COFFRET

substantif masculin

[T-L : cofret ; GDC : coffret ; AND : coffret ; FEW (II-2, 1152b) : cophinus ; TLF (V, 994b) : coffret]

Petit coffre.

Il avint a une journée, Male pour celui adjournée, Qu'a lui s'en vint uns messagiers De Prouvence, preus et legiers, Qui li aportoit lettres closes, En un petit coffret encloses. (Mach., J. R. Nav., 1349, 215)

Item, un coffret hautelet guaire acomplis, ouquel n'avoit nulle chose. (Doc. 1355. In : Bibl. Éc. Chartes 76, 1915, 468)

Si ne vaus depuis aourer Sa belle ymage, ainçois l'ostai De mon chevés, et la boutai Et mis en un petit coffret Qui dedens un plus grant coffre est (Mach., Voir, 1364, 668)

...et IIJ seaulx qui furent audit feu arcevesque, pesans un marc IIJ onces V esterlins, estans en un coffret de cuir fermant seellé du signet de feu messire Pierre d'Orgemont (Baye, I, 1400-1410, 325)

Et quant le roy, la royne et les autres seigneurs roiaulz et dames furent sur les hours (...) le seigneur de Loissellench par un herault envoya un coffret de cuir tout plain de tres beaux fers de lances dont ilz devoient jouster (La Sale, J.S., 1456, 152)

...six florins (...) pour convertir en certaines choses dudit bateau, et deux florins huit gros, bailléz à ung menuisier, pour ung petit coffret de boys pour mettre l'aiguille de ladite barque (Comptes roi René A., t.1, 1479, 176)

Legierement le coffret empoigna Et puis dessus la fenestre l'a mis. Puis fist semblant que ouvrir elle vouloit La petite liete, et en l'ouvrant, Secretement, tant qu'on ne l'apperçoit, L'archete fist en bas tumber (Saint-gelais, Eurial. Lucr. R., c.1490, 74)

Par métaphore.

Tantost aprés celle noble dame vint jusques en la ruelle de ma couche, au plusprés de moy qu'elle peult et de sa doulce, basse voix amyablement me dist : 'Mon enffant, esveille tes espriz et ouvre l'escrin et coffret de ta memoire, pour loger ce beau don et present que liberalement et de bon vueil te donne, ainsi qu'aultresfois le t'ay promis.' (Meschin., Lun. princes M.-G., c.1461-1465, 34)

En particulier. Petit coffre où l'on range les objets précieux, les bijoux, l'argent....

... [il] trouva d'aventure ouvert un grant coffre estant en ladite chambre, et ouquel coffre avoit un autre petit coffret fermé, ouquel petit coffret il qui parle avoit plusieurs fois veu que sondit maistre y avoit mis et mettoit son argent (Reg. crim. Chât., I, 1389-1392, 226)

Par ma foy, dist li enffes, je vy bien le joiel, Vo frere l'avoit mis par dedens ung coffrel (Huon Bordeaux B., c.1400-1450, 123)

Et apprez entra messire Guillaume Jouvenal, chancellier de France, qui estoit monté sur une haquenée blanche, qui estoit vestu de robbe, manteau et chapperon d'escarlatte, fourrée selon l'estat royal, devant lequel ung homme de pied menoit un haubby d'Irlande, sellé d'une selle à femme, qui avoit une couvreture de velours, couverte de fleurs de lys d'or, et sur icelle selle y avoit ung coffret bendé d'or, d'ung pied de long ou environ, dedens lequel estoient les seaulz du Roy. (Escouchy, Chron. B., t.1, c.1453-1454, 236-237)

A mahieu du flos serurier (...), avoir fait au coffret ouquel on met le galice et aornements de la chappelle de leschevinage une clef (Comptes Doullens W., 1470, 25)

...lequel fist plusieurs beaux jugemens de ceste science et, entre autres, dist la maniere comme avoit esté desrobé le coffret aux bagues du roy, devisa les coulpables et le lieu où avoient esté portées les bagues et les fist recouvrer (Simon De Phares, Astrol., c.1494-1498, f° 114 r°)

Reliquaire.

Item, ung reliquiaire à façon d'un petit coffret d'argent doré, où a reliques, intitulées de saint Pantaléon. (Fauq., II, 1421-1430, 117)

Et ossemens de cinq cens ans tous frez Pour rendre au roy louenges plus propices, Prestres portoient en vaisseaulx et coffrez. (La Vigne, V.N., p.1495, 164)