ESCRIN

substantif masculin

[T-L : escring ; GD : escrin ; GDC : escrin ; AND : escrin1 ; DECT : escring ; FEW (XI, 336b) : scrinium ; TLF (VII, 708a) : écrin]

A. -Coffret, cassette (en partic. pour l'argenterie, les bijoux...).

Pour remettre à point 2 cles des escrins de le drapperie, 12 d. Pour un martiel rencauchier dont on burle les dras, 14 d. (Hist. industr. drapière Flandre E.P., t.3, 1336-1337, 30)

Si trouvoient li Englès et li Gascon le pays plain et drut, les cambres parées de kieutes et de draps, les escrins et les coffres plains de bons jeuiaus. (Froiss., Chron. L., IV, c.1375-1400, 165)

...et avoient bien IIIIc. chevaulx, tous chargiez de bon et de biel, de draps et de pennes, de toilles, de touttes aultres choses qui leur estoient necessaires. Ilz trouverent les escrins plains en ces riches hostelz, mais ilz les laissierent tous vuis. (Froiss., Chron. M., XIV, c.1375-1400, 223)

...alez me querre En ma chambre un escrin bonne erre Qu'aux piez de mon lit trouverez (Mir. march. juif, c.1377, 203)

...il fu en l'ostel Guillaume Le Serrurier, lui et un varlet nommé Jehannin Breton ; et print ledit Breton, en un escrin, X frans (Reg. crim. Chât., II, 1389-1392, 96)

...chil pillart ronpoient cofres et escrins et prendoient ce que de bon il trouvoient dedens (Froiss., Chron. D., p.1400, 858)

Adont, un escrin ala querre ; Si lui bailla escrips et charmes (Chr. Piz., M.F., III, 1400-1403, 42)

...lui romperent ung escrin ouquel ilz lui prirent XXII crevechiez, XII chemises, XII petis draps. Item, lui romperent ung autre escring ou ilz prindrent trois hennas de maidre fin qu'ilz emporterent et XXI autres hennas qu'ilz desromperent. Item, lui romperent ung autre escring ou ilz prindrent trois courroies d'argent. Item, emporterent pluseurs autres clos et esmalz d'autres maidres qu'ilz prindrent en ung escring en l'ostel de lui qui parle (Ecorch. Ch. VII, T., 1444, 316)

Lors Madame, et comme de lui tres mal contente, devant ses femmes le tenssa, puis en sa garderobe entra, ouvrist l'escrin, et en une boursecte de soye met soixante escus (La Sale, J.S., 1456, 59)

...Jehan Atoille, faiseur d'escrins (Comptes Paris M., t.2, 1457-1458, 74)

Item je donne a Marguerite de Berthigney, ma niepce, une de mes robes feurree après la meilleur, une futainne, ung tiseur noir ferrer, ung escrin de couvrechef (Test. Besanç. R., t.2, 1460, 120)

RELIGION (Saint) escrin. Reliquaire.

Un escrin à mettre reliques ; une bource pleine de reliques, seelée, et un troux de cauvain, plein de reliques. (Invent. mobiliers ducs de Bourg. P., t.1, 1374, 356)

...le roy de France est 'maistre et garde de noz sains escrins, dezquelx escrins nous donnons et eslargissons a ceulx a qui il nous plait, et pour ce est il que il fait aucunement conpaingnie a Nostre Majesté'. (Songe verg. S., t.1, 1378, 327)

B. -Par extension.

1.Hotte, cabas.

Sy avint que quant Moyse, le noble duc, fu nés, sa mere, qui nourrir ne l'osoit, fu contrainte de le mettre en un petit escring et l'envoyer contreval la riviere. Sy avint - si que Dieux voulst, qui sauve ce qu'il luy plaist - que Thermich, la fille du roy Pharaon, s'esbatoit sur le rivaige a l'eure que l'escrinnet floutoit sur l'eaue, par quoy tantost le fist prendre pour savoir qu'il avoit ens. (Chr. Piz., Cité dames C., c.1404-1407, 857)

2.Coffre.

A iceulx moz se leva la dame et s'en ala a ung sien escrin, si en tira hors ung haubert moult bon qui avoit esté a Troïlus son mary (Percef. Compl. R., c.1450 [c.1340], 246)

La dame le mena au pied d'ung lict, et la, tira d'ung escrin ungs draps de lin qu'elle luy fist endosser, puis le vestit et fist chausser comme ung grant seigneur. (Beufves Hant. I., c.1499-1503, 29)

Coffre d'archives.

Et telz princes sunt appellés jeronnomes, et Presides et Memores et par autres noms proceins a ces ici. Jeronnomes est dit de geron, qui est sacré ou saint ; et de nomos, qui est regle. Et jouxte ce, es lays romaines tels officiers sunt nommés prevosts des sains escrins (Oresme, Pol. Arist. M., c.1372-1374, 272)

C. -MARINE ?.

...une nef appelee la nef Sant-Anton avec les appareulx qui s'ensuivent : le tref avec les bonnetes, la vergue et son appareil, les escrins et le bras, quatre caables, les trois nouviaux et l'un usé, trois gresles cordes, une nouvelle, les deux usees, quatre ancres et un hoquerel, (...) le batel et coquet, quatorze avirons, dix et huit escus de douvez de tonnel, deuls haches pour fendre busche et le castel a mast (Clos galées Rouen M.-C., t.1, 1369, 208)

Remarque : JAL², 570a : sens incertain.