MODERATION

substantif féminin

[T-L : moderacïon ; GD : moderation ; GDC : moderation ; AND : moderation ; FEW (VI-3, 5b) : moderari ; TLF (XI, 926b) : modération]

A. -Moderation de qqc.

1.Fait de rendre moindre (une imposition, une charge financière...).

Dune autre aide (...) pour garder et deffendre le clos de Costentin envers tous et contre touz gens de compaigne (...) et pour une creue du quart dautant qui fut levée avec, pour fournir une moderation que len fist de la dicte recepte en faveur des gens deglise qui en ce estoient comprins et qui nen poierent aucune chose (Compte Navarre I.P., 1367-1371, 41)

Item. Parleront de la modéracion des patiz qui selon la forme des dictes trèves doit estre faicte ou pays de Guienne d'une part et d'autre. (Ch. VI, D., t.1, 1401, 216)

À la veufve et heritiers de feu Regnault le Clerc, à laquelle mesdits seigneurs ont semblablement moderé et quittié 10 l. p. de rente, (...) pour ce, cy, pour la moderacion du temps dont ce present compte fait mencion, par vertu de ladicte requeste rendue sur le troisieme compte dudit receveur 40 s. p. (Comptes Paris V.L.D., t.1, 1440-1441, 236-237)

...pour la moderacion des termes de Saint Jehan, Saint Remy, Noel 1440, Pasques, Saint Jehan, Saint Remy, Noel 1441, Pasques et Saint Jehan 1442, pour ce que ès comptes rendus paravant cestuy n'en a esté reprins aucune chose, par vertu d'une requeste expediée au Bureau en l'Ostel de ladicte ville le 24e jour de novembre 1442 (Comptes Paris V.L.D., t.1, 1441-1442, 288)

...lettres contenans prorogacion et continuacion jusques à vingt ans de la moderacion aultresfoys par nous faicte de la moictié des rentes, en quoy nous sont redevables chascun an les fieffermes et aultres possessions de nostre dit cousin desclerées ès dictes lectres (Lettres Louis XI, V., t.4, 1469-1472, 159)

De Francisque de Luzerne, (...) la somme de quatre vingts douze ducaz modérée de la somme de cent ducaz, en laquelle somme il a esté condempné par le juge des crimes, en sa court, pour une peine faillie et dont estoit pleigé pour lui le seigneur de Figuenière, laquelle modération que est de huit ducaz lui fut ainsi faicte au lieu de Peyrolles pour la despence d'aller et de venir apporter l'argent luy mesmes en personne (Comptes roi René A., t.2, 1477, 458-459)

2.Au figuré. Fait de tempérer qqc..

Mais pour une maniere de moderacion et amesurement de raison quant est en soy reputé digne. (Oresme, E.A.C., c.1370, 248)

...et pour ce l'appellent libelle diffamatoire (...) car libellus diffamatorius n'est que escripture contenens paroles injurieuses, comme sont lesdictes lettres, sans pour ce volant injurier le Roy ne autre officier, et pour ce requeroient la revocation ou moderation (Baye, II, 1411-1417, 200)

...pour selon ce restraindre et moderer la reservacion et disposicion des benefices que le Pape vouloit generalment à soy atraire sans limitacion ou moderacion (Fauq., II, 1421-1430, 202)

Fait d'atténuer la portée d'un acte.

Car ainsi nous plaist il estre fait, saulf et reservé à nous et à noz successeurs, contes et contesses d'Artois, la moderation, ampliation, correction, declaration et interpretation de ces dites presentes (Hist. dr. munic. E., t.1, 1466, 112)

B. -Vertu, comportement d'une personne qui évite tout excès.

En cest excercice trois choses sont necessaires, asscavoir des disputans droite intention, ordonnanche et maniere ou moderation. (Daudin, De la erudition H., c.1360-1380, 138)

L'en raconte que Plutarcus escript un livre de l'amesurement et moderacion des maistres et gouverneurs que l'en appelle Archigramaton et dit on qu'il enseigna moult et enclina le maistre de sa cité a pacience et a euvres de justice tant par exemples comme par paroles. (Foul., Policrat., IV, 1372, 73)

Les chambrieres de la Dame des OEuvres Sapience la royne, sont prinses en figure, pour figure, (c'est assavoir) pour equanimite, consideration, moderation et perfection. (Mézières, Songe vieil pèl. C., t.1, c.1386-1389, 107)

...la moderacion terencienne (c'est assavoir 'sans riens trop') (Col, Resp. deux traités H., 1402, 101)

Veult dire Valeire cy dessus allegué qu'il n'est chose tant perfectement belle, grande et magnifique comme celle qui est menée par atrempance et moderacion. (Chr. Piz., Paix W., 1412-1413, 165)

Et avec ce la Court, considerée sa povreté, le condempne à tenir prison fermée par l'espace d'un mois au pain et à l'eaue, saulve la grace et moderacion de la Court. (Fauq., II, 1421-1430, 309)

...le clergié est dispers et vague et opprimé, et la regle de moderation et honnesteté ecclesiastique tournee avecquez le temps en desordonnance et dissolution (Chart., L. Esp., c.1429-1430, 19)

...obeissez au roy vostre prince d'une bonne et vraye amour et moderacion, car vostre propre couraige en ce qui est raisonnable vous y compelle (Juv. Urs., T. rever., 1433, 88)

Desquelles choses je me vueil taire, pour ung peu parler de la tresdoulce moderacion de ce tresvaillant homme Claudius Nero ; desquelz peu s'en treuve au jour d'uy, qui ainssy vertueusement eussent sersié l'onneur et l'amour de son resconsillié ami. (La Sale, Salade, c.1442-1444, 45)

Et Ciceron y met la raison en la fin du premier livre Des Offices quant il dit que toute honnesteté procede ou de congnoissance ou de communité ou de magnanimité ou de moderation, que nous disons attemprance... Moderation ou attemprance nous retient de offenser aultruy mais nous esmeut a complaire a chascun. (Fillastre, Traité Conseil H., c.1472-1473, 217)

Finablement, veult attemprance et moderation que nous ne offensons aultruy, mais ançois procurons le bien et honneur de chascun pour la charitable societé qui est entre les hommes. (Fillastre, Traité Conseil H., c.1472-1473, 218)

Par métonymie. Fait d'appeler à un tel comportement.

...et rappeller les doit-on par moderacions propices, si comme Valere raconte de Polemon le philosophe, lequel, en sa jeunece, fu sanz nul frain habandonnez à luxure et à toute dissolue vie. (Chr. Piz., Faits meurs Ch. V, S., I, 1404, 29)