EVIDEMMENT

adverbe

[T-L : evidentevidemment ; GDC : evidentevidenment ; *FEW (III, 252b) : evidens ; TLF (VIII, 356a) : évidemment]

A. -De manière clairement perceptible, de façon que tout le monde puisse voir.

Karles et li hault prinche y montent sans tarder Pour les saintes reliques de plus pres regarder, Et Regnaut les ala evidanment monstrer (Renaut Mont. B.N. V., c.1350-1400, 852)

...Vous requier je (...) Qu'en vueilliez esleessier le pére, Si qu'evidanment lui appére Que j'aye trouvé grace en vous (Mir. st J. Paulu, c.1372, 141)

Et ainsy le voit on evidanment de nuit par l'estoille de nort. (Evr. Conty, Harm. sphères H.P.-H., c.1400, 14)

...l'air mauvaiz ainsi attrait Grève le cuer et le deffait, Et tout travail est plus grevant Qui n'est amors pardevant,Dont il appert évidemment À tout homme d'entendement Que nul ne doit lors s'avancier À nouveau travail commencier (La Haye, P. peste, 1426, 84)

...la ou il apperra esvidanment homicides, traysons ou aultres griefz (La Sale, Salade, c.1442-1444, 208)

...et si le cuident faire secretement [les officiers des finances pensent faire secètement un bénéfice] , mais on le voit trop evidanment. (Juv. Urs., Nescio, 1445, 532)

...et ainsi appert evidemment que Richart forfit et confisqua la dicte duchié de Normendie et toutes les terres qu'il tenoit ou royaulme de France. (Juv. Urs., T. crest., c.1446, 92)

...et qui pis est, disoit on que lesditz seigneurs se tachoient a eulx alier des Anglois pour eulx en ayder les ungs contre les aultres, comme on vit evidemment (Juv. Urs., T. crest., c.1446, 158)

...car nous voyons evidemment que, aux estudians es ars liberaulx et en phillosophie moralle ou naturelle, on baille peu de viandes et de plaisances corporelles (Bueil, I, 1461-1466, 26)

Et comme l'un dit, a toutes les festes de la Saint Jehan, ces deux barrilz se demonstrent dessus l'eaue evidemment. (Bagnyon, Hist. Charlem. K., c.1465-1470, 53)

LE CHARTIER. Je l'ay fait ignorantement [écraser le chrétien] . L'ADVOCAT. Nous l'avons veu evidemment, Mais sainct Nicolas remercie. (Mir. st Nic. juif, c.1480-1500, 150)

Pres de ces villes a une grant forest, Advironnee de fertilz labouraiges, Qui de bien loing evidamment parest Pour la haulteur des fueilles et branchaiges (La Vigne, V.N., p.1495, 229)

Vela comment l'eage argentee Fut pire que l'eage doree. On l'apperçoit evidamment. (Antitus, Poés. P., c.1500, 33)

B. -Au figuré.

1.De façon claire, compréhensible.

Si qu'il soit souvent aouvrez, Afin qu'il en soit recouvrez. Or poons nous ci regarder, Pour aucuns poins de droit garder, En faisant un po d'argument, Pour moustrer plus evidemment De ce que j'ay ci devant dit Les entencions de mon dit... (Mach., D. Aler., a.1349, 296)

Dont Saincte Eglise fut joyeuse, car par ce apparcevoit evidemment que France avoit bonne volenté de bouter hors Affliction et Tribulacion, et toute rancune et division, et d'avoir Paix. (Juv. Urs., Aud. celi, 1435, 218)

...et monstra bien evidemment qu'il sçavoit certainement qu'il n'y avoit aulcun droit, car il fit homage au roy Phelippe de Valois et a Jehan son filz et a Charles, le quel n'eust pas fait s'il eust eu ou pretendu avoir aulcun droit ou royaulme. (Juv. Urs., T. crest., c.1446, 52)

Et en sa pensee aperçut evidamment que ce n'estoit aultre que son courtois amy qui ces chosez ot acomplies. (Saladin C., c.1465-1468, 148)

Quant j'euz evidenment congnu que a la recouvrance de mon temps perdu n'y avoit nul autre remede me tiray devers la Court (Abuzé D., c.1450-1470, 100)

Par quoy appert evidamment le trouble et le conflict d'icelle mortelle pestillence avoir prins naissance, origine et commencement d'une seulle personne et, par succession de temps, avoir pullulé et multiplié ses branches selon l'acroissement et multiplication de l'humain lignaige. (Bueil, I, 1461-1466, 13)

Car ilz véoient evidamment que Dieu et fortune leur favourisoit (Bueil, I, 1461-1466, 113)

Nous nous dampnons Evidamment, se je l'osoye dire, Et s'aultre train en brief temps ne prenons. (La Vigne, S.M., 1496, 143)

Sans aucun doute possible.

Car je sçay bien qu'ilz ont la mort desservie bien evidemment. (Bagnyon, Hist. Charlem. K., c.1465-1470, 71)

2.Logiquement.

Autre est quant la contradiction est impliquee et s'ensuit evidanment ou clerement, si comme toy seoir et toy ester ensemble ou si comme l'en dit de ceste proposicion : tantum pater est. (Oresme, C.M., c.1377, 210)

Et de ce s'ensuit il evidanment que le son agu est et se depend de plus druz mouvemens et plus druz repettez et plus ysnelment que le grave ne fait. (Evr. Conty, Harm. sphères H., c.1400, 44)

3.[Adv. de phrase] De façon incontestable, certaine.

Mais assez evidanment on pourroit demander pour quoy on ne rent aussi souvent arrestz (Juv. Urs., Verba, 1452, 334)

Mais evidanment ce [ne pas entendre les parties dans un procès] est tres desraisonnable et contre les ordonnances royaulx (Juv. Urs., Verba, 1452, 375)