DESRAISONNABLE

adjectif

[T-L : desraisnable ; GD : desraisnable ; GDC : desraisonable ; AND : desresonable ; FEW (X, 110b) : ratio ; TLF (VI, 1200b) : déraisonnable]

A. -[D'une pers., d'un animal]

1.Qui est privé de raison.

Je le blasmay moult de ceste créance, en disant que ce n'estoit mie ames de gens, car ce estoient bestes desraisonnables. (Jean Le Long, Voy. Odoric C., 1351, 304)

...teulx seigneurs ou juges ne devent pas, par rayson, estre appellés honmes humains, mez devent estre appellés bestes deraysonnables, car celluy qui ne fait lez fais d'onme humain mez de beste, doit estre miex appellé beste que honme (Songe verg. S., t.1, 1378, 345)

2.[D'une pers.] Qui n'est pas raisonnable, qui n'est pas mesuré.

Pour l'heure de ce siège d'Arras estoit madamoyselle de Bourgongne à Gand entre les mains de ces très desraisonnables gens, dont luy en survint perte et prouffit au roy: car nul n'y pert que quelcun n'y gaigne. (Comm., II, 1489-1491, 190)

Allés dire a vostre maistre L'empereur qui adoure le dyable Qu'il est homme deraysonnable Et qu'il n'est ne bon ne loyal (Oudin, St Genis M.S., c.1490, 77)

B. -[D'une chose] Qui est contraire aux lois naturelles, accessibles à la raison, qui est anormal.

...aucuns de eulz desputent et deffendent que les planetes par un mouvement desraisonnable s'efforcent encontre le firmament (Foul., Policrat. B., II, 1372, 65)

[D'un chemin] Qu'il n'est pas contraire à la raicon d'emprunter, de pratiquer.

...car chemin y avoit qui point n'estoit perilleux, divers, forsé ne aucunement desraisonnable (RENÉ D'ANJOU, Mortif. Vaine Plais. R., 1455, 70)

C. -[D'une chose, d'un dire, d'un fait, d'un comportement, d'un projet...]

1.Qui est contraire à la raison, au bon sens.

Item, dire que un homme qui fait choses injustes ne vueille pas estre injuste ou que un qui fait adultere ou stupie ne vueille pas estre incontinent, c'est un dit desraisonnable. (Oresme, E.A., c.1370, 199)

Monseigneur saint Augustin (...) dist en ceste maniere que ce n'est mie chose desraysonable croyre que aucunes choses soient advenues de la volanté dyvine, sanz aucune science ou sanz art de dyvinacion, mez par aucune secrete disposicion divine laquelle le roy Saül et la Phytonisse, c'est a dire la divine, ne savoient mie ne si n'estoient dignes de le savoir (Songe verg. S., t.1, 1378, 369)

...car l'influence du ciel et dez elemens si fait une impression en corps humain, de laquelle impression une ymage d'aucunes choses avenir si est representee a l'onme en songent, et ce ne samble pas chose desraisonable, car nous veons que lez bestes mues, d'un mouvement naturel, si sentent lez pluies et lez vens avenir. (Songe verg. S., t.1, 1378, 382)

Et soiez tousjours sur vostre garde, tant que la puissance soit vostre, car, se vous vous laissiez sourmarchier, il vous fauldroit gouverner a leur voulenté [des gens des pays conquis] . Mais toutesfoiz gardez vous que, quelx qu'ilz soient, durs ou debonnaire, que vous ne leur alevez nouvelle coustume qui soit desraisonnable. (Arras, c.1392-1393, 86)

Li gentils chevaliers (...) sentoit le roi de France durement creuls et hauster, et son consel desraisonnable (Froiss., Chron. D., p.1400, 757)

...considerée la simplece desraisonnable et arrogance d'icelle Université (Baye, I, 1400-1410, 122)

Se toutes tes miseres ne souffisent a toy humilier, regarde, je te prie, l'umilité de ton roy, de ton Dieu et ton Seigneur ; c'est chose trop desraisonnable veoir ung seigneur en toute humilité, et le varlet qui soit remply en tout orgueil et toute vanité. (Gers., Noël, p.1404, 295)

...afin qu'ilz [les ennemis] eussent occasion dampnee et desraisonnable de faire plus de mal que devant. (Juv. Urs., Loquar, 1440, 368)

Mais quant le prince escoute et respond benignement, il a ja le requerant a moictié sactiffait, et supposé que sa requeste fust ja du tout desraisonnable, sy s'en va il a moittié contens (La Sale, Salade, c.1442-1444, 13)

...pesez voz vouloirs desraisonnables et le grand mal que vous voulez commettre a petite occasion. (C.n.n., c.1456-1467, 549)

Aussi ceulx à qui Dieu fait la grace d'avoir bon corps, le doivent bien abandonner pour la foy de Nostre-Seigneur Jhesus-Christ et pour soustenir bonne querelle, non pas à boire d'autant et faire choses dissollues et desraisonnables ne excès sans cause, dont ilz ne sont requiz et ne prouffitent à eulx ne à aultrui (Bueil, II, 1461-1466, 21)

Où il y eut mainte disputation, sçavoir s'il yroit ou non, car l'emprise sembloit à tous gens saiges et experimentéz très deraisonnable, et n'y eut que luy seul qui la trouvast bonne et ung appellé Estienne de Vers, natif de Languedoc, homme de petite lignée, qui jamais n'avoit veü ne entendu nulle chose. (Comm., III, 1495-1498, 2)

2.Qui est contraire à la raison quant au droit, à l'équité, à la mesure, qui est injuste, excessif.

La pointure d'une vipere Qu'est incurable En riens a li ne se compere, Car elle [Fortune] traïroit son pere Et mettroit d'onneur en misere Desraisonnable. Se Fortune aimme, c'est de loing ; Elle faut toudis au besoing, N'elle n'a de personne soing, Soit vil ou monde. (Mach., R. Fort., c.1341, 34)

Celui est continent qui a mauvais desiriers, comme par yre a venjance desraisonnable ou par concupiscence a luxure ou a gloutonnie. Et avecques ce, il a bon jugement de raison lequel il ensuit, et par ce refrene ses mauvais desiriers. (Oresme, E.A.C., c.1370, 143)

...encore est chose plus non digne et plus laide et desraisonnable que tu trebusches et chiees de l'oneur royal (Foul., Policrat. B., I, 1372, 109)

...les empeschemens desraisonnables dessusdiz (Ordonn. Ph. le Hardi, Marg. de Male B.-B., t.2, 1394, 11)

...lesdictes lettres lui sembloient très desraisonnables et au Roy prejudiciables (Fauq., I, 1417-1420, 122)

Et quelles exactions sont aujourduy desplaisantes et desraisonnables... (Juv. Urs., Nescio, 1445, 510)

...les exactions desraisonnables que font vos officiers sur le fait des aides ordinaires que des tailles (Juv. Urs., Verba, 1452, 349)

Injustifié.

Haa, mere, jadiz habondant et plantureuse de prosperité et ores angoisseuse et triste du declin de ta lignee, je reçoy bien en gré ta correction et cognois que tes plaintes ne sont point desraisonnables ne sans cause, maiz trop m'est amere desplaisance que j'aye de ce meschief la perte et le reproche ensemble et que m'en doiez en riens tenir suspect quant d'autruy coulpe je porte la tresaspre penitance. (Chart., Q. inv., 1422, 20)