BARRE

substantif féminin

[T-L : barre ; GD : bare, barre ; GDC : barre ; AND : barre ; DECT : barre ; FEW (I, 255a, 258b, 259b) : *barra ; TLF (IV, 205b) : barre]

A. -Au propre. Longue pièce de bois ou de métal, à section ronde ou carrée.

1.Pièce servant à fermer une porte.

Adont cilz qui la bare tient, De la porte, lors le refrume Et Melyador ens enfrume (Froiss., Méliad. L., t.1, 1373-1388, 113)

Tost apres ouy barres tirer, clefs tourner, et le dit huisselet desverrouller. (Chr. Piz., Avision T., 1405, 147)

Et ce fait, approuchèrent les gens dudit de Bernezay de ladicte place, et l'un d'iceulx avecques une petite serpe fist ung pertuys en la porte du boullevart, par lequel il fist cheoir la barre qui tenoit la porte dudit boullevart et, icelle ouverte, entrèrent dedans ledit boullevart. (Doc. Poitou G., t.9, 1447, 4)

...les prisonniers entrerent en une sale, laquelle estoit fermee de clefs et de barres par huys et par fenestres, tellement qu'ilz ne savoient comment en yssir. (Mir. ste Cath. Fierbois C., 1470-1483, 74)

L'orientale porte du Temple, qui estoit de cuyvre où XX hommes avoient peine de clorre, fut fermée et les verroux et barres dont elle se clouoit furent mis selon la coustume en l'uisserie qui estoit fabriquée d'une seulle perre (Simon De Phares, Astrol., c.1494-1498, f° 76 r°)

En particulier. Pièce servant à fermer les portes d'un système de retenue d'eau.

...et deux jours d'avoir dollé et mis à point, tant la desclinque de la barre du pont aux chaines [situé à l'intérieur de Harfleur] , laquelle estoit rompue, et icelle avoir remise et assise en son lieu (Commerce marit. Rouen F., Pièces justif., 1475, 376)

Au figuré. Barre de chasteté. Ceinture de chasteté (?).

Soyes certain, et n'en debas, Femme perchee ['percée'] soubs la barre De chasteté ou au plus bas Toudis coule, et mal on la barre. (Martin Le Franc, Champion dames II, D., 1440-1442, 99)

2.Pièce servant à consolider un assemblage, en partic., à renforcer le fond d'un tonneau.

Item, une table de XVJ piez de long ou environ et de chesne, barrée de IIIJ barres de boys (Invent. N. Baye T., 1419, LII)

...ainsi comme ung moust qui boust en tonnel, et par faulte d'event ront la barre et le bondel. (Chart., L. Esp., c.1429-1430, 6)

3.[Pièce servant dans différents corps de métier : charpenterie, menuiserie, charronnerie...]

...à Jehan de Flandres, mareschal (...) pour avoir rembatues deux des charrioz de mondit seigneur, livré cent quarante neuf livres de cloux de bende pour iceulx charrioz, ralongies les bendes, grans barres, aixis, crampons, hurtoirs, croches de fer et aultres menues choses, par marchié fait avec lui, 26 frans 5 solz parisis (Comptes Etat bourg. M.F., t.1, 1420, 435)

Item, quatre selhes à porter eaue, chacune à deux barres de fer avec deux cassotz d'arin, 10 s. tournois. (Aff. Jacques Coeur M., 1453-1457, 265)

...ledit receveur sera tenu de pourveoir audit maistre Jehan Brouart dudit martinet de Brucieu garny de meubles de molin, souffletz, tuyères de fornèses casses, cuilliers à faire le plomb, deux grosses barres de fer et trois trables espèces de fer, les formes et patrons pour faire ses affinaisons, de bois et de charbon à lui néccessaires pour faire lesdiz ouvrages au despens du Roy seulement (Aff. Jacques Coeur M., 1453-1457, 312)

...achapt de trois dousènes de riostres, à cause de fere les barres des chalis de l'ostel et palaix dudit seigneur (Comptes roi René A., t.1, 1457, 54)

...à l'environ de ladicte fontaine du Ponceau, en la rue Saint Denis, pour avoir scellé les barres de bois qui y ont esté mises, contenant 7 toises de tour sur 4 pieds de lé, valent 4 toises demye 6 pieds (Comptes Paris M., t.2, 1458-1460, 188)

Ung buffet de pin ouvré, avec deux serreures, et deux layetes sive tiradors. Item, ung banc tornis avec la barre. (Comptes roi René A., t.2, 1488, 281)

4.[Cette pièce est souvent utilisée pour frapper]

Et, s'il [le bouc sauvage] tenoit un homme encontre un arbre ou encontre terre, il le tueroit ou romproit tout sanz ce qu'il ne li feroit ja playe, ne il n'a si fort homme ou monde, s'il fiert d'une grant barre de fer ou d'une coignïe sus l'eschine d'un bouc, qu'il la li face point ployer ne baissier. (Gast. Phébus, Livre chasse T., 1387-1389, 71)

Si prent auctorité de vouloir gouverner et lui fait souffrir pluseurs paines et tourmens, car il n'est rien plus serf ne en plus grant servage come jeune home simple et debonnaire qui est en subjection et gouvernement de femme veufve, et mesmement quant elle est malle et diverse... Celui qui chiet en ce point n'a rien affere, sinon prier Dieu qu'il lui doint bonne pacience a endurer et souffrir tout, come ung veil ours enmusellé, qui n'a nulles dens, lié d'une grosse chaigne de fer, et est chevauché et chastié o une grosse barre de bois, et tout le retour qu'il en peut avoir est de crier : mais quant il crie, il a deux ou trois coups d'aventage. (Quinze joies mar. R., c.1390-1410, )

Et après ce icellui Bordier, embastonné d'une barre d'uys et ledit François d'un grant bois de quoy on braye la fouace, et ung nommé Perrin Baillargeau, autrement appellé Terrin, d'une troinsaille, tous raliez ensemble, poursuirent très fort ledit Barraut (Doc. Poitou G., t.9, 1451, 208)

Et si vecy barres de fer Pour ta charongne reschauffer, Cousteaulx, poignars, dagues, espees Et doloires bien asserees, Et si vecy chaines et cordes. (Myst. st Laur. S.W., 1499, 222)

[Peut désigner une arme en général, comme baston]

Encontré a I chevalier C'on nommoit monsigneur Savare. De l'espée, non d'autre bare, Li donne si grant cop amont, Sus le hÿaume, qu'il le font Tout bas sus le col dou cheval (Froiss., Méliad. L., t.3, 1373-1388, 217)

Arme de trait (utilisée surtout dans les jeux et les tournois).

Les uns saillent, les autres luttent, les autres gectent la pierre ou la barre de fer ou la lance ou la darde. (Arras, c.1392-1393, 178)

Ses gens dehors s'esbatoient ; Ça et la aucuns chantoient, Aultres lançoient la barre (Chr. Piz., Duc vrais amans F., a.1405, 71)

...tous les jours les jeunes jouvenceaulx se esbatoient devant le roy de gecter la barre ou la pierre, de lutter, de saillir (Cleriadus Z., c.1440-1444, 25)

...grant de corps, fort et abille pour luictier, saillir, gecter barre, pierre (La Sale, J.S., 1456, 244)

5.Clôture, barrière.

Mais je loue moult que vous, seigneurs et gouverneurs des terres, soiez fors et bien garnis avec vos gens que vous avez avec vous, et devez fornir vos portes et vos forteresces, et vos barres, et deffendre devant toutes choses que vostre gent n'isse et ne coure a l'estormie pour vouloir chacier vos anemis (Vignay, Théod. Paléol. K., c.1333-1350, 86)

Entre lui et les annemis, Qui seur le plain s'estoient mis, N'avoit ne fossé, ne barre, Si que li sires de Lesparre S'avança et leur couri seure. (Mach., P. Alex., p.1369, 147)

Le sergent de la ville de Beaune, en la manière que li Maires et li echevins l'ordonneront, garderont la fermeté des portes et des meurs, de tours et des bares (Chartes communes Bourg. G., t.1, 1370, 239)

Ces gens d'armes bretons et françois se boutèrent de grant vollenté ou gait, et gaaignièrent de venues la bare dou gait et le chevalier dou gait. (Froiss., Chron. R., X, c.1375-1400, 20)

Droit de passage que le roi fait lever à l'entrée d'une ville sur les personnes, les animaux et les marchandises et qui est destiné essentiellement à l'entetien des chaussées et des fortifications de cette ville. (synonyme barrage)

...sur chacune queue de vin, tenant deux poinçons, qui entrera et sera mise en ladite ville (...) dix sols tournois, avec la barre qu'on a accoustumé de cueillir et lever en ladite ville (Ordonn. rois Fr. B., t.14, 1449, 70)

6.En particulier. DROIT Barrière qui sépare l'assistance des juges, dans un tribunal.

...ledit duc a ceans esté adjorné avec ses complices à certain jour, auquel n'ont point comparu ne ne comperent, combien qu'il ayent esté appellez à la barre et à la table de marbre (Baye, I, 1400-1410, 319)

...uns Gascons y vient, qui d'une espée large Li donna ou hatriel un tel grant desquiraige, Que par dalès le bare quéy sans arestaige. (Geste ducs Bourg. K., c.1410-1419, 559)

A quoy fut dit par le roy qu'il le feroit de rechief appeller à la barre à huis ouvert (Molinet, Chron. D.J., t.1, 1474-1506, 580)

Par métonymie. Cour, siège de justice, juridiction.

...des causes de ses subgiz de sadite baronnie, pendantes et introduictes ausdits seige et barre de Rennes (Cartul. Laval B., t.3, 1452, 147)

De vous, lieutenans de grans barres Et messeigneurs les allouez, Je me taictz, car vos faictz sont garres Des [l. Dés] ce qu'aucun vous a louez Par grans dons ; mais tres mal ouez Les povres, qui n'ont d'argent source. (Meschin., Lun. princes M.-G., c.1461-1465, 63)

Estre sous la/les barre(s) de tel lieu. Relever de la juridiction de.

Savoir est que les mineurs de la conté de Nantes seront tenuz cheoisir homme [pour curateur] qui soit subgit à la juridiction de Nantes, et les mineurs de la court de Rennes, soubz la barre de Rennes, et ceulx de Broerech soubz les demaines et juridiction de Broerech, et ceulx qui sont soubz les barres de Cornouaille de ceulx de celle juridiction (Très anc. cout. Bret. P., Textes divers, 1403, 367)

B. -Par analogie. Trait qui imite une barre, bande, objet qui ressemble à une barre.

1.JEUX Jeu de course où les joueurs divisés en deux camps, marqués l'un et l'autre par une barre tracée au sol, s'engagent à la poursuite l'un de l'autre.

Jeu de barres

...de cheus de Paris sont souvent reboutés Tout jusques à Monmartre, à Le Capelle aprés ; Et aussi bien souvent de cheux de l'autre lés Furent cheus de Paris cachiés jusqu'à fossés. Che sambloit jeus de bares, quant il est ordenés. (Geste ducs Bourg. K., c.1410-1419, 523)

Pour ung dyamant que mondit seigneur a donné au pris d'un geu de bares (Comptes Etat bourg. M.F., t.1, 1420, 389)

...ilz ont mené et ramené mondit seigneur souventes fois par eaue dudit Saint Omer a Arques et aussi aux jeux de barres qui ont esté au dehors de ladicte ville. (Comptes argentier Ch. le Téméraire B.F.L., t.3/1, 1470, 456)

Remarque : Cf. J.-M. Mehl, Les Jeux au royaume de Fr. du XIIIe au déb. du XVIe s., 1990, 65-68.

Jouer/courir aux barres

Jehannin Poquet, povre enfant, lequel le Roy envoia querre pour jouer aux barres devant lui avec les autres enfanz de son hostel (Comptes hôtel rois Fr. D.-A., 1380-1381, 113)

La huictiesme joye de mariage si est quant celui qui est marié a tant fait qu'il est entré en la nasse, ou il est soulacié et y a prins touz plaisirs et deliz par deux ou trois ou quatre ans ou plus ou moins, et a commencé ja a reffredir sa jeunesse et vieult entendre a une autre besongne, quar l'en ne pourroit pas tousjours jouer aux barres et ne pourroit l'en pas bien courre et corner ensemble. (Quinze joies mar. R., c.1390-1410, 66)

Et furent un venredi sus les camps tous rengiés et ordonnés en bataille, casqune partie sus son lés, mais point n'aprochierent de si priés que il peuissent veoir l'un l'autre, se ce ne furent auqun jone cevalier et esquier qui chevaucierent a la descouverte en caçant l'un l'autre ensi que on jue as barres. (Froiss., Chron. D., p.1400, 334)

Si firent le commandement du roy et gecterent la pierre, saillirent, coururent aux barres et le firent bien (Cleriadus Z., c.1440-1444, 158)

...et puis les jeunes hommes (...) couroient, tous nudz, les ungs contre les aultres, ainsi comme l'en joue aux barres (La Sale, Sale D., 1451, 172)

A jeux honnestes tu te peulz deslasser : Luter, saillir, sans braz ne pieds casser, Courir aux barres pour plus force amaser. (Meschin., Lun. princes M.-G., c.1461-1465, 88)

Il jouoit aux barres à la façon de Picardie, et escouoit les aultres par terre et loing de luy (La Marche, Mém., II, c.1470, 217)

Prendre qqn à ses barres. Faire tomber dans un piège (par allusion au jeu de barres).

Riens ne dure, beaulté ne force, Quant Viellesse crie : 'Tuez le !' car tout fault en homme fors ce Qui est oeuvre perpetuelle. Il fault faillir, par piet ou elle, Contre n'y vault mettre ses barres : Le plus fort est prins a ses barres. (Taillev., Passe temps D., c.1440, 157)

[Un mari qui a réussi à enfermer l'amant de sa femme dans une huche] assembla ses gens et (...) leur compta (...) comment il avoit prins le galant a ses barres. (C.n.n., c.1456-1467, 382)

2.HÉRALDIQUE Bande qui sépare l'écu en descendant obliquement de droite à gauche.

...d'argent portoit ung escut a I baire de guelez et III lyons d'or (JEAN D'OUTREM., Myr. histors G., a.1400, 10)

...un escu d'argent à une barre de gueules, six materaz de sable, et les bastons des diz materaz de synople (Doc. Poitou G., t.7, 1408, 141)

Le quint estoit Tycon de la Montaigne, qui portoit un escu noir a une blanche barre. (Percef. III, R., t.1, c.1450 [c.1340], 49)

De rechief donne a Perrenet, J'entens le bastart de la Barre, Pource qu'il est beau filz et net, En son escu, en lieu de barre, Trois dez plombez de bonne quarre Et ung beau joly jeu de cartes. (Villon, Test. R.H., 1461-1462, 93)

3.Par extension. Bande transversale tracée sur qqc..

...si ont la trouvé une moult belle beste qui estoit bien aussi grande comme ung toriaux, et avoit le col soutil ainsi comme ung dragon, et avoit le chief petit et fait ainsi come ung serf, et avoit deux cornes en la teste plus blanches que neges a barres de fin or (Chev. papegau H., c.1400-1500, 64)

Item, ung viel drap de soye fait à barres de diverses couleurs (Fauq., II, 1421-1430, 118)

Ung lict aslimé de Lunel, du moïen lé, avec une couverte à barres noires et blanches de pou de valeur (Aff. Jacques Coeur M., 1453-1457, 370)

Trait (marqué ou gravé sur un tonneau, avec valeur d'estampille)' (A. Henry, Langage oenol. en langue d'oïl II, 1996, 209).

Item est ordenet que nuls ne puist mettre vins françois ne autres vins en autres vaissiaux que dou païs dont li vins seroit, ne faire rembarer ne mettre autres barres pour descounoistre les vaissiauls en coy il seroient. (Bans police H., 1379-1388, 36)

4.Défaut apparent dans un tissu.

Que lesdis Jurez puissent arrester tous les draps que l'on exposera et mettra en vente, tant en halle que en hostel, ou l'en trouvera barres ou bridures ou gratisses (Ordonn. rois Fr. V.B., t.13, 1424, 79)

...et s'il y a barres ou autre deffault, ilz (les draps) seront refusez à seeller, et nous sera payé pour la premiere barre de chacun drap cinq solz tournois d'amende (Ordonn. rois Fr. P., t.15, 1461, 31)

5.Plant de vigne.

Remarque : Doc.1465 (La Rochelle) ds GD I, 590b. Ou est-ce un autre mot comme semble le penser GD (qui enregistre deux entrées bare et barre) ?

6.Mâchoire (du sanglier).

Ilz ont quatre danz, deux en la barre dessus et deux en la barre dessoubz (Gast. Phébus, Livre chasse T., 1387-1389, 90)

C. -Au figuré.

1.Obstacle, empêchement, délai apporté à qqc..

Quei vous ferroy je longe barre Pur alonger plus la matiere ? (Héraut Chandos, Vie Prince Noir T., c.1385, 65)

Estre à la fin de sa barre. Avoir vaincu tous les obstacles.

Laissez faire, laissez les Croys. Par Dieu ne sont pas encore à la fin de leur barre ; ils courront encore un temps ; mais, s'ils estoient aussi haulx que la lune, peut-estre qu'ils ne sauroient voir encore la fin du malheur qui les attend. (Chastell., Chron. K., t.5, c.1456-1471, 168)

Mettre barres(s) à qqn/qqc. Faire obstacle à..

...ja est plus avancie en ce pou de temps qu'elle y a demouré que toy qui y es des ton enfance. Pour quoy puet ce estre, quelque cause y a ? Mais je y mettray barres se je puis et la desavanceray (Chr. Piz., Trois vertus W.H., c.1405, 136)

Pareillement aussi les autres, doubtans que affaire ne leur en advenist, envoyèrent devers le roy pour mettre barre aux complaignans et rompre leur fait par les prévenir. (Chastell., Chron. K., t.4, c.1456-1471, 106)

Mettre barre et traverse que. Empêcher par tous les moyens que.

Et délibéra d'envoier mesme en Angleterre, non pas que je die que ce il fit à intention de faire alliance contre le roy avecques les Anglois, mais au moins pour mettre barre et traverse que les Anglois ne servissent le roy pour le desfaire (Chastell., Chron. K., t.5, c.1456-1471, 7)

2.DROIT Argument de droit invoqué pour entraver, retarder le jugement d'une affaire.

Et renuncierent en ce fait, par leurs diz seremens et foy, a toute exception de deception d'oultre la moitié du juste pris ou d'aucune chose, a touz engins, barres, fraudes, forces, erreurs, lesions, circonventions et decevances (Chartes Abb. St-Magl. T.F., t.3, 1337, 75)

Et renonceons en ycest fait pour nostre jadis sairement à toutes exceptions, barres, deffensions et allégations, tant de droit comme de fait (Chartes communes Bourg. G., t.2, 1341, 231)

Renunçans en ce fait yceulz Jaques et Adam, par leur dicte foy et par leurs diz seremens, a l'exception de la dicte somme de florins et d'argent non avoir eue et non receue, comme dit est, a tous previleges, graces, respis, lettres d'estat, dilacions, dispensacions, absolucions, fraudes, barres, malices, erreurs, cauteles, allegacions, cavillacions et decevances... (Chartes Abb. St-Magl. T.F., t.3, 1369, 391)

...messire Alixendre ne sera pas receu [à] prouver sa barre proposée aprés la publicacion des tesmoins traiz sur le principal, mais que par lettres ou par congnoissance de partie. (Cout. bourg. glosé P.M., c.1380-1400, 135)

3.Ce qui soutient qqc., pilier de qqc.' (Éd.).

Et en ces IIII especes mathesis, c'est a dire la science doctrinel, est toute comprise et, ausi comme de quatre barres et termes de philosophie, comprent la perfection de toute mondaine sapience. (Foul., Policrat. B., II, 1372, 161)

4.[D'un animal] Partir de barres. Partir soudainement et très vite (?).

Maiz il [le chasseur] est en si fort païs Qu'il couvient qu'a pié se soit mis, Et, quant le cenglier le choisi, Tellement de barres parti Qu'il n'est homs s'il voit tel depart, Que il ne vousist estre autre part. (La Buigne, Rom. deduis B., 1359-1377, 421)