AMER

adjectif et substantif masculin

[T-L : amer2 ; GD : amer ; GDC : amer ; AND : amer2 ; DECT : amer2 ; FEW (XXIV, 391b-393a) : amarus ; TLF (II, 743a) : amer]

I. -Au propre.

A. -Adjectif.

1.[D'une chose concr.] Qui a une saveur âpre, désagréable.

...et se la fame sent sa sallive douce, c'est signe qu'elle est ensainte de masle ; et s'elle sent sa sallive amere, c'est signe de femelle (Saint-gille, Comment. A.Y. L., 1362-1365, 123)

...car telz trop replés se esjoïssent et delitent en choses agües, sures et ameres, desquelles nulle n'est delitable ne simplement ne selon nature. (Oresme, E.A., c.1370, 402)

...de viandes non ameres Les paissent, reschaufent et gardent (Desch., M.M., c.1385-1403, 210)

Est a scavoir, toutevoies que entre les choses congnoissibles les aucunes sont en dessoubz raison, comme celles que nous congnoissons par les sens corporelz comme les choses blanches, noires et verdes, doulces, ameres, dures, moles, les aultres sont prochaines a raison lesquelles nous percepvons moyennant raison, comme les choses vraies et faulses, justes et injustes. (Somme abr., c.1477-1481, 136)

...au pyé de ladicte fontaine avoit deux gargolles distillans, dont de ce que l'une distilloit estoit appellé amer ; et a celle gargoule estoit une fille richement habillee d'une robe de drap d'argent et d'autres joyaulx precieulx, laquelle parloit a Hercules, le requerant boyre a la fontaine du quartier d'elle, ou estoit le beuvraige amer, en disant... (Entrées roy. G.L., p.1490, 302)

O amer bruvaige, Venimeux potaige (Cene dieux, c.1492, 131)

[Dans un cont. métaph.]

Mais cils dons a saveur amere (Mach., C. ami, 1357, 68)

Douceur fine à mon goust amere (Mach., Bal., 1377, 539)

Quant un amant est si estraint, Comme en resverie mortelle, Que force de mal le contraint D'appeller sa dame crüelle, Doit on penser qu'elle soit telle ? Nenny, car le grief mal d'amer Y met fievre continüelle Qui fait sembler le doux amer. (Chart., E. Dames, 1425, 369)

2.Bouche amere

Avoir la bouche amere. Avoir une sensation d'amertume dans la bouche.

L'ivrogne a les joues pendans et le visaige rouge, et les yeus plains de sanc et les paupieres chacieuses ; les mains lui tremblent ; la langue est liee ; l'alainne lui put plus que un sepulcre ; le chief lui fait mal ; et si a la bouche amere, et a soif avant qu'il lieve de son lit, et aussi comme la sansue, tant plus boit et tant plus veult boire. (Corbechon, Propr. choses H., 1372, 62)

[Contexte métaph.] D'amere bouche

En regehissant noz errours De cuer contrict, d'amere bouche (Desch., M.M., c.1385-1403, 173)

Faire bouche amere à qqn. Laisser à qqn un goût amer.

Doulce suer, foy que je vous doy, Bien le verrez, n'en doubtez ja ; Car demain ceens dignera Pour l'amour ma fille, sa mére, Qui souvent me fait bouche amére, Quant de nous s'est ainsi perdue. Lasse ! puis qu'elle n'est venue, Je croy qu'elle est morte d'annuy. (Mir. st J. Cris., c.1344, 289)

B. -Substantif masculin.

1.Goût amer, saveur désagréable de qqc..

Alors estoyent rivieres et fontaines, Sans point d'amer, tres doulces, et certaines : C'estoit leur vin, c'estoit leur ypocras (Antitus, Poés. P., c.1500, 29)

2.Sensation désagréable.

Et li faites cen au matin a jeun, et aprés grant pieche li donnés une cuisse de poulete jeune moullie en yaue ovec chucre, quer le chucre oste l'amer de la gorge. (Henri Ferr., Modus et Ratio, Livre deduis T., c.1354-1377, 206)

3.Par métonymie. Chose amère.

a)Boisson, beuvrage amer.

...au pyé de ladicte fontaine avoit deux gargolles distillans, dont de ce que l'une distilloit estoit appellé amer ; et a celle gargoule estoit une fille richement habillee d'une robe de drap d'argent et d'autres joyaulx precieulx, laquelle parloit a Hercules, le requerant boyre a la fontaine du quartier d'elle, ou estoit le beuvraige amer, en disant... (Entrées roy. G.L., p.1490, 301)

[Contexte métaph.] Boire l'amer du vaisseau. Boire la coupe jusqu'à la lie.

...le gentil amoureux ne beut point tout l'amer de son vaisseau a ce disner (C.n.n., c.1456-1467, 372)

Proverbe.

Qui chose doulce veult gouster de l'amer doit premier taster. (Colart Mans., Dial. créat. R., 1482, 105)

b)Bile, fiel.

Un serpent il a en la mer, Rempli de venim et d'amer, Qui ses faons devourer vieut, Mes a la mere cuers en dieut (Best. lap. Rosarius S., c.1330, 45)

Certes, enfantosmez nous ha ! Boire ly donrray, se voulez, Buvrage qui oncques coulez Ne fu ; ja bien ne li fera ! Or escoutez quielx il sera : Pour ce que Jhesu voy sy maigre, D'amer de beste et de vin aigre Sera destranpé ce buvrage ! (Myst. Pass. N.S. R., c.1350-1370, 208)

Au commencement des souppes de lyevres fault que les lyevres soient escorchiés bien et nectement, et les buchés sur beau feu cler, et puis fendre les bien et soubtillement et boutés l'ordure dehors ; et soit advisé celles qui seront entieres que on creve les boyaulx et leve les feies dedans, et en oster l'amer, et si soient lavés en tresbon vin claret (Chiquart, Cuis. S., 1420, 152)

Bourse du fiel ou de l'amer. Vésicule biliaire.

...la bourse du fiel ou de l'amer (Saint-gille, Comment. A.Y. L., 1362-1365, 151)

Par métaphore. Boire de l'amer. Subir la peine, les mauvaises conséquences de qqc..

Or en Dieu soit le surplus ; et en luy je remets tout ; et par saint George ! il en buvera de l'amer avant que je meure, ne jamais ne recouvrera ce que je luy ai offert. (Chastell., Chron. K., t.5, c.1456-1471, 191)

II. -Au figuré.

A. -[Idée de rudesse]

1.Adjectif. [D'une pers., d'une personnif.] Qui manifeste de la rudesse, blessant, cruel.

[D'une pers.]

Item, en cest vice sont ceulz qui sont appeléz amairs, et sont ceulz desquelz le yre est forte a oster et dure longuement (Oresme, E.A., c.1370, 262)

Maiz qui toute jour la veïst [Griseldis] , Onques maiz ne vi moins amere, N'avoir plus grant douceur en mere Qu'en lui ont les enfans eü, Tant comme elle les a tenu Et eü en sa compagnie. (Gris., 1395, 67)

Item en Dieu n'est nulle alteration, c'est a dire qu'il n'est pas aultre, aucune fois liet, aucune fois triste, aucune fois doulz, aucune fois amer car tousjours est ung sans changier. (Somme abr., c.1477-1481, 143)

Amer à qqn

...a l'issir dou ventre ta mere Elle ne te fu pas amere, Einsois te fu moult amiable, Douce, courtoise et charitable (Mach., R. Fort., c.1341, 96)

Vierge royal (...) Doulce a touz, a nulle amére... (Mir. prev., 1352, 259)

Amer de coeur

Haa, dist Presine, (...) faulses et mauvaises, et tres ameres et dures de cuer, vous avez mal fait, quant cellui qui vous avoit engendrees vous avez ainsi pugny par vostre faulx et orguilleux couraige (Arras, c.1392-1393, 12)

[D'une personnif.]

Ce te demoustre chose clere, Que Fortune est douce et amere (Mach., R. Fort., c.1341, 88)

Aveugle Fortune, dure, sure et amere, bien m'as mis du hault siege de ta roe ou plus bas et ou plus boueux et ort lieu de ta maison ou Jupiter abeure les laz, chetifs, doulereux et maleureux. Tu soies de Dieu maudite. (Arras, c.1392-1393, 243)

Amer à qqn

Fortune m'est dure, amere et diverse (Mach., Compl., 1340-1377, 252)

He mort, com tu es amere Hui au fil et a la mere. Trop amere es quant occis l'as, Amere quant occis ne m'as. (Guill. Digull., Pèler. âme S., c.1355-1358, 214)

2.Substantif masculin. Rudesse, méchanceté, aigreur.

Quant vo douceur adoucir Vuet mon amer. (Mach., Ch. bal., 1377, 612)

Dont dire puet : 'Je me muir pour amer, Puis qu'en amer ne puis trouver qu'amer' (Mach., L. dames, 1377, 39)

Jhesus en cui tous biens habunde, Qui d'enfer rachetas le monde, Aprens mon cuer a toy amer Et m'oste de piechié l'amer. (Prières saints R., t.1, c.1400-1500, 143)

Parleray jë, et di devant quiconques Qui bien aiment et qui amerent oncques, Que en bien amer - Dont nul ne doit le hault los entamer, Qui que s'en loe ou s'en vueille blasmer - Y a trop plus du doulx que de l'amer. Je l'ose dire. (Chart., D. Fort., 1412-1413, 164)

Plein d'amer

David ou Psaultier nous en touche, Et dit : 'De l'Envieux la bouche, Est pleine de maleïchon, D'amer et de pugnicion.' (Renart contref. R.L., t.2, 1328-1342, 128)

Elle tira son frain, si cuida retourner. Mais Milles li traïttres, qui estoit plains d'amer, Dou plat de son espee va la bielle fraper, Que sur l'archon devant fist son corps souviner (Flor. Rome W., c.1330-1400, 209)

Quant Danemont l'entent le cuer ot plain d'amer (Renaut Mont. B.N. V., c.1350-1400, 672)

Ilz furent en ung port de mer, Cuidans commencer leur voyage, Ou les mariniers pleins d'amer Voulurent follement amer Theospite et la diffamer Par trop desordonné courage. (Vie st Eust. 2 P., c.1400-1450, 201)

Mes bons subjetz a la guerre submis Sont pris et mis a mort et mes amis Sont endormis, ne sçay quel saint clamer ; Plains sont d'amer, qui me doibvent amer, Pour entasmer mes vergiers et pastis : Les grands poissons mengüent les petis. (Molinet, Faictz Dictz D., 1467-1506, 80)

Point d'amer

Et quant einsi les maus d'amer Sen pour vous, dame, point d'amer Ne me devez faire sentir (Mach., D. Lyon, 1342, 192)

Vraiz Diex, en qui n'a point d'amer... (Mir. st Ign., 1366, 104)

...le dous viaire cler Qui n'a point d'amer (Mach., Lays, 1377, 420)

...ça, messeigneurs, et mes amys, Il est temps de monter en mer, Pour Dieu, soyons bons et unys Et qu'en nous n'y ait point d'amer ; Que nous soyons tous confermez A soustenir ceste querelle Pour nostre roy qu'on doit aymer D'amour lealle et naturelle. (Myst. siège Orléans H., c.1480-1500, 107)

Sans amer

Tresdoulce vierge puissans, Bon vous fait amer De cuer sanz amer. (Mir. enf. diable, c.1339, 18)

Quiconques sert il doit amer Son maistre de cuer, sans amer, Et de si loial cuer servir Que s'amour puisse desservir. (Jacques Bruyant, Voie pauvreté richesse P., 1342, 23)

Quant le damoisel olt Esclarmonde parler, Molt en ot grant merveille ne ne scet que penser ; Sans mot dire la va longuement regarder Car molt amoit la dame de bon cueur sans amer. (Flor. Octav. L., t.1, c.1356, 373)

M'amour, ellas, veuilliés amer Cyl qui vous ame sans amer D'amour tresamoureusement (Vaillant, Oeuvres D., c.1445-1470, 202)

Sans point d'amer

Et elle aussi tant l'amera Comme dame puet homme amer, Entierement, sans point d'amer. (Mach., J. R. Nav., 1349, 189)

Moustra, à bon entendement, Comment on doit son Dieu amer Et son proisme sans point d'amer (Mach., P. Alex., p.1369, 241)

Nimphes des bois, deesses de concorde, Dieux amoureux, et seraines de mer, Chantés de voix doulce, sans point d'amer. (Molinet, Faictz Dictz D., 1467-1506, 127)

B. -[Idée de souffrance, d'affliction]

1.Adjectif.

a)[D'une pers.] Qui manifeste de l'affliction, de la tristesse.

Si demeinent grant marrement Ses chieres serours et sa mere Et belle Helayne, qui amere Et dolente yert de la meslee (Chr. Piz., M.F., III, 1400-1403, 81)

Par métonymie.

...chascuns a cuer amer En ce cas, de vieillesse amer. (Desch., M.M., c.1385-1403, 192)

b)[D'une chose abstr.]

[D'une action, d'une annonce] Qui cause de la douleur, de l'affliction (par les conséquences qu'elle entraîne ou peut entraîner), blessant, néfaste.

...il me vaulsist miex C'onques ne fusse né de mére Qu'avoir fait euvre si amére Com j'ay fait de ce basme vendre. (Mir. pape, 1346, 368)

Las ! Qu'est ce que m'alez disant ? Cousin, vez cy parole amere. Ay je perdu et filz et mere (Mir. enf. ress., 1353, 56)

Car l'aventure est si amere Que noyé l'a sa propre mere... ? (Mir. enf. ress., 1353, 63)

Nouvelle vous apport amére. Vostre fille a perdu son pris, Car toute prouvée l'ay pris Avaic Amilles en son lit (Mir. Amis, c.1365, 26)

Tout ce que je souloie amer Me semble sur et trop amer (Mir. Rob. Dyable, c.1375, 40)

Ce fut sentence trop amere De lui sus mettre un adultere (Desch., M.M., c.1385-1403, 146)

Leurs faiz [des prélats] sont plus amer que suye (Desch., M.M., c.1385-1403, 170)

Mais Dieu, qui les choses prevoit Et a son vouloir y pourvoit, A Joseph le fait revela, Qui en Egipte s'en ala Et mena l'enfant et sa mere, Doubtans ceste entreprinse amere Que le fel Herode encouru, Dont puis villainement mouru. (Gréban, Pass. J., c.1450, 136)

...les ameres temptations des ennemis invisibles (Disc. amour divine, 1470, 15)

Estre amer à qqn

...que forfais li soit amer (Mach., D. Aler., a.1349, 350)

Car je sens ma condicïon Müee, et ma complexïon, Si que ce que souloie amer M'est maintenant sur et amer. (Mir. enf. ress., 1353, 6)

Et en alant d'acort chantons ; Ce ne nous doit pas estre amer. (Mir. st Ign., 1366, 104)

Car se mais samblant faisoie, Sans doubte, en dous mueroie Ce qui tant leur est amer. (Mach., L. dames, 1377, 123)

...mais ne me fust amer Le mourir, quant j'ouy l'escry Des maronniers (Chr. Piz., M.F., I, 1400-1403, 48)

Estre amer à + inf. Être pénible, douloureux à.

Mais pour ce que ceste sentence A qui ne sceit de la scïence Seroit a croire trop amere, Vez ci une raison bien clere Qui l'en fait demonstracion (Tomb. Chartr. Trois contes S., c.1337-1339, 101)

Car c'est dure chose et amere A croire qu'avenist a mere Qu'a mort mist son enfant jamais (Mir. enf. ress., 1353, 47)

Toutes ces choses sont cogneues et notoires et m'en rapporte a Dieu qui les voit, et neantmoins je les passe, car ameres sont a ramentevoir, fors tant que je ne me pourroye tenir de dire que la legiere foy muable et petite loiaulté des subgez a ceste seigneurie est mouvement et occhoison de la venue de noz ennemis sur nous, qui autrement n'en eussent prins le hardement. (Chart., Q. inv., 1422, 28)

[D'une situation soc. ou personnelle] Qui s'accompagne de souffrances ; pénible, dur à supporter.

...la misere De la presente vie amere Et ses paines après la mort (Desch., M.M., c.1385-1403, 215)

Romps doncques le lien de ta vie qui te tient en cest amer servage, et te delivre a coup de meschiefz infinis par ung tout seul meschief ; eschappe a une foiz les dangiers de fortune, et oublie tout, fors que aussi bien tost ou tart te convient il mourir. (Chart., L. Esp., c.1429-1430, 20)

Pouvre maleureux veillart, (...) de qui la fortune et destinée sont dures, ameres et malgoustables (C.n.n., c.1456-1467, 555)

Neantmoins faut-il [mieulx] premièrement avoir du malheur que de l'heur, et doit-on prendre en pascience les choses ameres et les diversitez de fortune, qui vuelt parvenir à hault estat. (Bueil, I, 1461-1466, 22)

[De la mort]

...la tres amere passion que Il souffry pour vous en l'arbre de la croix tres precieuse (Gers., Cendres G., c.1402, 976)

La chouse luy doit bien desplaire, Car amere Est la mort d'un homme parfait, Juste, sanct, doulx et debonnaire (Pass. Auv., 1477, 109)

Les dames avec les pucelles, Adolescens, tendres pucelles Perdront leur fleur par mort amere (Cene dieux, c.1492, 133)

...tant qu'ilz ne se fussent peu tenir de plorer, souspirer, ou du moins regretter ceste piteuse et trop douloreuse amere mort. (La Vigne, V.N., p.1495, 310)

[P. méton. du subst. qualifié] Voie amere. Chemin difficile, qui cause beaucoup de souffrance physique.

En grant yver, par voye amere, Au duc Mauclerc mistrent le siege (Desch., M.M., c.1385-1403, 308)

Par métaphore.

...pour ce dois clamer A Dieu que de ce lac amer (...) oster te vueilles (Desch., M.M., c.1385-1403, 212)

[D'un état moral ou psychique, d'un sentiment] Qui traduit un sentiment de tristesse, d'amertume ; empreint de douleur, d'affliction.

Car en mon cuer li maulz d'amer Est si poignant et si amer Qu'il fait nuit et jour enflamer Mon dueil et m'ire (Mach., Compl., 1340-1377, 241)

Et si senti doleur si dolereuse Que je croy bien qu'onques femme ne mere Ne senti mal ne doleur plus amere. (Mach., Compl., 1340-1377, 253)

Cy a douleur dure et amere, Que l'enfant est mort par la mere (Mir. enf. ress., 1353, 32)

Mon cuer, ma suer, ma douce amour, Voi ma tres amere tristour (Mach., Voir, 1364, 4679)

O tu, qui blasmes saint Pierre pour ce qu'il renia son maistre, ou qui pour ce veulz tes pechiez excuser, avise, je te prie, comment a ung seul regart de Jhesu Crist, il se converti soudainement a repentence tres amere, en pleurs et en gemissemens continuelz. (Gers., P. Paul, a.1394, 489)

Helas, pour bien loyalment vous aymer, J'ay eu du mal et du dueil tant amer Que de pasmer J'estoye contrainct, sans dire mot a ame. (Au grey d'amours F.-H., c.1400-1500, 264)

Son contraire [le contraire de la vérité] tient autre chemin, car son entree leur est attraiant et plaisant [aux haultes seigneuries] , mais sa conclusion est triste et plaine d'amere repentance qui a tart leur vient. (Chart., Q. inv., 1422, 43)

Las, que dira son bon seigneur de pere (...) Quant ses piteuses nouvelles ilz orront ? Et puis sa seur, las, quelle douleur amere ! Et que dira le frerë a son frere ? (Régn., F.A., 1432-c.1465, 181)

Je ne vous sçavroye dire la feste que fist le Chevalier Doré a Estonné, veu qu'il maintenoit qu'il l'avoit mis hors du plus grant et amer doel que chevalier peut avoir et mis du tout en deduit et soulas, car a present il ira veoir sa maistresse sans avoir doubte de cheoir en blasme ne reprouche. (Percef. III, R., t.2, c.1450 [c.1340], 20)

O temple, il te fault fondre Et sur terre toy abismer. Obeys a Dieu et t'effundre Pour monstrer deul grant et amer ! (Pass. Auv., 1477, 225)

Cet s'ilz eussent eu à faire, ilz ne l'eussent jamais faict : qui leur estoit une aultre amère douleur (Comm., III, 1495-1498, 298)

[Des manifestations du sentiment]

Dont Heleinne ot meint dur remors Et ploura meinte larme amere O Ecuba, sa chiere mere. (Mach., C. ami, 1357, 94)

La peussiez oïr et veoir grant pitié, car, si tost que les moines sentirent le feu, ilz commencierent a faire piteux criz et tres amers et doulereux plains ; mais ce ne leur vault riens. Ilz reclament Jhesucrist et le prient devotement qu'il ait mercy des ames d'eulx, car des corps est doresenavant neant. (Arras, c.1392-1393, 251)

Comme la doulour excessive De mon intollerable dueil Me contraigne, par la lessive Du tres amer plour de mi ueil, A mes doulours specifier A toy, la mere d'equité, Dont pour les te signifier, Mon cuer en sera acquité. (Chr. Piz., Chem. estude P., 1402-1403, 113)

2.Substantif masculin. Douleur, affliction, tristesse.

Las ! chetif, plain de tout amer, Las ! or ne sçay je que je face. (Mir. pape, 1346, 378)

Ilz habonderent de maint hoir, Multiplians sanz nul amer Plus que la gravelle de mer, Vivens du leur en bonne vie, Sanz avarice et sanz envie (Desch., Oeuvres R., t.8, c.1370-1407, 263)

...tu y trouveras l'amer Et au derrain le glaive agu (Desch., M.M., c.1385-1403, 185)

...de ses souspirs vient l'amer Du cri Axa (Desch., M.M., c.1385-1403, 215)