous. (Arras, c.1392-1393, 60)

Dont dist li rois Phelippes : 'On face conmandement de par nous que tout honme soient prest, car nous volons aler combatre ces Englois.' (Froiss., Chron. D., p.1400, 324)

...maistre Guillaume Rose leur avoit fait commandement de venir par devant les presidens et conseilliers du Roy en Parlement pour estre interroguez (Fauq., I, 1417-1420, 233)

...mais on leur faisoit commandement Que se c'estoit pour trahison qu'ilz s'en alassent hors du royaume (Juv. Urs., Nescio, 1445, 484)

Et, le lendemain, fut fait commandement à icelle femme dudit maistre Odo de wider hors de la ville de Paris, ce qu'elle fist, et s'en ala à Saint-Anthoine des Champs hors Paris, où tousjours depuis s'est tenue (Roye, Chron. scand., I, 1460-1483, 75)

Pour vous dire de la forme de nostre passaige, il fault que le Roy envoye querir tous ceulx à qui sont les nefz de son obéissance, et leur fasse faire commandement qu'ilz soient tous prestz aux hables à ung certain temps. (Bueil, II, 1461-1466, 163)

A tous vous faiz comandement Que l'estranglés luy et sa femme (Pass. Auv., 1477, 167)

Avoir commandement de qqc. Se voir imposer qqc..

Tu doiz de tout ton cuer amer Ton Dieu et de tout ton penser. De ce tu as commandement En l'evangille, et ensement Doiz haïr pechié et amer Les vertus qui font a loer. (La Buigne, Rom. deduis B., 1359-1377, 113)

Avoir commandement que

Maiz voirs est qu'ay commandement Que ne repete nullement Argument qu'il y aient fait Ne raison (La Buigne, Rom. deduis B., 1359-1377, 513)

Faire, accomplir, mettre à fin...un commandement. Exécuter (un ordre).

...elle me dist doucement Qu'il couvenoit que je chantasse Et que de chanter m'avisasse ; Car venu estoit a mon tour. Je li respondi sans demour : 'Ma dame, vo commandement Vueil faire ; mais petitement Me say de chanter entremestre...' (Mach., R. Fort., c.1341, 126)

LE CHEVALIER. Vostre conmandement feray, Mon chier seigneur, c'est de raison. (Mir. femme roy Port., c.1342, 169)

LE SERGENT. Sire, je feray sanz estrif Vostre commandement ; c'est droiz. (Mir. enf. ress., 1353, 29)

PREMIER ANGE. Vray Dieu, vostre conmandement Acomplirons. (Mir. st Panth., 1364, 351)

L'ESCUIER. Sire, vostre conmandement Vois mettre a fin. (Mir. Clov., c.1381, 241)

Messire Symon Burlé fut tout confortez de respondre et dist : 'Messeigneurs, je feray voulentiers, et faire le me convient, vostre commandement et yray là où vous m'envoyerez...' (Froiss., Chron. M., XIV, c.1375-1400, 35)

Le maire de Londres qui estoit pour le temps fist le commandement du duch et mist ung jour hors de Londres bien XVI mille hommes tous armez (Froiss., Chron. M., XIV, c.1375-1400, 67)

L'ESCUIER. Sire, vostre conmandement Vois mettre a fin. (Mir. Clov., c.1381, 241)

A ce mot respondy Remondin : Ma dame, je feray mon povoir d'acomplir vostre commandement. (Arras, c.1392-1393, 51)

Chiere dame, je suis contrains De ceste fille vous oster Et d'icelle o moy emporter, Pour faire et acomplir briefment Du marquis le commandement. (Gris., 1395, 54)

...commendez, je suis celle qui accompliray vostre commendement (C.n.n., c.1456-1467, 248)

-..il me semble, sauve vostre reverence, que j'ay fait vostre commendement (C.n.n., c.1456-1467, 532)

DIEU. Gabriel, sans plus longue actente, Va t'en la bas legierement A Martin, lequel me presente Son oroison devostement. GABRIEL. Sire, vostre commandement Acompliray de cueur parfaict (La Vigne, S.M., 1496, 504)

Obeir au commandement de qqn

Cilz de Galles respondirent qu'ilz estoient tenu de obeir au roy et à son commandement (Froiss., Chron. M., XIV, c.1375-1400, 49)

Les Londriens, comme gens tout conforté et tout appareilliez de obeir au plaisir et commandement des oncles du roy, car à ce estoient-ilz tous encliné et arresté, respondirent : 'Ce soit ou nom de Dieu.' (Froiss., Chron. M., XIV, c.1375-1400, 62)

...voiez que a voz commendemens je suis preste d'obeir (C.n.n., c.1456-1467, 566)

Et pour ce, s'il plaist au Roy nostre sire nous bailler ordre de vivres ou souldée d'aucun payement pour nous soustenir, nous le servirons en tous ses affaires et obeyrons à ses commandemens, ainsi qu'il appartient et faire le devons (Bueil, I, 1461-1466, 95)

SATURNE. Au commandement du Soleil Fault obeir, barons celiques, Et de ma part acomplir vueil Les commandemens deificques. (Cene dieux, c.1492, 129)

Aller au commandement de qqn. Obéir aux ordres de qqn.

...il me faut Aler au doulz commandement De celle qui j'aim loialment. (Mach., Voir, 1364, 646)

(Agir) du/au/par le commandement de qqn

Ou nom de Dieu, ci commence le livre d'Aristote appelé Du Ciel et du monde, lequel du commandement de tres souverain et tres excellent prince Charles, quint de cest nom, par la grace de Dieu roy de France, desirant et amant toutes nobles sciences, je, Nychole Oresme, doien de l'eglise de Rouen, propose translater et exposer en françoys. (Oresme, C.M., c.1377, 38)

...du comandement de bouche à lui fait par mesdiz seigneurs de parlement, (...) mesdiz seigneurs de parlement, tout consideré et veu, avoient, et ont dit et ordonné que par ledit mons. le prevost soit procedé à l'encontre dudit prisonnier, à son absolucion ou condempnacion (Reg. crim. Chât., I, 1389-1392, 297)

Inventoire des biens moebles appartenans a l'exequcion de defunct homme honnerable et discret, maistre Jehan de Rochefort, subdiacre, (...) lequel inventaire fu faict de l'auctorité et commandement de Chapitre de Beauvés par honnorables personnes et discrettes, maistres Guillaume le Tor et Jehan des Hayes, chanoines de la dicte eglise, et moy, J. Marau, notaire dudict Chapitre (Invent. test. beauv. L., 1397, 43-44)

Messeigneurs, en la moye foy, Simples homs suis et petit say Et en moi petit d'avis ay Pour ce devant vous proposer. Ne ne le deveroye oser Faire, se par commandement Ne le faisoie seulement, Qu'assez mieulx faire le sariez. (Gris., 1395, 10)

Messires Henris de Biaumont (...) et messires Thomas Wage (...) trouverent d'aventure sus les camps des varlés dou roi, liquel estoient parti de Bristo et aloient au conmandement dou roi semondre chevaliers et esquiers (Froiss., Chron. D., p.1400, 82)

...li clers (...) avoit parlé et remonstré les besongnes qui touçoient au roi et au roiaulme par le conmandement et ordenance dou roi (Froiss., Chron. D., p.1400, 233)

Et fu ce jour generalement à Paris faicte abstinence de cher par le commandement de l'evesque de Paris ou ses vicaires. (Fauq., I, 1417-1420, 180)

Ce jour, au commandement de la Court sont venuz en la Chambre de Parlement maistre Guillaume de Chanteprime, d'une part, et maistre Phelippe de Vitry, d'autre part (Fauq., II, 1421-1430, 218)

Ce jour, la Court a eslargi maistre Michiel Claustre, conseillier du Roy, lequel avoit esté arresté prisonnier du commandement dudit de Morvillier, premier president (Fauq., II, 1421-1430, 324)

Et desdiz feux et du grant guet qui fut fait et ainsi ordonné que dit est, furent lesdiz capitaines qui estoient à Paris moult esbahis, et dont aucuns s'en alerent en la chambre du roy en son hostel des Tournelles savoir à lui se c'estoit de son ordonnance et commandement que lesdiz feux et guet estoient ainsi fais et ordonnez, ou de par qui : lequel dist et respondi que non. (Roye, Chron. scand., I, 1460-1483, 115)

...ilz estoient de si noble courraige que n'en voulloit pas demourer ung, pour viellesse ou neccessité qu'ilz eussent, si n'eust esté par le commandement du Roy exprez. (Bueil, II, 1461-1466, 168)

Si advint ung jour que celui chevalier en plaine table louoit fort le roy Philippe et ne voloit escouter les louenges du roy Alexandre ; à ceste cause fut occiz par le commandement d'Alexandre. (Simon De Phares, Astrol., c.1494-1498, f° 63 r°)

Faire qqc. par dessus un commandement. Faire qqc. en enfreignant un ordre.

...ce aussi que, durant icelles treves, et oultre et par-dessus les deffences et commandemens à lui fais, tant par le roy nostre sire ou ses gens, commiz et deputez, comme par le roy d'Engleterre et ses commis, il a edifié, emparé et fait fort le Roc de Vendas (Reg. crim. Chât., II, 1389-1392, 206)

Forspasser un commandement. Enfreindre un ordre.

...se li contes de Montfort i euist auqun droit, se l'avoit il fourfait (...) pour tant que il avoit fourpasset le conmandement de son signeur le roi et brisiet son arest, et partis sans congiet. (Froiss., Chron. D., p.1400, 490)

Tenir à/pour commandement. Considérer comme un ordre.

Et je tenoie vraiement Sa parole a commandement. (Mach., Voir, 1364, 200)

Ce hardement J'ay prins a leur bon mandement, Car prïé m'en ont grandement, Que je tien pour commandement Et suis tenu D'obeïr ; si l'a couvenu. (Chart., L. Dames, 1416, 303)

Prendre en commandement

Très saint pere, en commandement Pren et reçoy vostre priere, Par si que mon honneur entiere Y soit si nettement gardée Qu'elle n'i soit en riens grevée. (Mach., P. Alex., p.1369, 239)

Qqc. est du commandement de qqn. Qqc. est ordonné par qqn.

Et desdiz feux et du grant guet qui fut fait et ainsi ordonné que dit est, furent lesdiz capitaines qui estoient à Paris moult esbahis, et dont aucuns s'en alerent en la chambre du roy en son hostel des Tournelles savoir à lui se c'estoit de son ordonnance et commandement que lesdiz feux et guet estoient ainsi fais et ordonnez, ou de par qui : lequel dist et respondi que non. (Roye, Chron. scand., I, 1460-1483, 115)

[De Dieu] Faire son commandement de qqn. Faire mourir qqn, rappeler qqn.

...et pleust a Dieu qu'il eust fait son commandement de moy ! Au moins fusse je quicte de vous faire desplesir (Quinze joies mar. R., c.1390-1410, 23)

...nous avons sceu qu'il a pleu à Dieu faire son commandement de feu nostre trés chier et trés amé oncle le duc de Millan (Lettres Louis XI, V., t.3, 1466, 34)

2.Ce qui est prescrit ; règle, précepte édicté par une autorité (surtout morale, religieuse).

Cils doi la maison frequentoient De Joachim et la faisoient Leur edis, leur commandemens, Leurs consauz et leurs jugemens. (Mach., C. ami, 1357, 5)

Et aussi comme les choses appartenantes as loys et les meurs ont posté es cités, en tele maniere les commandemenz des peres ont posté en leurs maisons ou hostelz. (Oresme, E.A., c.1370, 535)

Mais se il avenoit que les commandemenz fussent incompassibles et que l'en n'en peüst acomplir fors un tant seulement, adonques pour ce que le bien publique est meilleur que le bien familiaire ou que le bien privé et propre, l'en devroit plus obeïr au commandement du prince que au commandement du pere (Oresme, E.A.C., c.1370, 459)

Tenez les commandemens de nostre mere Saincte Eglise et tous les degrez et commandemens de nostre foy catholique. (Arras, c.1392-1393, 153)

Et jà avoient esté excommuniéz par longues années pour les choses cruelles qu'ilz avoient commises contre leur evesque. à tous lesquelz commandemens de l'eglise touchant lesdictz differens ilz n'eurent jamais reverence ny obeissance. (Comm., I, 1489-1491, 166)

Règle de conduite édictée par Dieu.

...Signeurs, n'aiez doubtance De la planté, de la puissance Des anemis Dieu, ne freour, Qu'il vivent en si grant errour, En tel pechié, en tel misere, Qu'il ne congnoissent Dieu le pere, Ses commandemens, ne sa loy. (Mach., P. Alex., p.1369, 66)

Jhesucrist prist tous seulx la guerre pour nostre salvacion, et par sa digne mort seront tous crestiens sauvez qui ses commandemens tendront. (Arras, c.1392-1393, 108)

C'est voulenté subjecte a Dieu, qui garde les commandemens de Dieu. Et car on ne puet garder les commandemens de Dieu sans les scavoir, ne les scavoir sans les oyr, ne les oyr fructueusement sans grace (Gers., Noël, p.1404, 292)

Entendez l'enseignement Du Crëateur qui ne ment, Qui pardonna largement Et vous fait commandement, Par loy et par testament, De vivre paisiblement. (Chart., L. Paix, a.1426, 416)

Vous mesprisés mez commandemens, et voulés que je prise voz offrendes. Vous reboutés ma discipline et voulés que je accepte voz oblations. (Chart., L. Esp., c.1429-1430, 175)

Je vouldroie que tu eusses attendu et accompli les commandemens de Dieu (Juv. Urs., Aud. celi, 1435, 249)

...je croy que tout homme qui expose son corps à soustenir bonne querelle et à secourir son souverain seigneur ou son prouchain en bonne justice et en bon droit, fait et accomplist le commandement de Dieu. (Bueil, I, 1461-1466, 118)

...commandement dit obligation a faire bien et ce qui est bon. Prohibicion dit obligation a fuir et non faire le mal. (Somme abr., c.1477-1481, 173)

Les (dix) commandements

...et de certain En ces deux conmandemens ci Peut toute la loys et aussi Tuit li prophète. (Mir. nat. N.S.J.C., c.1343, 239)

Dix commandemens par moy te mande A garder sans point trespasser ; Garde, peuple de les casser. Quil contre ceste loy ira, Cil de son peuple perira. Voy les te cy, or les escoutes Et en ton cueur les fiches et boutes ; Vecy la loy en pierre escripte. (Pass. Semur D.M., c.1420 [1488], 39)

Et du premier commendement, De la Loy, qui dit qu'on doibt croire, (Non pas l'escot quant on va boire, Cela s'entend,) en ung seul Dieu (Fr. arch. B., c.1468-1480, 42)

...quoy Dit le second commendement ? Qu'on ne jure Dieu vainement (Fr. arch. B., c.1468-1480, 42)

Je te prie, des sept pechez Mortelz dont tu es empesché, Et puis après je te recorde Des oeuvres de misericorde, S'acomply les a nullement, Et quant aux dix commandement, Tu as mesprins, comme je croy, Et aux articles de la foy, Et se tu as communiqué Avec nul excommunié, Ainsi confesser tu te doys. (C. Riffl., c.1480-1520, 60)

[Dans un cont. métaph.]

Ce sont ycy les dix commandemens Vray Dieu d'Amours, que je feray jurer A cest enfant (CH. D'ORLÉANS, Ret. am. C., 1414, 13)

3.En particulier. Ordre de paiement' (Éd.).

Commandement et embairement a deffaire. Jugement de segneur Nicol Mortel, chevalier, d'une pairt, et de Burtrang le Hungre, l'amant, (d'autre pairt) et de Jehan Piedeschault d'autre pairt, faisant mention que Burtrant le Hungre, l'amant, et Jehan Piedeschault n'ont niant a avoir en l'eritaige ne en cens de Noweroi, pour tant que se sont alluef, et ont bien cellui heritaige et celles cens a laixier et a esxurier errez droit audit seigneur Nicol Mortel, et ledit empechement a deffaire. (Jug. maître-échev. Metz S.M.S., t.1, a.1494, [1387], 557)

Remarque : Cf. G. Dupont-Ferrier, Étude sur les institutions financières de la France à la fin du Moyen-Âge, 1932, t.2, 323.

B. -Ce qui permet de commander, d'ordonner.

1.Pouvoir de commander, d'ordonner, de disposer.

La crois est li plus nobles signes Des crestiens et li plus dignes, Car Dieus y fu crucefiez Pour nous tous et martyriez, Qui nasqui de sa Vierge mere, Par le comandement dou pere, Et d'enfer tous nous racheta, Et ses bons amis en geta. (Mach., P. Alex., p.1369, 14)

Atant este vous venu le nepveu du cappitaine, qui bailla a son oncle la lettre que le roy lui avoit bailliee. Il rompt la cire, et voit comment le roy lui mande comment il mette la ville toute ens ou commandement des deux freres, et qu'il commande a toutes les forteresces, villes, bours, chasteaulx, pons, pors et passaiges qu'ilz laissent passer et sejourner les freres et leurs gens, et que ilz obeissent du tout à eulx. (Arras, c.1392-1393, 98)

Encores veul et vous commande que tous les jours de quelque Pater noster ou autre oroison vous servez et vous recommandez a vostre bon ange auquel Nostre Seigneur a donné le commandement et garde de l'ame et du corps de vous (La Sale, J.S., 1456, 37)

Avoir qqn/qqc. en son commandement. Avoir le pouvoir sur, avoir autorité sur ; avoir à sa disposition.

Or voy je bien, ma dolour renouvelle Et ma joie prent son definement, Quant il m'estuet partir de la tres bele Qui a mon cuer en son commandement. (Mach., L. dames, 1377, 27)

...il li doit sousfire, se il a nostre corps pour prisonniers, et la ville et le chastiel en son conmandement (Froiss., Chron. D., p.1400, 837)

...sachez que vous avez aujourd'uy a dame et en vostre commendement ung des beaulx corps de nostre religion (C.n.n., c.1456-1467, 308)

Pour ce dy je que l'ost, qui a la rivière à son commandement, a de grans advantaiges. Si la recoeuvre qui pourra. (Bueil, I, 1461-1466, 154)

Avoir qqc. en commandement. Avoir le pouvoir de qqc.' (Éd. 'Avoir été enjoint').

Sire, entendés, Se vous a bien regner tendés : N'aiés point de conseil apart, Car, se l'un de nous de vous part Et de vostre court l'esloigniez, Nous voulons bien que vous saichiés Que tantost tous vous laisserons, N'avecques vous plus ne serons, Car en vain demanderiés Conseil, se ne le croïés. Encore autre chose diray, Depuis qu'en commandement l'ay : Diligence vous fault avoir Pour vous resveillier main et soir, Et gardés que n'oubliés mie Honneur, Largece et Courtoisie. (La Buigne, Rom. deduis B., 1359-1377, 149)

(Estre) au commandement de qqn. Être au pouvoir de qqn.

Car se la dame Que je repren moult durement et blame (...) Premierement N'eüst osté son cuer de cest amant Qui tous estoit en son commandement, Amours, Amours, je parlasse autrement. (Mach., J. R. Beh., c.1340, 126)

Ma dame, a vo commandement Sui, et se riens faire savoie Qui vous pleüst, je le feroie Moult volentiers, se Dieus m'amant ; Car je sui vo loyal amant. (Mach., D. Lyon, 1342, 197)

Tuit li ouvrier qui sont eu monde, Tant comme il tient a la rëonde, Et les ouvrieres ensement Sont tuit en mon commandement... (Mach., F. am., c.1361, 217)

Noble duc, la cité et nous sommes du tout en vostre commandement, plus que a seigneur marchissant que nous ayons. Et ne nous espargniez de chose que nous puissions faire, car nous en sommes tous prests, et ore et autresfoiz. (Arras, c.1392-1393, 176)

Damoisele, ma nef et mes gens sont en vostre commandement, s'iz y vuellent aler (Percef. IV, R., c.1450 [c.1340], 109)

...tout mon tenement Est en vostre commandement A faire vostre bon plaisir. (Gréban, Pass. J., c.1450, 213)

...et lui dirent [au Jouvencel] qu'ilz estoient tousjours à son commandement et, toutes les foys qu'il lui plairoit les mander, qu'ilz seroient tousjours prestz et appareilliez de venir. (Bueil, II, 1461-1466, 97)

DANDO. Je le dis pour bien, Car s'il vous fault point de lien Pour prendre bien hastivement Ung asne, j'en ay ung qui est mien, Tout a vostre commandement. (Sots Magn., a.1488, 200)

[...du diable] Être sous la coupe du diable.

Il n'avoit yssu de toy [Mélusine] plus de bien que Fromont. Or est destruit par l'art demoniacle, car tous ceulx qui sont forcennez de yre sont ou commandement des princes d'enfer ; et par ce fist Gieffroy le grant et horrible et hideux forfait d'ardoir son frere et les moines qui mort ne avoient point desservie. (Arras, c.1392-1393, 255)

[Du chien] Estre bien à commandement. Être docile.

Chien est bien a commandement, quar il aprendra tout einsi que homme tout quant que on li enseignera (Gast. Phébus, Livre chasse T., 1387-1389, 110)

Chien fait tout ce que on li apprent. Chien est bien a commandement. (La Buigne, Rom. deduis B., 1359-1377, 293)

Estre hors du commandement de qqn.

...veez marchant venir, le curé et aucuns aultres bons compaignons, pour devorer ceste lemproye, qui estoit bien hors de leur commendement [La femme a envoyé la lamproie à son amant] (C.n.n., c.1456-1467, 262)

Se mettre au commandement de qqn

...le duc de Jullers, son cousin, de bonne voulenté l'estoit venu veoir, et se vouloit mettre purement, sans reservation aulcune, en son obeissance et commandement, et le recognissoit à souverain et liege seigneur. (Froiss., Chron. M., XIV, c.1375-1400, 169)

Estre mis au commandement de qqn

Quant ceulx qui envoiés i furent vinrent au Dam, on leur ouvri les portes, et fu toute la ville et les pourveances mises en leur commandement. (Froiss., Chron. R., X, c.1375-1400, 236)

2.En particulier. Autorité militaire.

Et qu'est discipline de chevalerie si non loy ordonnee et gardee en l'exercice des armes et des batailles soubz le commandement du chief et pour l'utilité publique ? Ceste ont gardee si curieusement tous ceulx qui oncques acquirent hault honneur et victoire par proesce d'armes que nulle chose ne se faisoit contre droit de chevalerie ou contre le commandement du chief dont la punicion ne feust capitale ou mortelle. (Chart., Q. inv., 1422, 54)

Ceulx du costé des Bourguygnons estoient sans ordre et sans commandement, comme voulentiers se commencent les escarmouches (Comm., I, 1489-1491, 25)

Estre en commandement de qqn

Mais riens ne prisoit grant puissance Ne gens d'armes sans ordenance Et qui des chiés entierement N'estoient en commandement. (Mach., C. ami, 1357, 114)

3.Par métonymie. Lieu où l'autorité s'exerce.

Et tant feismes que pour paour de noz ses ennemys vuyderent sa terre et son commandement et luy donnerent pour chascun chasteaulx qu'il luy avoient tolu une journee de terre (Chev. papegau H., c.1400-1500, 55)

4.Volonté.

Au commandement de qqn. Aux ordres, au service de qqn.

Et le damoiseau fist bien ce que le roy commanda. Car il la mena en l'ostel a ung des plus courtoys bourgoys qui fust en la ville et des plus riches de la cité, qui la receust moult voulentiers et la fist servir et honnorer trestout a son commandement. (Chev. papegau H., c.1400-1500, 2)

'Mes damoiselles, je vous mercye beaucop de la courtoisie que m'avez ennuyt faicte. - A vostre commendement, respondit l'une...' [Empl. ironique ici] (C.n.n., c.1456-1467, 189)

Au/par le commandement de qqn. Au/par le bon vouloir de qqn.

Alez vous logier ou manoir De son tresgracieux corps gent, Pour y demourer main et soir, Et l'onnourer entierement. Car, par son bon commandement, lieutenant vous veult ordonner De son cueur, en joyeux deport (CH. D'ORLÉANS, Ball. C., c.1415-1457, 93)

Est ce villain habandonné A nostre bon commandement ? (Gréban, Pass. J., c.1450, 278)

Agir à son commandement. Agir selon sa volonté.

Merci vous pri, douce dame jolie, Que vous faciés à vo commandement De moy, qui sui vostres si ligement Que pour vous vueil morir à chiere lie. (Mach., L. dames, 1377, 63)

À mon commandement. À mon gré.

...je ne sache chevalier si eureux de vous, car vous estes tant asseur de vostre femme qu'elle ne puet de son corps faire courtoisie a homme qui vive sans vostre sceu. Et elle, qui de ce se doubte, comme saige s'en garde, mais je ne doubte point que se espace avoie de aucunement parler a elle, que je ne finasse de legier de l'amour a mon commandement. (Percef. IV, R., c.1450 [c.1340], 344)

À commandement. À volonté, à discrétion.

NEMBROTH. D'assiete je le chargeray D'un grand cop de poing bien assis. GRONGNART. Chargon hardiment jusque a six ; Il a dos a commandement ! (Michel, Myst. Pass. J., 1486, 291)

5.Par extension. Pouvoir (sur les choses).

...mais elle [la medecine] n'a pas sus santé commandement ne principalité. (Oresme, E.A., c.1370, 361)

À commandement. Sur commande, à volonté.

...pluseurs femmes ont larmes a commendement qu'elles espandent toutesfoiz ou le plus souvent qu'elles veulent (C.n.n., c.1456-1467, 93)

Avoir la langue en commandement. Avoir la maîtrise de sa langue, le pouvoir d'en user.

...madame, qui avoit encores la langue a commendement, quelque mal qu'elle eust, commença une grande et longue harengue (C.n.n., c.1456-1467, 141)

Avoir la main à commandement. Avoir la main libre.

...et, quant nous mettons la lance en arrest, nous avons la main plus à commandement de celle part (Bueil, II, 1461-1466, 201)

II. -Celui qui a reçu l'ordre d'une autre personne d'agir en son nom, mandataire.

...nous vous mandons que vous sanz delay bailliez a nostre amé Robert Le Veneur, chevalier, mestre de noz eaues et foresz ou a son certain commendement par lui coppie de noz registres lesquels vous gardez touchanz noz foresz de Normandie car il en a mestier pour nous. (Phil. Vi Valois, Lettres closes C., 1330-1349, 44)

...Tu me doys iceulx XXX s. t. pour pain, vin et autres denrés taillés de ma taverne, que tu as eus et despendus, toy ou ton commandement, dont tu as le fait agreable, de moy ou de mon commandement (Instruct. ensaign. B.G., c.1386-1390, 65-66)

Jugement des porteriens de Flerei d'une pairt, et de l'abei de Sainct-Pieremont d'autre pairt, que dit que, quant ons ont debet de faire les forestier de Flerei et qu'il n'ont point d'accort, coment l'abei de Sainct-Pieremont ou son commandement lez font. (Jug. maître-échev. Metz S.M.S., t.1, a.1494, [1344], 232)

Remarque : Nombreux ex. dans GD II, 191 a-b.