VARIER

verbe

[T-L : variier ; GD : varier ; GDC : varier ; FEW (XIV, 177b) : variare ; TLF (XVI, 929a) : varier]

I. -Emploi intransitif (ou pronominal).

A. -[D'une pers., d'un animal, d'une chose] Changer, se modifier.

...Temple de foy ou sainte eglise Prent pour repaistre humanité Norreture et solempnité D'amour qui onc ne varia (Mir. parr., 1356, 52)

...variez selon les mutacions de l'air (Saint-gille, Comment. A.Y. L., 1362-1365, 351)

Et [une lesarde] se mue et varie en toutes telles couleurs comme ont les choses que elle resgarde longuement, excepté .II. couleurs, rouge et blanche. (Oresme, E.A.C., c.1370, 133)

Fortune fausse et parjure, Estature De nient, fainte figure, Pourtraiture D'umbre qui fuit et varie. Hé ! estache poi seüre S'asseüre Qui tient que sa glose obscure Tous jours dure, Qui ore est, or est perie. (Mach., Les lays, 1377, 477)

Et n'estes vous pas marïé ? Je ne sçaiz a quoy vous pensez, Car voz plaisirs sont trespassez Et semblez a tous varÿé ['complètement changé, différent'] . (Au grey d'amours F.-H., c.1400-1500, 212)

...pluseurs fois fait varier ['vaciller'] nos drois. (Michault, Procès honn. F., p.1461, 87)

...Dieu est tres ung, c'est a dire par dessus toute unité, il est parfaitement une. Il est toudis sans varier par une maniere, car riens n'a en lui si non soy mesmes. (Somme abr., c.1477-1481, 103)

Ha, fortune tres varïable, Varïant varïablement, Tu m'as fait faire ung jugement Dessus l'innocent et le juste, Le plus faulx et le plus injuste Qu'oncques juge sentencïa ! (Myst. Pass. Troyes B., a.1482, 906)

Et de ce lieu si seront aboliz Tous varians signes et caratheres (Saint-gelais, Séj. honn. D., c.1490-1495, 334)

Emploi pronominal.

Et en une meïsme personne n'est elle [la commensuracion et proporcion des humeurs] pas tousjours une, mais aucune fois se varie et appetice la bonne commensuracion et proporcion jusques a un certain terme. (Oresme, E.A., c.1370, 501)

C'est la premiere raison a prouver que il convient traictier de telles choses, pour ce que loenge et vitupere appartiennent a vertu et a vice et se varient selon ce que est estre voluntaire ou involuntaire (Oresme, E.A.C., c.1370, 175)

Veons de ceulz qui se marient, Comment leur choses se varient. (Le Fèvre, Respit Mort H., 1376-1380, 83)

...ne par temps ne te varies [Sire (Dieu)] ne ne vas ne retournes. (Gast. Phébus, Livre oraisons T., c.1380-1383, 58)

Se corrompre.

Mais au jour d'ui ceste loy se varie (Desch., Oeuvres Q., t.2, c.1370-1407, 63)

...La fleur qui point ne se varie ['qui ne se fâne pas'] (Prières saints R., t.2, c.1480-1500, 26)

Participe passé en emploi adjectival. [De choses] Divers.

Car aussi come les mistions des saveurs et des autres choses sont variees et indeterminees, semblablement est il des delectacion [sic] qui les ensivent et qui pour ce sont appelees mistes. (Oresme, E.A.C., c.1370, 500)

Participe passé en emploi substantival. Différence, divergence.

...Dieu mercie, ne y ad variant, difficultee ne desacorde de nulle chose ne point effectuelx (Lettres agn. L., 1393, 192)

B. -[D'une pers. (de son jugement)]

1.Avoir un comportement changeant, changer d'attitude, de discours, de sentiment, d'opinion....

Einsi est il, dame, quoy que nuls die, De ma dame qui se change et varie, Donne et retolt, or het, or est amie, N'en une part N'est tous ses cuers, et s'aucuns y repart, Certes, je croy qu'il en a povre part, Et que de li celle part tost se part. (Mach., J. R. Beh., c.1340, 98)

Or entendez a ma demande : Biau Guillaume, je vous demande, Se celle change ne varie Qui est tous les jours de sa vie Loial amie, sans fausser, N'en fait, n'en desir, n'en penser ? (Mach., J. R. Nav., 1349, 243)

Mais assez tost m'en fist present Uns amis qui tant bien m'ama Que de tous poins m'en enfourma, Nom pas par favourableté, Mais de sa debonnaireté, Afin que point ne variasse Et que de riens ne m'esmaiasse, Par quoy je preïsse maniere Uniement toudis entiere ; Qu'autel samblant devoie faire Dou droit pour moy com dou contraire. (Mach., J. R. Nav., 1349, 254)

...mais quant vient la passion adonques ou commencement il vacille et varie et pense une fois que avoir delectacion avecques ceste femme est bon et puis repense que c'est mal et mue pensee pluseurs foiz. (Oresme, E.A.C., c.1370, 373)

Selon ton semblant, Je voy bien que ton sens varye. (Gréban, Pass. J., c.1450, 396)

...le peuple de ceste ville sembloit forment varier et branler avecques ['sympathiser avec'] ceux de dehors (Chastell., Chron. K., t.5, c.1456-1471, 334)

A Iesuchrist et a Marie Soyez vous tous commandez Ie vous pry point ne variez Maintenez la loy chrestienne. (Myst. st Martin K., a.1500, 235)

Sans varier

Et cy vous en diray le bout, Car en bonne foy j'ay voué A Dieu, de tout mon cueur et gré, Ma virginité a garder A toujours mais sans varïer. (Pass. Semur D.M., c.1420 [1488], 49)

Je sçay bien que ce qu'as est nostre, Aultre fois le m'as bien monstré : Bien te sera remunéré. Entre, tieng toy sans varier. (Marcadé, Myst. Pass. Arras R., a.1440, 128)

Cestui prebstre a par pluiseurs foiz dit et adcertené, sans varier, qu'il a esté dedens ceste cave jusques aux portes de mettail (La Sale, Salade, c.1442-1444, 82)

Pendant et durant lequel temps il s'est armé, dès que il a esté en aage de ce faire, et s'est tousjours employé en nostre service au mieulx qu'il a peu, et suivy la guerre en tenant tousjours nostre party, sans avoir jamais varié ne fait guerre à l'encontre de nous. (Doc. Poitou G., t.8, 1446, 337)

...Pour justement ponderer equité Sans varier et sans dupplicité (Michault, Procès honn. F., p.1461, 47)

Car il dist sans point varïer Qu'il ne veult point estre repris (Oudin, St Genis M.S., c.1490, 71)

Varier en / sur qqc. Changer d'avis en qqc., à propos de qqc..

...combien que ledit Pelaut [eust] esté interrogué par les commissaires de la Court et trouvé variant en ses responses (Fauq., I, 1417-1420, 265)

Les Juïfz cy t'ont acusé De pluseurs crimes desloiaulx ; Proppossé ont que tant de maulx Tu as fait en ceste contree, Tous les gens depuis Galillee Tu as fait en erreur entrer Et en leur loy trop varïer. (Pass. Semur D.M., c.1420 [1488], 199)

...et eussent de légier varié en rendre la ville (Chastell., Chron. K., t.2, c.1456-1471, 55)

LE MESSAGIER. (...) Hault empereur, je suis vers vous venu Par le vouloir du roy de Barbarie, Lequel vous mande qu'il est ja survenu En voz pays, ou voz gens il harie Et en mains lieux estant sa seigneurye, Car ses gens sont par chemin et par voye ; Et pour sçavoir si sur ce je varie, La deffïance vella qu'il vous envoye. (La Vigne, S.M., 1496, 236)

En particulier. Changer dans ses dépositions.

Laquelle requeste oye, ledit juif fu mis hors de ladite question, mené chauffer en la cuisine, en laquelle, après ce qu'il ot un pou varié, il dist et confessa ce qui s'ensuit (Reg. crim. Chât., II, 1389-1392, 47)

...attendu l'estat et personne dudit prisonnier qui par sa petite contenance et maintien varie et doubte moult à dire de ce la verité (Reg. crim. Chât., II, 1389-1392, 467)

Et car il a esté trouvé en ce variant, a depuis mis esté prisonnier en la consergerie de nostre palais, ès quelles il est encores. Et finablement interrogué sur les choses dessus dictes, a congneu et confessé sans gehine, après pluseurs denyemens, icelles derrenieres lettres avoir refaictes et resignées en la maniere que dit est (Doc. Poitou G., t.6, 1399, 340)

Emploi pronominal.

...en cuer de femme n'a riens ferme, Rien seür, rien d'estableté, Fors toute variableté. Et puis qu'elle est si variable Qu'elle en rien n'est ferme n'estable Et que de petit se varie, Il faut que de po pleure et rie. (Mach., J. R. Nav., 1349, 241)

En mes livres monstré l'onneur de ly (...), mais trop fort se varie, Puisqu'aux bons cuers ne veult faire secours (Desch., Oeuvres Q., t.3, c.1370-1407, 219)

Elle m'a dit qu'il ne loist point (...) Que crestienne se varie Tant qu'a un paien se marie (Mir. Clov., c.1381, 211)

De li [Alexis] grant joie avoir cuidoie ; Pour ce l'avoie marié, Las ! mais il s'est si varié Que parti s'est de ce pais (Mir. st Alexis, 1382, 326)

Combien que pas ne se varie Quant a Dieu ['change vis-à-vis de Dieu, se mette en tort à l'égard de Dieu'] cilz qui se marie, Car c'est ordonnance de loy... (Desch., M.M., c.1385-1403, 256)

Participe présent en emploi adjectival. Changeant, versatile.

...Pour ce l'ay dit que, quant j'estoie De l'estat qu'innocence avoie, Que juenesse me gouvernoit Et en oiseuse me tenoit, Mes ouevres estoient volages : Varians estoit mes corages ; Tout m'estoit un, quanque vëoie, Fors tant que toudis enclinoie Mon cuer et toute ma pensée Vers ma dame, qui est clamée De tous seur toutes belle et bonne. (Mach., R. Fort., c.1341, 3)

Et pour ce que il sembla que lesdiz de Bourges et Montigny ne disoient pas la vérité et estoient varians et parjures par l'advis et délibéracion desdiz de Vaulx et Granier, je les ay envoyez prisonniers ès prisons du baille. (Aff. Jacques Coeur M., 1453-1457, 171)

2.Hésiter, tergiverser.

...poi sommes cognissant Quant au pris assener alons tant varïant. (Bris., Restor paon D., a.1338, 121)

Point n'y volz varïer [à finir ce livre] Car n'ot plus de matiere pour le livre essaucer. (Tristan Nant. S., c.1350, 737)

En mon entendement suppose, Que j'apperçois ici Marie Qui retourne ; plus ne varie, C'est elle, je la congnois bien. (Gréban, Pass. J., c.1450, 58)

Amours, qui trouva son cuer variant... (Percef. IV, R., c.1450 [c.1340], 1093)

Se pensa bien qu'il n'estoit pas heure, pour les doubtes ; et ainsi qu'il varioit la entour, le bon marchant, qui pensoit bien que c'estoit son homme, descendit [Venu à un rendez-vous galant, l'homme, qui a trouvé la porte close, hésite sur la conduite à tenir] (C.n.n., c.1456-1467, 379)

...et sambloit à aucuns que le roy variast encore en tenir la convention ou non (Chastell., Chron. K., t.3, c.1456-1471, 427)

Et oultre plus, icellui d'Alençon, en parlant dudit prestre et en respondant ausdites remonstrances et aussi aux interrogacions qui sur ce lui avoient esté faictes, eust esté vaxillant et variant en plussieurs pointz et articles, comme ce appert plus applain par ledit procès. (Doc. 1458. In : CHART. J., Chron. Ch. VII, V., t.3, c.1437-1464, 106)

Allon, et plus ne varion Pour aller une robe achepter, Mon amy (Sav. Calb. T., c.1475-1500, 144)

Sans varier. Sans hésiter, sans attendre.

Car toy voulons sans varïer A belle dame marïer. (Renart contref. R.L., t.1, 1328-1342, 91)

Ce me sont joies et grans festes ; Or y pensés sans variier. (Froiss., Méliad. L., t.3, 1373-1388, 57)

Et ou pourra elle [la femme] estre prise, Seigneurs, se me veuil marier ? Or me dites, sanz varier, Vous deux ensemble. (Mir. ste Bauth., c.1376, 83)

Laquelle en toute humilité, doulceur, benigne reverence et honneur fist et dist par cueur tenant les meilleurs gestes du monde, et si saigement que l'on ne pourroit mieulx sans flechir, tousser, cracher ne varier en nulle maniere [,] la harengue [compl. de dist] qui cy aprés ensuyt. 'Plust au roy du ciel et a toy, Charles le premier roy de toute la terre...' (La Vigne, V.N., p.1495, 296)

SAINCT MARTIN. Or ne me faictes plus crier. FRANCEQUIN. Ha, monsieur ! SAINCT MARTIN. Sans plus varïer, Faictes ce que je vous commande (La Vigne, S.M., 1496, 203)

3.Varier à / de + inf. Changer de sentiment et en venir à, se décider finalement pour, opter pour, décider de.

Freres, nous sommes moult lasséz ; A moy reposer fort varye. (Gréban, Pass. J., c.1450, 156)

Lors ledit de Suffort s'avancha, et le voult ferir d'une dague en la presence du Roy, mais aucuns se bouttèrent entre eulx. De laquelle chose le Roy fut mal content dudit de Suffort, et varia de l'envoyer prisonnier en la tour de Londres, pour tant qu'il avoit volu faire une telle offence en sa presence. (Escouchy, Chron. B., t.1, c.1453-1460, 300)

...tellement que prestement et sur piés il varia de le faire jetter en la rivière (...) ...mais varioit souvent et dru ledit dauphin de le faire noier tousjours (Chastell., Chron. K., t.3, c.1456-1471, 228)

Et Pierre alors, oyant ces mots, se contint tout quoy et tout esmerveillé de telle présomption descouverte sur un tel homme, varia de le tenir à gausse et à fol outrage de coquart et de mettre tel avant-terme, disant : ... (Chastell., Chron. K., t.4, c.1456-1471, 243)

Varier à qqc. Se décider pour.

Avant que facions mencion De la haulte exposicion Du thieusme de nostre matiere (...) La haulte Vierge tresoriere, Qui oncques a mal ne varïa, Salurons par bonne maniere (Myst. Pass. Troyes B., a.1482, 755)

Varier + inf. Être porté à.

...elle commença sentir les estincelles d'amours et, voyant les richesses que leans avoit donnees, elle varioit lui donner son ceur et son amour. De celle variance, a quoy son ceur clinoit, elle fu tres a certes ferue. Tout son engin, tout son entendement furent entrelardez de pensees habondantes. (LEFÈVRE (R.), Hist. Troyes A., c.1464, 200)

Varier que. Finir par penser que.

JUDAS. Et quant mon ame se traira Vers la doulce vierge Marie Et sa douleur luy retraira, Requerant mercy, je varye Qu'a son filz grace m'acquerra, Car elle est sa mere et amye ; Et ce que mere requerra, Le filz ne l'escondira mie. (Gréban, Pass. J., c.1450, 292)

4.Changer de situation, d'état.

Je sueffre tourment et orage A bon droit, car trop variay Au jour que je me mariay. (Le Fèvre, Lament. Math. V.H., c.1380, 1)

Trop malement sui variee. L'autrier a mon ami chantay ; Or, sans lui, perdu mon chant ay (Pastor. B., c.1422-1425, 106)

5.S'égarer.

S'il n'est d'argent ou de joyaux garni, Celui est fol qui cuide avoir amie Au temps present n'estre appellé ami Pour bien amer, sanz penser vilanie, Car son temps pert et folement varie. Par moy le say qui bien l'ay esprouvé, Quant ma dame m'a dit : 'fol, quoy c'on die, Ja povres homs ne sera bien amé'. (Mach., App., 1377, 640)

...troys noms et ung seul Dieu, qui nel croit il varie (Flor. Octav. L., t.2, c.1400, 419)

Participe passé.

Ha ! doulce dame, quant je pense A ta grant biauté non pareille, Mon cuer du penser se merveille, Car je voy trop sui variez En moy quant me sui mariez. (Mir. chan., c.1361, 169)

Trembler, frémir.

NOSTRE DAME. Amis Jehan, tu as bon droit Se ton cuer de paour varie. N'aiez doubte : je sui Marie (Mir. st J. Paulu, c.1372, 123)

C. -Varier + prép.

1.Varier à qqn / qqc. S'opposer à qqn ou à qqc..

Sanz desdire ne varier, Chier oncle, a vostre voulenté, N'en ay pas moult entalenté Le cuer (Mir. Oton, c.1370, 319)

NOSTRE DAME. Je ne contredi ne varie, Chier filz, a vostre voulenté (Mir. Clov., c.1381, 256)

A vous vueil parler de conseil Et m'entente dire vous vueil : N'y vueilliez mie varier. (Mir. st Alexis, 1382, 301)

Elle acquesta la seignourie Et renommee de cest amy, A quoy que la Simple varie ['quoi qu'elle oppose, objecte'] , Et en use et en jouyt. (Coquill., Oeuvres F., 1478-p.1494, 48)

2.Varier envers qqn. Différer de qqn.

Mais, lasse ! envers li [Marie] trop varie, Car ne sui pas de l'yaue a paine La goute dont elle est fontaine. (Mir. mère pape, c.1355, 359)

Contredire, contester qqn.

Elle a sens et auctorité Et croy que on si doit fier Sans nulle difficulté, Ne envers elle varier. (Myst. siège Orléans H., c.1480-1500, 387)

II. -Emploi transitif.

A. -Varier qqc.

1.Imprimer à qqc. des mouvements variables.

Pour ce est dit, sans point de fable, Versatilë et varïable Ce glaive qui baillié vous est A ce que l'aiés tous jours prest De lui tourner et variier A vo volenté et mirier (Guill. Digull., Pèler. vie hum. D.M.S.T., c.1330-1331, 22)

Faire varier qqc.

Les estoilles fais tourniier Et les planetes variier. (Guill. Digull., Pèler. vie hum. D.M.S.T., c.1330-1331, 26)

2.Modifier qqc..

...la rage Que tous ceuls ont qui se marient, Qui leurs meurs par femmes varient Et deviennent sers et chetis ['captifs'] (Desch., Oeuvres R., t.8, c.1370-1407, 11)

Et ainsi quelcunque superfice, en la variant de figure en autre, peust estre a ymaginacion terminee par si grant ligne comme l'en veult, mes elle ne peut estre terminee par plus petite que par circulaire ne contenue en plus petite. Et si comme il fu dit ou chapitre precedent, tel resgart comme a figure circulaire aus autres figures superficielles, tel resgart a espere aus autres figures corporelles. (Oresme, C.M., c.1377, 394)

...car se les .II. [vertu et resistence] cressoient ou appetiçoient sanz varier la proporcion, et l'isneleté seroit touzjours equale. Mais comment qui soit, se l'isneleté est variee, il convient que variacion et mutacion soit fete en la vertu motive ou en ce qui est meu. (Oresme, C.M., c.1377, 420)

Si est quant l'air, moult pur de soy, Appert souvent, contre sa loy, Caligineux, obscur et trouble, Pour la vapeur espesse et double Qui est en lui multipliée, Dont sa nature est variée (La Haye, P. peste, 1426, 53)

Secondement fault varier Par bon art et rectifier L'air corrompu en sa nature, Comme ensaigne ceste escripture. (La Haye, P. peste, 1426, 74)

Mais dieu qui est tout veritable Il ne pouvoit point revoquer Sa sentence ne varïer (Oudin, St Genis M.S., c.1490, 94)

Varier le coeur de qqn. Faire changer les sentiments, l'humeur de qqn.

Glorieuse vierge Marie. Gardez que son cuer ne varie Le faulx Sathenaz (Mir. marq. Gaudine, 1350, 131)

Glorieuse vierge Marie, Ne souffrez que mon cuer varie (...) Sathan (...) Par ses fausses ilusions (Mir. mère pape, c.1355, 376)

Ainsy Amours son coer varie (Pastor. B., c.1422-1425, 81)

Participe passé. [D'une chose] Être modifié (par qqn ou qqc.).

Donques, se nous disons que la felicité de celui qui est bien mort est variee ou muee par teles transmutacions, il s'ensuit inconvenient, car il seroit aucune fois beneuré et aprés autre fois maleureus et mescheant. (Oresme, E.A., c.1370, 131)

Mais comment qui soit, se l'isneleté est variee, il convient que variacion et mutacion soit fete en la vertu motive ou en ce qui est meu. (Oresme, C.M., c.1377, 420)

Varier qqc. hors de. Détourner qqc. de.

...plus sert et plus a plaisance En servir la vierge Marie, Et plus son cuer tourne et varie Hors des affeccions du monde (Mir. ev. N.D., c.1348, 62)

ARITHMÉTIQUE Modifier (une valeur).

Ainsi R².6. est reduite a R⁶.216. et R³.7. est reduicte a R³.49. sans varier leur valeur (Nic. Chuquet, Triparty M., 1484, I, 658)

Emploi absolu.

Car, se il estoit ainsi, il convendroit que nous deïssions d'un homme que il est beneuré et aprés que il est maleuré et depuis aprés que il est beneuré ; et convendroit ainsi varier moult de fois. (Oresme, E.A., c.1370, 132)

3.Corrompre, altérer qqc..

Le droit signe de perdre seignourie, Varier loy, royaume anientir, Est quant l'en fait gouverner Menterie (Desch., Oeuvres Q., t.5, c.1370-1407, 403)

Relacion Importune A prins charge de Fortune De verité varier Et tous biens contrarier. (Michault, Procès honn. F., p.1461, 45)

4.Contester qqc..

Les autres bien mettront leur poine D'elle bien tost desmarier Ou mariage varier. (Bouvet, Appar. Meun A., 1398, 36)

B. -Varier qqn

1.Troubler qqn.

...Pour les pensees essillier, Qui nuit et jour me contrarient Et me debrisent et varient (Froiss., Pris. am. F., 1372-1373, 145)

2.Varier qqn / sa volonté. Contredire, contrarier qqn.

YSABEL. (...) se courcer ne vous cuidasse, Encore un temps me deportasse De marier. LE CONTE. Ne devez mie varier Sa voulenté. (Mir. fille roy, c.1379, 83)

3.Corrompre qqn.

Le deable t'a bien varié, Veu que tant de foiz t'ay prié De toy retourner vers noz dieux, Lesquelx tu as injurié (Myst. st Vincent L., c.1471-1476, 376)