DENONCER

verbe

[T-L : denoncier ; GDC : denoncier ; AND : denuncier ; FEW (III, 43b) : denuntiare ; TLF (VI, 1114b) : dénoncer]

A. -Denoncer qqc./qqn (à qqn). Faire savoir qqc. (à qqn).

1.Annoncer qqc. à qqn.

En Advignon mourut, la fut ensevelie. A Ganor le dist on qui chere ot esmarie, Et a ses deux enffants qui tant ont baronnie. Quant le chose leur fut contee et denoncie, Chascun de grant douleur forment pleure et larmie (Tristan Nant. S., c.1350, 632)

Ja fut le roy occis a dueil et a hachye, Quant on a a Rolant la chose denoncie, Et Naimes ensement (...) Et Ogier le Danoiz (...) Qui present i estoient en grande resverie. (Renaut Mont. B.L. V., c.1350-1400, 58)

Et en ceste esperance et en ceste foy et confiance nous vous remembrons dignement iceluy mesmez salut que Gabriel au jour d'uy vous denonça, en disant : Ave, Maria ! (Gers., Annonc., a.1400, 229)

Semiramis de Babilone laissa bien a moictié ses cheveulx a peigner, quant en les peignant on lui denonça la rebellion de sa cité, et demoura l'atour de son chief demy a point et demy desordonné jusques a ce qu'elle eust par povoir d'armes sa cité mise en subjection. (Chart., Q. inv., 1422, 16)

Annoncer publiquement qqc..

Lors conmencha a parler Conme celle qui denoncher Voloit unne molt grant mervelle ; Chascuns se tut et fist orelle. (Dame Lycorne G., c.1349-1350, 291)

En signe de ce, aprés ce que ceste joye qui seroit par tout le monde, fut denoncee par ung ange a ceste nuyt passee, dit il : 'Je vous anonce grant joye qui sera par tout le monde...' (Gers., Noël, p.1404, 293)

...souffroit à ces chevaliers cestuy emprendre [le voyage contre les infidèles] et le faire dénoncer par ses propres héraulx. (Chastell., Chron. K., t.4, c.1456-1471, 371)

Vostre messaige tout au long Accompliray, mon tres chier sire, Devant les princes qui la sont Je leur sauray a tous bien dire. A eulx je m'en voys droit de tire Denoncer voz bonnes nouvelles. (Myst. siège Orléans H., c.1480-1500, 111)

...Ihesus m'a tramis A toy que je toy denuncesse Ton salu et que j'efacesse Tous tes pechiés de cestuy livre (Oudin, St Genis M.S., c.1490, 72)

Denoncer + interr. indir.

L'une des parties, qui bien savoit que la garnison samnicienne pour ce que il n'estoient pas bien appareillié a soustenir le siege s'en devoit partir celle nuit, denonça au consul a quelle [heure] et par quelle porte li ennemi s'en devoient issir et quelle voie il devoient tenir (Bers., I, 9, c.1354-1359, 16.7, 29)

Et sur ce, l'une des parties vient sur l'autre, et se tindrent en bataille sy roydement, especielement les François contre les Sarrazins, que tous les payens furent mors et ne fut saulvé des quinze se non ung, qui s'enfuit quant il vit les aultres mourir et s'en venoit denuncier comme ilz estoient destruitz par les François. (Bagnyon, Hist. Charlem. K., c.1465-1470, 84)

Annoncer (un événement à venir).

...par le saint parler du prophete Ysaÿe Fu vo sainte venue au peuple denonchie (Renaut Mont. B.N. V., c.1350-1400, 415)

...tous les prophetes (...) leur denonçoient celle grant desconfiture, qui leur estoit a avenir (Chr. Piz., M.F., II, 1400-1403, 166)

Cestui prenostica la venue d'une commette qui denonça plusieurs prodiges, comme il dit, et assez tost après naquit à Bisance ung enfant qui avoit deux testes (Simon De Phares, Astrol., c.1494-1498, f° 101 r°)

Denoncer à qqn que. Prédire à qqn que.

Notez icy du roy Achaz qui vouloit aller en bataille, et les faulz prophetes luy denonçoient que tout irroit a son vouloir (Gers., Annonc., a.1400, 235)

Denoncer qqn. Annoncer la venue de qqn.

Or sa, de par nostre seigneur, Arme virtueuse [de Jean-Baptiste] , loués Dieu ; Et nous vous manrons en ung lieu [les limbes] Ou vous varrés les sanctz prophetes Et les sanctz peres, esqueulx estes Tramise pour denuncïer Leur saulveur [Jésus] . (Pass. Auv., 1477, 102)

[D'un animal] Denoncer qqc. Annoncer, signaler la proximité de qqc..

Si estoit la voix du peuple comme les mouetes qui par leur cry denoncent les floz de la mer, car noz parolles, que tu appelles murmure, signifioient des lors le meschief qui pour ces causes estoit a advenir. (Chart., Q. inv., 1422, 38)

2.Proclamer.

Proclamer, faire proclamer (une décision officielle, un événement important).

Adont fist le roy ung respit denoncier, Et tout contrevalz l'ost le crient escuier. (Lion Bourges K.P.F., c.1350, 943)

Et pour ce que la feste fust sceue et cogneue en toutes marces, li rois d'Engleterre l'envoia publiier et denoncier par ses hiraus en France, en Escoce, en Bourgongne, en Haynau, en Flandres et en Braibant. (Froiss., Chron. L., III, c.1375-1400, 37)

Enssi demora la trieue pour cel an entre Engletière et Escoce, et fu denonchie et publiie par les deus roiaulmes par voie et cause de plus grant seurté. (Froiss., Chron. R., XI, c.1375-1400, 175)

Faire denoncer que + sub.

...Et s'ai fait denoncier, un huralz le criait, Que ciaulz qui y vanront [au tournoi] que chescun averait Pour ly fain et awoinne (Lion Bourges K.P.F., c.1350, 34)

Denoncer + prop. inf.

En ce mesme temps que ceulx de Galles tindrent Romme (...) Archaxerxes [Artaxerxès] commanda par ses messaiges trestoute Grece a departir des armes et reposer en paix, denonçans celuy qui seroit au contraire de la paix estre requis par bataille. (Percef. I, T., c.1450 [c.1340], 110)

Denoncer qqc. à + inf. passif. Proclamer que qqc. doit + inf. passif, vouer qqc. à + inf. passif.

La tres haute auctorité de celui qui tout le monde par son filz enlumine et enseigne si denonce le gieu de tables a estre de tous fuy et le extermine de toutes bonnes meurs. (Foul., Policrat. B., I, 1372, 110)

Notifier (la décision d'une autorité) à qqn.

...et envoierent certains messaiges à ceulx dont ilz avoient parlé le jour de devant (...) leur dire et denuncer l'appointement qu'ilz avoient prins, et en quel lieu ilz se devoient rendre à eulx, et le jour. (Bueil, I, 1461-1466, 82)

...si vindrent tous a la mercy du roy de France en la forme que les embassadeurs leur avoient denuncié (Jehan de Paris W., 1494-1495, 11)

Notifier à qqn que + subj.

DIEU. Gabriel, va secretement A Theodore et li denonce Qu'elle s'apreste (...) De venir sa sus en ma gloire (Mir. Theod., 1357, 117)

...il a vacquié à aler de la ville d'Arras es villes de Haspre, au Chastel en Cambresix, Solemmes, Vittry, Bethume, Rullecourt et es marces environ denoncier de par mondit seigneur aulx gens d'armes qui illecques estoient logiez qu'ilz se trayssent au Mont Saint Quentin lez Peronne où derrainement mondit seigneur avoit ordonné son mandement (Comptes Etat bourg. M.F., t.1, 1420, 324)

Proclamer (un acte de foi, une conviction).

Aprés est figuré de troys prophetes qui furent tormentez pour le nom de Dieu qu'il avoient denuncé et adoré, le premier Ysaye fut sié, le secont Jeremie fut lapidé, le tiers Daniel fut mis en une fosse a lyons pour le devourer. (Déclar. Hyst. S., a.1449, 185)

...ung saint heremite (...) appellé Arseny, qui en troys mos enseigne la somme de toute parfection, c'est assavoir : Fuy les hommes ou compaigniez mondaines, parle pou, et te repose en Dieu. Et c'est ce qui est figuré en ceste hystoire en laquelle est le docteur, le disciple et l'ange denuncent ceste doctrine en une eschelle de degré en degré. (Déclar. Hyst. S., a.1449, 195)

3.Dire, déclarer, affirmer qqc..

Secretaire, sier toy briefment Pren du papier diligenment, S'escripras, sans riens delaissier, Ce que m'orras denuncier. (Myst. st Adr. P., c.1450-1485, 70)

[En incise] Ce vous denonce/je le vous denonce. Je vous le dis, je vous l'affirme.

Biaux seigneurs, j'é, ce vous denonce, Merveilleusement grant sommeil. (Mir. st Sev., 1362, 200)

Je ne croy riens plus vraiement, Sire, et pour ç' a ma loy renonce Et vueil vivre, ce vous denonce, Com crestien. (Mir. st Sev., 1362, 209)

Nous demourons bien longuement, Biau niez, et je le vous denonce, D'aler savoir quelle response De messire Barré arons. (Mir. chan., c.1361, 159)

Si feray je, ce vous denonce. (Mir. st Panth., 1364, 328)

Car il a ja, ce vous denonce, Plus d'un mois qu'ay fait ma semonce, Si ay ja devant biaucop gent: Pour c'estre me fault diligent D'aler après. (Mir. Oton, c.1370, 320)

Affirmer avec force, proclamer.

Et ne laisse point à estre bon François pour tant, ains cuide à France faire honneur par maintenir vérité estroite qui fontaine est et doit estre de la vérité du monde pour estre ailleurs dénoncée. (Chastell., Chron. K., t.4, c.1456-1471, 394)

Denoncer qqn (estre)/(pour) + attribut de l'obj. Déclarer qqn tel.

...Et t'en denonce par appel Esconmenie de sentence De canon. (Mir. parr., 1356, 13)

...L'autre ne redoubta pas de soy submettre audit tirant jusques au retour de son compaignon. Et tant comme le jour fort approuchoit et cilz pas ne retournoit, chaschun le denonchoit estre pour fol d'estre plege en ceste maniere. (Daudin, De la erudition H., c.1360-1380, 261)

...ilz sont contrains de venir, en leurs propres cous et despens, aux cours dez prelas, et y devent jurer que ilz ne treuvent aucuns biens ez maisons de cez excomuniés, aultrement l'en lez denuncie estre excomuniés (Songe verg. S., t.2, 1378, 170)

...monseigneur le Dauphin, oye la deliberacion et advis des prelas et conseilliers, fist arrester et denoncer prisonnier dedens le clos du Palais le recteur de l'Université (Fauq., I, 1417-1420, 65)

...les ducs de Berry, de Bourbon, d'Orliens, le conte d'Armaignac et autres ses favorisans, avoient esté publiquement denonciez pour excommeniez par les eglises et parroisses de Paris (Fauq., I, 1417-1420, 190)

...on ne les denoncera pas, pour l'onneur de vous, excommuniez, et doivent bien adviser a leur conscience, et a doubter qu'i ne le soyent, et in dubio il est mieulx que ilz y penssent et qu'ilz en facent aucune doubte. (Juv. Urs., Verba, 1452, 371)

Denoncer à qqn que. Dire, déclarer à qqn que.

Il te denonce soutieument Que bien ou mal qu'au povre on fait A li meismes tient qu'il est fait. (Mir. Pierre Changeur, c.1378, 263)

Et finablement, appellez ses compaignons, il leur denonça par ordre que telle chose il luy estoit advenue en dormant. (Percef. I, T., c.1450 [c.1340], 77)

Denoncer + inf.

Il me denonce estre blessié Tant que de la plante du pié Jusqu'au chief en la part haultaine, N'y demourra partie saine Qui n'ait souffrance destresseuse. (Gréban, Pass. J., c.1450, 220)

Denoncer la guerre à qqn. Déclarer la guerre à qqn.

...le roy se délibera et fut déliberé, - après les prémonicions et offres ainsi tant de fois faites et réiterées par luy aux Anglois, ausquelles ils ne voulurent obtemperer ny y avoir esgard, ainçoys les reffusèrent (...) - de leur dénoncer et faire guerre (Chart. J., Chron. Ch. VII, V., t.2, c.1437-1464, 77)

Denoncer + interr. indir. Raconter + interr. indir..

Adonc ilz vont dire et denuncier comment il leur estoit advenu et de leurs portemens et des dangiers aux quelx ilz avoient estés, dont Charles et pluseurs en plourent de pityé et de la joye de leur valliance incomparable. (Bagnyon, Hist. Charlem. K., c.1465-1470, 168)

4.Faire connaître qqc. (à qqn).

Cil qui voit en songe aucun semblable a cil qu'il cognoist, signifie que la chose sera comme est veue et denonciée. (Expos. songes B., 1396, 70)

En particulier. Faire connaître (des noms), donner des noms (?).

S. SIMON. ...Pierre (...) S'il vous plaist, deux en nommerés [des disciples pour remplacer Judas] Que plus ydoines trouverés Entre toute la compaignie. S. PIERRE. Freres, je ne presume mye De moy devant vous avancer. Mais, s'il vous plaisoit denoncer Des deulx, tantost nous conclurions (Gréban, Pass. J., c.1450, 441)

Faire connaître qqn.

Mon amy, tout autel vous dis : Je suis en cest oppinion Que, pour quelque pugnicion Qu'on sceusist a moy exciter, Je ne lairroye a denoncer Jhesus sur toute crëature. (Myst. Pass. Troyes B., a.1482, 1057)

Mettre en évidence qqc..

...car encores n'est pas delaissié des mains des Griés abacus (...), ne la maniere de calculer ou le gieu, ou quel avoir eu plaine victoire est avoir establi parfaicte et tresgrant armonie a denuncier la calculacion es termes de l'adversaire. (Foul., Policrat. B., I, 1372, 111)

[D'une chose] Mettre en évidence, montrer qqc..

Amphorisme est briefve parolle, denonçant et declairant l'entendement de la chose proposee entierement, mais non explicitement (Saint-gille, Comment. A.Y. L., 1362-1365, 360)

Et ainsi le denonce le nom de magnificence, qui signifie grandeur de despense avenant, convenable et honneste. (Oresme, E.A., c.1370, 241)

Et la chose qui est eslisible a tous et a tresgrant puissance en bien et ce que toutes choses traictent et tendent a delectacion, c'est une chose qui denonce et monstre que delectacion est tresgrant bien ou tres bonne a toutes choses, car chascune chose quiert pour trouver ce qui lui est bon en la maniere que toutes bestes appetent viande. (Oresme, E.A., c.1370, 497)

...et puis se partirent de la endroit pour aler vers le perron a veoir la lettre que l'on disoit qui par dessus estoit, quy denonchoit une tresgrant merveille (Percef. Compl. R., c.1450 [c.1340], 592)

Faire savoir qqc. à qqn.

Et que eleccion ensuive la determinacion de conseil il appert par les anciens gouvernemenz des citéz, de quoy Homerus le poëte parle en les ensuiant, et que les roys jadis denunceoient au peuple ce que ilz avoient conseillié et ceuls du peuple eslisoient. (Oresme, E.A., c.1370, 193)

Denoncer que. Faire savoir que.

Ce jour, maistre Jehan Le Bugle, ou nom et comme procureur de la ville de Paris, vint en la Chambre de Parlement denuncier et signifier que, le jour precedent, les seaulx de ladicte Ville avoient esté perduz par larrecin (Fauq., I, 1417-1420, 50)

Denoncer + interr. indir. Faire savoir.

LE COUSIN. Tristan, je vous pri par amour Que vous me vueillez denuncer Qui est ce c'on veult justicer. Est ce homme ou femme ? (Mir. enf. ress., 1353, 50)

Si convient que tu [Jésus] nous denonces D'ou vient la loy que tu adnonces, Ou se Dieu la t'a revelee, Ou se tu l'as appostillee. (Gréban, Pass. J., c.1450, 271)

B. -[Sens actuel] Signaler qqc./qqn comme condamnable, coupable.

1.Denoncer qqc.

Signaler (un fait, un acte condamnable ou supposé tel).

...Et s'il voit en vous mesproison Dont la mort eussiez en prison, En tous lieux l'ira denonchier En espoir de lui avanchier (Renart contref. R.L., t.2, 1328-1342, 64)

...supposé qu'il soit clerc marié ou s'il a denoncié ou s'est plaint au bailli ou viconte royal d'aucun transport de juridicion ou autre actemptat commis par autre bourgois marié et marchant (Rouen temps Jeanne d'Arc L., 1424, 61)

Et, pour savoir la verité de ceulx qui ce avoient fait, fist crier à son de trompe et cry publique par les carrefours d'icelle ville que quelque personne qui sauroit aucune chose desdiz epitaphes ou de ceulx qui les avoient faiz, qu'ilz le vensissent incontinent dire et denoncer aux commissaires sur ce ordonnez, et on donneroit trois cens escuz d'or au denonciateur, et qui le sauroit et ne le venroit declairer auroit le col couppé. (Roye, Chron. scand., I, 1460-1483, 261)

2.Denoncer qqn. Signaler qqn (considéré comme coupable de qqc.).

Item, que le Prevost de Paris commette et ordene XXX ou XL bons sergens et seurs qui se transportent souvent par la ville et es tavernes et autres lieux pour oïr, enquerir, sercher et oriller s'ilz trouveront ou sauront aucuns murmurans, detraihens, disans ou faisans aucunes choses qui puissent estre cause de la turbation de ladicte paix, et qu'ilz les denoncent, par leurs seremens et sur toutes les peines qu'ilz pourroient encourir envers le Roy et justice, audit Prevost ou à ses lieuxtenans et autres qu'il appartiendra. (Baye, II, 1411-1417, 154)

Et aussi soit publié que quiconques denoncera ceulx qui telz finances transporteront par lettres, bullettes, obligacions ou autrement, en quelque maniere, aura le quart de la somme transportée par lui denoncée. (Baye, II, 1411-1417, 158)

...lesquelz firent serement (...) de resister de corps et de toute puissance au dampnable propoz et entreprinse des crimineux, sedicieux et infracteurs de la paix et union de cedit royaume, conspirateurs, coulpables et consentans de la mort et homicide dudit feu duc de Bourgoingne derrenierement mort, denoncier et accuser envers justice touz ceulz qui vouldront soubstenir, aidier et conforter les dessusdis crimineux (Fauq., I, 1417-1420, 319)

...qu'ilz et chascun d'eulz observe et entretiegne la paix jurée d'entre les roys et royaumes de France et d'Angleterre, et denoncent, sur peine de punicion, audit Conseil tous ceulz qui feront ou s'efforceront de dire ou faire aucune chose au contraire. (Fauq., II, 1421-1430, 15)

Nous lysons es croniques d'un evesque de Clermont auquel le duc de Guyenne faisoit tort, non mie en sa personne mais en aucun demaine de l'esglise, lequel le denonça au roy, qui vint hastivement en personne en Auvergne et fist par force amender et reparer le tort qui avoit esté fait audit evesque. (Juv. Urs., Nescio, 1445, 486)

[P. méton. du compl.] Dire du mal de qqn.

Toute qualité d'hommes vous en blasment et condamnent, et dénoncent votre nom diversement. Et posé que grand soyez et que tel vous cognoissent (...) toutesvoies, au fort venir, ne vous ammirent, ce dient, et n'ont que faire de vous ne de riens y quérir (Chastell., Chron. K., t.5, c.1456-1471, 161)

Emploi absolu.

'Chastellain, a vous vien ainsi com denonçant, Dire qu'a mon hostel est entré maintenant Ung homme qui bien a le vis et le semblant, Qui ne soit pas preudoms...' (Hern. Beaul. D.B., c.1350-1400, 66)

Actuser [sic] et denoncier n'est autre chose que tendre à faire aucun couppable de cas criminel pardavant justice. (Cout. instit. Anjou Maine B.-B., t.2, 1437, 467)

Participe passé en emploi substantival. Celui qui a été signalé à la justice comme condamnable.

Mais le juge se peut bien enquerre de son office du cas en procedant avecques le denoncié extraordinairement ou autrement, selon qu'il seroit trouvé coupable. (Cout. instit. Anjou Maine B.-B., t.2, 1437, 75)