SUBIT

adjectif

[T-L : sobit ; GDC : subit ; FEW (XII, 337a) : subitus ; TLF (XV, 1009a) : subit]

A. -Qui se produit soudainement, soudain.

...toute la grand triumphe qui en cest hostel souloit comblement abunder est par ce cas abatue et ternye, et en amere et subite tristece a la male heure converty[e]. (C.n.n., c.1456-1467, 32)

Mort subite

Certes tout maintenant voulroye Que de mort soubite moreust, Mais qu'a evesque on m'esleust. (Mir. ev. arced., c.1341, 109)

...vous en avez Esté vengée tellement Que Dieu de son vray jugement, Qui rent a chascun son merite, La fist morir de mort sobite (Mir. roy Thierry, c.1374, 338)

Gardez que vous ne soiez si hardiz que jamais en paiez denier, car je vous courreceroye du corps. Je verray qui sera cellui si hardy qui vouldra avoir treuage sur moy. A ce jour que je le souffreray, soye je mort de male mort soubite. (Arras, c.1392-1393, 297)

Cil quil tel traval te pourchasse Puisse morir de mort subite ! (Pass. Semur D.M., c.1420 [1488], 169)

Vieil, la nouvelle je deppitte, Ne je ne crains la mort subitte De Regard. (CH. D'ORLÉANS, Rond. C., 1443-1460, 103)

Qui fist mourir autresfois en Egipte Les premiers nez de mort aspre et subite, Comme David tesmoigne par exprès, Fors seullement le peché des maulvais ? (Cene dieux, c.1492, 119)

Souverain seigneur renommé, Tous noz bons dieux de hault parage Vous vueillent garder de dommage, De mal, aussi de mort subite ! (Myst. st Laur. S.W., 1499, 218)

Locution adverbiale.

De (beau) subit. Aussitôt, sur le champ.

Pourquoy ne meure de subit ? J'ay perdu soulas et delit. (Myst. st Bern. Menth. L., c.1450, 91)

Vestir le veux de beaux subit Ne jamais ne le laisseray (Oudin, St Genis M.S., c.1490, 72)

En subit. Soudainement, aussitôt, sur le champ.

...en soubit (...) tant et plus fust elle engrant d'amer (Cligès C.T., 1455, 73)

Il m'est bien advis que c'est mon Et, qui vouldra croire mon dit, Nous en yrons tous en subit Luy faire aucune question. (Myst. Pass. Troyes B., a.1482, 469)

Remarque : GRÉBAN, Pass. J., c.1450, gloss.

Emploi adverbial. Soudainement.

Lors m'esveillay subit et court Et plus entour moy riens ne vy. (Chart., L. Dames, 1416, 370)

...l'un d'iceulx, qui avoit ung glaive, se vira subit et le darda en l'estomac du chevalier (C.n.n., c.1456-1467, 551)

L'ESCUMEUR DE LATIN. Cavons de ramonner dispars Et immictés bien mes vestiges Et nous involviron noz liges Pour les dissiper subit. (Copp. lard., a.1488, 174)

PROCUREUR. Pere abbé, plus ne cellerons Le grant cas qui est advenu, Ainçois le vous declairerons, Puisque si subit est venu. La fievre a si tresfort tenu Le pascïent que vous sçavez, Qu'il gist en son lit, mort, tout nu. (La Vigne, S.M., 1496, 378)

Cy gist celluy qui trop cruellement Fina ses jours, subit, insnellement, Comme l'on voit a son soubdain depart (Antitus, Poés. P., c.1500, 68)

Tout subit

Et elle, recordant du bon temps qu'elle avoit eu avec son clerc, respondit tout subit... (C.n.n., c.1456-1467, 281)

B. -[Du pouls] Rapide, précipité.

Et ainsi appert que on se doit garder que l'estomac ne soit grevé par replection et que l'aspiration en soit plus courte, et le poux hatif et subit. Semblablement replection nauseative faisant l'estomac facheuz doit estre surtout evitee et par especial faicte de mauvaises viandes (Rég. santé corps C., 1480, 14)