DISSENSION

substantif féminin

[T-L : dissensïon ; GD : dissention ; GDC : dissension ; AND : discension ; FEW (III, 99a) : dissensio ; TLF (VII, 303a) : dissension]

A. -Désaccord, dissentiment, discorde suscitée par une opposition d'intérêts ou d'opinions, dissension.

Enssi ot Esmeréz la dame o le crin blon Et fu loncq tamps o lui en grant solation A joie sans anuy et sans discention, Et siervirent Jhesus par vraie intention. (Flor. Rome W., c.1330-1400, 280)

...pour oster les dissencions et brigues, qui pourroient estre entre les dite dame et enfanz, d'une partie, et les autres enfanz au dit chevalier, d'autre, sur les parties et divisions de la terre au dit chevalier, sauf et retenu son usufruit ès dites choses (Doc. Poitou G., t.2, 1334, 111)

Sy comença entr'eulx telle dissensïon Que tüés s'entreffussent dedens le pavilhon (Flor. Octav. L., t.1, c.1356, 08)

...li respondi Que celui qui ce li enorte, Et teles nouvelles li porte, Avoit menti mauvaisement, Et qu'il le disoit vraiement Pour engendrer division, Et une grant discention Entre le bon roy et le pueple, Quant si faites paroles pueple. (Mach., P. Alex., p.1369, 250)

'Qui considere bien en esperit', dist la royne, 'les grans haynes, dissencions et questions publiques et latentes, qui sont aujourdui en la nef francoise, entre la juridicion seculiere et la juridicion de l'eglise...' (Mézières, Songe vieil pèl. C., t.2, c.1386-1389, 298)

...quant en l'ost des roys catholiques, l'anemi de l'umaine nature procurant, aucuns rumours, debas ou dissentions sourdront ou seront taillie de sourdre (...), le prince de la Chevalerie du Crucifix (...) se travellera a son plain pooir d'estaindre lesdis debas (Mézières, Sustance H., 1396, 50-51)

Il semble que Tulles prophetisast à nous la venue du temps present quant il dit la parolle cy dessus alliguée qui veult dire que nous pouons ores appercevoir comment est grande la force et vertu d'amistié et de concorde aux maulx qui nous sont venus par discencion et descors. (Chr. Piz., Paix W., 1412-1413, 124)

...la journee ilec tenue sur le fait de la distencion estant entre madame la vicontesse de Meaux et madame de Montagu, sa seur (Comptes Etat bourg. M.F., t.3, 1418-1420, 582)

Lesquelz de Navarre et de Berry, mirent et rendirent grant peine par moult de manières à les mectre d'accord. Mais pour ce qu'ilz n'y porent besongner, mirent la discencion en la main du Roy, par le consentement desdictes parties (Monstrelet, Chron. D.-A., t.2, c.1425-1440, 64)

Pour certain l'evidence en est tout oultre manifeste, se on veoit que ou dedens des haultz palaiz naissent et croissent intestines dissentions et privees deffiances. (Chart., L. Esp., c.1429-1430, 80)

Alez semer dissension En tout le pays. (Marcadé, Myst. Pass. Arras R., a.1440, 79)

...la cité de Beauvoirs estoit en dangier de perdicion, et (...) La Hyre et ceulx de la ville estoient en grant dissencion (Gruel, Chron. Richemont L., c.1459-1466, 89)

...ainsi que pour les haultes et grandes querelles viennent les grans divisions entre les puissans et riches hommes, semblablement entre les povres s'esmeuvent noises et discensions pour assez pou de chose : car nul ne veult laisser perdre son droit. (Bueil, I, 1461-1466, 20)

...predist la destruction de Babillone (...) et l'infortune qui vint aux Rommains, la discension des nobles, la elevacion du commun et la grande secheresse, qui fut quasi universalle. (Simon De Phares, Astrol., c.1494-1498, f° 39 r°)

Ilz luy monstrerent d'aucuns traistres surquis Qui furent cause de la discension De Ludovic et monsieur le marquis (La Vigne, V.N., p.1495, 179)

Et y ont merveilleusement bien pourveü, et en maintes manières, car ilz n'ont point de tribuns du peuple comme ont les Romains, qui fut partie cause de leur discention (Comm., III, 1495-1498, 114)

Ledit seigneur de Montauban, admiral de France, que aucuns mescroient d'avoir esté cause de plusieurs discencions, et entre autres on disoit que, par son conseil, le roy, estant daulphin, ne voult oncques venir à appointement avec son pere. (Le Clerc, Interp. Roye, c.1502, 203)

Dissension entre.../d'entre et...

En ce temps dont je parole, avoit grande dissention entre le conte de Flandres et les Flamens. (Froiss., Chron. D., p.1400, 261)

...la Court (...) a respondu que, pour oster toute matiere de division et dissention entre lesdictes Universités et nourrir amour entre elles, a esté meue de faire ledit appoinctement (Baye, II, 1411-1417, 188)

Et quelque division, dissencion ou hayne qui soit entre eulx [les hommes d'armes] , toutevoye (...) ilz se doivent unir (Juv. Urs., Verba, 1452, 257)

...et ne scevent [les sujets du roi] que dire ou faire, veue la difference ou discencion apparente de entre le roy et aucuns seigneurs (Juv. Urs., D. Tours, 1468, 440)

De quelques dissentions d'entre le roy Charles et Ferrond de Castille et des ambassadeurs envoyéz de l'ung à l'aultre pour les appaiser. (Comm., III, 1495-1498, 283)

Mais ce pendant se esmeut discencion entre monseigneur Charles et le duc de Bretaigne, par mauvais et sinistres rappors. (Le Clerc, Interp. Roye, c.1502, 199)

Mettre dissension entre

...l'omme rioteux, noiseux et discordant puet esconmouvoir, non seulement la court d'un prince, mais tout un pays ou une ville par semer ses mauvaises parolles, mectre discencion entre les plus prochains amis (Chr. Piz., Paix W., 1412-1413, 87)

...pour dire et advertir le roy que plusieurs cappitaines et chefz de guerre de son ordonnance et retenue estoient à lui contraires, pour et afin de mettre dissencion entre le roy et lesdits gens de guerre, et aussi pour accuser aucunes notables personnes de Paris de non estre à lui feaulx (Roye, Chron. scand., I, 1460-1483, 78)

Dissension à l'encontre de

...une disension s'esmeut tres grande en la ville de Gant, des tisserans de draps a l'encontre de Jaqueme d'Artevelle (Froiss., Chron. D., p.1400, 637)

Dissension de qqc. (à propos de qqc., l'objet du litige)

Et faisoit guerre li biaus rois Phelippes as Englois en Giane pour auqunes disentions de terres, lesquelles estoient en debat des deus rois ensamble. (Froiss., Chron. D., p.1400, 628)

Avoir dissension (à/contre/encontre/vers qqn)

È-vous X chevaliers payens et esclavon, Frères, cousins giermains et d'une estrascion ; Mais au roy Corbarant orent discencion. (God. Bouillon R., t.2, c.1356, 342)

Aux paiens firent ilz grant persequcïon, Maint en firent finer et grant discencïon Ilz eurent encontre eulx (Flor. Octav. L., t.2, c.1400, 497)

Il n'a ne roy ne duc jusqu'en Carphanaon Que, s'il a vers le roy nulle disensïon, Qu'i ne fremisse et tramble (Huon Bordeaux B., c.1400-1450, 309)

Je le feray tost confuter, Et je vous diray par quel guise. Nous devons Cesar ung service, Les censives, vous le savéz, Et discenscïon vous avéz En disant : 'Point ne devons estre Subjectz ce n'est au Roy celestre Et a ceulx quil tienne sa loy, Et Cesar est païen par foy.' (Pass. Semur D.M., c.1420 [1488], 163)

Acorilo, duc de Dace, savoit bien que le peuple de Romme avoit grant discencion l'un contre l'autre par battaille civille (La Sale, Salade, c.1442-1444, 54)

Estre en dissension

En ceste partie nous tesmoingne l'ystoire que tant demoura Remondin en la terre de Guerrande qu'il mist accord entre aucuns des Bretons qui estoient en discencion, et fist tant que ly pays fu tous en paix. (Arras, c.1392-1393, 76)

B. -En particulier.

1.Discorde qui entraîne un affrontement armé.

Roulant estoit dolent en sa condicïon C'on ne mettoit a paix ceste discencïon (Gir. Vienne D.B., c.1350-1400, 170)

Se Karle avers nous a pris dissencion (...) Qu'i ont a conparer escuier ne garsson... ? (Renaut Mont. B.N. V., c.1350-1400, 245)

Et Godefrois s'arma. Là furent ly baron, Qui moult ly ont blasmé ceste discencion (God. Bouillon R.B., t.3, c.1356, 120)

Au rescourre le conte d'Ennevers le baron Fu fiere la bataille et la dissencion. (Cip. Vignevaux W., p.1400, 100)

Quant li dus d'Oreliens et celi de Bourbon, Et li quens d'Iermignac et Jehans d'Alençon, (...) Pierçurent à Saint-Clo le grant destruision De leurs gens, qui sont mors en tel disension, Mout menèrent grant duel (Geste ducs Bourg. K., c.1410-1419, 568)

Remarque : MAMEROT, Romuleon D., 1466, 237.

2.[Cont. pol.] Conflit, trouble.

Car les batailles et les guerres Furent si grans par toutes terres, Qu'on ne savoit en tout le monde, Tant comme il tient a la rëonde, Païs, regne, ne region, Qu'il n'i eüst discention ; Dont cinc cent mil hommes et femmes Perdirent les corps et les ames... (Mach., J. R. Nav., 1349, 144)

Et se voit on tout en appert Qu'une ville souvent se pert Par mal song ou par traïson, Par famine ou discention. (Mach., C. ami, 1357, 120)

...ordonné fu et aresté que Edouwars ses fils seroit rois (...) et presist consel bon, sage et meur dalés lui, par quoi (...) en nul tourble ne disension li dis roiaulmes ne se peuist esmouvoir. (Froiss., Chron. D., p.1400, 102)

O messeigneurs et devotes personnes qui icy estes, las ! et ne souspirez vous point, ne gemissez vous point en voz cuers, quant vous oyez parler de ces trois paix en toutes ces terres, et vous regardez le temps present ouquel ne sont partout fors divisions, scisme et riotes, haynes, guerres et crueuses discensions ? (Gers., Noël, p.1404, 301)

...car puis qu'il est ainsi qu'il convient tout royaume perir où il a discencion, est chose certaine que par le contraire, c'est paix et amour, il est preservé et conservé. (Chr. Piz., Paix W., 1412-1413, 62)

...ce seroit cause de faire tumulte et discencion ou peuple (Mamerot, Romuleon D., 1466, 25)

Et, quant le deable veoit qu'il ne puet autrement ouvrir la voye de discention, il mect en termes ceste furie infernalle [l'envie] par le moyen de flaterie ou d'ambicion. (Bueil, I, 1461-1466, 124)

...le roy Henry d'Angleterre, cognoissant le païs estre dégarny de gens d'armes, et aussi les dissencions de France, descendit à Harfleu et le print (Raoulet, Chron. Ch. VII, V., c.1461-1467, 154)

Discencion sera en mainte ville, La mer sera brehennë et sterille, De sang humain sera effusion, Il sera tant de pluye et de gresille Que la terre ne sera point fertille, De vens sera grande confusion, Le peuple plain de toute abusion Fera sectes serchant division, Selon le pact juré en ceste cene Foy se muera toute en desrision. Ces maulx decrete en vraye conclusion Tous advenir durant ce present regne. (Cene dieux, c.1492, 121)

3.Désaccord intérieur (dans les sentiments).

Et benivolence n'est pas amacion ; car elle ne a pas en soy discencion ne appetit. (Oresme, E.A., c.1370, 469)

Car lez bontés et lez vertus ne sont jamaiz discordans ne derrogans ensemble, ainçoys consonent et acordent bien avecquez bien, et verité avecquez verité. Mais entre les vices a contrarieté et debat, et mettent en trouble et en discention sur soy mesmez la pensee ou ilz habitent. (Chart., L. Esp., c.1429-1430, 88)