ZIZANIE

substantif féminin

[T-L : zizanie ; GDC : zizanie ; FEW (XIV, 664b) : zizania ; TLF (XVI, 1427a) : zizanie]

A. -Au propre. Ivraie, mauvaise graine qui vient parmi le bon grain et l'étouffe.

Remarque : GDC X, 875a (doc.1291 et COLART MANS., Bibl. des poet. de metam., c.1480).

B. -Au figuré. Discorde dans un groupe, zizanie.

...environ le commencement du moys de juillet, fut semé certain langage par gens plains de zizanie, et disoit-on que on voulloit empoisonner le roy très chrestien Charles VIIe de ce nom, luy estant à Meun sur Yèvre. De laquelle chose après qu'il fut informé, ficha tellement ledit empoisonnement en son ceur, que oncques puis n'eult joye ne santé. (Chart. J., Chron. Ch. VII, V., t.3, c.1437-1464, 112-113)

...fut semé certain langaige par gens plains de zizanie et disoit que on vouloit empoisonner le Roy (Le Bouvier, Chron. Ch. VII, C.C.J., c.1451-1455, 415)

...mectre grande zizanie, discorde et desunion (Ordonn. rois Fr. P., t.18, 1474, 57)

(Semer) la zizanie

Et que pis est, les mariniers se rebelloient contre les patrons, desquelx patrons les aucuns des plusgrans, par horrible trahison, ou beau champ de froment semans la zizannie, n'orent pas vergoingnes de faire aliance et compaignie au seigneur de la nef Malvoisine, par telle maniere que la zizannie en la souveraine nef tant creut et tant monta que du palays royal du millieu de la poupe on n'osoit pas partir pour aler devers le mast et adroissier le tref, sans avoir la teste armee. (Mézières, Songe vieil pèl. C., t.1, c.1386-1389, 551)

...tu pues bien avoir entendu par les proposicions des deux procureurs sustouchiez, la zizanie qui a este semee ou champ de ta mere sainte eglise depuis le temps Constantin, et comment ladicte zizannie, selon le dit d'aucuns, c'est assavoir la haulte seigneurie et execucion de l'espee temporelle de l'eglise sustouchee, non tant seulement est apparcreue en suffocant le froument en l'eglise gallicane mais par tous les royaumes de la Crestiente (Mézières, Songe vieil pèl. C., t.2, c.1386-1389, 306-307)

...tantost orguel, envie et avarice y prendent leur signourie, voire l'anemy de l'umaine nature Israel contineulment impugnant et par ses disciplez partout a son pooir zinzanie semant, car il se dit en proverbe que par le pieure roe du char les grans noisez sont esmeues. (Mézières, Sustance H., 1396, 68-69)

...[le diable] ne trovera pas champ convenable la ou la zinzanie puisse rendre grant fruit, [et] pour ce il se retornera as autres champs en l'ost, qui par regle convenable ne seront pas si bien cultives, et la semera la zinzanie comme il a acoustume, et par consequant un grant host communalment ne peut pas estre longuement sans debas et discentions. (Mézières, Sustance H., 1396, 69)

...la naiscence de la racine de zezanie entre eulx semmee te conteray. (Chr. Piz., Avision T., 1405, 87)

Semence de zizanie

...et grant part dez regions d'Asie, aux eglises desquellez s'adressent les epytres dez apostres, toute Affrique, et aucunes provinces d'Europe vers Occident, jusquez dedens Espaigne, et vers Orient, jusquez en Trace et Pannonie, sont pervertis de foy crestienne, et infaictes par semence de zizanie et de secte nouvelle (Chart., L. Esp., c.1429-1430, 117)

Seminateur de zizanie

'Que se dira,' dist la royne, 'Beau Filz, de ceulx qui sont acoustomez de rapporter mal d'autrui, qui sont en l'evvangile appellez detracteurs et seminateurs de zizanie, par laquelle il fault a maint homme perdre la vie ?' (Mézières, Songe vieil pèl. C., t.2, c.1386-1389, 235-236)