SERGENT

substantif masculin

[T-L : serjant ; GD : serjant ; DECT : serjant ; FEW (XI, 532) : serviens ; TLF (XV, 382a) : sergent]

A. -Serviteur.

NOSTRE DAME. Mi ange, il est temps et saison Que je mon sergent reconforte (Mir. st J. Cris., c.1344, 276)

LE PREMIER HERMITE. Pour quoy me veulz tu traveillier, Tirant fel, plain de cruauté ? N'as tu pas assez tourmenté Des autres sergens Jhesu Crist ? (Mir. st Guill., c.1347, 23)

...si comme l'en diroit que une espee occist et si est ce chose senz ame, ou comme l'en diroit que la main occist ou le sergent de celui qui le commande. (Oresme, E.A., c.1370, 315)

Car ce que nos amis ou sergens font pour nous, il le font pour acomplir nostre volenté et entencion. (Oresme, E.A.C., c.1370, 192)

Lors fut a son maistre chargans ; Batre le fait a ses sergens, Et dist que cilz vieulz chien lui nuit (Desch., Oeuvres Q., t.1, c.1370-1407, 169)

Avant, seigneurs, sergens de Crist, nous eschapperont ainsi ses ennemis ? Par foy, ce sera grant faute a nous. (Arras, c.1392-1393, 139)

LE MARQUIS. Mon sergent, fay moy un messaige, Que te diray secretement. Va a la dame de present Et lui di que (Gris., 1395, 53)

Et soy comence pour estre marri vers ses soubgis et siergeans, ainsi leur disant : 'Malle semayne à vous soit mise tout deux...' (Man. lang. G., 1396, 63)

Adont, par ses sergens fist prendre Athior (Chr. Piz., M.F., II, 1400-1403, 220)

DEUS. (...) Je ne vous dix plux my sergent Mes mes amys sur toutes gent (Pass. Semur D.M., c.1420 [1488], 266)

Mais Fortune, la traitresse, Comme dit le bon Boece, A sa destre plaine d'orgueil, Veult ses sergens mectre en dueil. (La Sale, J.S., 1456, 303)

[Dans un cont. allég.] Valet de bourreau.

...car, aprés la premiere desobeyssance, Justice tantost le despouilla de son noble vestement de innocence, amena Rebellion en son royaume espirituel, le chassa hors de son propre heritaige, paradis terrestre, luy fit espouser mort, fut fait serf a tribulacion, le livra a tres crueux sergens pour le tourmenter, qui sont Fain, Soif, Angoisse, Misere, Tristesse et Maladies sans nombre. (Gers., Purif., 1396-1397, 61)

B. -[Administration]

1.À Rome, l'un de ceux qui précèdent le consul ou le préteur, licteur.

...il estoit de coustume a Romme que, quant ung consule aloit a la court (...) il y avoit .XII. sergens qui portoient devant luy .XII. ensengnes (La Sale, Sale D., 1451, 61)

Celui souverain prestre commanda a Lucius, son filz, non obstant qu'il fust pretteur, que, aprez les sergans qui devoient aler devant lui, ainsi que a une procession, il portast l'escu ou armes (La Sale, Sale D., 1451, 62)

2.Au Vatican, huissier, garde.

LE PAPE. (...) Or tost, sergens, sanz plus attendre, Alez moy les cardinaux querre : Faites les moy venir bonne erre ; Delivrez vous. PREMIER SERGENT. Si ferons nous, mon seigneur doulx (Mir. pape, 1346, 368)

LE CARDINAL. (...) Sergens, faites devant la voie Si que le saint pére passer Puisse et nous touz sanz empresser (Mir. prev., 1352, 272)

3.Officier de rang subalterne, agent d'exécution au service du roi, d'un seigneur....

a)[Chargé de la police, de l'ordre public]

Lors fu a sergens delivrée Berthe pour estre a mort livrée, Desquelx fu le maistre Thibert (Mir. Berthe, c.1373, 228)

Après viennent les mareschaulz des logis, les maistres d'ostelz, les fourriers, prevostz et sergens pour deppartir les logis. (La Sale, Salade, c.1442-1444, 235)

Ung sergent de par monseigneur commenda faire silence. (C.n.n., c.1456-1467, 222)

...il n'eust gueres esté que veez cy venir le bailly a cheval et ses sergens (C.n.n., c.1456-1467, 451)

...[elle] luy dist comment les sergens avoient toute nuyt veillé autour de leur maison (C.n.n., c.1456-1467, 510)

...ilz se vouloient entretuer, si les sergens n'y fussent survenuz, qui les menerent tous deux refroider en belle prison. (C.n.n., c.1456-1467, 524)

Et, pour raison dudit cas, ledit frere Henry se absenta, et ne peut estre trouvé qu'il ne feust le Xe jour dudit moys, que, environ dix heures de nuit, ung examinateur du Chastellet à Paris, nommé maistre Jehan Potin, accompaigné de trois sergens, en fist telle diligence qu'il le trouva mucié en l'ostel de Saint-Pol à Paris dedens unes aumoires, en habillement d'un roquet blanc de toile et ung chapeau noir, et en cest estat fut mené prisonnier oudit Chastellet (Roye, Chron. scand., I, 1460-1483, 175)

b)[Chargé des poursuites judiciaires, des semonces, des saisies, de l'exécution des sentences....]

LE JUGE. (...) Je ne voy devant moy plaidier Cause nulle dont bien me viengne (...) Ains que j'en aie congnoissance, Il vous ample de vin la pence, Et vous est la bourse fourree. Ainsi m'amende est recelee, Que point n'en ay. LE SERGENT. Sire, par m'ame, je feray Bon serement c'onques encore, Puis que sergent fui jusqu'a ore, Ce que vous dites ne m'avint ; Ne du faire ne me souvint (Mir. enf. ress., 1353, 29)

Il avoit ses sergens espars parmi Flandres pour faire paier povres et riches, volsissent ou non (Froiss., Chron. R., X, c.1375-1400, 247)

Adont (...) les fist semonre par ses sergans à estre à certain jour que il i asigna devant lui ou castel à Lille (Froiss., Chron. R., XI, c.1375-1400, 84)

...les diz prevosts et sergens de nostre dit païs de Bourgoingne font souvent adjornement et assignacion de journées à pluseurs parties par devant iceulx prevost ou leurs lieuxtenans (Cout. bourg. glosé P.M., c.1380-1400, 67)

Les plus grans [justiciers] sont appelléz ceulx qui ont la plus grant puissance, si comme les auditeurs des appeaulx, qui ont povoir d'amender ce que les bailliz font ; les bailliz sont appelléz juges ordinaires et mendres des dessus nomméz, pour ce qu'il ont plus petit povoir, car il n'ont pas povoir de faire justice hors des bailliages qui leur sont commis. Les plus bas justiciers sont ceulx qui sont dessoubz les bailliz, ainsi comme le prevost, viguiers, maieurs et sergens. (Cout. bourg. glosé P.M., c.1380-1400, 104)

Cedit jour, a esté et est advoquée ceans (...) la cause (...) entre madame Marie du Bois, dame de la Granche, d'une part, et les XXX eulx disans sergens de la ville et banliue de Rouen, d'autre part (Baye, I, 1400-1410, 319)

Cedit jour, la Court (...) a eslargi Floridas de Lisach, bailli de Morteigne, et J. Bouquet, sergent oudit bailliage pour le duc de Toureinne (Baye, II, 1411-1417, 224)

...Pierre Evin, sergent du bailliage de l'eaue à l'Escluse (Comptes Etat bourg. M.F., t.3, 1418-1420, 663)

...feu Thomassin, en son vivant enfant de la cuisine de mondit seigneur, nagaires pour ses demerites executé par justice, 2 frans 5 solz tournois ; au clerc qui fist son proces pour sa peine et salaire, 30 solz tournois ; aux sergens qui le prindrent, 10 solz tournois ; au soubz prieur des Jacobins qui le confessa, 5 solz tournois, et au bourreau 3 frans (Comptes Etat bourg. M.F., t.1, 1419, 128)

Et est enjoinct à tous les sergens, tant de la grant verge que de la prévosté, d'eulx prandre garde des choses dessusdites, sur lesdites paines. (Roi René vie L., 1464, 302)

LE TIERS. Les advocatz de maintenant Ne veullent plus prendre d'argent, Ilz font tout pour l'amour de Dieu. LE PREMIER. Les sergens de ceste ville Ne prennent plus ne croix ne pille (Rapp., c.1480, 64)

LE JUIF. Le chrestien si me fait mourir De me regnier mon argent. Se rencontrer peulx ung sergent, Son serment auray en justice. LE .I. SERGENT. Ce n'est rien que de nostre office. (...) LE JUIF. Necessité Eusse de trouver ung sergent Qui fust a mon cas diligent Pour adjourner a ma requeste Ung crestien. (Mir. st Nic. juif, c.1480-1500, 113)

Il advint que le Parlement de Paris fist executer aucune commission contre luy ; à cause de quoy il print la masse du sergent et l'en batit tellement, que le bruit en fut à Paris. (Simon De Phares, Astrol., c.1494-1498, f° 133 v°)

L'USURIER. Affin que soit determinee Ma cause, vous commanderez A ung sergent tel que voulrez, Qu'il viengne adjourner une femme. LE JUGE. Tout incontinant vous l'aurez ; En cella n'a vice ne blasme. Sergent, tu sces assez ta game D'exploiter tel cas de justice ; Va avec luy. LE PREMIER SERGENT. Par Nostre Dame, Je suis ad ce faire propice (La Vigne, S.M., 1496, 511)

[Les sergents sont souvent impopulaires à cause de certaines exactions]

Telz juges empris de faulx coraige Ont sergent de malvais usaige Qu'avantaige quierent par tout. (Dupin, Mélanc. L., c.1324-1340, 101)

De ces officïers de rois L'un est sergent, l'autre bourgois ; Aspres sont et de mal affaire. Ilz preignent a tort et a droit. (Dupin, Mélanc. L., c.1324-1340, 99)

Et encores le peuple n'en peut avoir, et ne leur donne l'en pas laisir de en avoir, que la chose qu'i craingnent, c'est que ung sergent ne viengne faire quelque execucion, qui a souvant plus pour son voyage que se que on demande ne couste. (Juv. Urs., D. Tours, 1468, 445)

Il ressemble ung sergent a masse, A luy veoir porter sa marotte. (Roy sotz, c.1450-1500, 216)

Qui bien bat ung sergent a mache, Il gaigne cent jours de pardon. (Menus propos P., 1461, 66)

LA FILLE. ...Que l'on medise des sergens Qui vouldra, très bien je m'en loue (Mère Ofic. T., c.1500, 96)

c)[Différents titres et appellations, correspondant à des insignes particuliers, à des fonctions particulières...]

Les onze vingt sergents. Les 220 sergents à pied de la prévôté de Paris.

Item, aux Unze Vings sergens Donne - car leur fait est honneste Et sont bonnes et doulces gens Denis Richier et Jehan Valecte - A chacun une grant cornecte Pour pendre a leurs chappeaux de faultres, J'entens a ceulx a pié, hohecte ! Car je n'ay que faire des autres. (Villon, Test. R.H., 1461-1462, 92)

Sergent à cheval. Sergent qui a pour mission d'exécuter les mandements de justice dans toute l'étendue d'une juridiction.

...nous volons et acordons que nos quatre sergent à cheval en nostre bailliage d'Aire ne aucun sergent ou officiers quelcunques, fors tant seulement nos dis baillis, ses lieutenans et li chastellains ne puissent faire prinses ne arres quelcunques en nostre dite ville et banlieue, se ce n'est par cas criminel ou hastieu (Hist. dr. munic. E., t.1, 1374, 96)

...ledit mons. le prevost, par le conseil des assistens, commanda à Guillemot Piart, sergent à cheval du roy nostre sire ou Chastellet, ou au premier autre sergent à cheval dudit Chastellet, que en quelque lieu que trouvez pourroit estre, hors lieu saint, en la ville, viconté et prevosté de Paris, le dessus dit Perrinot Cousin, qu'il feust prins et admené prisonnier oudit Chastellet (Reg. crim. Chât., II, 1389-1392, 376)

...en celle année fut faicte une ordonnance de par le prevost de Paris et de par les signeurs de Parlement, que nul sergent à cheval, ne nul sergent à verge, s'il n'estoit marié ou s'il ne se marioit, n'officeroit plus (Journal bourgeois Paris T., 1405-1449, 212)

Sergent à masse. Officier de justice qui a une masse comme insigne de ses fonctions.

...et aussi en saisine et possession que, se aucuns est ocis, mis à mort, bleciéz ou naurés, soit par lui ou par autre personne en la dicte ville et banlieue, les sergens à mache du conte ou contesse d'Artois en la dicte ville sont tenu de noncier le fait (Hist. dr. munic. E., t.1, 1370, 378)

...Collart Ricoche, sergent à mache, pour avoir fait haster et assembler les ouvriers (Comptes Lille L., t.1, 1419-1420, 167)

Sergent à pied. Sergent de la ville de Paris.

...et illec, en la presence de maistres Jehan Truquan, lieutenant ; Jehan Soudant, examinateurs ; Jehan Le Forestier, Robert Pince, Guillot Piart, sergens à cheval ; Jaquet Le Piquart, Denisoit Ono, Jehannin Raimbot, Perrin de [Sains], sergent à verge, et autres pluseurs sergens tant à cheval comme à pié, fu dist et recité par ledit lieutenant, audit prisonnier, les confessions par lui faittes (Reg. crim. Chât., I, 1389-1392, 113)

Sergent à verge. Un des deux cent vingt sergents à pied chargé de la police, qui a une baguette comme insigne de ses fonctions.

...quant les gens de ma dicte dame feront les dictes prinses en l'ostel d'aucun bourgois, che se fera present un sergent à verge, liquels yra faire la prinse (Hist. dr. munic. E., t.1, 1379, 395)

...Perrin de Cornouaille, sergent à verge et garde des hales de Paris. (Reg. crim. Chât., I, 1389-1392, 120)

...Jehan de Verbrie, jadiz sergent à verge de nostre Chastellet de Paris, par avant ce que le dit Thibaut feust ou service de nostre dit oncle, le dit sergent eust prié au dit Thibaut, ycellui estant en l'esglise de Saint Nicolas des Champs, qu'il lui voulsist donner une chopine de vin (Doc. Poitou G., t.6, 1390, 22)

Defense fu faicte à peine de Vc mars d'argent à messire Bertran d'Enfernet, chevalier du guet à Paris, qu'il ne mefface ne mesdie par lui ne par autre à Colin de la Chapelle, sergent à verge et collecteur du guet des mestiers de Paris (Baye, II, 1411-1417, 193)

...Jehan le Sirier, sergent à verge et audiencier du roy nostre sire oudit chastellet (Cartul. Laval B., t.3, 1417, 32)

...appoinctié a esté que ledit Michiel sera eslargi et mis à son hostel, ouquel le gardera Jehan Nielle, sergent à verge ou Chastellet de Paris (Fauq., II, 1421-1430, 10)

Sergent dangereux. Officier chargé de surveiller les bois soumis au droit de tiers et danger.

[C'est Renart qui parle] Et je feroi du lou sergant dangereus, que, se il treuve veel, ne brebis, ne pourchel pres du bois, il les cachera dedens, puis les[s] prendra comme forfaiz. (Henri Ferr., Modus et Ratio, Livre deduis T., c.1354-1377, 156)

...il est venu à nostre congnoissance que ceux qui ont gouverné lesdites Eaux et Forests, ont fait ou temps passé plusieurs Sergens dangereux, lesquels ont fait plusieurs griefs et oppressions à nos sujets, dont plusieurs plaintes ont esté faites à Nous (Ordonn. rois Fr. V., t.10, 1413, 132)

Sergent d'arc

...Jehan de Vaurabourg, aagié de XX ans ou environ, nostre subget et homme lige de la viconté de Brethueil, et nostre sergent d'arc en la forest dudit lieu de Brethueil (Chancell. Henri VI, L., t.1, 1425, 192)

Sergent d'armes. Officier attaché à la personne du roi, employé à toutes sortes de tâches.

...Gualbriel de Rivenac, leu tenant de noble homme sire Pierre Barbevere, sergant d'armez du roy nostre seigneur (Clos galées Rouen M.-C., t.2, 1337, 12)

Si le fist li dis rois tantos prendre par ses sergans d'armes et mettre en prison en le tour dou Louvre dalés Paris (Froiss., Chron. L., IV, c.1375-1400, 124)

Jehan Petit-Mouton, sergent d'armes du Roy, envoié de Saint-Denis au Vivier en Brie, porter lettres du Roy aux gardes des estans d'illec (Comptes hôtel rois Fr. D.-A., 1380-1381, 52)

Bernart de Laigny, sergent d'armes du roy nostre Sire (Reg. crim. Chât., I, 1389-1392, 14)

...nostre amé Maistre Remon du Temple, sergent d'armes et maistre des oeuvres de maçonnerie de Monseigneur le Roy (Doc. 1394. In : J. Quicherat, Bibl. Éc. Chartes 3, 1846-1847, 59)

Si fu, de par le roi, fais uns bans et un cris d'un sergant d'armes a cheval tout parmi la ville et chité de Evruich, que nuls, sus la teste a perdre, ne fesist debat ne rihote, ne ne s'emeuist jamais de ce fait qui avenu estoit, ens ne hors. (Froiss., Chron. D., p.1400, 121)

Lors furent mis clers en oevre pour lettres escrire a pooir, et sergans d'armes et messagiers envoiiés partout [deviers] signeurs et tenaules de la couronne de France. (Froiss., Chron. D., p.1400, 683)

A l'enterinement de certeinnes lettres de chartres obtenues par les sergens d'armes se sont au jour d'ui opposez les duc de Bourgoigne, de Berry, de Bourbon (Baye, II, 1411-1417, 1)

À Gillet Prevost, sergent d'armes, et Gieuffroy des Molins, sergent à cheval du roy nostre sire, et à plusieurs autres personnes et officiers la somme de soixante et huit livres tournois à eulx paiez bailliez et delivrez comptant par le commendement et ordonnance de mondit seigneur pour plusieurs voiaiges et chevaucheries par eulx faiz en plusieurs et divers lieux (Comptes Etat bourg. M.F., t.1, 1419, 191)

Sergent de l'official. Officier du juge ecclésiastique.

Et ainsi comme il buvoit en une taverne prez de la porte Saint-Honoré, il fu advisé par un sergent de l'official, nommé Jehan Gaucher, et un autre sergent son compaignon, duquel il ne scet le nom (Reg. crim. Chât., I, 1389-1392, 81)

Sergent de la douzaine/des Douze. Sergent de la garde à cheval du prévôt de Paris.

Item, sont eslargiz à leurs caucions audit mecredi Jehan Ansoult et Gobin de Fontaines, sergens à verge, et Thevenin LE FÈVRE, sergent de la douzaine ou Chastellet de Paris (Fauq., II, 1421-1430, 11)

Item, a Jehan Raguier je donne, Qui est sergent, voire des Douze, Tant qu'il vivra, ainsi l'ordonne, Tous les jours une tallemouze Pour bouter et fourrer sa mouse, Prinse a la table de Bailly ; A Maubué sa gorge arrouse, Car au menger n'a pas failly. (Villon, Test. R.H., 1461-1462, 91)

Sergent à cheval. L'un des douze sergents montés de la garde du prévôt de Paris.

François Dargies, sergent à cheval du roy nostre sire oudit Chastellet, et Agnesot, femme de Loys Josson, geolier du Chastellet (Reg. crim. Chât., II, 1389-1392, 52)

Jeudi, XVIIJe jour de decembre, Jehan Audry, dit Marcoussis, sergent à cheval, rendit et rapporta à la Court une descharge du Tresor du Roy (Fauq., II, 1421-1430, 259)

Sergent des eaux. Officier subalterne préposé à la garde et conservation des eaux.

Jehan Le Cras, sergent des eaues (Ch. VI, D., t.1, 1422, 419)

Sergent des eaux et forests

...certaines faulses lettres du roy nostre sire et commission qu'il se disoit à lui données par les maistres des eaues et forez dudit lieu d'Orliens, faisans mencion comme ledit seigneur l'avoit fait sergent desdites eaues et forez, et que par iceulx maistres il avoit esté instituez en icelli office (Reg. crim. Chât., II, 1389-1392, 67)

...Copin de Zelande, taillendier (...) avoit esté amené par ung sergent des Eaues et forests en ladicte Conciergerie, prisonnier, pour occasion de certaines desobeissances et excès (Fauq., I, 1417-1420, 273)

Sergent de la garde

...item, ilz doivent au verdier, quant il leur livre le boiz de leur esquarrie, XII d. et IIII d. au sergent de la garde. (Hector De Chartres, Cout. R., 1398-1408, 43)

Sergent (à pied) de tel bois

A Pierre de Laines, sergent à pié des bois de la compaignie de Rumilly... (Comté Champ. Brie L., t.3, 1340-1341, 288)

A Michelot Gauchier, sergent à pié des bois du Poil... (Comté Champ. Brie L., t., 3, 1340-1341, 288)

Seellée une lettre par laquelle Madame donne à messire J. Pelerin et à messire J. Chapperon toulz les biens de Guillaume Lougnot sergent des bois de Chastouceaulx, devoluz par aubennage, faulte de hoir ou aultrement. (Le Fèvre, Journ. M., c.1380-1390, 522)

Sergent du Chastelet. Officier de la prévôté de Paris (dont le siège est au Châtelet).

...et pour ce la Court au jour d'ui envoie IJ sergens du Chastellet pour mangeurs en son hostel, jusques à ce que fust venu en ycelle Court (Baye, I, 1400-1410, 60)

Sergent du guet. Officier de la garde chargée de la surveillance des villes la nuit.

Jehan Morelet, sergent du Guet (Ch. VI, D., t.1, 1422, 419)

Sergent du nombre de la douzaine. Sergent du Châtelet de Paris, nommé par le prévôt qui choisit les membres de la douzaine dans le corps des sergents à pied pour sa garde ordinaire (il porte sur ses habits douze petites bandes de soie blanche rouge et verte).

...à Drouet Vaillant, sergent du nombre de la 12e, pour 7 ajournemens faits à la requeste de ladicte ville aux heritiers de la feue femme de Pierre Froment pour reprandre ou delaisser certain procès pendant entre ladicte ville et eulx, touchant les criées d'une maison (Comptes Paris M., t.2, 1473-1474, 344)

Sergent du roi/sergent royal. Officier de justice en province, agent d'exécution au service du roi.

Perrot Amiot, sergent du roy nostre sire en ycelle ville d'Orleans (Reg. crim. Chât., I, 1389-1392, 80)

...rumeur estoit qu'il [le comte de Nevers] avoit fait pendre et estrangler un sergent royal, qui l'avoit adjorné en son chastel de Retest à comparoir ceans sur la proprieté de la terre de Coucy (Baye, I, 1400-1410, 284)

...si comme tesmoingna en ladicte Chambre de Parlement Estienne Adeneau, sergent du Roy audit lieu de Galardon (Fauq., I, 1417-1420, 270)

Sergent extraordinaire/général. Officier de justice dont le ressort est un comté entier (d'apr. F. Lot, R. Fawtier, Hist. des instit. fr. au Moy. Âge, t.1, 1957, 297).

...plusieurs sergens extraordinaires, eulx disant ou appelans sergens generaulx, s'entremettent de faire exploiz et adjournemens ordinaires, comme de faire adjournemens en cas d'eritage et en cas de meuble et aussi de executer doleances, faire delivrance de fiefz et de namps, lesquelles choses sont contre raison et le bien de justice (Echiq. Normandie S., 1423, 102)

Sergent fermier. Sergent qui tient à ferme un office de sergenterie.

...il ala environ heure de soupper en l'ostel de feu Raoulin Boscguerart, nostre sergent fermier de la sergenterie dudit lieu de Vauvray (Chancell. Henri VI, L., t.1, 1424, 66)

Sergent fieffé. Homme investi d'un office de sergent à titre de fief.

À Jehan Baugie, pour le temps souz sergent en la sergenterie Guillaume d'Oissy souz Monseigneur Robert d'Oissy, chevalier, pour le temps sergent fieuffé de la dicte sergenterie (Compte Navarre I.P., 1367-1371, 136)

Guillaume Amyot, sergent fieffé en la verderie des Montiers Hubert sans gaiges, a en la dicte verderie par raison de son dit office les franchises cy aprés desclairees, c'est assavoir soy prendre garde es bois nommés les boiz de la Feulle [et] les boiz de la Monnoye, et y user et exercer de fait de sergenterie, et à ce tiltre, il a et doit avoir es diz bois son chauffer de mort boiz par livree du verdier (Hector De Chartres, Cout. R.B., 1398-1402, 28)

Colin Ravenot, escuïer, sergent fieffé en la forest de Gravenchon, a en ladicte forest, à cause de son hostel le Vieux Manoir, bois pour son clorre et son ardoir par livrée du verdier de ladicte forest deux foys l'an. (Hector De Chartres, Cout. R., 1398-1408, 160)

Sergent royal. Sergent institué par le roi.

...nulz de noz officiers, sergens royaulx ny autres ne pevent ou doyent exploicter es mectes de la ditte ville et banlieue qu'ilz n'ayent premier eu et obtenu l'absistance de notre dit bailly, son lieutenant ou mayeur d'Aire, et aussi que le dit sergent soit expressement de l'ancien nombre et ordonnance d'Artois (Hist. dr. munic. E., t.1, 1490, 132)

En particulier.

Sergent de la marchandise de l'eau

De Richart Harent, pour une amende tauxée à 60 s., dont Tuchon, sergent de la marchandise de l'eaue de la ville de Paris, a eu le quint (Comptes Paris V.L.D., t.1, 1424-1425, 24)

DRAPERIE Sergent de la balance/du banquet

...li prevos de le halle et li Treze Homme fachent leur siergant de le balanche et li maires boursiers le siergant dou banket, tels que miex leur plaira (Drap. Valenc. E., 1346, 26)

Sergent du roi des Ribauds. Officier chargé de faire exécuter les mandements du roi des Ribauds.

...Coquelet, sergent du roy des Ribaux dudit hostel (Comptes hôtel rois Fr. D.-A., 1380-1381, 31)

C. -[Domaine militaire]

1.À Rome, soldat assistant un officier de justice.

JUDAS. ...Seigneurs, sachiez que je vourroie Que voz sergens ycy fussent Et leurs armeüres eussent [Pour arrêter Jésus] (Myst. Pass. N.S. R., c.1350-1370, 116)

Alixandre, en diligence Faictes besoignher les sergens. (Pass. Auv., 1477, 228)

2.Homme d'armes non chevalier, monté ou non.

Si fist crier, sans nul detry, Parmi son ost, à moult haut cry, Que toute maniere de gent, Grant, petit, seigneur et sergent, Le sievent tuit et sans faillir, Car il vuet la ville assaillir. (Mach., P. Alex., p.1369, 84)

L'escuier, quant il ot le commandement du duc, yssi de la chambre et se pourvey de IIII. sergens, et leur dist : Sievez moy de loings et, si tost comme je vous feray signe sus ung homme que je voy querir, mettez y la main (Froiss., Chron. M., XIV, c.1375-1400, 55)

...fussent sergent Ou chevalier, tuit y affuyent Et sur les Grieux cryent et huyent. (Chr. Piz., M.F., III, 1400-1403, 49)

...a tant de gent, Comme ilz porent, noble ou sergent, S'en saillent hors (Chr. Piz., M.F., III, 1400-1403, 225)

...une povre femme de village du païz de Dunois les [les dites lettres] avoit apportées à la requeste d'aucuns sergens de la garnison de Chasteaudun pour ledit d'Orleans, en esperance de ravoir son mari qui estoit prisonnier en ladicte garnison (Baye, II, 1411-1417, 66)

Sergent à / de pied

Et pooient estre en la compagnie dou roi .VIIIM. armeures de fier, chevaliers et esquiers, et .XXXM. honmes parmi les archiers, la moitiet monté sus hagenees, et l'autre moitiet sergans a piet, envoiiet de par les bonnes villes d'Engleterre et a lors gages. Et encores, sans les archiers a cheval, il i avoit bien .XXIIIIM. archiers a piet. (Froiss., Chron. D., p.1400, 129)

Li rois d'Engleterre et li princes de Galles (...) avoient en leur route environ (...) dix mil sergans de piet (Froiss., Chron. L., III, c.1375-1400, 139)