CONNOISSANCE

substantif féminin

[T-L : conoissance ; GD : conoissance ; GDC : connoissance ; AND : conoissance ; DECT : conoissance ; FEW (II-1, 845, 847b) : cognoscere ; TLF (V, 1344a) : connaissance]

A. -Fait de connaître.

1.Faculté de connaître, fait de connaître qqc., fait d'être informé de qqc., de savoir qqc..

a)Faculté de connaître, de discerner les choses.

L'AMANT. Je vous en pri ; car je ne trueve Riens en moy dont loër me doie, Fors dou bien et de la grant joie Qui me vient de vostre presence. ESPERENCE. C'est par deffaut de congnoissance ; Car se tu fusses bien apris, En ton cuer eüsses compris Qu'a l'issir dou ventre ta mere Elle ne te fu pas amere, Einsois te fu moult amiable... (Mach., R. Fort., c.1341, 96)

En celle foriest fu .XVI. ans en un tenant, Tant qu'il plot a Jhesu-Cris, (...) Que ly chine se furent du vivier departant Qui congnissance avoient et sentement d'enfant (Chev. cygne P., c.1356, 44)

Quant il ot l'aage de IX. ans, Que de norrice fu exens, Et laissa l'estat d'innocence, Et prist à avoir congnoissance, Toutes ses inclinations Et ses ymaginations, Tuit si penser, tuit si desir Furent en faire le plaisir De dames et de damoiselles. (Mach., P. Alex., p.1369, 9)

Quant ma dame ne m'a recongneü, Je doy moult bien scens perdre et congnoissance. (Mach., L. dames, 1377, 141)

Se quanque Diex en monde a fait Et quanque Nature a pourtrait Povoient avoir, par souhait, Sens, entendement, congnoissance, Plus certein que science n'ait, N'aroient il jamais retrait Dou bon et bel qu'aim sans retrait La bonté ne la grant vaillance. (Mach., Les lays, 1377, 362)

...tantost Qu'ilz (...) urent La cognoiscence de raison, Enquerre vouldrent l'achoison Des choses faites et requises (Chr. Piz., M.F., II, 1400-1403, 105)

Nous scavons que une chose de petite congnoissance ne puet attaindre a ce que puet congnoistre la vertus, qui est de plus haulte congnoissance, comme l'oyeil corporel ne pourroit veoir ce que congnoist l'imaginacion par dedans, et l'imaginacion ne pourroit comprendre ce que je, Raison, congnois. (Gers., Trin., 1402, 158)

Quant de la savance chascun sceit que en ce royaume sont gens de hault sens et de clere cognoissance. (Chart., Q. inv., 1422, 46)

De la savance et cognoissance qui doit acompaigner la magesté des princes et des seigneurs et leurs chevances convertir en maintes oeuvres me puis je bien taire et en laissier les parolles a ceulx a qui sont les faiz et les dangiers, mais je m'arreste a l'obeissance et discipline de chevalerie dont nostre estat est a present reprouchiez et griefment reprins. (Chart., Q. inv., 1422, 62)

O tu, Entendement, fait au patron de la Trinité par ces troys puissances, Congnoissance, Volenté et Memoire, unies en la substance d'une seulle ame, qui par les creatures faictes en ce visible monde congnoys par reflection, comme en ung mirouer obscur en lumiere de foy, lez invisibles oeuvres de Dieu, que aprés la glorification verras face a face, as tu memoire du sacrement que tu me feis en la reception du saint baptesme (Chart., L. Esp., c.1429-1430, 30)

Par ainsi il ne fault pas doubter que seigneurie et servitude sont establissement de loy roysonnable, non mye don de fortune. Et se tous sont egaulx humainement quant a l'engendrer et au naistre, cil qui par la loy a preminence de gouverner doit avoir par excercite perfection de congnoissance. (Chart., L. Esp., c.1429-1430, 72)

Mais, à regir et gouverner soy et aultruy et avoir charge et auctorité sur multitude, est requise grant congnoissance et deduction de raison. (Bueil, I, 1461-1466, 58)

La VIJe. trinité est par laquelle nous sommes reforméz a la glore eternele, comme les trois douaires de l'ame, c'est a scavoir congnoissance, comprehencion et dilection (Somme abr., c.1477-1481, 127)

Il est difference entre predestination et prescience, car predestination est precedente congnoissance des bons avec les causes et la causalité d'iceulz. Mais prescience dit prealable congnoissance des mauvais sans causalité au regard de Dieu, mais est residente envers le franc vouloir, qui se dist libere arbitre. (Somme abr., c.1477-1481, 168)

Par personnification.

N'i fu Margot ne Agnesot, Mais douze damoiselles ot Qui jour et nuit la norrissoient, Servoient et endoctrinoient. La premiere estoit Congnoissance Qui li moustroit la difference D'entre les vertus et les vices Et des biens fais aus malefices... (Mach., J. R. Nav., 1349, 176)

Entroes que Biautés et Plaisance, Desirs, Maniere et Congnissance (...) Entendoient as noms donner, Ensi qu'on les doit ordonner Et que le requiert li reviaus (...) J'avoie ailleurs mis mon entente (Froiss., Joli buiss. F., 1373, 152)

L'estat de connoissance. L'adolescence.

Hébé, deesse de jouvente, Qui est et belle et douce et gente, Et qui est des cieus boutilliere, Fu esleue la premiere, Pour li norrir [le roi Pierre] en son enfance, Jusque à l'estat de congnoissance, Ou plus avant, se mestier yere, Car bien en savoit la maniere. (Mach., P. Alex., p.1369, 5)

Venir à/en connoissance. Venir à l'état de connaissance, c'est-à-dire à l'âge de l'adolescence ou à l'âge mûr.

J'amay les menus oiselés, (...) Hui .I., puis un autre demain. Quant j'en tenoie un en ma main, Bien cuidoie valoir un roy. Je ne faisoie autre desroy. Einsi trespassay ignorance, Tant que je vins a congnoissance, Mon cuer de bien entalenté. (Mach., D. Aler., a.1349, 244)

...pour lors, messires Gautiers de Manni et si frere estoient jone, et aussi vous savés que, qant il vinrent en congnisance d'onme, la guerre s'esmeut entre France et Hainnau (Froiss., Chron. D., p.1400, 629)

b)Fait de connaître qqc., fait d'être informé de qqc., de savoir qqc..

...tant qu'il le maine En si hautaine congnoissance Que plus sert et plus a plaisance En servir la vierge Marie (Mir. ev. N.D., c.1348, 62)

.Que fera ta moullier qui tant est doulce et france, Qui s'en ira pour toi en estrange tenance ? (...) Ayés cy connoissance ! (Renaut Mont. B.N. V., c.1350-1400, 427)

Lors regarda la belle et se douche samblance ; En lui véoir a pris d'amours le connissance, Et dist : 'Il y aroit deduit par habondance.' (Hugues Capet L., c.1358, 18)

...par quoy il appert que la consideracion et la cognoissance de telle fin appartient a ceste science civile. (Oresme, E.A., c.1370, 105)

Car a les entendre, il y convient cognoissance et estude ; et a ce est requis lonctemps. (Oresme, E.A., c.1370, 373)

...ce roy Charle, si comme on list et treuve es croniques anciennes - car vous savez que toutte la cognoissance de ce monde retournent par l'escripture (...) fut en Espaingne par pluseurs foix (Froiss., Chron. M., XIV, c.1375-1400, 9)

...en l'eglise de Saint-Victor, il, pour la grant cognoissance qu'il avoit en icelle eglise et aus religieus dudit hostel, pour ce qu'il avoit plusieurs fois ouvré en icelle eglise, monta ou dortoir de ladite eglise, et illec, en la chambre et aus piez du lit dudit prieur, print un breviaire (Reg. crim. Chât., I, 1389-1392, 218)

Car par les escriptures puet on avoir la congnissance de toutes coses (Froiss., Chron. D., p.1400, 37)

...d'elle nous vient L'appercevence et cognoiscence, Qu'avons a la divine essence. (Chr. Piz., M.F., II, 1400-1403, 108)

Et jasoit que encores n'eussent ilz senty ne gouté par vraye congnoissance la tresdoulce, tressainte et tresamoureuse grace de nostre vray Dieu le Saint Esperit, sy nous ont ilz tous adreschiez par leurs exemples et escriptures aux vrayes gloires de noz ames (La Sale, Salade, c.1442-1444, 3)

...onques ne fuz si espoventée (...) que j'ay esté presentement de voz parolles, quand elles m'ont donné la cognoissance de ce qu'oncques je n'oiz (C.n.n., c.1456-1467, 565)

Ceste est une science surmontant les aultres sciences, eslevee par dessus toute speculation et consideration naturele, qui se dist phisique congnoissance ou science naturelle, et est ceste science theologique et divine preferee a toutes sciences par dignité et utilité (Somme abr., c.1477-1481, 98)

...car, par ce moyen, l'on peut prevoir et remedier aux inconveniens qui par icelle congnoissance [des corps célestes] sont preveuz et congneux avant la main et descencion des infortunes (Simon De Phares, Astrol., c.1494-1498, f° 5 r°)

...eut aussi sept filles, qui puis, pour leur haulte congnoissance ès corps celestes, furent dictes Plyades (Simon De Phares, Astrol., c.1494-1498, f° 22 r°)

[À propos de Dieu]

...Dieu qui tout a en sa cognoissance (Mir. chan., c.1361, 185)

Car le Pere et le Filz et le Saint Esperit ne puent avoir que une mesme puissance, une mesme perfection, une bonté, une vie, une congnoissance : c'est toute une chose des III ; mais es autres creatures n'est point ainsy, car se Jehan est ung homme, et Pierre est ung homme, et Martin est ung homme, ilz sont III hommes. Pourquoy ? En nom Dieu ! pour ce que l'un n'a pas la puissance de l'autre, ne sa vie, ne sa congnoissance. (Gers., Trin., 1402, 161)

Quant a ce que la sapience de Dieu congnoist les choses possibles, qui peuent estre et non estre, elle est apellee science ou congnoissance. Et en tant qu'elle congnoist toutes les choses qui se font au monde, on l'apelle vision. (Somme abr., c.1477-1481, 164)

[Opposé à la connaissance divine] Par connoissance humaine

Mais comment pourroit ce estre raisonnablement, s'il n'estoit en ton invisible jugement, quant par congnoissance humaine que nulz homs pourroit avoir bien et haulte honnour par mal faire ? (Arras, c.1392-1393, 19)

Avoir connoissance de qqc.

Puis que du fait la congnoissance Certaine avez. (Mir. ev. arced., c.1341, 134)

Tu tiens siége de maistre Et si es si plain d'ignorance Que tu n'en as pas congnoissance ! (Mir. nat. N.S.J.C., c.1343, 240)

Je vous diray les propres noms Qu'il avoient et les seurnoms, Au meins ceuls dont j'ay congnoissance, Se faire le puis sans ventance. (Mach., P. Alex., p.1369, 35)

Et c'est grant signe que il [le ciel] est incorruptible, quar autrement il fust envielli ou son mouvement fust retardé ou meu, ou il fust aucunement alteré en tout ou en partie, si comme il est des autres corps corruptibles. Mais aucunes choses estoient avenues et sont depuis desquelles Aristote n'avoit pas congnoissance, si comme de ce dont saint Augustin fait mencion ou .XXIe. livre de la Cité de Dieu (Oresme, C.M., c.1377, 86)

...sauf meilleur jugement, je cuide qu'onques homme, se Adam non, n'ot parfaicte congnoissance des euvres invisibles de Dieu, pour quoy il ne puist de jour en jour prouffiter en science et oïr ou veoir chose qu'il ne puist croire estre veritables, lesquelles le sont. (Arras, c.1392-1393, 3)

Être informé de qqc..

Nous avons desja fait le signe à ceulx de la ville, qui ont bien congnoissance de vostre venue (Bueil, I, 1461-1466, 190)

Et, si avez eu amour à ma femme, plaise vous avoir pitié du povre et malheureux mary et orpheins. Sire, ne souffrés que autre que vostre misericorde, clemence et pitié soit juge de ma cause, ne autre que vous vous plaise, pour honneur de Nostre Dame, n'en ait congnoissance. (Le Clerc, Interp. Roye, c.1502, 369)

Avoir la connoissance, assavoir que

...aprochiés ces gens de plus priés, par quoi nous aions la connissance, assavoir quels gens ce sont. (Froiss., Chron. D., p.1400, 541)

Avoir connoissance que/la connoissance que. Savoir que, avoir la certitude que.

...il aroit cognoissance Que puis qu'il sont ensemble enamouré C'on n'en pourroit faire la dessevrance. (Mir. st Sev., 1362, 240)

...entrués que li estourmie se conmença a eslever, chil dedens orent congnisance que lor dame estoit a la porte (Froiss., Chron. D., p.1400, 519)

Mais, de ce que nous povons avoir congnoissance que le Roy, nostre souverain seigneur, a bonne querelle, et, se je ne le creoye fermement, je n'y porteroye jamaiz armes, or fault-il doncques que nous mettons peine, nous qui sommes ses hommes et ses serviteurs, qu'il ait le tribut de son payz (Bueil, II, 1461-1466, 83)

'Monseigneur, n'ayez point de deffiance de moy pour le fait de monseigneur vostre filz ; car j'ay bien la congnoissance qu'il failloit que vous en usissiez ainsi que vous en avez usé...' (Bueil, II, 1461-1466, 256)

[Avec le subj.] Avoir connoissance que. Avoir l'intuition que, envisager que.

Et pour ce qu'il avoit bien congnoissance et doubte que les Rommains (...) ne le reffusassent... (La Sale, Sale D., 1451, 214)

Bailler la connoissance de qqc. à qqn

...comme si nature luy en baillast la cognoissance, elle dist... (C.n.n., c.1456-1467, 108)

Donner connoissance à qqn de qqc. Faire découvrir qqc. à qqn, faire voir qqc. à qqn.

...mais encor t'a elle Fait une moult grant courtoisie Laquele tu ne congnois mie, Qu'elle [Amour] li a par sa puissance Donné certeinne congnoissance Par maniere sage et soutive De l'amour qui en toy s'avive, En approuvant par son decret Que cuer as loial et secret... (Mach., R. Fort., c.1341, 65)

Cestui Baxilliz donna congnoissance aux Pheniciens d'une estoille que nous appelons Mynor Ursa, par laquelle puis adrecerent leur navigage, plus adroit que n'avoient accoustumé. (Simon De Phares, Astrol., c.1494-1498, f° 40 r°)

Remarque : FEW, 847a : «Donner connaissance que 'faire voir que' Malherbe».

Donner connoissance à qqn sur qqc. Faire connaître à qqn la vérité de qqc..

Or allons sur le monument De celuy qui a fait la debte Et a Dieu je feray requeste Qu'il nous doinct sur ce congnoissance. (La Vigne, S.M., 1496, 528)

Donner la connoissance (de qqc.). Faire connaître qqc., expliquer qqc..

Et ainsi s'en va esbatant par la sale. Et y voit mainte belle hystoire painte, et les escripz dessus qui donnent la congnoissance que c'est. (Arras, c.1392-1393, 303)

Estre à la connoissance de qqn. Être manifeste à qqn, être connu de qqn.

...ilz n'auroient alesnes, pouldres ne choses mussées qui ne feussent à la congnoissance des mareschaulx et gardes du champ. (Bueil, II, 1461-1466, 109)

Parvenir à la connoissance de qqn

Se au temps du tresrenommé et eloquent Boccace l'adventure dont je veil fournir ma nouvelle fust advenue et a son audience ou cognoissance parvenue, je ne doubte point qu'il ne l'eust adjoustée (C.n.n., c.1456-1467, 191)

Venir à/en (la) connoissance (de qqn). En venir à être su (par qqn).

INNOCENT PAPE. Il m'est venu a congnoissance, Seigneurs, que parmy Acquitaine Guillaume le duc s'i demaine Trop mal (Mir. st Guill., c.1347, 11)

Et par ces contrarietés Se perçoit de ses qualitez Qui viennent en sa congnoissance Pour garir et donner substance Des grietez dont il est venus Tout attrait joieus devenus, D'une joie si a point faite, Car trop envis seroit defaite. (Mach., D. Aler., a.1349, 299)

Pour tel chose ne quier ja lire, Dame, nom pas pour vous desdire. Mais ce n'est pas chose sensible Que vostre pensée invisible Puist venir a ma congnoissance, Fors que par la clef d'ordenance Dont vostres cuers soit deffermez, Et que si en soie enfourmez Que vostre bouche le me die. (Mach., J. R. Nav., 1349, 168)

Et conment est a congnoissance Ce fait venu, mon chier seigneur, Autre foiz a loisir greigneur Vous conteray. (Mir. Berthe, c.1373, 228)

Et estoit venu en la cognoissance des oncles du roy et du conseil des citez et bonnes villes d'Angleterre (...) que du chastel de Douvres on avoit avallé coffres et huches de nuit secretement et mis en vaisseaulx sus le port de Douvres et estoient escippé en mer (Froiss., Chron. M., XIV, c.1375-1400, 40)

Lesquelles choses venues à la congnoissance de frère Jehan Soulaz, religieux, et de plusieurs varlez de ladicte abbaie (Ch. VI, D., t.2, 1388, 14)

... [il] confesse que il est coulpable et consentant dudit fait, et que les premieres paroles en vindrent à sa congnoissance en esté derrenier, à Saint-Denis en France, environ le Landit. (Reg. crim. Chât., I, 1389-1392, 436)

...il estoit et est venu à la cognoissance dudit maistre Guillaume que ledit malfaitteur estoit ad present demourant à Paris, en la rue des Rosiers. (Reg. crim. Chât., II, 1389-1392, 375)

Moult de apertisses d'armes se fissent en pluisseurs lieus, lesquels ne vinrent pas tous a congnisance. (Froiss., Chron. D., p.1400, 890)

Item, une houpelande de folet, fourrée de penne noire (...) Item, ung mantel court de violette, doublé de verd (...) Item, ung domino (...) Item, une cappe (...) Item, ung gibet a robes (...) Item, une fourme (...) Item, environ une chariotée de grosse buche (...) Et plus ne furent sceus ou trouvez biens meublez appartenans au dict deffunct, ne vindrent a cognoissance (...) Somme de la valeur des biens dessus dits contenus ou dit inventoire (Invent. test. beauv. L., 1401, 60-61)

Il est venu à nostre congnoissance, que (...) vous avez fait aucunes aliances avec aucuns de nostre sang (Ch. VI, D., t.1, 1412, 352)

...par la relacion desdis des Comptes et Tresoriers, estoit venu à la congnoissance de ladicte Court que le receveur de l'ordinaire de Paris devoit au paieur des euvres du Roy certaines sommes d'argent pour le fait des reparacions dudit Palais (Fauq., I, 1417-1420, 8)

Et quant au IIJe pechié, qui est de envie, ce vray amoreux, tel que je dy, jamais sur homme ne sera envieux, car se il venoit a cognoissance de sa dame, il la perdroit vraiement. (La Sale, J.S., 1456, 20)

...luy compta comment l'embusche de leurs amours estoit descouverte et venue desja a la cognoissance de monseigneur son pere (C.n.n., c.1456-1467, 166)

...il [acheva] de lyre sa lettre, par laquelle il cogneut que sa desloyaulté estoit venue a la cognoissance de celle qui luy vouloit tant de bien (C.n.n., c.1456-1467, 181)

Touteffois, se nous demandons aide à ces grans seigneurs du payz, et il vient à leur congnoissance, se ilz y sont, ilz auront tout l'honneur et le prouffit (Bueil, I, 1461-1466, 81)

Et depuis ce temps, n'a esté aincoires aucun voire que j'aye sceu ne qui soit venu a ma cognoissance, qui ait volu prendre la paine de les mettre par escript [les évangiles des femmes] ou en registre au moins le tout, ne par ordre (Ev. Quen., I, c.1466-1474, 79)

Venue à la congnoissance du roy la mutation faicte en Normandie, se delibéra d'avoir paix, voyant ne povoir donner remedde à ce que jà estoit advenu. (Comm., I, 1489-1491, 81)

...l'art de phitonisse, d'enchantement, de fascinacion, de invisibilité, de ligacion et illusion, qui sont tous ars supersticieux et divinatoires, lesquelles choses desmelleray l'une de l'autre clerement et brevement, ce que par cy devant n'a esté fait, et si fait a esté, il n'est pas venu à ma congnoissance, ne de ces ignorans. (Simon De Phares, Astrol., c.1494-1498, f° 9 r°)

...et si passerent lesditz Bourguignons la riviere d'Oise et allerent courir en la terre de Coucy, où ilz firent plusieurs maulx, en boutant les feux partout où ilz passoient. Et, ce venu à la congnoissance de Mons. le grant maistre, y eust voulentiers remedié, et le fist sçavoir à Mons. le connestable, qui luy en fist la response par ces lettrez, ainsi qu'il s'ensuit (Le Clerc, Interp. Roye, c.1502, 319)

La connoissance de qqc. vient à qqn

...quant la cognoissance me vint que le roy de France et le roy d'Angleterre s'en vouloient ensonnier, je me resveillay à ouvrer l'istoire (Froiss., Chron. M., XIV, c.1375-1400, 171)

Qant la congnisance des desfiances vinrent au roi de France, il n'en fist nulle compte (Froiss., Chron. D., p.1400, 319)

c)Au pluriel. Ce qui est connu, ce qui est su.

Et se aucun cuidoit que entre toutes ou sus toutes les sciences et cognoissances la meilleur et la plus vertueuse ou honorable fust politique ou prudence, ce seroit inconvenient. (Oresme, E.A., c.1370, 342)

2.Par extension.

a)Compétence.

J'ay bien en pierres congnoissance (Mir. Barl. Josaph., c.1363, 264)

Expérience.

...j'ay ung desirier qui en amour me lance Et de grant hardement me donne connoissance (Hugues Capet L., c.1358, 71)

...car le cappitaine par raison a la congnoissance de beaucoup de choses que le souldoyer ne peult ne ne doit avoir. (Bueil, II, 1461-1466, 215)

Par connoissance. Par expérience.

Une autre question fut des chevaux, du harnoys, de tous les aultres biens qui se peurent trouver en essence et par vraye congnoissance. (Bueil, II, 1461-1466, 214)

Preuve, manifestation.

Preus estez et loiaulz, telle est bien m'esperance ; à ce cop en avez monstré le connissance. (Hugues Capet L., c.1358, 39)

b)Connaissance immédiate, conscience.

Uns enfes estoit li soudans D'environ XIIJ. ou XIIIJ. ans, Qui n'avoit pas bien congnoissance De leur mauvaise decevance. (Mach., P. Alex., p.1369, 186)

...combien que presques toutes les excellences et perfections autres qui sont en l'omme, on les treuve en aucunes des bestes ou des oyseaux, car on y treuve congnoissance du temps present, memoire du preterit, aucune proveance du futur (Gers., Trin., 1402, 152)

...la Puissance Vegetative jamais ne repose, avecquez ses filles Nutritive, Formative, Assimilative et Unitive, qui sont en continuel oeuvre en leurs forges, dont les souffleiz bouffent par les membres espris de vie, de mouvement et de congnoissance, pour rapaisier le dommage de l'umeur radical, dont partie se consomme et degaste en chacun moment. (Chart., L. Esp., c.1429-1430, 24)

Conscience.

Quant la dame vous aprocha D'un fait qu'elle vous reprocha Que fait aviez ou temps passé. Se vous eüssiez compassé En vous aucune congnoissance Qui fust signes de repentence De ce que vous aviez mespris Contre les dames de haut pris, Vous eüssiez fait moult que sages. (Mach., J. R. Nav., 1349, 268)

En ce point fu lonc temps tes peres Qui estoit rois et empereres, Jusqu'atant qu'il ot congnoissance De la souvereinne puissance Dou vray dieu qui est immortelz Et qui puet aus hommes mortels Donner roiaumes et empires... (Mach., C. ami, 1357, 30)

...monseigneur de Berry (...) vous prye que vous vueilliez descendre à toutte rayson et avoir cognoissance telle de vostre estat et affaire et que duc de Bretaingne doit avoir à son naturel seigneur, le roy de France (Froiss., Chron. M., XIV, c.1375-1400, 235)

Aux enfans donnez congnoissance De leur meffait et repentance (Mir. ste Bauth., c.1376, 137)

Dieu par sa pitié weille avoir pitié et mercy de nous et nous donner cognoiscence de nos fautes et orgueil, et mauvaistié. (Baye, I, 1400-1410, 333)

Qui mal voudroit au royaume de France ! Hommes failliz, bersaudez de raison, Desnaturez et hors de congnoissance, Desmis du sens, comblez de desraison, Folz abusez, plains de descongnoissance (Villon, Poèmes variés R.H., c.1456-1463, 62)

Se mettre en la congnoissance que. Prendre conscience, comprendre que.

La Chasteleinne debonnaire N'avoit son ami riens meffait ; Mais il meïsmes fist le fait, Pour quoy elle se mist a mort. Quant il le sceut, il se remort Et se mist en la congnoissance Qu'il y apartenoit vengence ; Dont il meïsmes se juga, Punist dou tout et corriga. (Mach., J. R. Nav., 1349, 265)

c)Discernement.

...Si avoit trop grant desplaisence En soi, de ce que congnoissance N'avoit des loiaus et des faus, Et trop li sambloit grans deffaus (Mach., D. Lyon, 1342, 220)

Perdre (toute) connoissance. Perdre son discernement.

'...la grant amour que j'ay a mon filz Paris me fait perdre toute coignoissance et avoir hardiment de venir a vous pour ceste chouse.' (La Cépède, Paris Vienne K., 1432, 169-170)

3.Fait de connaître qqn, relation avec qqn.

a)Fait de connaître qqn.

Je cuide bien vous avez bonne cognoissance et familiarité avec mon mary (C.n.n., c.1456-1467, 572)

Leurs lieuxtenans en ce lieu point ne nomme, Car pour ce fait il y avoit maint homme Dont congnoissance un peu m'est eslongnee. (La Vigne, V.N., p.1495, 140)

Qqn de connoissance. Qqn de renom.

Serchez les bien, vous ne trouvez Que prophete de congnoissance En Gallillee ait pris naissance (Gréban, Pass. J., c.1450, 182)

Combien qu'il soit de Galilee Et que soyez de son paÿs, Vous estes prince des Juïfz Qui les Escriptures savez. Serchez les bien, vous ne trouvez Que prophete de congnoissance En Gallilee ait prins naissance : Le paÿs en est fortuné. (Myst. Pass. Troyes B., a.1482, 422)

Bonne connoissance. Fait d'entretenir de bonnes relations.

Cela fut cause du bon appoinctement, De l'amitié, de la doulce acoinctance, De la parfaicte et bonne congnoissance, Qui tost aprés (...) On vit regner par grant benivolence Entre le pape et le vertüeux roy. (La Vigne, V.N., p.1495, 232)

Avoir (la) connoissance de qqn. Connaître qqn, être connu de qqn, fréquenter qqn.

...Dieu me donna la grace et le loisir de veoir en mon temps la greigneur partie et d'avoir la cognoissance de hauls princes et seigneurs, tant en France comme en Angleterre. (Froiss., Chron. M., XIV, c.1375-1400, 3)

On luy fist très bonne chiere, car on le desiroit à veoir et la cognoissance et aquointance à avoir (Froiss., Chron. M., XIV, c.1375-1400, 176)

...il estant logiez aus Maillés en la ville de Compiengne et couchié avec un compaignon du païs d'Alemaigne dont il ne scet le nom et duquel il n'a aucune congnoissance, fu par icellui compaignon dit à lui qui parle qu'il n'avoit point d'argent (Reg. crim. Chât., II, 1389-1392, 485)

...la fille dou duch de Braibant, madamoiselle Jehane (...) lors estoit la plus belle, la plus gente, la plus frice et mieuls aians toutes nobles manieres que nulle jone dame dont on euist la congnissance (Froiss., Chron. D., p.1400, 267)

Pour lesquelles [armes] plus tost et plus honorablement acomplir se appensa venir en la tresnoble court de France, ou tous nobles et chevalereux hommes estoient tres honorez et bien receus, aussi pour avoir cognoissance et l'acointance d'eulz. (La Sale, J.S., 1456, 144)

...le seigneur fut bien content de luy bailler sa fille a mariage, jasoit qu'il n'eust cognoissance de luy fors de ses loables meurs et vertuz. (C.n.n., c.1456-1467, 332)

Exemple : se ung villain, qui soit de la nation de Biscaye ou de Gascoingne, viengne a une femme noble en lui disant : Je sui filz de roy ou de prince ou de duc, et la femme n'aura nulle congnoissance de lui, et il contrait avec celle femme, et elle cuide qu'il soit filz de roy, pour tant elle ne sera pas deceute. Et tendra le mariage (Sacr. mar., c.1477-1481, 50)

Si ay-je eu autant de congnoissance de grans princes et autant de communication avecques eulx que nul homme qui ait regné en France de mon temps (Comm., I, 1489-1491, 2)

...et de plusieurs dont je n'ay eu la veue, mais congnoissance par communications de leurs ambassades, par lettres et par leurs instructions, par quoy on peult assez avoir d'informations de leur nature et condicion. (Comm., I, 1489-1491, 2)

Et pour vous informer du temps dont ay eu congnoissance dudit seigneur, dont faictes demande, m'est force de commancer avant le temps que je veinse en son service (Comm., I, 1489-1491, 3)

...non pas que je entrepreigne de les tous reciter [ceux qui ont pratiqué l'astrologie] , car plusieurs en y a eu, en diverses regions, dont n'avons riens par deçà et plusieurs en y a eu par deçà, dont n'ay pas eu, ne peu aver congnoissance, comme il soit aussi que la memoire de plusieurs se soit perdue (Simon De Phares, Astrol., c.1494-1498, f° 9 v°)

Connoissance de Dieu/de soi. Fait de connaître Dieu, de se connaître soi-même.

...et ne s'en repentent point mais vont tousjours de pis en pis tres honteusement, quelle merveille est se ilz ont petite ou nulle cognoissance de Dieu, se meismement ilz ne voyent point Dieu ne par mirouer ne en umbraige ? (Gers., Trin., 1402, 154)

Si exposeray ung secret parlement et comme ung personnaige ou ung dyalogue de l'Ame devote avec sa suer Raison la saige pour monstrer aucunement la maniere de pervenir a la congnoissance de Dieu et de la benoite Trinité en simplesse et unité (Gers., Trin., 1402, 155)

...entre toutes les créatures la consideracion et congnoissance de toy mesmes est tresprofitable pour venir à la congnoissance tant des creatures incorporelles et spirituelles comme sont les anges que aussi pour actaindre a la congnoissance de Dieu. (Cib., p.1451, 195)

...par ce champ a present est entendu lomme qui est comme le champ ou il se fault excerciter a querir le tresor de sapience et fault fouyr et parquerir profondement iusques a ce que on ait congnoissance de ce qui est en lomme... (Cib., p.1451, 195)

Et de ce que avons memore que nous sommes et congnoissance quelz nous sommes, procede et sourt une voluntaire amour en la maniere du Saint Esperit, qui procede du Pere et du Filz conjointement. (Somme abr., c.1477-1481, 114)

Cestui Pitagoras fut moult bon et devost et adreça plusieurs à la congnoissance d'un vray Dieu au moïen de ses prenosticacions et garda autres de estre ydollatres (Simon De Phares, Astrol., c.1494-1498, f° 45 v°)

SAINCT MARTIN. (...) Et croyez qu'en la Trinité N'a rien qu'une seule substance : Trois personnes en unyté Et une en trois, par digne essence. PREMIER. Puisque j'ay de luy congnoissance, Congnoistre le veulx desormais ; Desormais en luy j'ai fïance, Ma fïence en luy toute mects (La Vigne, S.M., 1496, 497)

b)Relations de qqn.

Gabrïel, fay, sy li va dire Qu'il passe mer sanz contredire, Et delaisse sa cognoissance, Et face tant qu'il viegne en France. (Vie st Fiacre B.C.P., c.1380-1400, 20)

...qu'il vous plaise (...) que en la ville ou j'ay eu tant de cognoissance et d'accointance, je ne reçoyve trop publicque punicion. (C.n.n., c.1456-1467, 450)

De la connoissance de qqn. De ceux que qqn connaît, appartenant aux amis, aux relations de qqn.

...lesdites deux tasses d'argent, qu'il presta à maistres Guillaume et Olivier, desquelx il ne scet les surnoms, tenans les escolles de grantmaire à Laon, pour ce qu'ils sont de sa congnoissance et du pays dont il est nez. (Reg. crim. Chât., I, 1389-1392, 33)

...et ledit cheval (...) vendirent, un ou deux jours après ledit fait advenu, à un homme qui estoit de la congnoissance du seigneur du Cigne, demourant en ycelle ville (Reg. crim. Chât., I, 1389-1392, 64)

Mais messire Jaquelin Trousseau et messire Ja. de Montmor, chevaliers, à l'ayde et intercession d'aucuns de leur congnoissance, par leur bon rapport, furent garantiz dudit peril (Fauq., I, 1417-1420, 151)

...comme il estoit sur son retour, il rencontra et trouva, passant pays, pluseurs de sa cognoissance (C.n.n., c.1456-1467, 424)

...se bouterent en une taverne, en laquelle ilz trouverent ung compaignon du païs de Liege (...) et certains autres compaignons de la congnoissance dudit suppliant, qui seoient buvans a table, a l'escot desquelx ledit suppliant et sondit compaignon se misrent et mengerent avec eulx (Doc. 1466. In : Ch. Petit-Dutaillis, Doc. nouv., 1908, 36)

Dame Ysengrine du Glay y vint acompaignie de pluiseurs de sa cognoissance qui toutes apporterent leurs quenoilles, lin, fuiseaux, estandars, happles et toutes agoubilles servans a leur art. (Ev. Quen., I, c.1466-1474, 81)

c)Par métonymie. Personne que l'on connaît.

...il mist un sien cheval en l'ostel du bailli de Senliz, où il n'a aucune congnoissance (Reg. crim. Chât., II, 1389-1392, 458)

...nous tous descendismes a terre et fusmes bien venus et receups des bons chevaliers et habitans audit Roddez et mieulx que en nulle aultre cité ou ville depuis nostre partement et la nous trouvasmes plusieurs habitudes, familiers et congnoissances (Barbatre, Voy. T.-C. P., 1480, 157)

d)[Au sens biblique] Relation charnelle.

Ne porte a femme ja ce loz Qu'elle puist enfant concevoir Sanz congnoissance d'omme avoir (Mir. nat. N.S.J.C., c.1343, 214)

La seconde [i.e. Virginité] fut celle qui fist respondre a Nostre Dame qu'elle n'avoit propos de avoir cognoissance ou compaignie de homme charnel (Gers., Annonc., a.1400, 232)

Vous luy dirés, par bon usage, Qu'avec sa femme ait congnoissance Pour augmenter l'humain lignage Par tout, selon nostre ordonnance. (Myst. Pass. Troyes B., a.1482, 79)

Remarque : FEW, 847b : «'coït' (1554)».

B. -Fait de reconnaître qqn ou qqc..

1.Marque qui permet de reconnaître, de distinguer, signe distinctif (en partic., à propos des personnes, les armoiries).

Et lors le doit son maistre fere mener le limier en queste au matin aprés li et li enseignier quelle difference ne quelle cognoissance a du pié du cerf a celuy de la biche, comme je diray, et du pié d'un grant cerf encontre d'un juene, et d'un juene cerf encontre celui de la biche, et quanz jugemenz et connoissances il y a (Gast. Phébus, Livre chasse T., 1387-1389, 149)

Et en cela il se pourra adviser des differences et conoissances qui sont es piez, et trouvera qu'il n'est nul cerf si juene, s'il porte sis cors ou plus, qui n'ait le talon plus large et meilleur et plus gros os que n'a une biche et voulentiers plus longues trasces. (Gast. Phébus, Livre chasse T., 1387-1389, 150)

Mais ilz avoient cognoiscences Tres dont sur eulx, pour apparence L'un de l'autre et par differance. (Chr. Piz., M.F., II, 1400-1403, 178)

...à ce propos dit Aristote, là où il parle de chevalerie que en chascune baniere des chevetains doit avoir lettres ou enseignes affin que chascun homme d'armes se sache retraire soubz qui il est commis, et ancienement faisoient chevetains, qui soubz eulz avoient .C. chevaliers, c'est assavoir hommes d'armes, et chascune .Xe. avoit aussi un chief et puis tous ensemble se retreoient soubz le centurion, lesquelz avoient certaines cognoissences (Chr. Piz., Faits meurs Ch. V, S., I, 1404, 218)

Il portoit ung fremail et ung escut de France A quatre labiaus d'argent. Par cheste connisanche Connoist-on d'Orlyens les armes, sans doutance. (Geste ducs Bourg. K., c.1410-1419, 418)

Et tant plus que, pour avoir congnoissance de vrays crestiens, partans de leurs hostelz, de pas en pas, de leurs mains droictes se saigneront ou porteront le crucifix en banerettes petites (La Sale, Salade, c.1442-1444, 212)

Et quant il fut l'eure que l'on se monstroyt au champ (...) Pierre avec son varlet et ung paige sans aultre compaignie s'en vint et s'en ala bouter a plus humble lieu comme celuy qui estoit estrangier et n'avoit nulle cognoissance qui le presentast et mist avant. (Belle Maguel. C., 1453, 5)

En connoissance de. En signe de.

Et Remondin s'agenoille et l'en mercie et lui en requiert chartre, laquelle fu tantost faicte la plus forte que on pot et seellee du grant seel du conte, a la relacion du conseil et des pers du pays, qui y pendirent leurs XIJ. seaulx, en congnoissance de affermer le don a estre raisonnable, avec le grant seel du conte. (Arras, c.1392-1393, 32)

Pour connoissance. Comme moyen de reconnaissance.

Et aussi prist le dit roy de Navarre l'aliance de pluseurs bourgois de bonnes villes, et fist à ses aliez porter chapperons semblables pour cognoissance. (Chron. norm. 14e M., c.1369-1372, 127)

...et portoit on devant luy [le roy d'Engleterre] ung heaume couronné d'une couronne d'or pour cognoissance (Journal bourgeois Paris T., 1420, 139)

Signe d'avertissement.

Pourquoy luy envoya Dieu une congnoissance et avision qui le fist oster hors de son pechié. (Nouvelles inéd. L., p.1452, 103)

2.Fait de reconnaître qqc..

a)Fait de reconnaître, d'identifier.

Dont dist Grard du Bors au duc : 'Sire, commandez que la place soit delivrée de ces chevaulx ; ilz nous empeschent trop grandement. Nous ne povons veoir autour de nous, ne avoir la cognoissance de l'avant garde, ne de la arriere garde [de] vostre mareschal...' (Froiss., Chron. M., XIV, c.1375-1400, 165)

b)Fait de reconnaître, d'avouer qqc., aveu.

MATHATIEL. Le povre malheureux [chrétien] est mort Et voit on a l'oeil la fiance Et congnoissance de son tort [son parjure] , Sainct Nicolas, vraye esperance. (Mir. st Nic. juif, c.1480-1500, 143)

Faire connoissance que. Reconnaître que.

Benoist celle [Marie de Clèves, épouse de Charles d'Orléans] qui vous porta ! On doit dire du bien le bien. Cy devant Dieu fais congnoissance Que creature feusse morte, Ne feust vostre doulce naissance, En charité puissant et forte, Qui ressuscite et reconforte Ce que Mort avoit prins pour sien. (Villon, Poèmes variés R.H., c.1456-1463, 43)

c)Reconnaissance de dette, quittance.

Jugement (...) coment ung peire ait mieulx a avoir la chevance de son fil en sa main que nul autrez, ne n'en ait nulle congnissance a ffaire, et tenir l'eritaige qui est escheus a l'enffans et leveir les prouffits pour lui et l'enffant gouverner, combien que li amis li enffans diënt qu'il l'en rendront prouffis et lui bien gouverner. (Jug. maître-échev. Metz S.M.S., t.1, a.1494, [1332], 95)

Jugement de Burtrant le Huingre d'une pairt, et de Marguerite, femme Collignon Ottignon, d'autre pairt. Ledit Burtrant disoit que ladite Marguerite li avoît bien a pourteix paix d'une congnissance dont li sire Nicol Burtrand xuoit ledit Burtrand ; dont li maistre-eschevin dit pour droict que ladite Marguerite l'en avoit bien a pourteir paix. (Jug. maître-échev. Metz S.M.S., t.1, a.1494, [1374], 476)

d)Reconnaissance d'un service rendu.

...il ramentoit la grant congnoissance qu'il avoit du beneffice a lui fait (La Sale, Sale D., 1451, 220)

...s'il est en moy de vous faire autant de service, pensez que j'aray cognoissance de ceste courtoisie. (C.n.n., c.1456-1467, 258)

...si vous estiez mariée, dit il, et j'en estoie le moien et la cause, en ariez vous après cognoissance (C.n.n., c.1456-1467, 294)

C. -DROIT Fait de connaître de qqc., droit d'instruire et de juger une affaire, certaines affaires, compétence juridique.

...il est tenus à remettre ledite prinse en le main de le justice commune dou Chaisne, se le prinse est faite pour cas ou pour cause de quoy li cognissance puisse et doive appartenir à ladite justice commune dou Chaisne. (Trés. Reth. S.L., t.2, 1331, 13)

...plusieurs de noz autres justiciers et officiers se sont efforciez d'atraire a eulx la congnoissance desdites eaues par plusieurs voyes et en plusieurs manieres (Trés. Reth. L., t.4, 1341, 201)

Mes en commune policie et en aristrocracie la multitude non pas la populaire mes la multitude et congregation universele de tous les princeys ou offices et des principalz citoiens a la souvereine domination et la correction ou alteration des particuliers princeys ou offices et le ressort ou cognoissance des tres grandes questions (Oresme, Pol. Arist. M., c.1372-1374, 274)

...les contredisans, opposanz, rebelles et injuriateurs adjourner en nostre Parlement à Paris, ou par devant noz bailliz ou noz autres juges competens, à qui la cognoissance en devra appartenir, pour aler avant sur les diz debaz (Doc. Poitou G., t.5, 1377, 26)

Je vous respons que, quant la demande est personele, mesmement pour cause du serement que partie n'a mie gardé, la cognescence appartient à l'Eglyse. (Songe verg. S., t.2, 1378, 153)

...quant aucuns debteurs sont obligiéz soubz ledit seel envers aucuns leurs creanciers, le chancellier de nostre dit oncle, auquel la juridicion, execucion ou congnoissance appartient de tous les contractz et obligacions faiz soubz ledit seel, faire et parfaire sur les diz obligiéz les execucions des sommes des deniers et autres choses deues soubz ledit seel (Cout. bourg. glosé P.M., c.1380-1400, 141)

... [ils] delibererent et furent d'oppinion que au roy seul, et pour le tout, appartenoit la cognoissance de ce ; et ledit de Buyencourt fu d'oppinion que à la court de l'Eglise en appartenoit la cognoissance. (Reg. crim. Chât., II, 1389-1392, 311)

Tous lesquieulx, sauf icellui maistre Nicole de Buïencourt, furent d'oppinion que au roy seul, et pour le tout, et appartenoit et appartient la cognoissance des cas et justice de ladite Macete (Reg. crim. Chât., II, 1389-1392, 334)

Item, une fame avoit fait semondre une aultre en cas de injures, et avoit partie donné contestacion en cause et procedé en court d'eglise longuement ; et après vint la defenssure et monstra aux gens du roy comment l'autre la tenoit en procès, en cas d'injures en la court de l'eglise, dont la congnoissance appartenoit a la court laye. L'acture en fust mise en prison, come de transport de juridicion, et l'amenda au roy, o intimacion de partie. (Echiq. Normandie S., c.1400, 203)

La Court a retenue la cognoisçance de la cause d'entre Pierre l'Escot, d'une part, et Jehan Lyonart, d'autre part (Baye, II, 1411-1417, 63)

Ce jour, messire Guillaume de Gaudiac (...) gisans malade en son lit, m'a dit qu'il soumettoit la cognoiscence de l'execution de son testament à la Court (Baye, II, 1411-1417, 183)

...et voulut et ordonna c'on ne leur peult rien demander, en deffendant toute cognoissance et jurisdiction a tous ses justiciers et officiers et quelconques. (Le Bouvier, Chron. Ch. VII, C.C.J., c.1451-1455, 441)

...les lectres pactentes dessus incorporées faisant mencion de la congnoissance et discucion des opposicions et adjudicacions de décretz des maisons et héritages (Aff. Jacques Coeur M., 1453-1457, 290)

Les gens du conseil, qui estoient bons et sages, voyans que la cognoissance de ceste cause appartenoit au roy de bourdelois (...) la renvoyerent pardevant luy. (C.n.n., c.1456-1467, 525)

...et faire tant que le renvoy, court et congnoissance nous en soit baillié (Comté Porcien R., 1457, 255-256)

...police, cognoissance, justice, judicature et seigneurie de l'eschevinaige de notre dite ville d'Arras (Hist. dr. munic. E., t.1, 1477, , , 448)

Compétence, autorité sur qqn.

Item, ils congnoisteroient de leurs bourgois, estans en leur ville, sans plus, et en useroient selon leurs previlleiges, et non autrement ; et en ce estoit osté la congnoissance des bourgois forains. (Doc. 1452. In : ESCOUCHY, Chron. B., t.2, a.1465, 26)

Avoir la connoissance (de). Avoir le droit d'instruire et de juger (une affaire, des personnes).

...et se par le temps avenir, il avenoit cas touchant haute justice en la dite lande, le premier occupant de chascune des dites parties et qui premier prendroit le forfaiteur, toutes fois que li cas avendroit, auroit la cognoissance du dit forfait et delit, sentence et execution de celui fait qu'il l'ocuperoit, et par samblable maniere de la moienne justice (Doc. Poitou G., t.3, 1353, 125)

Aultrement il s'ensievret que lez juges seculiers, selon leurs plaisirs, aroient la cognescence dez clers (Songe verg. S., t.2, 1378, 152)

Lez officiaux dez prelas, en troublant la juridiccion du Roy, si s'efforcent d'avoir la cognescence dez contraux, ja soit ce que ilz soient passez par la court seculiere (Songe verg. S., t.2, 1378, 153)

Des contens faiz en la ville de Beaune, le maire et les eschevins doivent avoir la congnoissance et de ceulx de la ville et dehors. (Cout. bourg. glosé P.M., c.1380-1400, 31)

Le duc de Bourgoingne doit avoir la court et la congnoissance de toutes les choses où il doit avoir droit ; c'est à entendre que, se discension, est de fief ou d'arriere fief, nait entre parties, la congnoissance en appartient au prince et non à autre. La cause si est : car il est sires d'aleux, de fiefs et d'arriere fiefs ; et ceulx qui tiennent en fief ou es refiefs ne sont que seigneurs utiles. (Cout. bourg. glosé P.M., c.1380-1400, 198)

En l'absence de laquelle prisonniere, ledit mons. le prevost demanda ausdiz presens conseilliers leurs advis et oppinions se, veuz les faiz cogneuz par icelle prisonniere, le roy devoit avoir la cognoissance, ou se elle devoit estre rendue à l'Eglise (Reg. crim. Chât., II, 1389-1392, 310)

...vous, ledit mayeur, ou autres noz officiers, vous efforciez, d'avoir la congnoissance et amendes de tous cas d'exces et de delis qui ne sont pas criminelz (Trés. Reth. S.L., t.2, 1393, 383)

Jugement des maistre des bouchier, pour lui et pour ces compaignons, d'une pairt, et des maistre des chandellier, pour lui et pour ces compaignons, d'autre pairt, que dit que les maistrez ne les .VI. des bouchier n'ont mie a avoir lez congnissance de urer les poids des chandellier. (Jug. maître-échev. Metz S.M.S., t.1, a.1494, [1358], 365)

[Du juge] Prendre la connoissance de. Instruire et juger.

L'information faicte, qui la portera au juge ? Qui sera le juge qui en prendra la congnoissance et qui en fera la pugnition (je diz des mauvais et n'entendz point des bons, mais il en est peu) ? (Comm., II, 1489-1491, 224)

Prendre connoissance sur qqn. Avoir compétence sur qqn, exercer de l'autorité sur lui.

Item, ils [les Gantois] furent encores condempnez de jamais prendre quelque congnoissance sur les officiers fais et créez par ledit duc, en ladicte ville. (Doc. 1452. In : ESCOUCHY, Chron. B., t.2, a.1465, 25)

Tenir cour et connoissance de qqn. Établir une enquête sur qqn et le juger.

...nienmoins, vous leur avez enterdit et deffendu que du dit Jaquemart ne tignent court ne cognoissance, disant que à vous appartient (Hist. dr. munic. E., t.2, 1368, 34)

Vaquer en la connoissance (de qqc.). Exécuter ce qui est à faire quand on a la compétence juridique.

Premieremant que entre lesdis seigneurs de Beaujeu et de Vilars et lours aydans soit bone pays, fyns, et perpetuelle acors (...) sains ce que li ungs en puysse fere jamès guerre encontre l'autre principal ou aydanz, saul et reservé que des accions ou demandes que li ungs porroit avoir encontre l'autre, très hauz et puissans princes monssieur le conte de Savoye en puysse cognoytre, ordener, pronuncier et acorder de la volunté, conseil et consentement de deux chevaliers et ung clerc (...) et se par aventure aucuns desdis chevaliers et clercs aloyent de vie a trapassemant ou estoyent si evidemant en si grant necessité empechié que il ne puyssient vaquer en la cognoyssance dessusdicte, que la partie qui les ha nommés en puysse nommer et metre autres (...) en lour lue dedanz quinze jours apres ce que il en seroyent requis par ledit monssieur le conte (Titres Bourbon H.-B., t.1, 1378, 594)

Connoissance de cause

...comme par plusieurs diverses fois le duc de Bourgogne avoit fait remonstrer ausdis de Parlement et requerir que de telles cognoissances et acceptions de causes se voulsissent deporter... (Chastell., Chron. IV, D., c.1461-1472, 158)

En connoissance de cause

Remarque : FEW, 847b, s.v. cognoscere : «en connaissance de cause 'après avoir fait l'instruction nécessaire à un procès' (seit 1409)».

Avoir connoissance de cause de qqc.

De quoy je ne me puis trop esmerveillier, pour ce que je ne cuide estre tenu à nully ne à homme vivant pour quoy nul homme ne me peut faire telle honte. Et ne pourroye croyre que Mons. de Bourgoigne, sans de ce faire avoir congneissance de cause, en tel cas deust donner congié à ung de ses serviteurs de porter [à] moy ne autre dehonnore pour le donner à entendre seulement d'un tel marchant (Le Clerc, Interp. Roye, c.1502, 274)

Mettre en connoissance de cause. Mettre une affaire entre les mains d'un juge.

Car de mectre en congnoissance de cause par devant juge hors du royaulme se l'agait sur le chemin publique et prinse faiz es mectes de vostre royaulme, assavoir entre les villaiges de Beaumez, Caignicourt, Metz en Cousture et Queant, qui et les villaiges voisins sont notoirement de la conté d'Artois et prevosté de Peronne, contribuans à vos tailles que l'on dit l'ayde ordinaire et composition d'Artois, et de personnes, lesquelles soubz vostre trés noble grace doivent estre reputez non seulement ambassadeurs de moy et de mondict pays de Flandres, mais de vous, mon trés redoubté seigneur, n'eult esté et ne seroit garder vostre honneur, vostre droit ne le myen. (Lettres Ch. VIII, P., Pièces justif., t.1, 1483, 371)

Sans connoissance de cause. Sans que la cause ait été instruite et jugée.

Nous veons que lez homicides et lez larons ne puent, par sentence en jugement, estre condempnés a mort sanz cognescence de cause, c'est assavoir sanz cognoistre du pechié, se il ont fait, ou nom, le crime. (Songe verg. S., t.1, 1378, 28)

...vous dittes que le roy de France, sanz cognescence de cause, si a debouté de la duché de Bretaingne messire Jehan de Montfort et, par consequant, il doit estre restitué. (Songe verg. S., t.1, 1378, 264)

En laquelle commocion aucuns prisonniers et autres furent tuez et mis à mort sans autre congnoissance de cause (Fauq., I, 1417-1420, 131)