AFFINITÉ

substantif féminin

[T-L : afinité ; GD : afinité ; GDC : afinité ; FEW (XXIV, 251a) : affinis ; TLF (II, 2a) : affinité]

A. -[À propos de pers.]

1.Lien entre les membres d'une même famille et résultant de la consanguinité, de l'alliance ou de l'adoption ; parenté en général.

Et si, disoient elles, il vous desplaist de l'affinité qui est entre [nous], tournés vos ires contre nous ! Nous, disoient elles sommes cause de la guerre et des plaies et des mors de nos maris et de nos parens, il nous vaudra mout miex perir que vivre orbes et veves, sans les uns ne sans les autres des vous ! (Bers., I, 1, c.1354-1359, 13.3, 21)

...non obstant que juge (...) ne doie estre variable, Ne flechir, pour affinité, Ne pour faveur de dignité (Chr. Piz., M.F., II, 1400-1403, 57)

...soubz umbre de l'affinité ou amitié qu'il se disoit avoir à maistre Jehan Robert, chanoine de ladicte eglise Saint-Germain (Fauq., II, 1421-1430, 205)

Le .XXX e. [exemple] commence par les chappitres d'Amour d'amys : c'est assavoir, de gens qui ne sont pas estrains par mariage ne par affinité de sang. (La Sale, Sale D., 1451, 156)

...la femme qui est en sa compaignie n'est point une folle femme comme vous dictes, mais est une noble fille qui est de son linaige ou de son affinitté (Rasse Brunh., Flor. Elvide B.N., a.1456. In : Chrestom. R., 157)

La tierce [espèce d'adoption] , c'est a scavoir legale affinité est attendue entre moy et la femme de mon filz adoptif, et samblablement entre mon filz adoptif et ma femme. (Sacr. mar., c.1477-1481, 60)

Par métaphore.

Briefment, de ceste histoire vint ce premierement que les poetes faignent que l'aigle est escuiers ou messagier de Jupiter, en quelconque maniere que Jupiter soit pris, soit pour l'air souverain ou pour le feu ou pour le ciel ou pour la seconde planete dessusdite. Et ce n'est mie sanz aucune raison, car sur tous les oyseaulx qui sont, l'aigle vole le plus hault et le plus pres du ciel, uquel il veoit Mars come dient les philosophes, et par ainsy il semble aucunesfoiz qu'il voit jusques au ciel et qu'il soit de l'afinité de Jupiter. (Evr. Conty, Eschez amour. mor. G.-T.R., c.1400, 82)

2.En particulier. Situation juridique résultant des liens que crée le mariage entre chaque époux et les parents respectifs de l'autre.

Dont il se conjoinst a euls par affinitez de mariage, car il dona sa fille au plus noble prince du paÿs (...). Par lequel mariage il alia a soy mainz amis et cousins du dit peuple Latin. (Bers., I, 1, c.1354-1359, 49.8, 83)

Si comme a ceuls de leur lignage ou de leur affinité ou amistié pour vicinité, c'est a dire, voisinage ou autrement. (Oresme, E.A.C., c.1370, 435)

Si advint que icelui Jehan Gaschier trouva le dit Jaques à Brueillebon (...) ouquel lieu survint le dit Jehan Rogre, frere de la femme du dit Gaschier, et laquelle femme d'icelui Gaschier estoit et est prouchaine parente de la femme d'icelui Jaques ; ausquelx Jaques et Rogre le dit Gaschier, pour l'affinité qu'il avoit à eulx pour cause du parenté dessus dit, exposa son cas, en les priant qu'ilz lui feussent aidables à resister à la mauvaise volonté du dit Mathelin (Doc. Poitou G., t.6, 1402, 414)

L'homme qui a compaignie charnelle de femme est affin de toutes les consanguines, c'est de toutes les parentes d'icelle femme, en icelluy degré d'affinité qui appartient a la dicte femme en consanguinité (Fleur command. Dieu, c.1450-1500, 7)

DROIT CANON Lien créé par toute relation sexuelle même illicite entre chacun des deux partenaires et les consanguins de l'autre.

Car teles ordes discrasies Et telz puantes maladies Sont pour certain contagieuses En tout temps et moult périlleuses, Pour ce que de l'attraction Et fréquent inspiration Se corrompent les assistens, Si font mesmes les existens D'une ligne et affinité ; Car iceulx par droite amité Les hantent plus, à dire voir, Et servent, s'ilz font leur devoir, D'ont il avient, selon raison, Que les suppostz d'une maison Meurent volentiers en grant nombre, Quant le mal la maison encombre. (La Haye, P. peste, 1426, 140)

Affinité est une proximité de personnes, venans et descendans de copule charnele, deffaillant de toute parenté. De copule charnele est notamment dit, car tant par copule charnele fornicaire que aussi copule charnele legitime est affinité contraite. (Sacr. mar., c.1477-1481, 74)

Remarque : D'apr. Dict. de la foi chrét., t. 1, 1968, col. 300.

Esprit de famille.

...la tres grant affinité et parfaitte amour que nous avons tousjours eu et devons avoir ensamble a cause de lignaige de par pere et de par mere (...) en [par l'union du roi d'Aragon avec une nièce ou cousine de Philippe VI] seroit de mieux en mieux continue et affermee. (Phil. Vi Valois, Lettres closes C., 1347, 130)

Pour quoy vous plaise savoir que Ysmarie ma suer est toute telle que vous la desirez et demandez ; car je vous jure et afferme, sans prejudice d'aultruy, faveur ne affinité, qu'elle est trés parfaictement belle de corps, et je tiengs que si est elle d'ame. (Nouvelles inéd. L., p.1452, 2)

3.Parenté par adoption.

La premiere [espèce d'adoption] est attendue entre moy et le pere adopteur et ma fille ou ma niepce adoptee. La seconde est attendue entre mon filz naturel et ma fille adoptee. La tierce, c'est a scavoir legale affinité est attendue entre moy et la femme de mon filz adoptif, et samblablement entre mon filz adoptif et ma femme. (Sacr. mar., c.1477-1481, 60)

4.[Domaine spirituel ou métaphys.]

a)Parenté spirituelle entre parrain(s), marraine(s), filleul(e) et résultant du baptême.

[Assassinat de Jacques d'Arteveld ; le premier coup lui est porté par un de ses obligés] Se li avoit Jaques d'Artevelle fait pluisseurs biens et l'avoit mis en l'office dou doiainné des telliers, et si estoit son compere. Nequedent toutes ces coses et afinités furent oubliies et misses arriere. (Froiss., Chron. D., p.1400, 639)

L'effect de baptesme donne une affinité espirituelle laquelle est si grande qu'elle empesche mariage. (Fleur command. Dieu, c.1450-1500, C 2)

b)Affinité espirituelle. Proximité, ressemblance spirituelle.

...mes amees suers germaines par lignaige charnel et plus, s'il plaist a Dieu, par espirituelle affinité. (Gers., Montagne contempl. G., 1400, 21)

5.Par extension. Sympathie, dispositions amicales, relations étroites entre personnes (ou avec Dieu).

...a Dieu tu as fraternité ; Donques par ceste affinité, Humains cuers, de loer ne cesse L'infinie et vraie bonté De la benoite trinité. (Mir. mère pape, c.1355, 401)

Premier a Dieu son cuer et corps encline, Recongnoissant de lui sa dignité, Serve, doubte, aimt de pensée enterine Et a lui seul ait son affinité. (Desch., Oeuvres Q., t.3, c.1370-1407, 49)

...elle, puis un an ençà, s'est acointiée par amours dudit Hainsselin Planite cy-dessus nommé, auquel elle a eu et encore a la plus grant amour et affinité que elle ot oncques à homme qui soit ou monde, ne qui jà sera. (Reg. crim. Chât., I, 1389-1392, 331)

...ladite Alips livroit audit Robinet tout l'argent qu'il lui demandoit à avoir, par l'affinité et acointance qui estoit entre eulx deux (Reg. crim. Chât., I, 1389-1392, 490)

Item, je laisse à ma tres chiere dame et cousine, madame de la Riviere, par consideracion de la tres grant amour et affinité que tous jours elle a eu à moy, et des grans honneurs que elle de sa grant humilité et courtoisie m'a faiz et monstrez et encores fait de jour en jour, une croix d'or où il y a de la vraye croix, et une patenostres d'ambre blanc et ung tablel d'or où est l'Annonciacion Nostre Seigneur (Test. Parlem. Paris T., 1416, 581)

Et premiers la royne voult commencier, qui baisa Saintré premiers, et puis les chevaliers et escuiers de sa compaignie, et ainsin firent toutes les autres, ce que par la coustume du pays onques n'avoient fait ne puis ne firent se n'est par grant especialité d'affinité d'amis (La Sale, J.S., 1456, 134)

Clemence infinie, Pleine de bonté, Pour eulx [mes fils] te supplie Par affinité (Myst. Pass. Troyes B., a.1482, 96)

Avoir affinité à / avec qqn

Prince, seigneur, et toute poesté De royaume, de pays, de cité Qui gouvernez, pour mieulx garder defence, A voz subgiez n'aiez affinité, Fors a raison, a droit et equité : Qui trop humble est, c'est default de science. (Desch., Oeuvres Q., t.6, c.1370-1407, 176)

...sachant que sondit maistre avoit grant affinitié avec le seigneur de La Coquille, demourant ou cymetiere Saint-Jehan, vint par devers lui, VJ ans a ou environ, autrement du temps ne se recorde, et ycellui emprunta, ou nom de son maistre, IJ frans (Reg. crim. Chât., I, 1389-1392, 192)

Prendre affinité à qqn. S'adresser à qqn.

Donc, le seigneur de Chastillon, (...) oiant dire le partement de ceste dame, si en subit et à l'emblée, tout confus du cas, monta à cheval et courrant après pour la rattaindre, pensa bien à reprochier durement les meneurs, comme cuidant avoir esté le principal du monde, par qui on dust avoir fait et laissé et à qui on dust avoir pris affinité, car estoit de moult haute maison et de grant crédence entour du père et du fils (Chastell., Chron. K., t.3, c.1456-1471, 322)

B. -[À propos de choses]

1.Ressemblance, correspondance, rapport entre les choses.

Et vertu moral semble avoir grant affinité et estre appropriee as passions. (Oresme, E.A., c.1370, 524)

Car, si comme il fu dit ou .IXe. chapitre, musique a a l'ame aussi comme un cousinage et une affinité. (Oresme, Pol. Arist. M., c.1372-1374, 356)

Item, si comme je ay touchié devant et selon les anciens philosophes, la musique insensible des corps du ciel est selon les proporcions armoniques dont je ay faite mencion et desquelles est composee musique humaine et sensible laquelle se conforme et a une colligance et affinité a la musique celestiel. (Oresme, C.M., c.1377, 484)

...et [Mercure] disoit, entre ses plus communes choses, les ans devoir estre terriblement mauvais, quant le signifficateur se trouvoit retrograde en sa revolucion d'aucun an, et disoit vaincre le climat auquel il veoit Mars avoir plus de affinité et de puissance, et disoit, quand il y avoit aspect de la Lune à la queue du Dragon en l'ascendant, que l'année devoit estre froide et pestillencialle (Simon De Phares, Astrol., c.1494-1498, f° 23 r°)

2.Voisin ; pays voisin.

...et cellui estoit le plus auctorisé qui surmontoit en vertu, par quoy dit Valere ces belles paroles : teles choses reconcilioient les seigneurs et joingnoient les affinites. (Chr. Piz., Corps policie L., 1406-1407, 36)

Avoir affinité. Être voisin, limitrophe d'un État.

...pays que le duc [de Bourgogne] tenoit en l'Empire ayans affinité audit royamme (Chastell., Chron. IV, D., c.1461-1472, 125)