COLORER

verbe

[T-L : colorer ; GD : colorer ; GDC : colorer ; AND : colurer ; DECT : colorer ; FEW (II-2, 922b) : color ; TLF (V, 1065a) : colorer]

I. -Au propre.

A. -Emploi transitif. Donner de la couleur, une certaine couleur à qqc..

...Amours son visage couleure De trois ou de quatre couleurs Pour les amoureuses doleurs Qu'il reçoit... (Mach., R. Fort., c.1341, 64)

...umeur citrine et colorique courens au cuir par dehors et le coulourant (Saint-gille, Comment. A.Y. L., 1362-1365, 252)

On ne poroit mieuls ymage pourtraire, Ne coulourer sus le blanc et le noir, Que ma dame est de corps et de viaire (Froiss., Rond. B., c.1365-1394, 86)

Les tainturiers usent des couleurs en coulourant les draps et les laines, et les paintres en usent en faisant les ymages. (Corbechon, Couleurs S., 1372, 384)

Je fus par leur sanc coulouree (Concil Basle B., 1434, 82)

Colorer qqc. de couleur

...ou mois de may à ung venredi devant la Pentecoste, ainsi que l'on prechoit, s'apparut en l'air ung signe de croix en triple forme, l'une blanche devers Aquillon, une autre devers le midi de mesmes coulleur et les stimates, la tierce fut ou millieu coullourée de coulleur, en laquelle estoit la forme d'un homme pendu et fiché à clos les braz haulx eslevez et estanduz et ès autres croix n'y avoit riens. (Simon De Phares, Astrol., c.1494-1498, f° 123 r°)

B. -Emploi pronominal. Prendre telle couleur (ici d'une pers. sous l'effet d'une émotion).

La les peüst on decevoir, Qui s'en sceüst apercevoir, Car fins amis en petit d'eure En mainte guise se couleure Pour les grietez, pour les pointures Qu'il sent au cuer pesmes et dures. (Mach., D. Lyon, 1342, 199)

C. -Participe passé en emploi adjectival.

1.Qui a des couleurs, une certaine couleur.

...Si que là tant se combatirent Que les Sarrazins desconfirent, Et leur est li champs demourez ; De sanc vermaus est coulourez. (Mach., P. Alex., p.1369, 208)

Car quant je voy vo biauté nompareille Et vo gent corps qui n'a point de pareil Et vo fresche coulour qui à merveille Coulourée est de blanc et de vermeil, Resplendissant si com or en soleil, Je n'ay vigour ne sens qui ne m'oublie : Tant me fait mal de vous la departie. (Mach., L. dames, 1377, 160)

Belle suer Raison, je te demande comment ce puet estre et quelle chose c'est que tu congnoys, quant tu congnoys nostre Dieu ? Est ce chose coulouree ? Est ce chose enluminee ? (Gers., Trin., 1402, 157)

2.En particulier.

a)Qui a bon teint, qui a le teint vif, dont la peau est de belle couleur.

Mais esplourée Fu moult forment sa face coulourée ; Et nompourquant de coulour esmerée Et de fine douçour estoit parée. (Mach., J. R. Beh., c.1340, 104)

La pucelle qui fu lavee, Si devint si tres coulouree Et si blanche et si vermelle Qu'a regarder est grant mervelle. (Dame Lycorne G., c.1349-1350, 311)

Quant la fame est bien coulouree, c'est signe qu'elle a conceu masle ; quant elle a conceu femelle, elle est descoulouree. (Saint-gille, A.Y., 1362-1365, 85)

...cors bien mouvable et bien coullourez (Saint-gille, Comment. A.Y. L., 1362-1365, 252)

Dame plus noble et mieus flairans, Plus vermeille et mieus coulouree Que pomme douce et savouree (Mach., Voir, 1364, 630)

Mais nous dison que il [certains hommes] sont bien fourmés, bien mesuréz ou bien couloréz, et ne dison pas que il sont biaus. (Oresme, E.A., c.1370, 248)

Car vos dous vis rians, fres, coulourès, Qui est seur tous de grant biauté parès, M'a si conquis que je vous serviray Sans repentir, tant com durer porray. (Mach., L. dames, 1377, 89)

...Quant longuement à loisir La tres grant biauté remir De sa face coulourée... (Mach., Lays, 1377, 298)

...ledit Mansseau estoit petit homme, de l'aage de LX ans ou environ, et avoit le visaige crasset, assez coulouré (Reg. crim. Chât., I, 1389-1392, 465)

...et regarda moult souvent la damoiselle qui estoit belle et blanche et coloree, ainsi com est la rose au moys de may (Chev. papegau H., c.1400-1500, 12)

Le sanguin de sa complexion est simple, ioyeux modere, doulx et amiable et liberal, et si est chault et moite, de corps bien dispose, bien couloure, et est la meilleur complexion car le sang est humeur conuenable a nature, et pour tant les philosophes dient que le sang est le siege de lame. (Cib., p.1451, 218)

...et tellement que peu a peu sa tres vive face coloree s'est changie en tres pale couleur (La Sale, J.S., 1456, 240)

...et avoit la bouche vermeille et le visage coloré et les yeulx amoureux à merveilles (Doolin de Mayence V, P., 1501, 24)

Qui a le teint de la fièvre.

...la jeune fille malade, et a cause de sa maladie plus et mieux colorée, luy saillit au col et le baisa plus de vingt foiz. (C.n.n., c.1456-1467, 348)

Emploi substantival.

Prince, je congnois tout en somme, Je congnois colorez et blesmes, Je congnois Mort qui tout consomme, Je congnois tout fors que moy mesmes. (Villon, Poèmes variés R.H., c.1456-1463, 55)

b)[De la nourriture] Qui a bonne couleur, qui est attirant, appétissant.

Ne vivent de lart ne de poys, Ains menguent plus belles veandes, Plus coulourées et plus friandes (Bouvet, Appar. Meun A., 1398, 38)

II. -Au figuré. [Idée d'apparence favorable donnée à qqc. (à bon droit ou non)]

A. -Orner, parer, embellir (une pers. ou une chose).

Car en moy s'est engendrée, Par un amoureus desir, Une ardeur desmesurée Qu'Amours, par son dous plaisir, Et ma dame desirée, Par sa biauté coulourée, De grace y ont fait venir. (Mach., Motés, 1377, 490)

Vierge de beaulté coloree, Vierge plaisant, vierge honoree... (Prières saints R., t.2, 1400-1500, 133)

O rigueur enrigoree, Mort d'un grief mors coulouree, Moult tarde ta demouree (Gréban, Pass. J., c.1450, 338)

...loz (...) est ung bien pour tous biens coullourer (Michault, Procès honn. F., p.1461, 49)

Rachel pareillement fut la rosette coulouree de beaulté incomparable que Jacob enamoura (Molinet, Faictz Dictz D., 1467-1506, 114)

En pareille forme de vers huitains se fait rethorique batelée (...). De ceste nouvelle mode sont coulourez la Complainte de Grece, le Throne d'honneur... (Molinet, Art rhétor. L., c.1482-1492, 222)

Vers douzains sont de plusieurs piedz (...) ...de beaulx termes sont chergiés, Coulourés aournéement. (Traité rhétor. L., c.1482-1500, 259)

Emploi pronominal. Se parer (ici pour se déguiser).

Or te fault voirement savoir De quoi je me voel coulourer : .I. bleu harnois (...) Feras tu faire (...) tu metreras en me targe .I. soleil d'or (Froiss., Méliad. L., t.1, 1373-1388, 96)

B. -En particulier. [L'obj. désigne le discours que l'on tient sur qqc., la présentation que l'on fait de qqc.]

1.Donner (à son discours) les couleurs rhétoriques qui le rendent plus efficace, plus persuasif, plus convaincant, lui donner de la force.

Mais comment pourroit il coulourer son dit quant ceulz qui ont sapience appetent aucune delectacion ? (Oresme, E.A., c.1370, 499)

Emploi absolu.

...quel peril ambicieux Est que d'omme malicieux Et caut, qui proprement scet faindre, Beau parler, coulourer et paindre ! (Chr. Piz., M.F., II, 1400-1403, 45)

2.Donner à qqc. une apparence fondée, motivée, justifier qqc..

Mes, souz toute correction, il me samble que l'en pourroit bien soustenir et coulourer la desreniere opinion, ce est a savoir que la terre est meue de mouvement journal et le ciel non. (Oresme, C.M., c.1377, 520)

...touteffoiz est il convenable chose de respondre a ce que lesdiz Angloiz coulourent maintenant (Jean De Montreuil, Traité Angl. I, G.O.O., 1413, 206)

Et vous deffendons (...) que aucunement ne donnez ou faites obeissance [,] faveur [,] aide ou confort à nostre dit filz le daulphin (...) soubz quelxconques couleurs ou formes de paroles que elles puissent estre faictes, causées ou coulourées (Doc. 1419. In : L. Mirot, Le Moy. Âge 21, 1919, 3)

Et par ainsy (...) pourroit-on colorer cest article (Chastell., Chron. K., t.5, c.1456-1471, 27)

[Messire Jehan de Croy, ambassadeur du duc de Bourgogne, au roi de France :] ...vostredit procureur a chargié monsieur de Bourgoingne de desobeÿssance, et en la presence desdis princes et seigneurs pour colorer son fait a declairé pluseurs choses qui bien touchent a l'honneur de mondit seigneur (Chastell., Chron. IV, D., c.1461-1472, 185)

Colorer qqc. en contraire. Justifier qqc. dans le sens opposé.

Combien toutesfois que de la part de ce duc de Bourgongne et de sa maison si haute et si eslevée se souffrent donner, et licitement, ce semble, toutes ces couleurs, sy n'est-il dit pourtant que François n'eussent cause aussy légitime et raisonnable de colorer en contraire leur action juste et bonne encontre ce duc (Chastell., Chron. K., t.5, c.1456-1471, 439)

Estre coloré au contraire. Aller dans le sens contraire.

Supposé que ycelles lectres soient coulourées au contraire, ainsi que par la coppie d'ycelles, se vous le voulés visiter, apparoir vous pourra.... (Doc. 1424. In : MONSTRELET, Chron. D.-A., t.4, c.1444-1453, 214)

Colorer qqc. par qqc. Justifier qqc. par qqc..

Et donques une conjonction de telz corps du ciel telle que onques ne fu semblable puet estre cause d'aucune qualité ou substance telle que onques ne fu semblable, et estre commencement d'une espesce nouvelle qui onques mes ne fu et touzjours sera. Item, ce puet estre couleuré par ce que dit Plinius ou commencement du .XXVIe. livre de l'Ystoire naturelle (Oresme, C.M., c.1377, 242)

Colorer qqn + prop. inf. Justifier qqn de.

...je voudroie colorer cestuy duc Philippe avoir eu grand fondement originel de ces deux dons dessus touchés (Chastell., Chron. K., t.5, c.1456-1471, 242)

Colorer qqc. à estre vrai. Donner à qqc. la couleur de la vérité.

Laissons les atteurs ester et racontons ce que nous avons ouy dire et raconter a noz anciens, et que cestuy jour nous oyons dire qu'on a veu ou pays de Poictou et ailleurs, pour coulourer nostre histoire a estre vraye, comme nous le tenons, et qui nous est publiée par les vrayes croniques. (Arras, c.1392-1393, 3)

3.Participe passé en emploi adjectival.

a)[D'un discours, de mots, d'une présentation, de ce que l'on avance...] Convaincant, persuasif, bien fondé.

Mots colorés

Et pour ce que la saison passe Et que point ne vous ot ne voit, Dont il ne scet comment l'en soit, Tant est de vous enamourés, Il me carga mos coulourés Qui sont escrips en ceste lettre. (Froiss., Méliad. L., t.3, 1373-1388, 187)

Proverbe coloré

Soubz ung proverbe coloré... (Les Erreurs du Jugement de la Belle dame sans mercy, éd. A. Piaget, a.1500. In : Romania 33, 1904, 184)

Doleances / complaintes colorees. Doleances, complaintes persuasives, propres à toucher.

Et faisoit ses doleances et complaintes les plus piteuses du monde et les mieulx colorees (Chastell., Chron. IV, D., c.1461-1472, 88)

b)Par extension. Qui est fondé.

[D'un avis, d'une opinion]

...et ja soit ce que ceste opynion soit assez coulouree, selon lez Philosofes, toutevoies je crois, en ceste matiere, ce que tient et croit Nostre Mere Sainte Eglyse. (Songe verg. S., t.1, 1378, 310)

Raison coloree

Le droit chemin andeux [Seneque et Aristote] monstrerent, Et est leur raison coulouree Que ['en sorte que'] verité soit honneree. (Le Fèvre, Respit Mort H., 1376-1380, 92)

...et n'y a pas raison coulouree, soubz correction, puisque j'ay toute jurisdiction haulte, basse, moyenne sur mon clerc (Juv. Urs., Nescio, 1445, 497)

...sy estoient les délayemens si honorables et de raison colorée(s) (,) que... (Chastell., Chron. K., t.4, c.1456-1471, 429)

Remarque : Cf. aussi LE FÈVRE, Lament. Math. V.H., c.1380, I, 109, Leesce V.H., c.1380-1387, 669, et DU CANGE, s.v. colorare;

Titre coloré

Bien s'ensuit doncques que, en quelque lieu ou lieux que les roys d'Angleterre ont invadé par guerre le royaume de France, ilz l'ont fait et font iniquement contre Dieu et justice, comme trescrueulz tirans et faulx parjures et sans y avoir aucum tiltre ne vray ne coulouré. (Droiz Cour. Fr. H., 1460, 455)

Possession coloree. Possession fondée et notoire.

: ...car celluy qui est despoullé de sa possession coulouree, sanz cognescence de cause, doit estre restitué (Songe verg. S., t.1, 1378, 270)

Concluons donques que, puis que le roy d'Angleterre estoit en juste et couloree possession de la ditte duché et aussi de la souverainneté et ressort, il doit estre, avant tout euvre, restitué (Songe verg. S., t.1, 1378, 271)

...de laquelle possession, qui estoit bien coulouree, il ne povet estre privé (Songe verg. S., t.1, 1378, 272)

C. -Donner à qqc. une apparence favorable.

1.Présenter qqc. sous un jour favorable.

Chevaliers, je couleure Vostre proece grandement ['je lui donne, dans mon esprit, l'apparence la plus favorable, je sais l'apprécier'] . Mais je vous pri tant qu'en present Que vous remetés vostre espée Et vous partés de la meslée ; Si me ferez joie et plaisance. (Froiss., Méliad. L., t.3, 1373-1388, 172)

Et devés savoir que je ai ce livre cronisiet et historiiet, ditté et ordonné apriés et sus la relation faite des desus dis, a mon loial pooir, sans faire fait ne porter partie ne coulourer non plus l'un que l'autre. (Froiss., Chron. D., p.1400, 35)

[D'une chose] Faire percevoir sous un jour favorable.

...chil de Nantes, de Rennes et de Vennes et des chités et bonnes villes de Bretagne l'avoient receu a duch et a signeur, et ce coulouroit grandement son fait. (Froiss., Chron. D., p.1400, 465)

Si luy [à Saladin] respondirent lors lez plus advanciés que c'estoit trop forte chose a faire, quelque puissance qu'ilz sceussent assambler, que conquerir France. Et il leur dist qu'il en vouloit veioir l'aparence a cause d'un sort qui sur luy avoit esté getté et qui assés coulouroit la conqueste, pour quoy lez barons se teurent, car il estoit craint en sez dis et en ses fais criminel et arretés (Saladin C., c.1465-1468, 110)

Mal colorant. Qui présente les choses sous un jour défavorable.

...et se complaint Que Mort ne clot ses yeux plourans Et het les jours mal coullourans Esquelz... (Taillev., Passe temps D., c.1440, 144)

2.[Idée de déguisement, de tromperie, de dissimulation...]

a)Déguiser (un dire).

...et quelque chose que le vulgal die, il fut homme très veritable en ses diz, mais pource qu'il a coullouré ses diz en aucunes choses comme les poetes, il semble qu'il parle de choses impossibles (Simon De Phares, Astrol., c.1494-1498, f° 133 v°)

Déguiser, rendre méconnaissable.

Mallebouche (...) est propice A oster honneur et tollir ; Son cuer ne se puet amollir A coullourer ne a pollir Oeuvre par justice tissue (Michault, Procès honn. F., p.1461, 70)

b)Présenter sous un jour favorable (ce qui ne l'est pas, un défaut, une chose répréhensible...), déguiser.

Et endementiers la roygne fist prendre sus le corps de la tresbele damoisele, et comaunda amener le corps à une mesoun de religioun (...) et illoqes le corps Roseamond enterer pur colurer ses mauveise faitz (Chron. London A., c.1350, 4)

...aux mauvais souffit seulement avoir regart d'aviser par grant diligence les tours et chemins comment argent pourra estre trait et venir ens, soit par voie droite, torse au grief du peuple par tirannie et cruaulté, à grant pechié, ou autrement, bien ou mal que ce soit, mais que aucunement soit coulourez que pour aucune juste cause soit souffist assez. (Chr. Piz., Paix W., 1412-1413, 78)

...pour ce qu'il est venu à nostre congnoissance que Jehan, nostre cousin de Bourgoingne, nostre ennemy, rebelle et inobédient, avoit escript et envoyet par pluiseurs fois lectres closes et patentes (...) à séduire et décepvoir nostre peuple et pour coulaurer sa maise et dampnable entreprinse que nagaires il a fait pour venir à puissance de gens d'armes en nostre ville de Paris, Nous... (Doc. 1414. In : MONSTRELET, Chron. D.-A., t.6, c.1444-1453, 152)

Qui a tort il treuve matiere, S'il peut, de coullourer son fait (Moralité 1427 B.B., 1428, 122)

Par dessus ce, en coulourant sa cauteleuse fourme de faire soubz auctorité divine, disoit estre ordonné de Dieu a moderer les trop grans rigueurs et aspres ordonnances dez loys de Moyse et de Jhesu Crist (Chart., L. Esp., c.1429-1430, 120)

...pour colorer l'occasion de son voyage, elle, comme femmes scevent bien faire, trouva une bourde (C.n.n., c.1456-1467, 408)

Sy fit chascun son pouvoir, l'un de justifier et de colorer son délit, l'autre d'aggraver incessamment (Chastell., Chron. K., t.1, c.1456-1471, 19)

Medee s'excusa le plus beau qu'elle poeut, disant que ce qu'elle avoit fait lui partoit de bon vouloir et que la dieuesse Dyane lui avoit revellé en celle nuit que il convenoit que Absirchius morust, ou son pere. Et ainsy, en coulourant son cas, elle fist tant qu'elle se trouva en la grace de Jason. (LEFÈVRE (R.), Hist. Jason P., c.1460, 215)

Colorer qqc. par qqc.

Et [Saint Clement] ne entendoit pas la parole de Dieu si comme Julian l'Apostat le alleguoit pour oster as Crestiens leur facultés en colorant son avarice par ce que Jhesu Crist dit... (Oresme, Pol. Arist. M., c.1372-1374, 307)

...et le dit Thomas lui dist qu'il l'avoit frappé d'une fourche de bois, combien que en verité il n'en feust riens, mais le dist pour aplaudir ou coulourer son fait au dit de Sensurre et contre verité. (Doc. Poitou G., t.6, 1394, 184)

Colorer un mensonge

...menconge elison Qui puist estre coulouree. (Guill. Digull., Pèler. âme S., c.1355-1358, 158)

Mensonge coloré

Si ne adjoustez aucune foy à ceulx qui au contraire vous vouldroient par mençonges coulourées decevoir (Doc. 1422. In : L. Mirot, Le Moy. Âge 21, 1919, 20)

Participe passé en emploi adjectival. Faussement embelli, trompeur, déguisé.

Et ce peut estre fait se elles [les exactions] sunt petites et pluseurs et souvent et generales et moins en nombre et mendres au commencement, et apres a peu multipliees et acreues, et pour causes vraies ou colorees et apparentes et procurees se mestier est, et faintes. (Oresme, Pol. Arist. M., c.1372-1374, 252)

...firent semblant de adjouster foy a la bourde de leur maistre, trop subtillement fardée et coullourée (C.n.n., c.1456-1467, 583)