DESMESURE

substantif féminin

[T-L : desmesure ; GD : desmesure ; AND : desmesure ; DECT : desmesure ; FEW (VI-1, 727b) : mensurare ; TLF (VI, 1068b) : démesure]

A. -Démesure, excès.

[À propos du comportement d'une pers.]

Si que bien se gardera De leur desir, plein d'ardure Et de desmesure, Où scens ne mesure, Honneur ne droiture, Amour, bien ne raison n'a. (Mach., Les lays, 1377, 453)

Et sachiez que cent fois mourir Vouldroie, avant que desnature Fust en moy a tel desmesure Que mon cuer a Loiauté droitte Ne se tenist, car, je vous jure, Tout doit perdre qui tout convoite. (Cent ball. R., c.1388-1396, 136)

Le ventre, qui s'assotte De vin, chiet tantost en luxure Et en toute autre desmesure. (Chr. Piz., M.F., II, 1400-1403, 76)

Aussy en prins tu si oultrageuse part que tu euz ensemble quinze femmez et deulx chamberieres, et enseignas aux tiens en prendre par abundance et en abuser par desmesure. (Chart., L. Esp., c.1429-1430, 123)

Dont te fault il vroye cognition, Conduyte et mise par tel condicion, Que ne souffres quelque sedicion Par demesure, Car Attrempance qui faict tout par mesure Te guydera, com celle qui mesure Et compose l'appetit et l'asseure, Sans exceder. (Meschin., Lun. princes M.-G., c.1461-1465, 80)

[À propos d'une chose]

Et pour ce qu'elle [l'horloge] iroit sans ordenance, Et trop hastieuement et sans mesure, S'elle n'avoit qui de sa desmesure Le destournast et le remesurast (Froiss., Orl., 1368, 88)

...Sy feront tant princes et clers Que, puys qu'ilz ont fait droit envers, Ilz retourneront l'envers droit, Pour ce que chascun aye droit. C'est nature de desmesure Que tousjours revient a mesure. (Bouvet, Appar. Meun A., 1398, 52)

La terre est pleine de tresor, D'or et d'argent a desmesure Par son avarice et usure (Alecis, Passe temps P.P., 1480, 189)

À desmesure. Outre mesure, à l'excès.

J'ai fait pechié a desmesure. (Arnaud, Prière Vierge O., II, c.1350-1400, 149)

Car tant est sure L'arsure, Qu'à desmesure Me dure, Que mais de cure Ne cure (Mach., Les lays, 1377, 305)

Mais, comme lÿon fort aty, En piés ressault pour soy vengier Quant le rabatent ly bergier Qui le frapent a desmesure (Pastor. B., c.1422-1425, 252)

Le pourra chascun bien congnoistre ? [Le signe sur le front de Caïn] J'en ay grant doubte a desmesure. (Gréban, Pass. J., c.1450, 24)

Mais, pis, le menu peuple, espoir, Encontre nous s'elesvera Et ensemble nous destruira De mort honteuse a desmesure. (Gréban, Pass. J., c.1450, 402)

Trop fust grande ma faulte a desmesure ! Ha ! miserable et povre creature Qui corrumpu as humaine nature (Myst. Incarn. Nat. L., t.1, c.1454-1474, 65)

En particulier. [exprime le degré élevé d'une qualité] Adj. + à desmesure. D'une manière démesurée, excessivement.

...la grant chaleur dou soleil N'iert ja si chaude a desmesure, Ne pleinne de si grant ardure, Qu'un petit de vent ne l'abate Et qu'il ne la rende pour mate... (Mach., D. Lyon, 1342, 195)

Ce serpent grant a desmesure Semble qu'il mette peine et cure A moy prendre (Mir. st Panth., 1364, 317)

Et si estoient moult foulez Dou chaut, et pesamment armez, Car chaut faisoit à desmesure Dessus la roche haute et dure (Mach., P. Alex., p.1369, 165)

Car il avoit ung haubert tel que il n'a en tout le monde ne fer ne acier qui le peust empirer vaillant ung denier, et si avoit ung heaulme ront, bel et bon a demesure (Chev. papegau H., c.1400-1500, 46)

Mais sur toute riens m'esmerveilla la façon de ses mains qui grandes estoient a desmesure et si fortes que ce qu'elle tenoit n'estoit nul qui le peust avoir n'esrachier fors a grant peine. (Chr. Piz., Avision R.D., 1405, 30)

Ung beau parleur, ung appipeur, Puis qu'on sçait qu'il est ung trompeur, Bien est fol a grant desmesure Qui le croit de chose qu'il jure. (Alecis, Passetemps Alecis frères P.P., a.1451, 12)

Elle confessa tantost de mot a mot toute sa vie a ung prestre, qui regarda son chief bel et blont a desmesure. (Miélot, Mir. N.D. W., 1456, 59)

Et incontinent que ledit Rousseau et ses complices virent ledit supliant et ceulx qui estoient lors avec lui devant ladicte maison, tirèrent trait d'arbalestes et coulevrine contre eulx, en disant par celui Rousseau oudit supliant injures et obprobres vilz et deshonnestes à desmesure, et sur ce eurent plusieurs paroles chaleureuses les ungs vers les autres, telement que d'une part et d'autre y eut du trait tiré (Doc. Poitou G., t.10, 1459, 140)

B. -Outrage, insulte.

Qui te fist ce meschief, Souffrir ne ceste desmesure ? (Mir. ste Bauth., c.1376, 115)