DOUTE

substantif masculin et féminin

[T-L : dote ; GD : doute ; GDC : dote ; AND : dute ; DECT : dote ; FEW (III, 169b) : dubitare ; TLF (VII, 470b) : doute]

A. -[Idée d'incertitude]

1.Incertitude sur la vérité, la réalité, la nature de qqc..

Et, mon tres redoubté Seigneur, en la presance de Vostre Majesté, ceste doubte a esté aultre foiz disputee, par maniere d'esbatement et de collacion, c'est assavoir se la puissance espirituele et la puissance seculiere sont divisees et toutes separees en divers suppos (Songe verg. S., t.1, 1378, 4)

...c'est assavoir de la Concepcion de la benoite Vierge Marie, laquel doubte j'ay aultre foys oÿ disputer en vostre presence, qui oyés volantiers, a la louange de la Vierge Marie, touz ceulx qui soubstiennent qu'elle n'ait mie esté conceüe en pechié origynel. (Songe verg. S., t.2, 1378, 246)

'...Et je vous dy que ma foy et ma fiance est en vous si grande que je n'en aurois jamais doubté. Et vous mettez hors de ces ymaginacions, je vous en pri.' Ainsi fut le Jouvencel hors de toutes doubtes et pourveut à son fait pour la foy et seureté qu'il print du roy Amydas, dont bien lui print. (Bueil, II, 1461-1466, 257)

Éventualité, danger potentiel.

...les hommes et subgiez (...) des forbourgs de nostre ville de Rennes et d'environ, viengnent pour faire les guetz et garde de nostre dicte ville et du pays d'environ, pour les doubtes et périlz qui pourroient avenir (Cartul. Laval B., t.2, 1354, 254)

... [Watelet] recognut avoir mis, bailliet et transporteit, pour toutez doubtez et pour tous inconveniens eschuer, en la main de honorable hommez et discreis Jehan Pierrelot, (...) tous ses biens quelconques, tant mueblez comme heritagez, en quelconque lieu qu'il soient et porront estre trouvéz, et de quelconque venue, descendue, succession ou eschance qui ly soient ou puissent estre venus ou descendus (Trés. Reth. S.L., t.2, 1366, 176)

S. SIMON. ...Et puis clorrons, de paour des doutes, Les huis et les fenestres toutes Que ses Juïfz ne nous y sachent. (Gréban, Pass. J., c.1450, 427)

...il print sa lance, son espee et son escu et les mist auprés de lui pour toutes doubtes (Percef. III, R., t.2, c.1450 [c.1340], 16)

AMPLE FACULTÉ. Quant par luy [le prince] suis distribuee a point, A l'exigent dez vertuz et salaires, Plus d'honneur est que s'il n'en avoit point, Car mendïer fait trop de grief[z] contraires. Pour eviter lez doubtes dez affaires Convenable est que luy soye prouchainne, En secourant aux choses neccessaires (Lyon cor. U., 1467, 45)

Il n'est pas doute que. Il n'y a aucune chance que.

HERODIADES. Il n'est pas doubte qu'il se rende [Jean Baptiste] ; Il dit tousjours de pis en pis. Assez esbahir ne me puis De telz vielz bigotz reputéz, Comment ainsi les escoutez. Il rassotte ad ce que j'en vois : Il a tant jeuné en ce bois Qu'il n'a en soy fil de cervelle. (Gréban, Pass. J., c.1450, 146)

Question à débattre, matière à discuter.

...toutes leurs doubtes, debas, questions et descors et tout le demenement des procès et des choses demenées devant eulx metteront en leur conseil et ordenance (Trés. Reth. S.L., t.2, 1391, 374)

Et se il te vient par avanture bonne opportunité de moy donner solucion d'aulcunes doubtes et difficultés quy ne soient bien a ton plaisir discutee, je te prie de y entendre a les discuter. (Crap., Cur Deus, De arrha B.H., c.1450-1460, 245)

...Et puis ayons conseil ensemble, Car je vueulx mouvoir une doubte Qui en mon couraige se boute, Ou il chiet argumens bien fors. (Gréban, Pass. J., c.1450, 402)

Une autre doubte je demande. Femme a son mary bas devant, Qui prent a d'aultre lieu provende : Loit il ['Est-il permis'] de luy en faire autant ? (Coquill., Oeuvres F., 1478-p.1494, 223)

S. THOMAS. J'ay mon entendement suspens, Cuidant entendre clerement Pour quoy c'est que commandement Nous est fait de menger l'aigneau Plutost que ung daing ou que ung chevreau, Car la loy n'est point sans raison. S. JUDE. Laisson ses doutes et faison Ce que la loy nous admonneste (Michel, Myst. Pass. J., 1486, 258)

NACHOR. Allons mectre en termes Le doubte , mes tenons nous fermes, Quar il est fin que c'est le dyable. NATHAN. La question [de savoir s'il faut payer le tribut à César] est si doubtable Qu'il ne sçaroit si bien prescher Que jamés s'en sceust depescher Sans grande reprehencion. (Michel, Myst. Pass. J., 1486, 240)

2.Locution.

a)Locution adverbiale.

Sans (nulle) doubte. Assurément, certainement.

Nompourquant tant fis et rivay Que passé a l'autre rive ay, Dont je fu si liez que sans doute Se j'eüsse l'empire toute, Je n'eüsse pas si grant joie Com j'eus, quant passé me vëoie, Pour vëoir les estranges choses Qui en ce vergier sont encloses. (Mach., D. Lyon, 1342, 165)

Il est tout vray, sans nulle doubte, Que je sceus la maniere toute Des alerions, et leur guise, La naturele avec l'aquise, Dou gibier la grant melodie... (Mach., D. Aler., a.1349, 307)

Vostre amie sui je, sanz doubte, Et par nature et par lignage (Mir. marq. Gaudine, 1350, 132)

Se sage homme encien en ta terre N'as, si l'envoie en autre querre, Et ne te chaille qu'il te couste ; N'i espargne riens, car sans doubte, Il gaaingnera bien sa despense, S'a tes besongnes de cuer pense. (Mach., C. ami, 1357, 134)

Aussi ont fait maint bon preudomme, Sage et riche, que pas ne nomme. Et sans doubte li dieu rioient De ce qu'einsi parler m'ooient. (Mach., F. am., c.1361, 209)

...et se en cest estat moroit, sans doute elle [l'âme] yroit en eternelle dampnacion. (Gers., Concept., 1401, 401)

L'en ne fait de nous point de compte ; Sy en devons avoir grant honte Et l'en avons sans nulle doubte. (Myst. st Adr. P., c.1450-1485, 141)

b)Locution verbale.

Avoir doute de + inf. Se douter de.

LA DAME. (...) Pour ce, d'estre grosse doubte ay, Mais de certain pas ne le say, Car onques tel chose n'apris. (Mir. enf. ress., 1353, 6)

Estre en doute

[D'une pers.] Douter, hésiter.

Et ie croy que ces meditacions ycy te seront moult fructueuses, et par ce tu te leueras en pensee a mediter les benefices de dieu en toy, les bons desirs, les bons mouuemens, les secres conseilz quil te donne en tes affaires quant tu es en doubte et tu as recours a luy (Cib., p.1451, 187)

[D'une affaire] Être incertain, compromis, mal engagé.

De tel peult estre entendu che que dist encore Ovide ou .XIIe. livre Methamorphose : 'L'issue est en doubte'. (Daudin, De la erudition H., c.1360-1380, 166)

Et, quant Abuz eut achevee sa raison, je me prins a penser a deux choses : c'est assavoir qu'il me sembloit que assez estoit mon cas en doubte, veu que, au commencement, me faisoit de bouche promesse et me flatoit et blasmoit les autres plus grans de moy quant ses besongnes ne faisoient. (Abuzé D., c.1450-1470, 89)

[D'une chose] Être en situation inertaine, êtreen danger.

Le vilain aime le ahanier, le chevalié chelui qui bien se porte en bataille forte, le maronnier aime le gouvreneur de la nef qui est en doubte. (Daudin, De la erudition H., c.1360-1380, 264)

Estre en doute de qqc. Douter de qqc..

Certes, clerc, ne vous peut chaloir D'estre en doubte de ce propos ; Car ce que vous dy et propos Est vray (Mir. parr., 1356, 20)

Faire doute. Avoir des doutes, être dans l'incertitude.

Je m'esjouys et n'ay plaisir aucun, Puissant je suis sans force et sans pouoir, Bien recueully, debouté de chascun. Riens ne m'est seur que la chose incertaine, Obscur fors ce qui est tout evident, Doubte ne fais fors en chose certaine, Scïence tiens a soudain accident, Je gaigne tout et demeure perdent (Villon, Poèmes variés R.H., c.1456-1463, 46)

Faire doubte de/en qqc. Douter de qqc, mettre en doute qqc..

Or vous vueil je dire en appert En quels manieres elle appert, En aucunes, nom pas en toutes ; Et si ne faites nulles doubtes Des paroles que j'en diray ; Car de riens ne vous mentiray. (Mach., J. R. Nav., 1349, 271)

Lors dist la compaignie toute : 'Mars dit raison, qui en fait doubte ?' (Mach., P. Alex., p.1369, 3)

Par le pere, Veez vous la, vëez vostre pere : Vous luy resemblez mieulx que goute D'eaue, je n'en fais nulle doubte. (Path. D., c.1456-1469, 62)

Et toutesfoyes il vous a dit, dès ce qu'il vous a ouy parler, qu'il vous secourra. Par quoy povez congnoistre l'affection et grant courraige qu'il a à vous. Et pour ce ne devez pas faire doubte en vostre secours, Dieu devant (Bueil, I, 1461-1466, 175)

PROPTER QUOS. Vecy de bons petis langaiges, S'ilz sont vrays, mais j'en fais grant doute. (Rapp., c.1480, 65)

Je croy bien en Nostre Seigneur ; De cella poinct ne faictes doubte. (La Vigne, S.M., 1496, 567)

[Dans une tournure impers.]

(Il) fait doute de qqc. On met en doute qqc..

Semblablement fait doute de la figure de la terre, car il samble a aucuns que elle est sperique ou ronde, mais as autres semble que elle est lee et de telle figure comme une large compane ou d'un tymbre. (Oresme, C.M., c.1377, 538)

Il ne fait nulle doute de qqc.

De ce ne fait il nulles doubtes. (Mach., P. Alex., p.1369, 226)

Il n'est nulle doute. C'est sûr.

'Mais au roi ne faites nul mal : il est jones, nous en ferons nostre volenté, et le menrons partout où nous vorrons en Engletière, et serons signeur de tout le royaulme, il n'est nulle doubte.' (Froiss., Chron. R., X, c.1375-1400, 118)

Il n'est aucune/nulle doute que + ind. Il est certain que.

Il n'est aucune doubte que la chose au monde present qui est la souveraine (...) c'est faire justice (Juv. Urs., Aud. illos, 1432, 26)

Hanibal vous requiert que vous le conseilliez, se le consul rommain se mect en mer pour combattre, se il se combattera a luy. Le senat respondit tantost qu'il n'estoit nulle doubte qu'il convenoit qu'il se combateist. (La Sale, Salade, c.1442-1444, 33)

Il n'est (aucune) doute que (ne) + subj..

Au regard des premiers [les partisans du roi] , il n'est aucune doubte que on ne les doye appeller au Conseil et ouyr, car il n'est point a croirre que gens qui ont esté si loyaulx, fermes et estables faulsissent de present. (Juv. Urs., Nescio, 1445, 456)

...s'il [Robert d'Artois] eust esté de ceste opinion et venu en Engleterre pour esmouvoir guerre contre son roy et souvrain seigneur, il n'est doubte qu'il eust ou deust avoir respondu que non. (Juv. Urs., T. crest., c.1446, 35)

Faire des doutes. Faire des objections, discuter.

...et fut le bruit par tout l'ost que le Jouvencel n'estoit pas ce qu'on disoit et qu'il faisoit trop de doubtes et que ses gens de frontière faisoient leurs choses sur leur advantaige. (Bueil, II, 1461-1466, 116)

Aprez les oppinions bien debatues et les doubtes faictes en ces deux poins, le Jouvencel dit au roy Amydas : 'Monseigneur, vous avez oy de belles choses debatre en ce conseil ; et, selon mon oppinion, elles sont vrayes...' (Bueil, II, 1461-1466, 246)

Faire/mettre doubte que + subj. Douter que.

Fay justice, et on s'en tenra, Et par Dieu, grans biens t'en venra, Car c'est deshonneur et grant honte A un prince qui tant s'ahonte Qu'il sueffre tels gens en sa route Et tel meffait, et ne fay doubte Qu'en ce cas en ta sauve garde Doivent estre. (Mach., C. ami, 1357, 121)

Je fai doubte, sire chevaliers, que vous ne soiiés point messires Bietremieus de Brues. (Froiss., Chron. L., V, c.1375-1400, 208)

Et ne faissoient nulle doubte que, dedens le septembre, toute Flandres seroit raquise à eux. (Froiss., Chron. R., XI, c.1375-1400, 111)

Nous ne faisons point de doubte, o l'aide de Nostre-Seigneur, qu'ilz ne facent leur honneur et leur devoir, ainsi que gens de bien doibvent faire. Et avons bien en eulx celle fiance. (Bueil, I, 1461-1466, 167)

Et, sur ce, fut conseillé au roy Amydas de baillier au Jouvencel ce qu'il demandoit ; car il estoit bon et saige, et ne mettoit-on point de doubte qu'il ne conduisit bien son fait en ce que possible seroit : car il estoit bien experimenté. (Bueil, II, 1461-1466, 246)

Et lors Mons. de Lude luy respondit : 'Sire, c'est de deux choses l'une, comme mon advis est : qu'ilz hayent tant voz ennemys qu'ilz ne les povoient veoir, ou peult estre aussi que c'est de l'effroy d'avoir veu tuer voz frans archiers.' Et le roy luy respondit : 'Je ne faitz nulle doubte qu'ilz n'y ayent très mal gardé mon prouffit et leur honneur.' (Le Clerc, Interp. Roye, c.1502, 394)

Mettre qqn en doute. Éveiller des soupçons chez qqn.

Et puys alat la cité regardant : mult estoit belle ; et la fut parcevant les paiens qui des creteaulx aloient ses gens regaitans. Mult soit de guere, sy alat veir que aulcunne trahison pensoient les Sarasins : il voit aulcun signe que le mist en doubte. Sy a mis en ce remede (JEAN D'OUTREM., Myr. histors G., a.1400, 144)

Rappeler en doute. Mettre en doute.

Qui est celui, donques, qui rappellera en doubte se celui qui est Seigneur de tout le monde puisse ordener loy, et establir, dez choses lezquelles luy sont subjectes, et soubz sa seignorie ? (Songe verg. S., t.1, 1378, 23)

Et qui, aussi, rapellera en doubte que le tres puissant roy de France ne soit roy ordené et establi de Dieu ? (Songe verg. S., t.1, 1378, 51)

Sans rappeler en doute. Sans que cela puisse être mis en cause.

...nous tenons sanz rappeller en doubte que quant a la deffension de nostre royaume chascun est tenu et y est le temporel de chascun de quelque estat qu'il soit tenuz et obligiez (Phil. Vi Valois, Lettres closes C., 1347, 126)

Revoquer en doute qqc. Mettre qqc. en doute.

...et lequel article, affin que jamais ne fut revocqué en doubte, fut confermé et approuvé, ainsi que on la trouve recité en aucuns livres, par Charles le grant nommé Charlemaigne (Juv. Urs., Aud. celi, 1435, 156)

Revoquer en doute que + subj. Nier (le fait) que.

Il donna aucuns advertissemens à ses amyz et successeurs, et, entre autres, dist que on ne doit point revocquer en doubte que l'art de bataille ne soit la meilleure chose de toutes les autres choses, par laquelle liberté est retenue, richesse est acreue, les cités sont gardées et l'empire ou royaulme est augmenté. (Bueil, II, 1461-1466, 25)

Car assez y est respondu par ce que cy dessus en est escript, par quoy est monstré que c'est esreur, en bonnes meurs, revoquer en doubte que honneste conseil ne soit a preferer au proufitable - quelque prouffit qui en adviengne au prince - se on voit par ce prouffit honesteté blecee. (Fillastre, Traité Conseil H., c.1472-1473, 234)

3.Hésitation (dans l'action).

...se en aucunes choses trouvez difficillez, raportez moy les doubtes, adfin que je vous aide en ce que aurez affaire (Juv. Urs., Aud. illos, 1432, 27)

B. -[Idée de crainte]

1.Crainte, peur, inquiétude.

Dont je mis mes pensées toutes A oster de mon cuer les doubtes Et mettre en leur lieus pais seüre... (Mach., D. Aler., a.1349, 367)

Il sambloit que j'eüsse fievres, Car je sui plus couars qu'uns lievres, Et si trambloie, et goute a goute Suoie d'effroy et de doubte. (Mach., F. am., c.1361, 146)

Il doubtoient grandement le fait des Escos et des François ensemble (...) Ces doubtes ne laissièrent onques en cel an partir ne vuidier chevalier ne escuier hors de Engletière. (Froiss., Chron. R., XI, c.1375-1400, 212)

...et dist que icelles [confessions] il fist par doubte , crainte et paour des questions et tourmans en quoy il fu mis audit lieu de la Ferté (Reg. crim. Chât., I, 1389-1392, 438)

...les apostres et les disciples avecque la benoite Vierge Marie estoient enfermez pour la paour des juifs dedens l'ostel ou avoit esté faite la cene du grant jeudi a mengier l'aignel de Pasques, ou mont de Sion ; la estoient en grant paour, en doubtes, en soucis dedens ceste habitacion (Gers., Pent., p.1389, 75)

Se le Roy vostre pere l'a celé [son fils] pour mieulx estre servi et pour mieulx faire ses besongnes, je ne lui en scay point de mauvaiz gré, ne à vous d'avoir obey à vostre pere. Et sçay bien les doubtes que aviez et povyez faire en ceste matière, qui ne sont pas sans cause. (Bueil, II, 1461-1466, 254)

Lors incontinent que ceulx du guet virent venir les ennemys, ilz en vindrent advertir le roy de rechief et que sans point de doubte ilz marchoyent (La Vigne, V.N., p.1495, 287)

2.Locution.

a)Pour le/la doubte de qqc. Par crainte de.

Et renouvellèrent chil doi seigneur toutes manières d'officiers ; et, quant il s'en partirent, il le pourveïrent, pour le doubte des rebellions, de boines gens d'armes. (Froiss., Chron. R., IX, c.1375-1400, 65)

'Oïl,' dist Madame, 'pour la doubte de ces bruynes nous avons desgeuné de toctees a l'ypocras et a la pouldre de duc.' (La Sale, J.S., 1456, 291)

En ce temps, le seigneur d'Esternay, qui estoit general de Normendie, qui s'en estoit party hors de la ville de Rouen pour la doubte et fureur du roy et à ce qu'il ne feust prins, fut rencontré en habit de cordelier de l'Observance par aucunes gens de guerre de la compaignie dudit grant maistre au Pont Saint-Pierre (Roye, Chron. scand., I, 1460-1483, 145)

Par/pour doute de qqc. Par crainte de.

...nous devons partir ce lundi prochain venant, ma suer et moi (...) pour doubte de mortalité, qui est trop grant ou je sui. (Mach., Voir, 1364, 458)

...et dist que icelles [confessions] il fist par doubte, crainte et paour des questions et tourmans en quoy il fu mis audit lieu de la Ferté, et, en après, pour doubte et paour qu'il ot semblablement que yceulx commissaires ne le feissent questionner ès prisons dudit lieu d'Orleans (Reg. crim. Chât., I, 1389-1392, 438)

Lesqueles choses ainsi ouyes, il qui parle, pour doubte de justice, se absenta du pays, et ledit curé qui lors estoit fu prins et emprisonné, et mené à Bourges ès prisons de l'arcevesque dudit lieu, esqueles il est alez de vie à trespassement (Reg. crim. Chât., II, 1389-1392, 110)

Car Guerrande, Pointievre, et toute celle marche doit estre a vous et a vostre frere. Alez y et sommez le roy des Bretons comment il vous reçoive en droit, et que se vostre pere avoit occiz son nepveu sur son bon droit, en gardant sa vie, et que, pour doubte de la puissance du dit roy, il n'avoit soy osé tenir ou païs, mais s'en estoit estrangiez. (Arras, c.1392-1393, 48)

...en l'absence dudit evesque estant lors en l'abbaye de Saint-Mor-des-Fossés, pour doubte de l'epidimie aiant cours à Paris (Fauq., I, 1417-1420, 188)

...pour trois hommes armes pour l'acompaigner par doubte des perilz des annemis de mondit seigneur, à chascun dix solz tournois par jour (Comptes Etat bourg. M.F., t.1, 1419, 103)

Elynant dit que Zoroastes escripvit en son temps par vingt fois cent mil vers et que, pour doubte d'un second deluge, mist il en escript en sept coulonnes d'arain les VII ars liberaux et les autres VII en coulones de terre cuite (Simon De Phares, Astrol., c.1494-1498, f° 17 r°)

Pour doute de + inf. De peur de, de peur que.

[Testament] Escript en trois pieches pour doubte d'estre perduz. Fait et ordonné et escript de ma propre main et signé de mon saing manuel, l'an de grace mil IIIIc et deux, le jour de feste Saint Denis en octobre, et veul que chascune pieche vaille original. (Test. Parlem. Paris T., 1402, 319)

Et se par ma desordonnee simplesse je en prenoie un qui me fust bon, jamais mon cuer, pour doubte de le perdre, joye ne pourroit avoir. (La Sale, J.S., 1456, 5)

De/pour doute que. De peur que.

...maiz neantmoins, pour doubte que dudit cas l'en ne se feust aperceu, il se parti dudit hostel et s'en ala au giste à Argentueil (Reg. crim. Chât., I, 1389-1392, 128)

Entrementiers que la murmure estoit, ly roy des Bretons, qui fu saiges et soubtilz, pour doubte que les parties estoient de grant lignaige et que par ce aucun inconvenient n'en peust encourir, envoya soubdainement fermer les portes, que nulz n'en peust yssir, et garder par gens bien armez (Arras, c.1392-1393, 60)

Et pour ce, mon ami, que ce peché est si tres deshonneste, le vray amoreux, comme j'ay dit, pour doubte que sa dame ne en preyne desplaisir, pour acquerir sa grace, a tout pouoir le fuit. (La Sale, J.S., 1456, 28)

Et si ne passasmes oncques haye, qu'il ne demourast derrière pour la relever, s'elle estoit foulée, de doubte que on congneust que nous eussions passé par là. (Bueil, I, 1461-1466, 34)

Et, quant il fut à Escalon o tout son ost et toutes ses finances, il eust les nouvelles de ses ennemiz et là conclud sa guerre, ainsi que vous orrez. Et ne le fist pas plus tost pour doubte qu'il n'y eust aucun en sa compagnie par quoy ses ennemiz feussent avertiz. (Bueil, II, 1461-1466, 145)

Et, pour ce que l'arriere garde des Bourguignons est encores vers La Fere, ilz n'ont pas encores voulu desemparer Noyon, pour doubte que les autres n'y retournassent. (Le Clerc, Interp. Roye, c.1502, 320)

b)Avoir doute

[Dans un tour exprimant l'exhortation]

Lors me dreçay sus mes genous, Et la dame prist a sourrire Et dist : 'N'aiés doubte, biau sire, Eins vous seës ; car cilz courrous N'est pas encommenciés pour vous.' (Mach., D. Lyon, 1342, 223)

Et ne aiés nulle doubte, car je trouverai assez chemin par quoi nous pourrons tout a loisir deffermer le tresor. (Mach., Voir, 1364, 434)

Avoir doute de qqc. Avoir peur de qqc..

...et puis manda par certains messaiges à Alixandre (...) qu'il s'en retournast seurement et qu'il n'eust doubte de riens (La Sale, Sale D., 1451, 110)

Avoir doute de + inf. Avoir peur de.

J'ay doubte de me veoir pugnir Par les Philistiens, qui guerre Viennent faire dessus ma terre (Myst. Viel test. R., t.4, c.1450, 158)

Avoir doubte que + subj.

...grant doubte ay qu'elle n'ait de moy cure. (Mach., Compl., 1340-1377, 252)

Car doubte ay, dont je me marvoy, Que ses gentis cuers envers moy Ne soit irez. (Mach., R. Fort., c.1341, 45)

Sire, avançons nous, car j'ay doubte, Quant nous verra, qu'il ne s'en voit. (Mir. st Guill., c.1347, 17)

...le partir de vous me sera si dur que j'ai tresgrant doubte que je ne le puisse endurer (Mach., Voir, 1364, 292)

Et pour ce que l'on veoit beaucoup de gens mortz, ilz eurent doubte que ce ne fussent des leurs. (Comm., I, 1489-1491, 158)

J'ay doubte que les Bretons et eulx soient d'accord de me demander recompense qui me fust plus dommageable que les deux villes, puisqu'ils le sement avant la main (Le Clerc, Interp. Roye, c.1502, 208)

c)En doute

Avoir qqc. en doute. Craindre qqc.

Mais, pour sagement vostre prouffit en faire, pensez et entendez que ce cop et divine bature vous est advenu en la personne d' icelluy, affin que vous congnoissiez le povoir de Dieu et l'ayez en crainte et en doubte. (La Marche, Mém., I, c.1470, 144)

Estre en doute. Vivre dans l'inquiétude, la peur.

...et les tresoriers furent en doubte et en cremeur, car ilz ne savoient ne pouoient trouver voie par quoy ilz se peüssent excuser souffisamment. (Bérinus, I, c.1350-1370, 385)

: ...le pays a esté et estoit toudis en doubte pour telz gens (Froiss., Chron. M., XIV, c.1375-1400, 197)

Et chevauçoient bien souvent sus une nuit trente liewes, et venoient sus un pays qui n'estoit en nulle doubte, et ensi eschelloient il et embloient les chastiaus et les forterèces parmi le royaume de France. (Froiss., Chron. L., V, c.1375-1400, 121)

Estre en doute de qqn/qqc. Craindre pour qqn/qqc..

Dont la prist Aigres a reconforter et luy dist: 'Damoiselle, or vous appaisiez et ne soyez ja en doubte de moy, car bien me osteray de ce peril, mais que vous me creanciez la vostre amour et que me vueillez mon desir accomplir'. (Bérinus, I, c.1350-1370, 43)

...et, par temps de guerre, chascun vist en paour et en doubte de corps et de biens, et ne puelt dire au vray qu'il ait riens, pour grant qu'il soit ne pour puissant. (La Sale, Salade, c.1442-1444, 11)

Estre en doute de sa vie. Craindre pour sa vie.

...depuis que ung prisonnier est pris en une besongne, qu'il a donné sa foy à son maistre, qui lui a sauvé la vie, qu'il est tant tenu à luy qu'il ne doit point partir d'avecques lui sans premièrement l'avoir contenté et avoir congié de luy et quictance de sa foy, sauf en deux points : le premier qu'il ait cause bien congneue pour quoy il soit en doubte de sa vie (Bueil, II, 1461-1466, 134)

Estre en doubte de + inf. Craindre de.

Si deving merancolieus, Tristes, pensis et plain d'anoi, S'au pis assez c'onques mais n'oi ; Quar vraiement j'estoie en doubte De perdre m'esperance toute. (Mach., Voir, 1364, 86)

Estre en doubte que + subj. Craindre que.

Si que, dous amis, ne te doubte, Car tu ne dois pas estre en doubte Que je ne soie tienne toute Et sans partie, N'en moy n'a de traïson goute, Pour ce qu'elle est trop male gloute. (Mach., F. am., c.1361, 225)

Mettre qqn/un aspect de la personne en doubte

Provoquer l'inquiétude (chez qqn).

Me moustra elle une maniere Aspre, crueuse, male et fiere, En signe de grant mautalent, Pour moy faire le cuer dolent Et mettre ma pensée toute En effroy, en soing et en doubte. (Mach., J. R. Nav., 1349, 165)

En grant doubte et paour me met Ma vision. (Mir. Theod., 1357, 123)

Tres chiers sires et biaus cousins, soiiés tous segurs : quoique Phelippes de Valois fust couronnés a roy de France, et que li douse per de France l'eslisirent et esleverent, si fustes vous bien mis en doubte ; et se vous l'euissiés debatu ou envoiiet debatre, ja on n'euist procedé ens ou couronnement. (Froiss., Chron. D., p.1400, 229)

Adonc le Jouvencel respondist : 'Monseigneur, tousjours y auroit-il rapporteurs et gens qui vous mettroient en doubtes. Et, quant vous aurez les gens d'armes et les places, vous aurez la puissance. Ainsi serez hors de toutes doubtes. Et ne vous peult-on riens rapporter de moy, sur quoy vous ayez souspeçon.' (Bueil, II, 1461-1466, 257)

Inspirer de l'inquiétude à qqn.

'Et bien croy que son pere, mon mary, quant il sçaura que je la vous ay laissée, en sera tout resjoy, car ja m'avoit-il dit que ceste fille le mettoit en doubte et en soing.' (Froiss., Chron. M., XIV, c.1375-1400, 69)

Se tenir en doute. Être inquiet, se tenir sur ses gardes.

Cilz Aymeris ne se tenoit en nulle doubte, mès ossi segur en son chastiel, sans garde et sans get, que donc qu'il fust à Londres ou en Calais. (Froiss., Chron. L., IV, c.1375-1400, 99)

d)Faire doute

Susciter de l'inquiétude (par une action douteuse).

Sy apperçoy le grant danger Ouquel omme amoureux se boute. Et qui me vouldroit laidanger De ce mot, en disant : 'Escoute ! Se d'amer t'estrange et reboute Le barrat de celles nommees [les filles de joie] , Tu faiz une bien folle doubte, Car ce sont femmes diffamees...' (Villon, Test. R.H., 1461-1462, 60)

Faire doute de qqc.

Craindre qqc..

Biau signeur, vous dirés ensi a nostre fil d'Engleterre que nous li savons bon gré de ce que (...) il poise la matere et fait doubte des avenues, car ce n'est pas petite cose voirement a desfiier le roiaulme de France. (Froiss., Chron. D., p.1400, 250)

Craindre, avoir des inquiétudes pour qqc..

...iceluy se trouva durement perplex de ces nouvelles, et tant pour la vie de son frère, dont il faisoit grant doute, comme de la mauvaise accusation qui en pouvoit tourner sur luy (Chastell., Chron. K., t.5, c.1456-1471, 89)

Faire doute que. Craindre que.

...li signeur d'Engleterre (...) faisoient doubte que ils ne les venissent escarmuchier par nuit (Froiss., Chron. D., p.1400, 149)

Mais helas ! je fais doubte que pluseurs de nous ne ressemblent a la corneille qui se baigne souvent, et ja pourtant ne devient blanche. (Gers., Concept., 1401, 427)

e)Mettre des doutes en qqc. Exprimer des craintes à propos de qqc..

Il leur recorda (...) les doubtes que le roy et son conseil y mettoient, et comment on vouloit bien que la taille fust faicte et levée (...) tant que on venroit la vraye fin de ces pillars qui tenoient fors, chastiaulx et garnisons du royaulme. (Froiss., Chron. M., XIV, c.1375-1400, 138)

Mettre doute en son fait. Craindre pour sa vie.

...quant il se senti ainsy navré, il mist doubte en son fait (Percef. III, R., t.3, c.1450 [c.1340], 127)

Et l'autre chevalier ala devers Bruiant de randon, lequel, quant il le vey venir, mist doubte en son fait et lui tourna le dos et a course de cheval se bouta en la forest. (Percef. III, R., t.3, c.1450 [c.1340], 130)