BIENVEILLANT

adjectif

[T-L : bienvueillant ; GD : bienvoulant ; GDC : bienvoillant ; AND : bienvoillant ; FEW (XIV, 218a) : velle ; TLF (IV, 486a) : bienveillant]

Bienveillant à/de qqn. Ami, partisan de qqn.

...comme il ait servi nostre très-chier seigneur et père (...) et fait certains ouvrages d'ymagerie qui bien lui furent plaisans et agréables, et aussi ait tousjours esté bienvueillent de nous et de noz subgiez et en tout obéissant. (Ch. VI, D., t.1, 1383, 49)

Et se ainsi n'est fait, et les Engleiz se mettent aussi samblablement les premiers oudit pays de Guienne, ilz tendront icellui pays en très-grant subgection, et feront et porteront moult de domaige à ceulx du pays d'ilec environ tenens le parti et bienveuillant du roy et de son royaume. (Reg. crim. Chât., II, 1389-1392, 197)

Pensez a elles [les âmes des trépassés] , non pas a moy, et enclinez voz chiefs en signe de humilité, et entendez que dit la mere a son enfant, ou chascun mort a son heritier ou executeur, a ceulz qui luy estoyent amis ou bienveuillans au monde. (Gers., Déf., 1400, 226)

Combien que ceste cosse soit si aparisans (...) Des mauvais cuers faintis et des mauvais tirans Qui vaurent exurper le roiaume des Frans Et destruire le roy et tous ses atenans, Comme fieus et fiévés et princes et tenans Qui estoient au roy amis et bien vellans, Chieus voloient destruire les pervers soudoians Avoecques le roiaume et tous les abitans, Et prehender ayans et estre posessans Des castiaus et des villes et des cités poisans. (Geste ducs Bourg. K., c.1410-1419, 291-292)

Charles, son frere, et le duc de Bretaigne s'estoient reunys et devenus bons amis et bienvueillans au roy (Roye, Chron. scand., I, 1460-1483, 210)

Emploi substantival. Celui qui veut du bien à qqn, ami, partisan.

La vaillant contesse s'i acorda legierement, aussy firent tous ses bienvueillans (Le Bel, Chron. V.D., t.1, 1358, 342)

Si semondrez solennelment Et par personnes solennelles Seigneurs, dames et damoiselles, Et tous noz parens et affins, Et noz bienveillans et voisins, Que tous vïegnent a ceste feste. (Gris., 1395, 19)

...pour prier Dieu pour le salut et prosperité de ce royaume et de la bonne ville de Paris et des habitans en ycelle ville, et de tous les autres bienvueillans du Roy et de cedit royaume (Fauq., II, 1421-1430, 90)

...les terres prinses et mises en la main du Roy des vassaulx, subgetz et bienvueillans, aliez, favorables, dudit duc de Bourgongne... (Monstrelet, Chron. D.-A., t.3, c.1425-1440, 37)

...pour le bien desdictes matieres, prouffit, utilité et honneur du Roy nostredict souverain seigneur, duquel, comme dict est, il est prochain parent, bienveillant et allié (Ecorch. Ch. VII, T., 1438-1451, 168)

C'est [la guerre] contre l'empereur romain Et encontre ses bienvueillans. (Myst. st Adr. P., c.1450-1485, 18)

Je n'ay point aprins que je donge Mes draps, en dormant ne veillant, A nul, tant soit mon bienveillant (Path. D., c.1456-1469, 116)

Le povre roy vostre tresleal bienvoeillant ne poeut estre sans penser a vous, son ymaginer ne comprent que vostre nom, son estomac ne digere que vostre esblouissante gloire, ses prieres et suffrages ne montent aux dieux fors en les appellant a vostre bien acroistre. (LEFÈVRE (R.), Hist. Jason P., c.1460, 134)

...il l'estourdy [le roy de Grenalde] , luy osta l'espee dez poingz, l'escu du col et le heaulme de la teste, voire et malgré tous sez bienvuellans le rendy prisonnier au soudan d'Aumarie qui jamés sy joieux ne fu. (Fille comte Pontieu B., c.1465-1468, 122)

Le vingt cinquiesme jour de may, le conte d'Estampes estant à Audenarde, fort accompaigné de la noblesse et puissance de Picardie, fit une emprinse pour aller gaigner sur les Gantois le villaige de Neve en Flandres, que les Gantois et le peuple, leur aidant et bienveuillant, avoient moult fort fortiffié (La Marche, Mém., II, c.1470, 254)

...ce dict jour fut prins par aucuns des bienvueillans du roy ung messagier qui alloit vers le duc de Millan (La Vigne, V.N., p.1495, 290)

...et que tous ceulx qui sont voz bienveillans, amys ou aliez, mondit seigneur les tient pour les siens, et par ce croit que mondit seigneur de Bourgoigne soit de ce nombre, car mondit seigneur est deliberé d'avoir amour à tous vous amys et bienveillans et tenir pour ses ennemis ceulx qui seront les vostres. (Le Clerc, Interp. Roye, c.1502, 223)