SOUPÇONNEUX

adjectif

[T-L : sospeçonos ; GD : souspeçonos ; GDC : souspeçonos ; FEW (XII, 469b) : suspectio ; TLF (XV, 765a) : soupçonneux]

A. -[D'une pers., d'un attribut, d'une attitude de la pers.] Qui est porté à soupçonner, qui est enclin aux soupçons, qui est excessivement méfiant.

LES SATHANAS À SAINT MICHEL. Tu sces aussi qu'en toutes cours Ne vient nulle fois escuseur, S'apparut n'y est accuseur, Qui souspeconneus ne soit fait (Guill. Digull., Pèler. âme S., c.1355-1358, 18)

Toutes voies, se aucuns a sergens souspeçonneux, prevosts, maires, receveurs de rentes, telx puet on arrester jusques il aient rendu compte ou qu'il aient baillié plege pour compter. (Cout. bourg. glosé P.M., c.1380-1400, 106)

...le juge est souspeçonneux en l'une partie ; et, s'il l'est en l'une, il l'est en tout. (Cout. bourg. glosé P.M., c.1380-1400, 178)

N'y sçay entendre fors empeschement de bien et de paix, et rendre les maris qui tant oyent de babuises et fatras, se foy y adjoustent, souspeçonneux et pou amant leurs femmes. (Chr. Piz., Déb. R. Rose H., 1401-1402, 18)

Nul ne le peut aprivoiser, Tous temps est si soupeçonneux Qu'en penser languist doloreux Quant il voit Plaisance venir (CH. D'ORLÉANS, Ball. C., c.1415-1457, 94)

Soit doncques regardé quans aguetz d'ennemis, dangiers des servans et souldoiers mal contens, indignacions de gens escondiz ou reboutez, murmure de subgiez, plaintes de peuple et de commun, rappors divers et souspeçonneux... (Chart., Q. inv., 1422, 46)

Discorde hayneuse Fait vie attayneuse Et soupeçonneuse, Tousjours angoisseuse, Melencolïeuse, Plaine de douleur et d'ire (Chart., L. Paix, a.1426, 413)

Si aucun proposoit qu'il a juge suspectonneux, il est tenu de alleguer pardavant lui la cause de supecion (Cout. instit. Anjou Maine B.-B., t.2, 1437, 130)

Cedit seigneur roy Lancelot estoit moult familier entre gens d'armes, mais nulz Françoiz ne voulloit veoir ; de sa bouche moult souspecçonneux estoit (La Sale, Salade, c.1442-1444, 191)

...comme sage et non suspeçonneux, fist sa femme entre luy et le chareton couscher. (C.n.n., c.1456-1467, 66)

En particulier. Jaloux.

En aprés est ajoint le quart, qui est tres grief, en ceste maniere : «Doleur de cuer et pleur est» causelement «la fenme jalouze», ou souspechonneuse activement ou passivement, c'est a dire laquelle a souspechon mauvaisement de son mary ou de laquelle le mary mauvaisement a souspechon (Daudin, De la erudition H., c.1360-1380, 411)

...miserablement son temps passoit avecques son tresmaudit mary, le plus supessonneux hoignard que jamais femme accoinstast. (C.n.n., c.1456-1467, 85)

...luy vindrent faire rapport ses yeulx suspeçonneux que nostre gentil homme ne venoit en son hostel fors a l'occasion de sa femme (C.n.n., c.1456-1467, 331)

B. -[D'une pers. ou d'une chose] Que l'on soupçonne.

1.Qui éveille les soupçons, suspect.

...que tous courtiers et peseurs de laine faichent serment que s'il voient denrées souppechonneus aux draps, à le laine, à le houppe, au fillé, que le noncheront aux eswardeurs ad ce commis ; et se en ce a défault, il seront pugni de prison et perte du mestier an et jour. (Hist. industr. drapière Flandre E.P., t.3, 1383, 338)

...attendu les informacions et denegacions faites par icelles femmes, avec les herbes trouvées en leurs hostelz et aussi en leurs coffres, qui sont choses souspeçonneuses (Reg. crim. Chât., I, 1389-1392, 360)

...le pois et valeur d'icelle cendrée, qui est chose très souspeçonneuse (Reg. crim. Chât., II, 1389-1392, 396)

LE MARQUIS. Si est il vray que marïer, Fait moult les vertus varïer, Et s'est une chose doubteuse, Trespesant et souspeçonneuse, Car souvent avient, chose est clere, Que l'enfant ne ressemble au pere (Gris., 1395, 16)

Dont regarde vers le fossé et le voit gesir d'une contenance assez souspeçonneuse. (Percef. I, R., t.1, c.1450 [c.1340], 266)

Et afin que vous ne me tenez pour soupeçonneux, je vous advertis que tout ainsi que je joustay de deux lances a une fois, je portay tant que le tournoy dura deux escus. (Percef. III, R., t.1, c.1450 [c.1340], 311)

Soupçonneux de qqc. Suspect de qqc..

...liquels valles portoit 3 kaines de fillet de laine qui estoient ourdies... : liquelle coze sanloit y estre soupechonneuse de larechin (Hist. industr. drapière Flandre E.P., t.3, 1353-1354, 32)

Avoir qqn soupçonneux. Considérer qqn comme supect, comme douteux.

Il [les gens de dure conversacion et les vieillars] ont aucunes ou pluseurs teles condicions : il ne curent fors de eulz meïmes ; il sont presumptueus ; il usent de leur propre sens ; il reputent autres ignorans ; il les ont suspezsonneus ; il sont descordables. (Oresme, E.A.C., c.1370, 424)

2.Qui inspire le doute, la crainte, qui est incertain.

Es fievres qui sont souspeconneuzes qu'elle ne viegne apostume es jointures, s'il vient grant multitude d'orine grasse et blanche, elle delivre de telle apostume, comme il advient es fievres laboureuzes, se telle evacuacion d'orine commence a estre faicte ou quart jour (Saint-gille, A.Y., 1362-1365, 79)

Or n'est il point de doubte que toute passion et toute maladie est plus souppeçonneuze, plus doubteuze, et plus perilleuze en noble membre qu'en moins noble (Saint-gille, Comment. A.Y. L., 1362-1365, 174)

Mais afin que la mort soit toujours sapechoueuse [l. sopechoneuse ?] a chascune persone, et que chascun de toute sa poissance se doie appareillier a recevoir la mort et paier justement a son pooir le treuage de l'umaine generacion, pour ce est il que Dieu a reservé a lui tout seul et l'euvre et la maniere de la mort de chascune personne [Rem. de l'éd. : «mot inusité ; peut-être à rapprocher de sape ; signifierait 'douce'»] (Mézières, Test. G., 1392, 300)

Le vendredi son ost de grant renom, En faict de guerre soubdain et valeureux, Au giste vint dedens Valemonton, Qui estoit lieu traistre, souspeçonneux, Car la avoit force gens noz hayneux. (La Vigne, V.N., p.1495, 270)