GOUVERNAIL

substantif masculin

[T-L : governail ; GD : governail ; GDC : gouvernail, gouvernal ; DEAF, G 1081) : governail ; AND : governaille ; FEW (IV, 299a) : gubernaculum ; TLF (IX, 373b) : gouvernail]

A. -MARINE Dispositif d'un navire qui sert à le gouverner, à l'amener à la direction voulue et à le maintenir dans cette direction.

De sa queue, en lieu de penau, A il [Regnart] fait voile et gouvernau, Comme cil qui point ne s'asseure. (Renart contref. R.L., t.2, 1328-1342, 87)

Sy appella l'esquipe de la nef, qui estoit homs sanz foy et de pute nature, et lui dist: 'Vieng ça, sy m'aide a ce gouvernail tenir, et met peine a sauver toy et les autres'. (Bérinus, I, c.1350-1370, 212)

Et quant ce fu fait, Aigre ala viguereusement saisir le gouvernal, et le tindrent par grant vertu entre lui et l'estruman. (Bérinus, I, c.1350-1370, 213)

...La ot mainte larme plouree En la tenebreuse valee Des ames qui entroublierent Leurs peinnes dou chant qu'escouterent. Aussi li roys des infernaus Getta jus craus et gouvernaus Et se cessa, pour la merveille, Que plus les ames ne traveille. Trop s'en merveille Proserpine, Qui d'enfer est dame et roïne... (Mach., C. ami, 1357, 83)

...une aguille de fer pour asseoir le gouvernal de la gallee. (Clos galées Rouen M.-C., t.2, 1359, 149)

Mes des instrumens les uns sont sans ame et les autres ont ame, si comme en la naif le gouvernal est un instrument sans ame (Oresme, Pol. Arist. M., c.1372-1374, 51)

Si tournèrent leur voille tout à une fois et leur gouvrenal, et singlèrent de bon vent devers la ville de Sconnehove. (Froiss., Chron. R., XI, c.1375-1400, 178)

Quant ens seront ainsi boutez, N'aient gouvernail n'aviron, Mais faites bien tant environ Le batel que l'iaue le porte... (Mir. ste Bauth., c.1376, 153)

...chil qui tenoient le gouvrenal de sa nef, le fissent tourner a force (Froiss., Chron. D., p.1400, 887)

LE SECOND NAVETIER. Compaignons, mettés sans fainctye Les mains aux raemes pour naigier, Tirés fort bien et de legier, Tant que pourrés de vo puissance, Et je tiendray en ordonnance Le gouvernal de la riviere, Pour plus droit aler, sans charriere, Tant que soyons de l'autre part A terre arrivés. (Myst. st Adr. P., c.1450-1485, 165)

...quant Argos cuida prendre un bras de mer qui menoit a Lennos, son gouvernal rompy en mille pieces et par un vent subtil la nef fu lors tournee et menee tout a l'opposite de l'intencion de Jason et des Gregois (LEFÈVRE (R.), Hist. Jason P., c.1460, 215)

Ceste seraine chante si tres doulcement que, pour son doulz chant, les marinniers delaissent le gouvernement de leurs gouvernaux et s'endorment et, par ceste maniere, moult en sont periz. (Colart Mans., Dial. créat. R., 1482, 144)

B. -Au figuré. Ce qui sert à diriger.

RELIGION

[En parlant de Dieu]

Or avons nous monstré devant, dit elle, que Dieu et bonté sont une mesme chose ? Ainsi doncquez fault il que par sa bonté il gouverne toutes choses, et qu'il est ainsi comme ung gouvernal qui entretient et conserve toute la mondaine facture estable et entiere. (Böece Conf. reman. C., c.1400-1500, 96)

[En parlant de Marie]

...Mast de droiture, ancre de sainte vie, Gouvernail de divin entendement. (Mir. Barl. Josaph., c.1363, 300)

[Comme terme de comparaison] Sans gouvernail. Sans être dirigé.

Autre chose ne se peut dire fors que en ce cas nous allons comme la nef sans gouvernail et comme le cheval sans frain. (Chart., Q. inv., 1422, 56)

Et saches qu'il ne compassa mye cest artificieux monde en son eternelle pensee, et ne le forma pas ainsi ordonnement en nombre, poys et mesure, par si juste proportion que il n'y ait que redire, en establissant soubz lui lez terriennes puissances, pour le non challoir et laissier a l'aventure sans gouvernail ne patron. (Chart., L. Esp., c.1429-1430, 34)

Car ainsi comme la nef sans gouvernail est des undes deboutee ça et la, ainsi l'omme remis et delaissant son propoz est tempté diversement. (Internele consol. P., 1447, 301)

Se par long espace de temps j'ay flotté comme naisselle sans gouvernail, en trouble mer d'espoir et paour, perplex, hesitant me faire apparoir au salubre port de ta cognoissance... (Robertet, Oeuvres Z., c.1450-1500, 118)

...le povre peuple sans justice, agité et bersaudé des horribles tourbillons de guerre, estoit comme membres sans chief, navire sans gouvernail et brebis sans pasteur (Molinet, Chron. D.J., t.2, 1474-1506, 114)

Or remaint nostre assemblee Ainsi comme la gallee Exillee, Sans gouvernal sur la mer. (Myst. Pass. Troyes B., a.1482, 813)