DERISION

substantif féminin

[T-L : derisïon ; GD : desrision ; GDC : derision ; FEW (III, 49b) : derisio ; TLF (VI, 1208a) : dérision]

A. -Moquerie, raillerie méprisante.

Et pour ce, en signe de dérision et de mocquerie, ala cheux les serrusiers amasser toutes les vielles clefs qu'il peut trouver, dont et desquelles il envoya faire présent à ce poursuivant. (Chart. J., Chron. Ch. VII, V., t.2, c.1437-1464, 103-104)

Aucuns de ce conseil le prindrent à derrision, tant pour cause de son petit estat que des termes qu'il tenoit (Comm., II, 1489-1491, 178)

Raillerie qui fait souffrir.

Et les corps du connestable, du chancelier, et de Remonnet de La Guerre furent tous desnuez et mis et liez ensemble d'une corde par trois jours, et là les traynoient de place à autres les mauvais enfans de Paris. Et avoit ledit connestable de travers son corps en manière de bende ostée de sa pel environ deux dois de large par grande desrision. Et furent en cest estat miz sur une cloye à ung cheval dehors Paris, et enterrez en une fosse nommée la Louvière avecques les autres. (Monstrelet, Chron. D.-A., t.3, c.1425-1440, 271)

Las ! ve cy grant derision Qu'on fait souffrir au bon Jhesus ! (Marcadé, Myst. Pass. Arras R., a.1440, 185)

...je t'amainne Fromon Qui ton pere murdri par se derisïon (Jourd. Blaye alex. M., a.1455, 487)

À/en derision. En signe de raillerie et de mépris.

J'en dy, beaus amis, c'on la devroit lyer sur un asne, le viz devers la queue, et mener par la ville a grant desrision. (La Sale, J.S., 1456, 305)

Et oudit champ, nommé les pleines Saint-Albons, fut tué ledit duc de York ; et, après qu'il ot esté tué, lui copperent la teste, laquelle ilz mirent au bout d'une lance ; et autour d'icelle teste lui mirent une couronne de feurre en figure de couronne royale, en desrision de ce qu'il se vouloit faire roy dudit royaume. (Roye, Chron. scand., I, 1460-1483, 15)

Par (maniere de) derision. Pour railler, pour se moquer, en raillant, en se moquant.

Or vous dirai qui meut le prince à ce faire : li aucun poroient dire que il le fist par manière de derision. (Froiss., Chron. L., V, c.1375-1400, 39)

...pour ce que les gens dudit seigneur de Novion avoient dit et deffendu à icelle prisonniere que doresenavant ne venist en l'ostel dudit sire de Nouvion, et par maniere de desrision, et pour faire blasme et diffame audit sire de Nouvion, avoit mis sur le bras dudit enfant un rolle ou escriptiau ouquel avoit escript : Cest enfant est filz messire Jehan Le Mercier, sire de Novion. (Reg. crim. Chât., II, 1389-1392, 120)

Si fait bon oÿr exemplaire Et bonnes vertus raconter, Dont on puet par raison monter En l'estat de perfectïon. Et cil qui par derisïon Ou par rudesce n'en a cure, Je doubte que de sa nature Il ne soit de pou de vertu. (Gris., 1395, 2)

... [maintes gens] les alleguent [les Evangiles des Quenouilles] plus par derrision et en mocquerie qu'ilz ne font par affection qu'ilz ayent a la grande substance qu'elles contiennent (Ev. Quen., I, c.1466-1474, 77)

Ilz tuèrent ledict maistre Robert, present ledict evesque, et en feïrent plusieurs pièces qu'ilz se gectoient à la teste l'ung de l'autre, par grant derrision. (Comm., I, 1489-1491, 132)

Et la jadis avoit ung grant lÿon De mabre blanc, qui entre ung million Souloit porter de Florence les armes, Mais abatu fut par derision Du temps qu'entr'eulx ilz firent leurs alarmes. (La Vigne, V.N., p.1495, 205)

Par derision de qqn

Je vous done pleyne poyssance De leur feyre copper leurs testes In après par derysion De celluy qui tiennet la foy (Oudin, St Genis M.S., c.1490, 57)

Avoir qqn en derision. Tourner qqn en ridicule.

Et pour ce, se un homme d'estrange terre ne fait pas les honeurs et reverences a la maniere de cest paÿs, se l'en l'a pour ce en derision, c'est simplesce et ignorance. (Oresme, E.A.C., c.1370, 459)

Bouter qqn en derision. Tourner qqn en ridicule, le bafouer.

Boute tous crestïens en grant derisiom, En grant murtrerie et en confusion, Et garde que de ce tu n'ayes ignorance. Fay leissier au crestïens toute devociom Et qu'il soient tous en dezeperance, Et boute tout a persecuciom. (Myst. st Sébast. M., c.1450-1500, 66)

[De pers.] Estre fait en derision. Être méprisé.

...car parce qu'il vivent delicieusement et en acomplissant leur concupiscences, il sont fait de legier en derision, et les a l'en en despit et en indignation. (Oresme, Pol. Arist. M., c.1372-1374, 240)

B. -Par métonymie.

1.[Souvent au plur.] Ce qui est fait ou dit par dérision, pour railler, pour se moquer.

...il [Ignace] despit Et nostre loy et touz noz diex, Et s'en moque presens mes yex Et en fait ses derrisions (Mir. st Ign., 1366, 110)

Et celui qui a ceste vertu ne dira pas toutes manieres de connices ou de moqueries ou derisions (Oresme, E.A., c.1370, 272)

Faire derision(s) (à/de qqn). Se moquer, tourner qqn en ridicule, le bafouer.

...Se me gart Dieu de tus bien faire, Sacies, ie fi poindre son nom, Por ly faire derizion. (Sept péchés C., c.1300-1350 [p.1478], 214)

De tieulx gens sont sages hays, Et leurs derrisions en font, Quant a leurs assemblees sont. (Chr. Piz., M.F., II, 1400-1403, 63)

Car nagaires et de nouvel lesdiz Anglois avoient fait contre lui et ses subgetz de trop grandes desrisions, en diffamant en pluiseurs lieux sa personne et son honneur. (Monstrelet, Chron. D.-A., t.5, c.1444-1453, 210)

...et faisoyent plusieurs nobles desrisions des laboureurs (Juv. Urs., T. crest., c.1446, 119)

LE SECOND MARTIR. L'en se doit bien de tel parole Mocquer et derrision faire, O mauldiz hons de put affaire, Membre du dyable et satalite, Et vaisseaul ou le dyable habite (Myst. st Adr. P., c.1450-1485, 78)

Quant Gerart ot salué la pucelle et qu'elle luy eult rendu son salu, il luy requist et prya que dire luy volsist quy avoit esté celluy par quy elle souffroit sy grant paine come d'estre en ceste fontaine nue jusques au col. 'Sire, dist la pucelle, oncques home vivant ne fist telle desrision a dame ne a damoyselle ne pour sy pou d'occasion...' (Gérard de Nevers L., c.1451-1464, 100)

...Sem et Japhet eurent seigneurie sur les aultres et furent anobliz pour tant qu'ilz n'avoient fait derision de leur pere, comme Cham, lequel demoura en servitude et en rusticité. (Bueil, II, 1461-1466, 69)

Faire derision de qqc. Tourner qqc. en dérision.

Aucuns moins devos a l'eglise font derrision de ceste extencion (Jean Golein, Rational B.D., c.1370-1372, 352)

2.[À propos d'une chose, d'un état de choses, d'une situation]

a)Ce qui est ridicule, méprisable.

Amis, garde toy de tel mat Et ne te met a portion, Car ce seroit desrision [var. derision, derrision] , Qu'on ne scet en tele aventure Com longuement la chose dure. (Mach., C. ami, 1357, 120)

Item, c'est une derision de causer et acuser les choses de dehors nous et non pas acuser soy de ce que l'en se rent bien venable (Oresme, E.A., c.1370, 178)

Et se ilz ne ont en eulz tele dignité ou valeur, leur dit est une derision. (Oresme, E.A., c.1370, 431)

Item, dire que feu est de tele figure pour ce que de sa nature il divise les choses, ce est une derision, car sa nature est plus congreger et assembler que separer ne diviser, car il depart et separe les choses qui ne sont pas d'une espece ou d'une maniere et assemble celles qui sont d'une nature. (Oresme, C.M., c.1377, 652)

Une derision de + subst. Une parodie de.

Et toutesfois veult il maintenir que sans confession de son forfait et sans demander grace vous lui avez remis ; qui est contre tout droit et raison, une chose délusoire et à proprement parler une vraie derrision de justice, c'estassavoir pardonner et délaisser à ung pécheur sans congnoissance de son forfait, sans contricion, sans pénitence et sans de ce faire requeste ne quelconque supplicacion. (Doc. 1411. In : MONSTRELET, Chron. D.-A., t.2, c.1425-1440, 136)

b)Situation où l'on se sent moqué, insulté.

Onques mais telle guerre, ce croi-ge, ne vit on. Frères, parens, cousins et voisins à bandon Sont chi l'un contre l'autre ; c'est grans desrisions (Geste ducs Bourg. K., c.1410-1419, 479)

Car ilz [ceulx qui gouvernent entour le Roy] ne sont point telz hommes qu'ilz doivent avoir telle auctorité, ne pas leur est deue, pour lignage, science, loyaulté, expérience ou autre bonté. Mais est une grant ordure ou desrision que par gens de si petit fait et condicion, la puissance des Anglois soit reboutée et enchacée, et à ce doivent bien avoir regard les seigneurs et les nobles de ce royaume et tous autres preudommes, de souffrir telle besterie et ordure de se laisser ainsi destruire, suppéditer et deshonnorer par telz gens qui riens ne scèvent, ne riens ne pevent ne ne valent. (Doc. 1417. In : MONSTRELET, Chron. D.-A., t.3, c.1425-1440, 201-202)

...et y devés bien adviser quelle moquerye et derrision seroit se le peuple de ce royaume congnoissoit et veoit que en eussiés le conseil (Juv. Urs., Verba, 1452, 313)

La truande nous a gastez Et mis en desolacion ; Mes luy chanteray ses pastez En sa grande confusion. Il n'est plus d'aultre mencion Que des faiz et vertuz d'icelle, Qui est une derision, Disant tous que c'est la Pucelle. (Myst. siège Orléans H., c.1480-1500, 445)

Le curé de nostre paroisse Vous dist que le saint temps aproche Et que le jour de pasque vient, Et que purger il se convient Par tres vraye confession. Je le dy pour ung compaignon Qui se fait Rifflart appeller, Oncques n'eut vouloir d'y aller, Ce luy semble desrision. (C. Riffl., c.1480-1520, 58)

C. -Par analogie.

1.Tort, dommage causé par une attitude railleuse et méprisante, par une situation où l'on se sent moqué, par une attitude excessive ; p. ext., tort, dommage.

Toutes s'agenoillerent pour Dieu doner louange Et li crïent marci des molestations Et des granz batemanz et des derrisions Qu'elles havoient fait a la dame tres sainte. (Gir. Ross. H., c.1334, 179)

Il cuidera que j'aie fait la desrision, Ou que je l'aye fait faire par trahison. (Cip. Vignevaux W., p.1400, 84)

...plusieurs maulx et desrisions se multiplioient entre les seigneurs du sang royal et ceulx de leur conseil l'un contre l'autre, à la grant destruccion du royaume et du povre peuple (Monstrelet, Chron. D.-A., t.3, c.1425-1440, 130)

...en remonstrant bien auctentiquement et notablement comment l'Eglise universelle avoit par très long temps esté, et encores estoit en très grande perplexité par le discord des deux papes contendans à la papalité, disant en oultre, qu'il estoit neccessité de y mectre briefve provision, ou autrement en pourroit estre ladicte Eglise en grande dérision et destruction. (Monstrelet, Chron. D.-A., t.1, c.1425-1440, 140)

...desquelz très grant partie mouroient misérablement par force de froit, de mesaise et de famine. Et après qu'ilz estoient mors, on les portoit hors de la ville de Paris et les gectoit en aucuns fossez, et là les laissoit on menger des chiens, des oiseaulx et des autres bestes très inhumainement. Et la cause pour quoy on tenoit telle manière contre eulz, si estoit pour ce que plusieurs et diverses foiz avoient esté publiez et dénoncez par les églises et quarrefours de ladicte ville de Paris comme excommeniez. Néantmoins à plusieurs preudommes, tant nobles comme gens d'église, ce sembloit estre grant desrision de ainsi piteusement traicter ceulx qui estoient chrestiens et tenoient la foy de Jhésucrist. (Monstrelet, Chron. D.-A., t.2, c.1425-1440, 224-225)

...ce seroit trop grant desrision du pere avoir compagnie a sa fille par carnalité (Wauquelin, Manequine C.T., a.1448, 121)

Neantmoins iceulx Gantoiz (...) commenchèrent fort enchargier les officiers que ledit duc de son droit faisoit en icelle ville de Gand, comme bailli, sergens, eschievins et autres ; et en faisoient chascun jour des nouveaux, qu'ilz appelloient Hosmans, lesquelz gouvernoient ladicte ville à leur plaisir, sans tenir l'ordre de justice raisonnable. Et ausquelz officiers dudit duc faisoient très souvent de grans rudesses et desrizions (Escouchy, Chron. B., t.1, c.1453-1460, 371)

...et, quant la proposicion eult prins fin, icellui duc, moult reverendant le Roy et ceulx de ladicte ambaxade, leur fist dire et remonstrer en sa presence, bien au long, les grans faultes, abus, extorcions et desrisions que ceulx de sa ville de Gand avoient fait de long temps contre luy, ses subgez et seignourie (Escouchy, Chron. B., t.2, a.1465, 11-12)

2.Tout ce qui par son excès a un caractère dérisoire, attitude excessive vouée à l'échec.

Adont comme tous foursenés ferirent chevaux des esperons que pour en aler sur le roy Alixandre vengier leur seigneur. Quant Alixandre vit que il s'en vinrent par telle desrision, luy, qui ja estoit remontés sus Bucifal, retourna vers eulx et leur commencha a escrier en disant : 'Ha ! seigneur indiien, qu'avés vous empenset ? ...' (Wauquelin, Faits conq. Alexandre Hé., a.1440, 375)