SUBTILEMENT

adverbe

[T-L : sotilsotilment ; GD : soutilement ; GDC : soutilment ; AND : sotilment ; DECT : sotilment ; FEW (XII, 365b, 366b) : subtilis ; TLF (XV, 1032a) : subtilement]

A. -D'une manière subtile, avec ingéniosité, avec intelligence, avec adresse.

De tous est seur toutes prisie, Et c'est drois, que je ne cuit mie Que Nature qui tout conçoit Soutieument si soutive soit Qu'onques figurer la sceüst, Se Dieus proprement n'i eüst Mis la main a la figurer ; Car Dieus la volt faire sans per Seur toute creature humeinne. (Mach., D. verg., a.1340, 16)

Et vraiement, Tant fu belle, que je croy fermement, Se Nature qui tout fait soutilment En voloit faire une aussi proprement, Qu'elle y faurroit Et que jamais assener n'i saroit, Se l'exemple de ceste ci n'avoit Qui de biauté toutes autres passoit. (Mach., J. R. Beh., c.1340, 72)

Mais si trés aviseement Le faisoit et si soutieument Que je ne pos onques le voir De la mansonge concevoir. (Mach., R. Fort., c.1341, 153)

Or avenra il que la mort Qui soutilment sus la gent mort, Torra a son ami la vie. (Mach., J. R. Nav., 1349, 189)

Mais il n'est moutons ne brebis, Bische ne serf ne beste bise Qui y beüst en nulle guise, Car sus un grant piler d'ivoire Estoit assisë, ou l'istoire De Narcisus fu entaillie Et si soutieument esmaillie Que par ma foy ! y m'estoit vis, Quant je le vi, qu'il estoit vis. (Mach., F. am., c.1361, 190)

Elle [ta dame] te voit par mi le cuer, Si ne dois penser a nul fuer Qu'elle jamais laissier te doie, Car tu es siens et elle est toie ; Et se li as bien oÿ dire Qu'elle vuelt estre ton doulz mire Et que jamais ne te laira, Et certes ja n'en mentira. Cuides tu, se Dieus te doinst joie, Que bonne dame se resjoie Quant elle oit un bon advocas Qui bien scet proposer son cas Et qui subti[l]ment li parole Et bien scet polir sa parole Et qui par droit li vuelt prouver Qu'il doit en li merci trouver ? Certes nenil, ains li anuie Plus tost que ne fait longue pluie, Se ce n'est une flateresse Ou une droite ruseresse ; Car quant une dame de pris, Qui a d'amer le cuer espris, Voit tellez gens, petit les prise Et tout leur affaire desprise. (Mach., Voir, 1364, 224)

Tout en telle maniere que les oncles du roy... se devisoient du roy et de son affaire et des besoingnes d'Angleterre, pour reformer à leur samblant et entente et en bon estat, visoient aussi et soubtillement nuit et jour le duc d'Irlande et son conseil comment ilz pourroient demourer en leur estat et condempner les oncles du roy, (Froiss., Chron. M., XIV, c.1375-1400, 45)

...le roy de Navaire ...monstra la querelle, car ce fut ung roy soubtillement enlangaigiez, et dist ainsi, tout conclus, qu'il luy convenoit avoir la somme de IIc. mille flourins, et vouloit que une taille s'en fesist ; et monstra comment le riche seroit à dix frans pour taille, le moyen à chinc frans, et les petis à ung franc. (Froiss., Chron. M., XIV, c.1375-1400, 185)

C'est cilz qui trop doucement Scet un cuer et soutieument Penre et liier Et contraindre telement Qu'il le fait tres humblement Humilier. (Mach., Ch. bal., 1377, 627)

Et il semble aus autres que il ne souffist pas mettre tele difference entre pesant et legier, mais furent aucuns plus anciens qui entendirent ceste chose plus subtilment. (Oresme, C.M., c.1377, 662)

...car ceulz qui mettent maniere par quoy les .IIII. elemens peuent estre distinguiéz parlent plus subtilment ; car a dire que tous corps sont d'une nature, mes pesant est de plus grandes parties et legier de plus petites et plus subtiles, il s'ensuit que rien n'est simplement legier ne meu en haut, mais tous corps seroient meuz une voie, un plus tost, l'autre plus tart, aussi comme nous voions des choses meues par violence. (Oresme, C.M., c.1377, 670)

NOSTRE DAME. Il [Dieu] te denonce soutieument Que bien ou mal qu'au povre on fait A li meismes tient qu'il est fait. (Mir. Pierre Changeur, c.1378, 263)

Et, pour ce, ceulx, qui bien entendre Sçorent les causes dessus dictes, Et soubtilment les ont escriptes, Philosophes on a nommez (Chr. Piz., M.F., II, 1400-1403, 105)

Mais soubtilment Rommains manderent Que fort se tenissent, car tost Aroyent secours de grant ost (Chr. Piz., M.F., IV, 1400-1403, 12)

Et pour subtilement couvrir la mauvaistié et malice desdis de Grant Sac, Bouchier et son compaignon, (...) vindrent en son hostel audit lieu de Rouen (Chancell. Henri VI, L., t.1, 1425, 207)

Laquele exposant respondi a ladicte chamberiere que tres bien garderoit le conseil et que le tour estoit bien et soutillement ymaginé. (Chancell. Henri VI, L., t.2, 1429, 124)

...et sur ce ensuit sa sentence sur les envies et grans debas qui sont es cours aux grans seigneurs, a qui leur pourra mieulz complaire et plus soubtilement flater. (La Sale, J.S., 1456, 47)

...je vous prie, ma chere espouse, que a l'execution de vostre desir vous vous conduisiez prudentement et subtillement (C.n.n., c.1456-1467, 563)

...[à Dieu seul appartient] susciter les mors en ung signe et lever ou mouvoir de l'ueil, entrer subtillement en l'essence de l'homme (Somme abr., c.1477-1481, 149)

Ainsi je me suis bien passé Quatre ans sans estre confessé. Et quant je suis certainement, Si fais je bien subtillement. Je ne fais pas conart ne lourt Pour ce que mon curé est sourd, Je m'en vois a luy voulentiers, Je dy entre deulx motz le tiers Bien bas et quant je suis au bout, Il (le) me demande se c'est tout. (C. Riffl., c.1480-1520, 59)

J'ay advisé de le tempter Par une voye assés exquise. Nous avons une femme prinse Et en adultere trouvee ; Bon est qu'elle luy soit menee Au temple voir qu'il en dira. Subtillement il respondra S'il evite ceste fallace. (Myst. Pass. Troyes B., a.1482, 423)

Cestui Solin fist ung traictié de astrologie à l'empereur Auguste Cezar où il depignit la mappemonde moult subtillement. (Simon De Phares, Astrol., c.1494-1498, f° 67 v°)

Victor Capuanus, le bon evesque qui les cicles paschalz descripvit si subtillement (Simon De Phares, Astrol., c.1494-1498, f° 98 r°)

B. -En particulier.

1.En usant d'une excellente technique.

Et avoient encores ... pluiseurs nacelles et batelés, fais et ordonnés si soubtieument de cuir boulit, que merveilles estoit à regarder (Froiss., Chron. L., V, c.1375-1400, 225)

Et quant vous aurez tout fait, l'endemain, vous trouverez un homme qui portera en un sac un cuir de sers courree a alun, et achetez le tout ce qu'il le vous fera, puis en faictes taillier un corion tout d'une piece soubtilment, le plus delié que on pourra bonnement. (Arras, c.1392-1393, 31)

...et au partir de l'eglise le roy alla par sur le bort de la mer, jusques au commencement de la montaigne de la crote que Virgille fist percer bien subtillement ; car celle montaigne est moult haulte joygnant de la mer, et n'y a autre chemin selon le train de la mer que celluy la. (La Vigne, V.N., p.1495, 264)

THÉÂTRE Par l'effet d'un artifice subtil.

SAINCT MARTIN. (...) S'ainsy est, je feray dorer Les os hors de terre desmys, Car plusieurs se sont endormys Soubz luy, par inde(h)ue esperance, Voire, actendu que ses commys De ses faiz n'ont nulle apparance. (Icy subtillement sort le larron du monument en figure d'un mort atout ung linceul.) LE LARRON RESSUSCITÉ. Or fault il que la demonstrance De mon cas villain et orrible Et le lieu de ma residence Soit sceu, las, qui est trop terrible ! (La Vigne, S.M., 1496, 428)

2.Par la ruse.

Si veirent bien que li François y aloient soutieuement et qu'il n'avoient nulle volenté d'yaus combatre (Froiss., Chron. R., VIII, c.1375-1400, 146)

LE COMMUN. (...) Je conseille, sans estre tristre, Ou qu'il soit, qu'il ne nous eschappe ; Mais luy baillez tantost la mitre, Le rochet, la croce et la chappe. LE MAIRE. Subtillement fault qu'on l'actrappe, Car le regré reffusera. OFFICIAL. Mais que caultement on le happe, Tout nostre plaisir se fera. (La Vigne, S.M., 1496, 402)

[À propos d'une chose abstr.]

Car la concupiscence entre celeement et couvertement et lie subtilement le courage et embrase aucunes fois de tous les plus sages. (Oresme, E.A.C., c.1370, 385)