FAUSSETÉ

substantif féminin

[T-L : fausseté ; GD : fausseté ; GDC : falseté ; AND : fauseté ; DECT : fausseté ; FEW (III, 393a) : falsus ; TLF (VIII, 692a) : fausseté]

I. -Ce qui est contraire à la vérité (par erreur ou par mensonge).

Ses parolles point n'escoutés, Car plaines sont de faulsettés ['de mensonges'] (Renart contref. R.L., t.1, 1328-1342, 56)

...cest a[mphorisme] contient plusieurs faussetez ['plusieurs erreurs'] (Saint-gille, Comment. A.Y. L., 1362-1365, 371)

...la science de Dieu est de toutes les choses qui sont presentes et qui ont esté et qui sont a venir vraie comprehencion et plainne cognoissance. Et certes elle cognoist toutes les choses vraies et les seules vraies et ne daigne cognoistre quelconques fausseté ['erreur'] (Foul., Policrat. B., II, 1372, 170)

Encour s'ilz se vouloient desdire De leur erreur et faulceté ! (Myst. st Adr. P., c.1450-1485, 90)

Caractère de ce qui est faux.

Par ce appert évidentement la faulseté de celle accusacion (Doc. 1408. In : MONSTRELET, Chron. D.-A., t.1, c.1425-1440, 321)

II. -Ce qui est contraire à l'authenticité.

A. -Ce qui donne l'impression de la réalité, mais qui n'est pas ce qu'il paraît, qui n'est que simulé ou dissimulé.

...car il est la verité qui descuevre toute fausseté en monstrant que les biens temporiex sont faulx, qui sont signiffiez par les faux ymages. (Mir. st Ign., 1366, 73)

Et gardent que les choses de quoy il se ventent, posé que elles ne soient pas vraies, que l'en n'en puisse apparcevoir la fausseté, si comme faindre estre bon medicin ou estre sage divinëeur. (Oresme, E.A., c.1370, 269)

B. -Falsification (acte de faussaire ; caractère de ce qui est falsifié).

1.Acte de faussaire, fraude.

...par les fraudes et faulsetez que l'en faisoit et fait encores de jour en jour au mestier et ouvrage de tapicerie... (Doc. 1347. In : G. Souchal, Bibl. Éc. Chartes 123, 1965, 121)

...et pour ce pourroit être souvent commise aucune fausseté ou dupeté audit métier de drapperie, qui soit contre le bien public (Hist. industr. drapière Flandre E.P., t.3, 1360, 400)

Et encores, pour certain, ceste faulseté seroit pire que en la mutacion du poix, car elle est plus sophistiquée et moins apparcevable (Oresme, Monnoies W., c.1365, XLII)

...et que de faire icelles excecucions icellui Denisot Fromont, prisonnier, n'avoit autre vray povoir ou commission, jà soit ce que l'en eust exigé et levé plusieurs sommes d'argent, avoit esté admenez prisonnier en ladite consiergerie du commandement dudit mons. le chancellier, et comme convaincu et attaint d'icelle faulceté, avoit aujourd'uy esté, par icelli mons. le chancelier ou ses commis et deputez, condempnez à estre mis en l'eschiele et l'audience du Palais (Reg. crim. Chât., II, 1389-1392, 68)

...la maniere de la prinse d'iceulx [larcins] , qui est par voye d'exaccion, faite par force, en soy advouant officier du roy ; la traïson et faulseté par lui commise esdites lettres royaux, soubz umbre et par vertu desqueles il avoit exigé et levé icelles sommes d'argent dessus escriptes (Reg. crim. Chât., II, 1389-1392, 70)

Ce jour, fut conseillé un arrest sur un cas de faulseté, dont le registre fut fait par maistre J. de Cessieres, graphier criminel (Baye, I, 1400-1410, 22)

2.Fausseté (de qqc.). Caractère de ce qui est falsifié.

Et ce fu dit pour un homme que li sires de Mont Saint Juliam avoit prins par soupeçon de faulseté de lettres et le fist mener soubz les fourches, et si paia IIIIxx livres, et fu ramenéz en prison et enterréz soubz les fourches. (Cout. bourg. glosé P.M., c.1380-1400, 243)

...tous cas criminelz et aultres, exeptéz ès cas reservés ès ditz previleges, c'est asscavoir de leze maiesté, d'asseurement brisée quy seroit donné de notre Court, de noz sauves gardes enfrainctes, de noz prisons brisiéz, de contrefaire noz seaulx ou le cours de noz monnoies, de fausseté de lettres seellées, de noz seaulx (Hist. dr. munic. E., t.2, 1387, 133)

Et aussi ledit Laisné avoit fait certains nobles à la roze, desquelz ledit Morice s'estoit essayé à en mettre deux, lesquelz il avoit mis ; et pour ce qu'ilz ne s'estoient trouvez bons, lui avoient esté renduz, et à ceste cause il avoit rendu ou autre de par lui la valleur d'iceulx. Lesquelz Morice et Jehan Chalotz, supplians, après que les faulcetez furent congneues et adverées, ilz furent arrestez en nostre ville de Tours. (Doc. Poitou G., t.12, 1482, 567)

Jugement de Jehan, d'Erbonne, et de Guelraid, que sont bourciers et merciers, d'une pairt, et de Hermand, le maistre des taixenaires, et de Jehan-Goussewin le taixenaire d'autre pairt, pour le fait des taixes que les taixenaire avoient prin a stal ledit Jehan, d'Erboinne, et Guelraird, se volloient lesdits Jehan, d'Erbonne, et Guelraird estre ressaixis de lour taixes. Li maistre-eschevin dit pour droit qu'il ont bien a estre ressaixis, par ce qu'elles soient minses en main de justice pour sçavoir c'il i ait point de faulceteis. (Jug. maître-échev. Metz S.M.S., t.1, a.1494, [1373], 469)

Par extension. Défaut.

...et de ce cop ledit cheval se tua tout roide, et tomba mondit seigneur le bastard soubz son cheval, l'espée au point ; et tantost le fict le Roy d'Angleterre relever, et se monstra moult couroucé à l'encontre de monseigneur d'Escalles pour ce qu'il cuydoit qu'il eust fausseté en la parure de son cheval ; mais non avoit, ains advint ce cop et ce chocq par mesadventure (La Marche, Mém., III, c.1470, 52)

III. -[Sur le plan moral] Manque de loyauté, déloyauté, hypocrisie ; p. méton., tromperie, déloyauté commise, trahison.

A. -Manque de loyauté, déloyauté, hypocrisie.

...Le noir te moustre en sa couleur Signefiance de douleur, Blanc joie, vert nouveleté, Et le jaune, c'est fausseté. Mais retien les quatre premiers Et laisse les deus darreniers ; Car s'en l'escu fussent posées, Les armes en fussent faussées. (Mach., R. Fort., c.1341, 69)

...Li fais que Guillaumes soustient, Sire, vous savez qu'il contient Qu'amans, garnis de loiauté, Truist en sa dame fausseté. Et sus ceste devision Il fait une allegation, Pour prouver par un fait contraire : La Chasteleinne debonnaire N'avoit son ami riens meffait... (Mach., J. R. Nav., 1349, 264)

'Sire', dist Berinus, qui n'apparcevoit pas la faulseté de son pere, 'je vous en mercye...' (Bérinus, I, c.1350-1370, 36)

...li roys a escondit Pluseurs de sa chevalerie D'aler vers la gent renoye. De ses gens a toudis à faire ; Et s'il les tenoient au Quaire, Il sont si plain de desraison, De fausseté, de traison, Qu'il seroient trop mal venus Se d'eaus estoient retenus (Mach., P. Alex., p.1369, 179)

Or dison aprés de ceulz qui dient ou monstrent verité, et de ceuls qui dient ou monstrent fausseté en conversacion humaine. (Oresme, E.A., c.1370, 267)

...il trebucha en fausseté et desloiauté (Foul., Policrat. B., II, 1372, 193)

...je fuis la cité plaine de teles viltéz et empoisonnee du venin de telz flateurs et la laisse a ses flateurs et a leur faussetéz (Foul., Policrat. B., III, 1372, 217)

Qui de couleurs saroit à droit jugier Et dire la droite signefiance, On deveroit le fin asur prisier Dessus toutes ; je n'en fais pas doubtance. Car jaune, c'est fausseté, Blanc est joie, vert est nouvelleté, Vermeil ardeur, noir deuil ; mais ne doubt mie Que fin azur loyauté signefie. (Mach., L. dames, 1377, 235)

Pourquoy doncques ne le puet ainsi faire saint Pol, attendu qu'il monstre clerement que par contrainte des autres et maugré luy il disoit aucunes choses qui tournoyent a sa louange, non pas pour soy louer, car il en laissoit a dire le plus, mais estoit ce pour les autres edifier en bonne creance, contre la faulseté des adversaires ? (Gers., P. Paul, a.1394, 502)

Celluy qui donne faulsetez de coeur l'esmeult ; car par ses dons ou promesses a esperance de convertir le juge, quelque tort qu'il ait. (La Sale, Sale D., 1451, 42)

...et par fausseté de lui fist semblant de plourer en soy frapant parmy la poittrine (Flor. Octav., a.1454. In : Chrestom. R., 143)

Et congnoissoit le grant maistre les faulseté et mauvaistié du duc de Bourgoigne et les pratiques qui pour lors se mouvoient en France contre le roy, et ne voulut obtemperer à unes lettres que le roy luy rescripvit, dont la teneur s'ensuit (Le Clerc, Interp. Roye, c.1502, 214)

[À propos d'une chose qui manifeste cette déloyauté]

...par fausseté de trahison (Foul., Policrat. B., III, 1372, 214)

...maistre Robert Mauger, de par la Court, presens icelles IJ Chambres dessusdictes, prist la parole de l'appostre (...) en debatant lesdictes lettres de falseté, surreption et iniquité, contre l'onneur mesme des presidens (Baye, I, 1400-1410, 151)

Sans (nulle) fausseté

J'aim miex languir en ma dure dolour Et puis morir, s'Amour le prent en gré, Qu'avoir mercy, se ce n'est à l'onnour De vous, dame, que j'aim sans fausseté ; N'oncques en moy n'ot autre volenté Ne ja n'avra, pour peinne que j'endure, Et me fussiés .C. mille fois plus dure. (Mach., Bal., 1377, 542)

Et quant Amours à li amer m'encline, De vray desir et d'umble volenté, Et je l'aim tant qu'onques mes cuers ne fine De li servir sans nulle fausseté, Merci li pri, qu'elle ait de moy pité, Par si qu'en li ne voie amenuisier Les biens que Dieus et Nature ont plus chier. (Mach., L. dames, 1377, 24)

Ne ma dame n'en ha nulle pité, Et si scet bien que je langui à tort Pour li que j'aim sans nulle fausseté ; Dont tel doleur prent en moy son ressort Que ma joie morte en est et fenie. (Mach., L. dames, 1377, 64)

Et puis que j'aim sans fausseté, A loy de tres loyal ami Qui vueil faire tout vostre gré, Pour Dieu, à mains jointes, vous pri Que de vous ne soie en oubli... (Mach., L. dames, 1377, 152)

...ariez vous après cognoissance, en moy tenant loyaument sans faulseté ce que m'avez promis ? (C.n.n., c.1456-1467, 294)

Je vous diray la verité, Car ad ce faire me dispose, Monsieur, sans nulle faulceté. (La Vigne, S.M., 1496, 519)

[Personnification]

Remarque : CH. D'ORLÉANS, Rond. C., 1443-1460, 488.

B. -Par métonymie. [Comme acte] Tromperie, déloyauté commise, trahison ; acte contraire à la morale, acte pervers.

1.Tromperie, déloyauté commise.

Je di einsi : Consideré a droit L'entention de Raison ci endroit, Et les raisons de vous qui volez droit, Et Loiauté Qui en a dit la pure verité, Ne n'i chasse barat ne fausseté, D'Amours aussi qui en a bien parlé, Et de Juenesse, Que cils amans sueffre plus de tristesse, Et que li maus d'amours plus fort le blesse Que la dame... (Mach., J. R. Beh., c.1340, 130)

Encor y ot une cautelle Qui est de traïson ancelle, Pour mieux la fausseté couvrir, Que je vueil dire et descouvrir. (Mach., P. Alex., p.1369, 185)

Irbouga, dont je vous devise, Avoit ordené la devise De ceste tres grant fausseté. En Chypre avoit IJ. fois esté, Avec celui qui retournoit Et qui les chetis ramenoit. (Mach., P. Alex., p.1369, 186)

Tous lesquelz, attendu l'estat dudit prisonnier, les larrecins par lui fais et commis, et reiterés par plusieurs et diverses fois, avec la traïson et fausseté par lui commise contre sondit maistre, et la valeur desdiz larrecins, delibererent et furent d'oppinion que l'en ne le povoit espargnier qu'il ne feust executez comme un très-fort larron. (Reg. crim. Chât., I, 1389-1392, 293)

...attendu la mauvaise renommée dudit prisonnier (...) les continuacions et perseveracions de faussetez et larrecins par lui commises et reiterez par plusieurs et diverses fois (Reg. crim. Chât., II, 1389-1392, 493)

S'un petit hault contre eulx parlassent, Ou leur denree ne donnassent, Pour tel marchié, comme il leur pleust, Deissent que faulceté y eust. (Chr. Piz., M.F., II, 1400-1403, 60)

...ceulz qui avoient esté deceupz par la fraude et malicieuse faulseté dudit duc. (La Sale, Salade, c.1442-1444, 36)

LE CAPPITAINE. Ilz sont donc fourrez de malice ? FINE MINE. Sainct Jehan, il en y a plusieurs En l'ostel de ces grans seigneurs Qui en ont fourrez (le) nos cotelles, Et, par faulcetez et cautelles, Font ce qu'il veuillent a tous coups. (Sots mal., c.1480, 83)

Trahison, traîtrise.

En la fin vengie seras De celui qui par fausseté T'a mis sus la desloiauté Pour quoy Oston a vers toy guerre. (Mir. Oton, c.1370, 356)

Adonqes comencea fauxetée Et traisons a governer (Héraut Chandos, Vie Prince Noir T., c.1385, 153)

...et adonqes comencerent fauxitées et traisons entre les seigniours du pais (Héraut Chandos, Vie Prince Noir T., c.1385, 153)

Puis disoit a ses trois filles en plourant : Filles, veez vous la le pays ou vous fustes neez et ou vous eussiez eu vostre partie, ne feust la fausseté de vostre pere, qui vous et moy a mis en grant misere sans fin jusques au jour du Hault Juge, qui punira les maulx et essaucera les biens. (Arras, c.1392-1393, 11)

...une escripture (...) injurieuse à la justice du Roy, à la police et bien commun de son royaume, contenens sedition, ouvrans voie à parjuremens et homicides, à flentez [l. faulsetez] et trahisons et à tous autres maulx [Par une erreur de lecture sur la forme fletez, l'éd. transcrit flentez au lieu de faulsetez ou falsetez ; cf. les abrév. lat. : fli = falsi, fla = falsa, etc.] (Baye, II, 1411-1417, 260)

PILATE. (...) Las, j'ay fait ung moult grant peché, Laissent justice et equité ! L'iniquité De ces Juïfz, Par faulceté Qu'ilz ont surmis, - a Jhesus m'a fait ce mal faire ! (Pass. Auv., 1477, 276)

Pour ce soit advertissement aux roys de France et François pour jamais, de non aver fiance ne foy en langue lombarde, car si je vouloye reciter les inumerables traïsons et faulcetés, que d'icelle part sont issues, il ne seroit en piece fait. (Simon De Phares, Astrol., c.1494-1498, f° 151 v°)

Faire fausseté. Tromper.

Et Loiauté Si li deffent a faire fausseté. Mais s'il eüst par mon conseil ouvré, Quant sa dame ot nuef ami recouvré, Il n'eüst pas Continué l'amour... (Mach., J. R. Beh., c.1340, 122)

Faire (une) fausseté à qqn

Ma treschiere et souveraine dame, on m'a dit que vous vous doubtés de moi que je ne vous fasse fausseté (...). Et vous plaise savoir que je ne le vorroie mie ne porroie ne daigneroie faire nés que li plus grans homs du monde. Et s'il advenoit, dont Dieus me gard, je seroie li plus faus et li plus traitres qui onques fut, et plains de mauvais pechié d'ingratitude - c'est rendre mal pour bien. (Mach., Voir, 1364, 168)

...car vous savés que les amours de vous et de moi ont esté sceues de pluiseurs bonnes personnes, que, se il savoient que elles fussent departies, il cuideroient que je vous eusse fait fausseté ou que vous eussiés trouvé en moi aucune mauvaisté ou folie pour quoy l'eussiés fait. Et certes, s'il estoit ainsi, je me tenroie pour la plus deshonneree qui soit au monde, ne jamais n'aroie bien ne parfaite joie. (Mach., Voir, 1364, 672)

Si ay perdu tout bien, toute douçour, Joie, soulas, geu, ris, esbatement, Mon doulz espoir, mon deduit, mon labour, Pour bien servir et amer loyaument. Amans, n'est-ce pas pitié, Quant onques je ne li fis fausseté ? Mais pour ce espoir que je ne li plais mie, Elle me het et est mon ennemie. (Mach., App., 1377, 653)

Lors Melusigne lui demanda : Ma dame, quelle faulseté vous fist nostre pere pour quoy nous avons ceste griefté ? (Arras, c.1392-1393, 11)

...j'aymeroie plus cher morir mille foiz, si possible m'estoit, que d'avoir fait a ma dame si grande faulseté. (C.n.n., c.1456-1467, 177)

Faire fausseté vers qqn

S'il fust ferus de .II. espiés Parmi le corps, il ne fust mie Plus dolans qu'il est pour s'amie De ce qu'on li a raporté Que vers li a fait fausseté. (Mach., Voir, 1364, 700)

Et s'aucuns ont vileinnement parlé A li de moy, je les met tous au pis Qu'onques vers li feïsse fausseté N'envers autrui, n'il ne doit leurs faus dis Tost croire ne li mouvoir, Eins doit avant la verité savoir. (Mach., Bal., 1377, 551)

2.Par extension. Acte répréhensible, contraire à la morale.

...et faisoit mettre les hommes d'un costé et les femmes de l'aultre et tendre une corde entre deux, pour ce qu'il disoit avoir veu entre eulx aucune fausseté, en faisant lesdictes prédicacions. (Monstrelet, Chron. D.-A., t.4, c.1444-1453, 305-306)

Acte pervers, criminel.

Monseigneur mon maistre, qui avez perdu vostre très cher et parfait amy ; et aussi, pour ce que vous qui estes vivant et luy estiés mes maistres droicturiers, je vous amene les meurdriers de leur maistre et seigneur, pour estre pugniz comme on doit faire à telz gens, pour donner exemple à toutes gens usant de ceste faulceté. (Le Clerc, Interp. Roye, c.1502, 286)

C. -Caractère pernicieux de qqc..

...depuis la passion Nostre Seigneur Dieu Jhesucrist, toutes ydolles, toutes fantosmes et toutes dyableries perdirent incontinent leurs malvaistiez, faulcetez et tricheries, de quoy les dyables decepvoient les gens (La Sale, Salade, c.1442-1444, 125)

Et combien que ledit d'Armignac fust souffisamment adverti de laditte fauceté, neantmoins il ne se desista de tenir saditte seur et acomplir sa dampnée luxure avec elle. (Le Clerc, Interp. Roye, c.1502, 331)