RAISONNABLE

adjectif

[T-L : raisnable, raisonable ; GDC : raisonnable ; FEW (X, 108b) : ratio ; TLF (XIV, 295a) : raisonnable]

I. -[Correspond à raison I] Relatif à un compte, comptable.

Emploi substantival. Compte. voir raisnable

Comptable, dispensateur (?).

Tant y pensai qu'il me souvint Qu'il y avoit ja des nuis vint Que par usage a mon couchier Morpheüs aloie priier, De dormir le dieu agreable Et des songes le raisonnable, Que, par amours et par pité Et par sa debonnaireté, Je qui lors ne dormoie point Endormir me fesist ou point Ou s'endorment li travilliet D'amours et li dur consilliet (Froiss., Par. am., c.1361-1362, 81)

II. -[Correspond à raison II] Éloquent.

Remarque : T-L VIII, 206 (a.fr.). Ne semble pas attesté en m.fr.

III. -[Correspond à raison III]

A. -Juste, justiifié, équitable ; conforme au droit, à la norme.

1.Juste, justiifié, équitable.

A ce conseil, Zebel, m'assens ; Car il me semble raisonnable (Mir. nat. N.S.J.C., c.1343, 216)

Est ce chose raysonnable de donner le cens a Cesar ou non ? (Foul., Policrat. B., III, 1372, 230)

...par hayne plus que par raisonnable jugement (Foul., Policrat. B., I, 1372, 108)

...car il n'est pas raisonnable d'avoir ung droit pour soy et ung aultre pour son voisin (Quinze joies mar. R., c.1390-1410, 2)

...et aussi comment ilz lui priassent de par lui comment il leur voulzist donner place pour fonder la dicte prieuré. Par foy, dist le roy, la requeste est raisonnable, et tout maintenant je vous menray ou lieu ou je vueil qu'elle soit fondee. (Arras, c.1392-1393, 75)

Par ma foy, dist l'escuier, et je vous enseigneray la plus belle adventure et la plus honnourable que oncques nobles jeunes hommes eussent en leur advenement, et la plus raisonnable emprise. (Arras, c.1392-1393, 149)

Dont, mes chiers seigneurs, il me semble qu'il n'a ou monde plus honnourable voyage, ne plus raisonnable de cestui ; car tous ceulx qui aiment honneur et gentillesce se doivent traire celle part. (Arras, c.1392-1393, 150)

Sire, vous soiez le tres bien venuz. Et certes vous avez fait bien et vaillaument vostre devoir. Or demandez quelque don qu'il vous plaira des choses terriennes, honnourables et raisonnables, et vous l'aurez sans arrester. (Arras, c.1392-1393, 304)

Or demandez chose raisonnable, et vous l'aurez, car moy ne povez vous avoir. Par foy, dist le roy, touteffoiz ne vueil je autre don, ne autre ne vous demanderay. (Arras, c.1392-1393, 305)

...veue la response par lui faicte qui n'estoit pas bien raisonnable, maiz sentoit opposition (Baye, I, 1400-1410, 193)

Sur quoy fu mis en deliberacion oudit Conseil entre les dessusdis assistens pour savoir se le contenu en ladicte cedule estoit raisonnable et expedient (Fauq., I, 1417-1420, 332)

...que ilz [les princes] soient avaricieux aux folles et excessives despences et larges aux choses neccessaires et raisonnables, et aux convenables choses ilz soient attemprez, et les vaynes choses et deshonnestes vueillent abandonner. (La Sale, Salade, c.1442-1444, 19)

Sy seroie eureux se je trouvoye qui voulsist soustenir ma querelle qui est bonne et raisonnable. (Percef. III, R., t.2, c.1450 [c.1340], 296)

...lequel [le roi] a tousjours esté et est prince de paix, protecteur de concorde et de union, non desirant faire espandre le sang humain ou que possible est a son honneur par voyes justes et raisonnables d'y pourvoir (La Vigne, V.N., p.1495, 319)

Et, par icelluy ordre, vous, comme chef, et tous les autres chevaliers qui en sont estes liez et astrainctz les ungs envers les autres à plusieurs choses bien honnestes et raissonnables, à l'onneur de Dieu et pour le bien du royaulme et de la couronne de France ; et que à vostredit ordre mondit seigneur se tient et licitement n'en peult et n'est pas deliberé d'en prendre d'autre, mais qu'il remercye mondit seigneur de Bourgoigne de son bon vouloir. (Le Clerc, Interp. Roye, c.1502, 222)

En particulier. [D'une cause, d'une requête, d'une sentence...]

...a bonne, juste et raisonnable cause (Chartes Abb. St-Magl. T.F., t.3, 1385, 547)

Ce jour, la Court, pour certaines justes et raisonnables causes, ordonna que maistre Nicolas de l'Espoisse revendroit et demourroit en son office de greffier des presentacions (Fauq., I, 1417-1420, 162)

...jamais femme ne fut plus loyalement obeye ne servye qu'elle seroit, si de sa grace vouloit passer sa treshumble et raisonnable requeste. (C.n.n., c.1456-1467, 49)

...il ne sera pas escondit en sa treshonorable et raisonable requeste. (C.n.n., c.1456-1467, 169)

Et si remonstrerent au roy lesditz presidens que s'il abolissoit laditte sentence, qui estoit juste et raisonnable, qu'il fauldroit que les sentences qui seroient donnéez de là en avant par luy et les autres roys, ses subcesseurs, pourroient estre après leurs descées declairés de nulle effect et valleur (Le Clerc, Interp. Roye, c.1502, 158)

Honorable.

Sire, hault et puissans roys, dist Remondin, il est bien verité que commune renommee court par tous païs que vostre court est si noble et si raisonnable que elle est droicte fontaine de justice et de raison, et que nulz ne vient en vostre court que vous ne lui faciez raison et justice de ce qu'il demande bonnement, selon le droit qu'il a. (Arras, c.1392-1393, 56)

Emploi substantival. Le raisonnable de qqn. Ce qui apparaît à qqn comme justifiable.

...il appert clèrement que le maléfice de partie adverse est irréparable, actendu qu'il n'avoit nulle auctorité de juge ou judiciable, autrement chascun pourroit autrui occire selon son raisonnable et sans chef, et que chascun successivement seroit fait roy. Et est très véritable chose que partie adverse n'avoit nulle autorité sur monseigneur d'Orléans, ainçois estoit tenu de lui faire honneur en tout siège et parole, car les privilèges des enfans et filz des roys ce requièrent. (Doc. 1408. In : MONSTRELET, Chron. D.-A., t.1, c.1425-1440, 292)

2.Conforme au droit, à la norme.

a)Conforme au droit, légitime.

...ledit visconte c'est informés dudit Hennequin, et de sa vie et estat, à plusieurs personnes, chevaliers et autres, qui le cognoissoient, adfin qu'il le peust traitier et mener par voye de justice ressonnable (Reg. crim. Chât., I, 1389-1392, 382)

Et Remondin s'agenoille et l'en mercie et lui en requiert chartre, laquelle fu tantost faicte la plus forte que on pot et seellee du grant seel du conte, a la relacion du conseil et des pers du pays, qui y pendirent leurs XIJ. seaulx, en congnoissance de affermer le don a estre raisonnable, avec le grant seel du conte. (Arras, c.1392-1393, 32)

b)Conforme au droit, à l'usage, à la norme.

Qui est conforme au droit, aux normes.

Droit de pescherie en la riviere de Sienne depuis le pont de la Balaine jusques au doit de Quillebec, depuis la sainte Croix en may jusques à la sainte Croiz en septembre, et en l'eaue de Berance depuis l'eaue de Senne jusques au moulin du Mesnil Hue, et en l'eaue d'Arou pareillement, à fillés raisonnables, et y peuent prendre du sablon. (Hector De Chartres, Cout. R.B., 1398-1402, 105)

[D'une réalité mesurable] Qui est dans la juste mesure.

...en defendant aux seigneurs d'icelles maisons, sur certaines peines à appliquer à nous, qu'ilz ne les louent dores en avant à or, et ne les encherissent oultre le dit pris raisonnable (Doc. Poitou G., t.7, 1425, 422)

B. -Qui convient, qui est convenable, bien adapté, bien proportionné, ni excessif, ni insuffisant.

NOSTRE DAME. Congié te doins de li donner Penance raisonnable et ferme, Et je li enjoing et conferme De l'acomplir. (Mir. parr., 1356, 62)

Or veulliez savoir que a moy longuement tenir prisonnier ne povez gueres conquester. Si vous pry humblement qu'il vous plaise a moy mettre a finance si raisonnable que je ne soye pas destruiz de ma seignourie, et vous y plaise a regarder en pitié, non pas prendre ma fole emprise en vostre rigueur, combien que je congnoiz que j'ay bien desservi a estre pugny rigoureusement. (Arras, c.1392-1393, 167)

Comment, dist ly roys, damp chastellains, comment fustes vous si hardiz de faire tel oultraige, ne tel trahison pour la raisonnable justice que nous avons fait faire en nostre royaume, veu et consideré la grant trahison que Josselins, voz oncles, recongnut qu'il avoit fait ? (Arras, c.1392-1393, 73)

Si veroit volentiers que vous vosissiés mettre de vostre consel ensamble, et il i meteroit dou sien, et par l'avis de ceuls, aviser place raisonnable la ou on se peuist combatre (Froiss., Chron. D., p.1400, 830)

...ilz seront tenus de rendre compte en la Court qui leur taxera leurs gages raisonnables (Baye, I, 1400-1410, 40)

...si amonnesta la Court de bien et diligemment entendre à faire justice, de venir matin et de s'en aler à heure raisonnable et competent, non pas trop tost. (Baye, I, 1400-1410, 246)

...s'il te semble qu'elle y puist Monter, selon qu'a lui aduist, Lui fais eschiele convenable Pour y aler, si raisonnable Com pues veoir qu'il appartient Au volume que son corps tient. (Chr. Piz., Chem. estude P., 1402-1403, 69)

...pour avoir advis et deliberacion sur ce qu'estoit à faire pour mettre à pris raisonnable les vivres et marchandises neccessaires pour la ville de Paris (Fauq., I, 1417-1420, 207)

Pitié doit estre raisonnable Et a nul desavantageuse, Aux besoingneux tresprouffitable Et aux piteux non domageuse (Chart., B. Dame, 1424, 355)

Mes toutesfoys les sages dyent que la ou il n'a point de pechié, ne doit avoir nulle punition, et la ou il ha peché doit avoir punytion raisonnable selon le pechié. (La Cépède, Paris Vienne K., 1432, 194)

...leurs glaives, haches, espees (...) et toutes aultres armes raisonnables pour offendre et deffendre en tel cas. (La Sale, Salade, c.1442-1444, 212)

Mettez grande entente a ce que lez despens de vostre hostel soient raisonnables et a mesure, et que les deniers que despendrez soient en bons usages despendus, sagement et raisonnablement. (Nouvelles inéd. L., p.1452, 122)

...se ilz ne lui livroyent vivres et fourrages par amour et à pris raisonnable, il trouveroit fachon d'en avoir par force et sans coustance (Molinet, Chron. D.J., t.1, 1474-1506, 51)

C. -Par extension. [Dans une vision objective, plus ou moins indépendante du jugement porté] Qui est dans l'ordre des choses, qui est normal.

...ceste cause cy est bien raisonnable et naturelle (Saint-gille, Comment. A.Y. L., 1362-1365, 326)

...mesgreur non raisonnable (Saint-gille, Comment. A.Y. L., 1362-1365, 326)

Le temps estoit bien asseuré Et le vent mol et delitable Et le chiel sy bien azuré Que riens n'y avoit corrumpable Qui peust estre cause ou coupable D'empeschier au solail ses rays, Car tout estoit sy raisonnable Que sy bel jour on ne vit mais. (Taillev., Songe thois. D., 1431, 62)

Car entre les signes seurs et raisonnables qui apperent es planetez et es estoilles par la vertu du Souverain Createur... (Percef. IV, R., c.1450 [c.1340], 545)

IV. -[Correspond à raison IV]

A. -[D'un être vivant, d'une pers., de l'âme]

1.Qui est doué de raison.

À ce propos dist saint Augustin ou .VIIIe. chapitre de la Cité de Dieu que les deables sont bestes passibles quant à leur corage, raisonnables quant à leur nature, pardurables quant à leur duree et que ont corps de air. (Corbechon, Mauvais anges S., 1372, 489)

Or vient une doubte qui fait tous merveillier, meismes ceulz qui sont raisonnables, ce est a savoir car nous voions que se une petite partie de terre est haut eslevee et l'en la lesse aler, elle est meue et ne repose pas. (Oresme, C.M., c.1377, 540)

Car, comme dit le Philosophe, l'omme est une beste raisonnable et sociable. (Fillastre, Traité Conseil H., c.1472-1473, 212)

Creature raisonnable

...cognoissance de verité et oevre de vertu est la vraye saineté et parfaict bien en ce monde (...) des creatures raisonnables. (Foul., Policrat. B., III, 1372, 208)

La creature de Dieu raisonnable doit entendre, selon que dit Aristote, que des choses invisibles, selon la distinction des choses qu'il a faictes ça jus, et que par leur presence de leur estre et nature le certifie, si comme saint Pol le dit en l'epistre aux Rommains, que les choses qu'il a faictes seront veues et sceues par la creature du monde. (Arras, c.1392-1393, 2)

...toutes creatures raisonables doyvent honneur singulier et amour particuliere a celluy qui leur a donné estre et vivre (Bagnyon, Hist. Charlem. K., c.1465-1470, 168)

...toutevoies point n'enseigne comment on doibt et puet acquerir charité pour amer Dieu comme creature raisonnable le doibt amer. (Somme abr., c.1477-1481, 98)

Toutes creatures raisonnables peuent comprendre Dieu par congnoissance, mais des bons tant seulement est comprins par amour. (Somme abr., c.1477-1481, 133)

Creature non raisonnable

Et a ce propos dist Saint Bernard : 'Dieu est es creatures non raisonnables telement que toutesfois ne puet estre comprins d'elles. Toutes creatures raisonnables peuent comprendre Dieu par congnoissance, mais des bons tant seulement est comprins par amour.' (Somme abr., c.1477-1481, 133)

[Du chien]

...c'est la plus noble beste et plus raisonnable et plus cognoissant que Diex fist onques (Gast. Phébus, Livre chasse T., 1387-1389, 106)

[P. méton. du subst. qualifié] Propre à l'être doué de raison.

O Adonay, quel tempeste Et quel meschief vient de luxure ! Le plus saige en devient beste, Layssent raisonnable nature. (Pass. Auv., 1477, 110)

Ame raisonnable/puissance raisonnable (de l'ame). Une des fonctions psychiques principales de l'âme qui permet à l'homme de discerner et de juger.

...car ce que est selonc vertu est selonc raison, et ce que est selon raison est selon l'ame raisonnable, et ce que est selon ceste puissance de ame est propre a homme. (Oresme, E.A.C., c.1370, 122)

Une belle femme en forma, Qui trestoute telle forme a Comme homme et ame raisonnable Et a l'image Dieu semblable (Chr. Piz., M.F., II, 1400-1403, 135)

Certes lame raisonnable ne peult auoir plus conuenable moyen a soy humilier que par se congnoistre en verite et sans fiction, dissimulacion ou excusacion. (Cib., p.1451, 197)

Par formes abstraictes et separees de matere en l'absence du corps et par raison, c'est a dire par la vertu de l'ame raisonnable congnoist la nature des corps et des choses corporeles. (Somme abr., c.1477-1481, 136)

...comme en l'ame sont diverses vertus, c'est a scavoir la puissance intellective, par laquelle elle entent, la puissance raisonnable, par laquelle elle raisonne et juge et discerne, la puissance volentive, par laquelle elle veult ou non veult, la puissance sensitive, par laquelle elle sent, et ainsi des aultres. (Somme abr., c.1477-1481, 147)

2.Qui est sage.

Mais bien avoit laiens personne Discrete, raisonnable et bonne (Mach., D. Lyon, 1342, 187)

Car l'en doit toujours tendre a faire le plaisir de son mary quant il est sage et raisonnable (Ménagier Paris B.F., c.1392-1394, 91)

Job fut tres doulx et amyable Et en tous ses faitz raisonnable, Nul plus estre ne le povoit (Régn., F.A., 1432-c.1465, 104)

...il fut si saige et si raisonnable Roy, qu'il aymoit mieulx l'utilité et le prouffit de son royaulme, que de demourer en opinion inique, sans salut ne repos. (La Marche, Mém., I, c.1470, 240)

Le prince tumbe en telle indignation envers Nostre Seigneur, qu'il fuyt les conseilz des saiges et en eslieve de tous neufz, mal saiges, mal raisonnables, flateurs, qui luy complaisent à ce qu'il dit (Comm., II, 1489-1491, 228)

3.[D'un savant] Porté sur la déduction logique, la réflexion théorique.

Ga. dit il sembleroit que Y. ne fust pas raisonnable phisicien car il dit que il veriffie son a[phorisme] par experiment et non par raison et toutevoiz dit il ou premier livre que Y. fu tres raisonnable et qu'il ne dit riens sans raison ['sans déduction rationnelle'] . (Saint-gille, Comment. A.Y. L., 1362-1365, 179)

B. -[D'une chose] Conforme à la raison, logique.

Mais ceste oppinion n'est pas raisonnable, car selon Aristote ou quart et ou quint chapitre, destre et senestre et les autres differences sont corporelles et de corps ou en corps mobiles et divisibles. (Oresme, C.M., c.1377, 332)

Et dire que chascune des estoilles est de la substance et de l'espece tele comme est le corps meu en quoy elle est, c'est tres resonnable et consequent ou ensuiant aus choses dites par nous, car nous avions dit devant que aucun corps est qui est meu et qui est nay et enclin naturelment a estre meu circulairement. (Oresme, C.M., c.1377, 430)

C'est raisonnable que

...car c'est raisonnable que entre les parties du ciel soit plus grande diversité que entre les parties d'un des autres elemens qui sont touz gouvernés par le ciel. (Oresme, C.M., c.1377, 468)

Il est raisonnable que

Pour ce que felicité est operacion selon vertu, il est raisonnable que ce soit selon la tres meilleur vertu, et que ce soit operacion de la tres meilleur partie de homme ou de la tres meilleur puissance de l'ame. (Oresme, E.A., c.1370, 518)

Raisonnable avec. Compatible en raison avec.

...et sur quoy se fondoit le souppeçon raisonnable avec les langages précédents. (Chastell., Chron. K., t.5, c.1456-1471, 82)

Rationnel, scientifique.

...apareils resonnables du medicin (Prevost, Cir. Guill. Salicet, 1492, II, 5)

Philosophie raisonnable. Mode de pensée qui procède par inductions et déductions.

Car combien que philosophie se partist et divise en trois manieres, c'est asscavoir en raisonnable, naturele et morale, philosophie naturele n'enseigne congnoistre si non les creatures et non pas le createur d'icelles. Philosophie raisonnable, combien qu'elle enseigne conclure et par force d'argumens faire conclusions humaines en disputant homme contre homme, toutevoies se n'enseigne elle pas comment on doibt en arguant et resistant conclure contre le deable. (Somme abr., c.1477-1481, 98)

Voir aussi raisnable