COMMERE

substantif féminin

[T-L : comere ; GDC : commere ; AND : commere ; FEW (II-2, 945b) : commater ; TLF (V, 1121b) : commère]

A. -Marraine (par rapport au père, à la mère ou au parrain de l'enfant tenu sur les fonts du baptême).

Et estoit ceste contesse d'Artois et de Boulongne, cousine germainne au duch Jehan de Normendie et conmere deus fois (Froiss., Chron. D., p.1400, 877)

...la royne acoucha ou chasteau d'Amboise d'un beau filz, qui ilec fut baptisé et nommé Charles par monseigneur l'arcevesque de Lyon, avecques le prince de Galles, filz de Henry jadiz roy d'Angleterre et prisonnier detenu par Edouard, roy dudit pays d'Angleterre. Et la commere fut madame Jehanne de France, duchesse de Bourbon. (Roye, Chron. scand., I, 1460-1483, 241)

Qui cognoist charnellement sa commere a sa priere, jamais ne poeult en paradis entrer, se le filleul son enfant ne fait de son gré la penance de ce pechié premier pour sa marrine et aprés pour son pere. Qui charnellement cognoist sa commere qui l'a requis de son enfant lever, jamais tel pechié ne leur est pardonné se le filz de la femme voulontairement ne fait penitance de ce pechié, et premierement pour son parrin et aprés pour sa propre mere. (Ev. Quen., II, c.1466-1474, 132)

...et furent le duc Philippe et le seigneur de Cry comperes, et madame de Charrolois commere (La Marche, Mém., II, c.1470, 412)

LE TEMPS. N'espargnez ne frere ne seur, Perrin, compere ne commere, Mesmes ton pere ne ta mere Ne dois espargner. (Sots triumph., c.1475, 46)

Celle de laquelle l'enfant est receu est a toy faite commere par le fait de ta femme, et ta femme morte tu ne porras avoir icelle en espeuse et en femme. (Sacr. mar., c.1477-1481, 56)

Item se l'enfant de ta femme qu'elle a engendré d'aultre espeux, aucune femme a levé de fons ou aura tenu au sacrement de confirmation devant l'evesque, celle femme est la commere de ta femme et non la tienne. (Sacr. mar., c.1477-1481, 58)

A mademoiselle de La Jaille (...) trente paulmes de damas, que le roy lui a fait délivrer pour donner à sa commère Ellyonne Boucquine, pour ce qu'elle a tenu son enfant, en Avignon (Comptes roi René A., t.2, 1478, 92)

B. -Par extension.

1.Personne liée à une autre par des rapports d'entente, d'amitié, voisine, amie.

LA DAME. (...) Bien tost t'en yras Dire a ma commere Marie Que par amour ne laisse mie Que cy ne viengne, sanz debatre, Avec moy soy un po esbatre (Mir. enf. ress., 1353, 30)

...en l'ostel de sondit maistre elle mal print un viel drap linge bien usé, qui ne valoit pas IJ s., lequel elle bailla à Jehenne du Mesnil, sa commere, pour faire des drapeaux à son enfant. (Reg. crim. Chât., I, 1389-1392, 309)

...un seurpliz assez vueil et un drap de lin de lé et demi, lesquelz elle bailla à une sienne commere pour lors gisant d'efant à l'Ostel-Dieu de Paris (Reg. crim. Chât., I, 1389-1392, 199)

...or a grant soussy pour querir ce qu'il fault aux commeres et nourrisses et matrones qui y seront pour garder la dame tant come elle couchera, qui bevront de vin autant comme l'en bouteroit en une bote (Quinze joies mar. R., c.1390-1410, 18)

...ma commere se mesle de ung pou de marchandise et a aucuneffoys affaire de chambrieres qui lui aident (Cleriadus Z., c.1440-1444, 307)

Quant ilz furent montez ung rochier, qui estoit assez loing de son hermitage, il se senty lassé et fut contraingt a soy reposer, et sa comere s'endormy. (Nouvelles inéd. L., p.1452, 101)

Il fault qu'il vivent, les beaulx peres [les Frères mendiants] , Et mesmement ceulx de Paris : S'ilz font plaisirs a noz commeres, Ilz ayment ainsi leurs marys. (Villon, Test. R.H., 1461-1462, 97)

...Michau, l'oyselleur du roy, est venu chasser à Gardane aux cailhes pour le plaisir dudit seigneur roy, et, le lendemain, el estant à la chasse, se sentit malade et fut tellement malade que devint tout despouderat, en telle manière qu'il ne se povoit ayder des mains ne des piez, fors que de la langue seulement, et incontinent qu'il se sentit malade, manda quérir par son varlet une sienne commère qu'il avoit à Aix où il lougoit, que se nomme done Anthoinecte La Lenternière, pour le penser et gouverner (Comptes roi René A., t.3, 1478, 282)

Je voys jusques ches ma commere Pour passer le temps et esbatre. (P. Jouh. D.R., a.1488, 25)

Sa ou s'en vont noz commeres Au pardon ou pelerinage ? (P. Jouh. D.R., a.1488, 32)

[Comme appellatif familier d'une femme]

Doulce commere, n'est pas fable - Vostre mary est mahengnié. (Vie st Fiacre B.C.P., c.1380-1400, 31)

Lors une des commeres dit a la mere de la fille : 'Ma commere, quelle chiere fait vostre fille ? ...' (Quinze joies mar. R., c.1390-1410, 107)

BIETRIX, premiere matrone. Icy ne demeurerons plus ; A luy irons, s'il luy agrée, A ma conmere Babelée, Car nous y sumes bien tenues Plus qu'a homme que soubz les nues Soit vivans, ne que cognoissons. Pour sy peu faire ne debvons Sa desplaisance. (Myst. st Adr. P., c.1450-1485, 171)

'Qu'avez vous, ma commere ?' - 'Helas, j'ay mengé une amere Saulce en mengeant Saincte Andouille Je vous supplie que l'on escouille Le larron qui la saulce a faicte...' (Serm. st Jamb. K., c.1460, 54)

Mais trop tard. Que pensés-vous, commere ! Anne ? Le peché est tout pardonné Quant on ne le faict que en cachettes. (...). Par mon serment, m'amye la belle, L'eaue benoiste efface tout. (Deux hommes deux femmes T., c.1500, 436)

Estre commere de qqc. Être complice de qqc..

Car Gautiers me dist que sa mere Fu de la traïson commere, Qu'en Chypre en queurt la renommée, Dont elle est maudite et blasmée. (Mach., P. Alex., p.1369, 254)

2.Femme.

Et s'il est que desconfis soies Et que tes gens mors et pris voies, Ja soit ce que li cuers t'en dueille, Garde que ton oueil ne s'en mueille, Car c'est maniere de commere Qui doit plourer l'ame sa mere. (Mach., C. ami, 1357, 113)

Mais s'elle m'en faisoit autant, Je la prendroie maintenant A deux braz et la baiseroie. Et, par ma foy, je lui feroie Ce que fait mon pere a ma mere. Par Dieu, c'est bien une commere, Et je lui osasse bien dire. (Narcissus, p.1426, 294)

...De tant que vous plorés, faites a envillir, C'est fait d'unne commere ! (Jourd. Blaye alex. M., a.1455, 350)

CUPIDO. Beau pere, Pensez que c'est une commere Qui scait bien chanter. (P. moyne, a.1500, 49)

Par compere ni par commere. Par personne.

Par compere ne par commere Ne par aulcun enchantement Ne fut faict ce divin mistere (La Vigne, S.M., 1496, 296)

[Appliqué à un homme qui manque de courage, qui est effeminé ou bavard]

...se ilz les voient retrais par grace de Dieu des folies susdittes ou que autres jeunes ne soient vaguans en la voie de dissolucion comme eulx, ilz les reputent folz et chetifs et dient que ce ne sont que commeres et gent de neant (Chr. Piz., Faits meurs Ch. V, S., I, 1404, 25-26)

Que leur feïssent, Ou quele injure leur deïssent Leurs ancesseurs s'ilz les veïssent Ainsi fuÿr ? Bien les haÿssent De mors ameres Leurs notables aieulx et peres, Dont les vaillances sont si cleres ; Et ceulx cy sont droictes commeres. (Chart., L. Dames, 1416, 284)

Faire qqc. en commere. Faire qqc. mollement.

'Jehan, je ne me pourroie plus tenir de vous dire que c'est trop fait en commère de combattre du gantelet, tant qu'on ait baston en main, dont on se puist aider.' (Faits Lalaing K., c.1470, 237)

3.Femme bavarde et indiscrète.

Faire la commere. Parler inutilement, s'attarder.

SAINCT MARTIN. De vous complaire, au temps qui vient, ma mere, Et a mon pere poinct ne m'est chose amere, Car faire espere vostre commandement ; Ne en ce cas ne feray la commere N'aultre manyere, car la chose premyere, Tressinguliere pour avoir saulvement, C'est d'acomplir vostre bon mandement Soubdaynement, de bon cueur, humblement (La Vigne, S.M., 1496, 146)

Devises/dit de commere. Vains bavardages.

...le Noir Chevalier luy vint au devant et lui dist : 'Sire chevalier, deportez vous jusques a ce que lj'aye aucun pou parlé a vous. - Certes, sire chevalier, dist Estonné, nous ne sommes pas icy en devises de commeres, mais gardez vous de moy !' (Percef. III, R., t.1, c.1450 [c.1340], 339)

Ces motz sont vrays, non pas dictz de commere. (Meschin., Lun. princes M.-G., c.1461-1465, 7)

4.Concubine de prêtre.

...prestres sont de trop grant meniere ; Tropt est lour malvaitié celee. Entour lour cure et lour chapelle Font de cosine et de comere. Pluseurs en sont de putains clamees. (Dupin, Mélanc. L., c.1324-1340, 6)