RATIFIER

verbe

[T-L : ratefiier ; GDC : ratifier ; FEW (X, 104b) : ratificare ; TLF (XIV, 411b) : ratifier]

Emploi transitif.

A. -DROIT Approuver, confirmer dans la forme requise.

Pourquoy nous, les choses dessus dicte oÿes et considerees, et tout veu et consideré ce qui faisoit a veoir et a considerer, et adjousté les solennitez en tel cas acoustumees, les diz bail et ascensement fait par la maniere que cy dessus est contenu et esclarcy avons eu et avons agreables, et les loons, greons, ratiffions et approuvons, et par l'interposicion de nostre decret et auttorité judiciaire les confermons en tant comme a nous appartient et faire le poons et devons de nostre office pour raison des choses dessus dictes. (Chartes Abb. St-Magl. T.F., t.3, 1365, 290)

Si leur fist procuration À grant deliberation, Selonc la loy, pour ottrier, Pour jurer, pour ratefier Et pour promettre qu'il feroit Tout ce que acordé seroit. Si qu'en Chypre les envoia ; Moult leur dist et moult leur pria Qu'en toutes manieres s'acordent (Mach., P. Alex., p.1369, 133)

Chascuns mist le doy à son dan, Si comme leur guise le donne, Qu'au soudan, en propre personne, Feront l'acort ratefier, Jurer, tenir et ottrier. Et li roys plus ne demandoit, Car il a tout ce où il tendoit, Ou au mains la plus grant partie. (Mach., P. Alex., p.1369, 135)

Secondement, nous appellons Droit civil, le Droit dez Ronmains, que ilz soloient garder ou temps de leur monarchie, lequel Droit est escript en cinc volumes, c'est assavoir : la Digeste vielle, l'Anforzade, Digeste nufve, Code, et le Petit Volume, dezquelx volumes l'Impereur a aucuns ratifiés et approvés, lez aultres conpylés de novel. (Songe verg. S., t.1, 1378, 53)

...Pour quoy ledit Jehan du Chesne, en usant de bonne foy, en enterinant le marchié qu'il avoit audit Jehan le Duc, loa, grea, ratiffia et approuva ledit transport (Chartes Abb. St-Magl. T.F., t.3, 1381, 515)

Lequel Adenet, après ce qu'il fu mis hors de ladite question et gehine, et qu'il estoit au feu en la cuisine dudit Chastellet, persevera, continua et rattiffia les confessions cy devant par lui dites (Reg. crim. Chât., I, 1389-1392, 12)

...le Roy avoit ratiffié et approuvé, ratiffioit et confermoit ce que fait et advisé avoit esté par les commis sur le fait de la police et du gouvernement de Paris (Fauq., I, 1417-1420, 237)

...laquelle cedule avec lez advis dessusdis furent ratiffiez et approuvez oudit Conseil. (Fauq., I, 1417-1420, 242)

Et là, de la part du roy, leur fut par lesdits ambaxadeurs promis, en baillant leurs lectres, qu'ils feroient par le roy ratiffier ledit appoinctement (Chart. J., Chron. Ch. VII, V., t.2, c.1437-1464, 73)

Item, les dessusdiz conte d'Armaignac et ses enfans, ainsy delivrez et estant en leur franchise, de nouvel jureront et ratifieront toutes les choses dessus dictes, par avant par eulx promises et jurées avant leur elargissement (Escouchy, Chron. B., t.3, Pièces justif., 1445, 124)

Et ce qui par eulx fut fait fut a paine ratiffié et emologué par nostre saint Pere Eugene, et si dit on que nostre saint Pere Nicolas qui au jour duy est a dit plainement que il ne luy en chault (Juv. Urs., Verba, 1452, 292)

...par la requeste et à la faveur du Roy de France, qui bien acertes en requist à la duchesse de Bourgoingne, (...) vindrent et se conclurrent de faire traictié final et amiable l'ung aveuc l'autre, par le moien duquel ladicte duchesse accorda et promist de le faire ratiffier à son dit seigneur et mary (Escouchy, Chron. B., t.1, c.1453-1460, 47-48)

Lesquelles choses contenues ès articles dessus escripz, nosdiz cousins et ambaxeurs ayent promis faire consentir, approuver, ratiffier et confermer par nous, et en bailler noz lettres confirmatoires et patentes en forme deue à nostredit frere et cousin de Bourgoingne... (La Marche, Mém., I, c.1470, 236)

....le mariage de vous et de nostre (...) cousine, la fille du feu duc Charles de Bourgongne, a esté tracté et, après son trespas, ratiffié et confermé par ceulx à qui il appartient (Lettres Louis XI, V., t.6, 1475-1478, 218)

En icelluy temps, le VIe jour d'aoust mil IIIIcLXX, le roy ratiffia et conferma tout ce que le conte de Dampmartin, grant maistre de France, [avoit fait], comme son lieutenant es pays de Lymosin, la Marche, Auvergne hault et bas, Ageneys, Peregort, Albigeois, Rouergue et autres pays de par delà, ainsi que appert par lettres patentes dont la teneur s'ensuit: ... (Le Clerc, Interp. Roye, c.1502, 253)

B. -Par extension.

1.Confirmer.

Si que, biaus dous loiaus amis, Tout ce qu'elle vous a promis Aveu, ratefi et tenray, Si que ja contre ne venray. Pour ce vous pri que des or mais Soiez cointes, jolis et gais, Loiaus, secrez sans venterie, Car vous avez loial amie. (Mach., R. Fort., c.1341, 140)

...lequel receveur li respont : 'Ce que j'ay dit, j'ay dit veritablement', en semblance de ratiffier ses dictes confessions, et sur la place ou fut fait ledit murtre ratiffia ses dictes confessions et monstra la meniere comment il fut fait (Doc. 1391. In : M. Bubenicek, Entre rébellion et obéissance, 2013, 619)

Et ce nous ratiffie la decision evangelique qui aux royaulmes divisés mande desolation et ruyne. (Chart., L. Esp., c.1429-1430, 80)

2.Agréer.

Mais tu, Diex, vueillez ceste hostie ratefier (Jean Golein, Rational B.D., c.1370-1372, 488)

Mais pourtant ne vous obliray, Car, brefment, je vous envoyray Le Saint Esperit santiffïant Qui vous sera ratiffïant En toute joye veritable [GRÉBAN, Pass. J., c.1450, 437 : ...Qui vous sera rectifîant En toute voye veritable] . (Myst. Pass. Troyes B., a.1482, 1018)