ERREUR

substantif masculin et féminin

[T-L : error1 ; GD : erreur ; AND : errur1 ; FEW (III, 241) : error ; TLF (VIII, 95a) : erreur]

A. -Action d'aller à l'aventure, errance.

1.Au propre.

...il li a donné [à Énée] a mariage une fille que il avoit seule heritee, qui estoit appelé Lavinie ; lequel mariage a esté ferme foy et esperance auz Troyens d'estre venus en certains sieges pour habiter et que leur longue erreur et vagabilité devoit estre fenie. (Bers., I, 1, c.1354-1359, 1.10, 5)

2.Au figuré. Incertitude, perplexité, hésitation, doute ; embarras, trouble.

Incertitude, perplexité, hésitation, doute.

Per la foid que je doie a Dieu mon Creatour, Avis m'est que je voye Harpin le duc d'onnour. Je croy que cez niez estes ou filz de sa serour. Pour Dieu, car me getés s'i vous plait de l'esrour. (Lion Bourges K.P.F., c.1350, 147)

S'i avoit un trop grant meschief, Car il n'estoit qui sceüst chief D'oster l'erreur et la doubtance, Ne de savoir la difference, Li quel estoient fin amy D'Amours, ne li quel anemy. (Mach., D. Lyon, 1342, 219)

Quant Johans l'entendit, si fut en grant errour (JEAN D'OUTREM., Geste Liège B.B., t.2, a.1400, 590)

Et maintenant me faillent bras et mains ; Romains, Germains, Dont me vient cest erreur ? Je hue et pleure et crie soirs et mains (Molinet, Faictz Dictz D., 1467-1506, 149)

Sans erreur. Sans hésitation.

Ainsy li doy amant furent en grant baudour, Et quant en lieu secret estoient nuyt et jour, Ensemble demenoient leur deduit sans errour Ainsy qu'aprins avoient (Tristan Nant. S., c.1350, 296)

Atant fiert sens errour Dedens le plus espès, car mult ot grant vigour (JEAN D'OUTREM., Geste Liège B.B., t.1, a.1400, 636)

Embarras, trouble.

Sire roys de Surie, nous sommes en esrour De laissier nostre loy pour emprendre pïour (Bât. Bouillon C., c.1350, 78)

Trouble, peine, chagrin.

En celle heure, sans plus attendre, Si seroit il reconfortez Et soustenus et deportez En esperence d'eschaper ; Lors ne le porroient taper Male errour [var. mal neueur] , ne desesperence, Tant comme il aroit esperence ; Qu'esperence le conduiroit Jusqu'a tant qu'il trespasseroit. (Mach., J. R. Nav., 1349, 211)

Haÿ ! Mahon, dist il, con je suis plain d'errour, Quant celui ay perdu ou tant a de valour. (Tristan Nant. S., c.1350, 411)

Car je me doubt que ses cuers pourveüs Ne soit d'ami ; ce me tient en errour. (Mach., L. dames, 1377, 18)

Mouvement de fureur.

CENTURION. ...nous sommes garde et deffence Pour reprimer la violence Et por deffendre la police, S'i survenoit erreur ou vice Cedicion ou bruyt de gens. (Michel, Myst. Pass. J., 1486, 300)

[D'une chose qui fait peur] Mettre qqn en erreur. Susciter chez qqn des idées tout à fait fausses qui augmentent sa peur.

...il n'est homs qui peust descripre Du lieu l'espouentable horreur, Qui tant est grande qu'en erreur Mectroit ceulx, qui sont trespassens Celle part, et tous hors du sens (Chr. Piz., M.F., I, 1400-1403, 102)

B. -Égarement, faute (dans le domaine intellectuel, dans le domaine moral, dans le domaine de l'action...).

1.Fausse opinion, fausse idée, méprise.

L'estature que ci propose Estre ne me samble autre chose Que Fortune qui ne repose Heure ne jour. La teste a d'or, se dire l'ose, Ou toute richesse est enclose, Ce samble aus musars qu'elle alose, Qui en errour Vivent tele qu'il n'est gringnour ; Qu'elle n'a pooir ne vigour De donner, fors peinne et labour. (Mach., R. Fort., c.1341, 37)

Après tu ne fais chose nulle Dont joie en ton cuer tant s'anulle, Ne dont tu aies tant d'irour, Comme de vivre en telle errour Que tu tiens ta dame pour fole ; Et ce te destruit et affole (Mach., R. Fort., c.1341, 65)

Mais quant ce vint tout au plus fort Regret, en moy mis un effort, Par quoy d'erreur me destournay Et vers bonne Amour me tournay, Pour fuïr lamentations. (Mach., D. Aler., a.1349, 291)

J'ay fui tenébres (...) Pour la vraie lumiére avoir, Et l'erreur par quoy j'ay mespris Ay laissié (Mir. Barl. Josaph., c.1363, 276)

Si que li juif, par folour, Vivent en trop grant errour. D'une pierre sans liquour Moyses faisoit Yaue issir qui decouroit, Dont un peuple soustenoit ; Sa verge en serpent muoit ; Ce scevent plusour. (Mach., Les lays, 1377, 401)

Et la cause est car la principe est plus grant en vertu que en quantité et pour ce, l'erreur qui est bien petite au commencement et ou principe est en la fin moult grande. (Oresme, C.M., c.1377, 98)

Et mon entencion est de les reciter [toutes choses] loialment et examiner diligeanment en monstrant les deffautes d'aucunes de elles en rayson naturelle, pour oster occasions d'aucunes grandes erreurs en la foy catholique. (Oresme, C.M., c.1377, 186)

Et se par elle [une intelligence] le feu est de vie intellective, ce dire est une absurdité en philosophie et aproche de l'erreur d'aucuns anciens de Caldee qui aoroient le feu. (Oresme, C.M., c.1377, 318)

...esperant aussi que ceste ellucidacion vous donnera congnoistre et entendre la grande differance d'icelle vraye science d'astrologie et des ars divinatoires et supersticieux (...) et l'erreur et ignorance de noz detraiteurs, laquelle differance jusque à cy n'a esté entendue, sinon par ceulx qui ont voulu veoir et congnoistre que c'estoit des bonnes sciences et des mauvaises (Simon De Phares, Astrol., c.1494-1498, f° 5 v°)

Faute de calcul.

Aussi lon [l. l'on] doit savoir que le quotiens ne se doit poser si non jusques alendroit de la derreniere figure du partiteur car aultrement il en sortiroit erreur ... (Nic. Chuquet, Triparty M., 1484, I, 601)

Sans erreur : Sans idée fausse, parfait.

Et la nostre estre ne sera plus en peril de mort, nostre congnoissance sera sans erreur, et nostre amour sera sans offense. Et ainsi nostre ymage sera parfaicte et serons vestus comme le filz prodigue de lestole de gloire et de immortalite (Cib., p.1451, 205)

Mettre qqn en erreur

Et oultre vuelt [Jésus] par son oultrage Extordre le droit de no temple, Tout le pays de bourdes emple Et mect simples gens en erreur. (Marcadé, Myst. Pass. Arras R., a.1440, 142)

Au pluriel. Illusions, idées fausses (inspirées par qqc., ici le monde).

La tierce cause fust pour preschier de fait contre les erreurs du monde. Le monde par avant louoyt plaisances mondaines en toutes choses ; es richesses : le tres riche est icy povre ; es honneurs : le tres honneste est icy sans honneur ; es delices charnelz : toutes il les reffusa pour avoir froit, fain, doleur et mort. (Gers., Noël, p.1404, 295)

2.[Domaine de la morale, de la conduite]

Attitude, conduite contraire aux principes religieux, moraux, faute morale.

...Comment Bonne Amour hautement Est uns clers solaus, telement Qu'engiens, avis, appensemens, Ne nuls humains entendemens, S'il n'estoient purefïé Et de toute erreur nettïé, Les rais resgarder ne porroient, Et que plus s'en efforceroient, Plus trouveroient leur contraire. (Mach., D. Aler., a.1349, 347)

Signeurs, n'aiez doubtance De la planté, de la puissance Des anemis Dieu, ne freour, Qu'il vivent en si grant errour, En tel pechié, en tel misere, Qu'il ne congnoissent Dieu le pere, Ses commandemens, ne sa loy. Pour ce vous di, en bonne foy, Que Dieus tous les desconfira... (Mach., P. Alex., p.1369, 66)

Et pour ce, epyeykes est juste chose et meilleur que aucun juste. Et non pas meilleur que quelconque juste universelment, mais il est meilleur que celui juste ou droit ou il peut cheoir pechié et erreur, par ce que il est baillié simplement et universelment. (Oresme, E.A., c.1370, 325)

...car en science, il ne chiet ne pechié ne erreur (Oresme, E.A., c.1370, 349)

Et neent moins en ce peut advenir pechié et erreur et peu souvent (Oresme, E.A.C., c.1370, 319)

Luxure et vin, lecherie et perte de temps en oyseuse confondent le sens et mectent homme en erreur, et en fin le terminent à neant. (Chr. Piz., Paix W., 1412-1413, 174)

Imposture, tromperie.

Chi n'a mençongne ne errour, Car pour otel je le vous livre Qu'Ovides le met en son livre, Qui fu sages et grans assés, Et croi qu'il n'euïst ja passés Tels recors ne mis en memore, Se vraie ne tenist l'ystore (Froiss., Pris. am. F., 1372-1373, 103)

Jhesus disoit en son vivant Qu'aprés sa mort suscitaroit Le tiers jour, et tout temps vivroit. Pour ce nous creignhons maintenent Qu'on le vaise secretement Rouber et puis qu'on die Qu'il soit ressussité en vie, Et lors sera l'erreur plus grant. (Pass. Auv., 1477, 272)

Aveuglement.

Entre les autres Jupiter faisoit merveilles par son bien faire. Il bouta Lichaon en une grant herreur d'envye. Et celle envye l'esmeut pour venir lui courre sus (LEFÈVRE (R.), Hist. Troyes A., c.1464, 149)

[D'une pers.] Plein d'erreur. Qui trompe, qui abuse ; malicieux.

Il fu ung docteur en loix et en decret, plain d'erreur, appelle Bald, qui pour prolongier les plaiz, compousa un grant livre remply de cautelles, qui empeschent a venir au principal, [et] dit ainsi en substance que cellui n'est pas bon advocat qui ne maintient une cause trente ans avant que on puisse venir au principal. (Mézières, Songe vieil pèl. C., t.1, c.1386-1389, 477)

Mais ung point y a plus grevain, Que les faulx Juïfz plains d'erreur Y ont mis gardes [au sépulcre du Christ] par fureur, Dont approcher n'y oserons. (Myst. Pass. Troyes B., a.1482, 836)

Sans erreur. Sans chercher à tromper.

Pour ce qu'en vous voy gens honnestes, Je vous diray voir sanz erreur : Escuier sui a l'empereur (Mir. fille roy, c.1379, 63)

[En position d'adj.] Qui est dénué de tromperie, d'imposture.

Mettre qqn en erreur. Tromper qqn.

Ainsi aux autres mousterray Conment se devront entremettre De fil de roy en erreur mettre Ne decevoir. (Mir. Barl. Josaph., c.1363, 282)

[D'une chose]

Contribuer à tromper qqn.

Pour ce maudi les yeus dont je vous vi, L'eure, le jour et le tres cointe atour, Et la biauté qui ont mon cuer ravi, Et le plaisir enyvré de folour, Le dous regart qui me mist en errour, Et loyauté qui sueffre et a souffert Qu'en lieu de bleu, dame, vous vestez vert. (Mach., L. dames, 1377, 219)

Mettre qqn en état de commettre une action incorrecte.

Et si maudi Fortune et son faus tour, La planette, l'eür, la destinée Qui mon fol cuer mirent en tel errour Qu'onques de moy fu servie n'amée. (Mach., L. dames, 1377, 192)

Mettre qqn en erreur de + inf. Induire qqn à (faire qqc. de répréhensible').

Franchise est tout entour Et autres biens plusour, Qui gardent le contour Qu'il n'i veingne laidour, Ordure ne puour, Espine ne liquour, Ne racine ne humour, Qui le mette en errour De penser villain tour Contre mon droit signour à qui toudis retour. (Mach., Vez ci, 1364, 274)

3.[Domaine de l'action]

Fait de se tromper, défaut d'appréciation (face à telle situation).

...car toute erreur qui est faicte en diete est plus grant tousjours quant il decline vers la soubtille diete que vers la grosse (Saint-gille, A.Y., 1362-1365, 54)

Les grans provinces conquesterent, Martirs pour Jhesucrist regnerent, Verité preschierent et foy [les premiers apôtres] , Mourens de faim, mourrans de soy, Nuz piez, deschaux et mal vestus Alerent, et maintes vertus Fit Dieux pour eulx et leurs sergens. Ilz ne doubterent nulles gens, Mais en tous lieux ou ilz venoient, L'erreur des princes reprenoient (Desch., M.M., c.1385-1403, 166)

Toutevoie est on venu se semble en une plus grant erreur et plus perilleuses au regard du salut des armes, car on contrainct par une maniere oblique les prelas a donner, veullent ou non, lesdis benefices (Juv. Urs., Nescio, 1445, 489)

...mais estre roy n'est pas chose que on doye reputer heritage, et si est une dignité, comme dit est, pertinent a toute la chose publicque, qui ne peult ou doit cheoir en femelle, car de dignitez, offices, administrations publicques femmes sont et doivent estre deboutees selon les droitz, et est leur nature et condition communement contraire a celle que ung roy doit avoir, et est ung erreur de dire que une femme feust royne de France de son heritage, consacree de l'uylle de la sainte ampole. (Juv. Urs., T. crest., c.1446, 43)

...et seroit ung erreur que le droit qui ne fut oncques acquis a la dicte Ysabeau feust transferé a son filz. (Juv. Urs., T. crest., c.1446, 50)

Toutesfois, ayant le duc de Bourgongne la puissance telle que je vous ay dicte, et l'armée du roy d'Angleterre fust venue au commencement de la saison, comme elle eust sans nulle doubte, n'eust esté l'erreur du duc de Bourgongne de soy mectre si obstinéement devant Nuz, il ne fault pas doubter que ce royaulme n'eust porté de très grans affaires. (Comm., II, 1489-1491, 10)

Car, sans nulle difficulté, si son plaisir eust esté que nostre roy eust continué le propoz qu'il avoit de luy mesmes advisé avant la mort dudict duc, les guerres qui ont esté depuis et sont ne fussent point advenues. Mais nous n'estions encores envers luy, tant d'ung costé que d'autre, dignes de recevoir ceste longue paix ; et de là procède l'erreur que feït nostre roy, et non point de la faulte de son sens, car il estoit bien grand, comme j'ay dit. (Comm., II, 1489-1491, 172)

Faire qqc. par erreur. Faire qqc. par inadvertance, sans réfléchir.

...ouquel papier [de compte] par errour ont este [l. esté] couppez et rompuz deux feillez non escriptz et ne servant de riens (Comptes Lamballe C.-L., 1455-1458, 23)

Erreur de qqc. Faute de jugement commise dans le cadre de qqc. (la guerre).

Ceulz qui errent en toutes choses sans raison, tout ce puet amender fors que es erreurs des desordonnees guerres et batailles, ausquelz n'est nulz qui s'i peust opposer, car la peine incontinent ensuit son mesfait. (La Sale, J.S., 1456, 33)

4.En particulier. DROIT

a)Vice dans un procès, un jugement.

...IX autres avoient esté d'oppinion de pranre ledit expedient, autrement que l'en deist que oudit jugement n'avoit point d'erreur et qu'il avoit esté ceans bien jugé (Baye, I, 1400-1410, 272)

...avez veu que une telle matiere, qui est d'erreurs, ne se fust peu si bien decider sur la fin du Parlement comme au commancement, où la court est en plus grant nombre. (Lettres Ch. VIII, P.M., t.5, 1496, 104)

Proposer erreur (d'une sentence). Dénoncer un mauvais jugement, une erreur d'interprétation.

...nonobstant que Bureau de Dompmartin, son cousin, et changeur, eust proposé erreurs d'une sentence donnée par certeins reformateurs generaulz (Baye, I, 1400-1410, 75)

Et, au regard des poisons, furent appoinctez contraires, de quoy elle proposa erreur et consigna VIxx livres parisis. (Roye, Chron. scand., I, 1460-1483, 157)

b)En particulier. [À propos de mariage] Vice qui peut rendre le contrat annulable.

Erreur (de personne)

Notez que sept empeschemens sont en mariage, comme il appert par ces lettres ensieuvans : Erreur, condition, veu, cognation, pechié, disparité de religion, ordre, ligation, honnesté, parenté, impuissance de habiter ensemble. Erreur, c'est quant ung homme par parole de present ou de futur et advenir contrait avec une femme nommee Katherine de tel estat, de tel eage, et on lui en baille une autre. C'est erreur de personne bailler une personne pour l'aultre en mariage. (Sacr. mar., c.1477-1481, 48)

Erreur de qualité

...[si un vilain] viengne a une femme noble en lui disant : Je sui filz de roy ou de prince ou de duc, et la femme n'aura nulle congnoissance de lui, et il contrait avec celle femme, et elle cuide qu'il soit filz de roy, pour tant elle ne sera pas deceute. Et tendra le mariage, ce ne sera pas erreur de personne, mais erreur de qualité qui n'empesche pas le mariage. (Sacr. mar., c.1477-1481, 50)

Erreur de condition

Au contraire conclusivement a parler, erreur de condition deteriore ou male et servile empesche le mariage, mais erreur de condition de pareille ou meilleur condition ne l'empesche pas, comme se le serviteur et serf contrait avec une meschine qu'il cuide estre libere et franche, ou avec une franche qu'il cuide ancelle ou serve, il n'est pas deceut et le mariage tient. (Sacr. mar., c.1477-1481, 50)

5.ASTR. Sans erreur

Pour ceste cause fu ceste .IXe. espere des anciens en grec appellee 'aplanos', c'est a dire sans erreur. Car avecques ce qu'elle est de tres simple sustance tres egal et une (Evr. Conty, Harm. sphères H.P.-H., c.1400, 11)

Remarque : G. Verbeke, in : La Lexicogr. du lat. médiév. (Colloque), 1981, 280 attire l'attention sur la synon. établie dans les trad. lat. de la Métaphysique d'Aristote entre les termes aplanus, non erraticus et que sine errore, synon. qui se retrouve dans les trad. fr.