HUISSIER

substantif masculin

[T-L : uissier ; GD : huissier3 ; GDC : huissier ; FEW (VII, 438) : ostium ; TLF (IX, 969b) : huissier]

A. -Portier.

Talent me vint et desir grant D'avoir ce glaive flamboiant Avec les cles pour estre huissier Du dit passagë et portier. (Guill. Digull., Pèler. vie hum. S., c.1330-1331, 40)

...et se parti de l'ostel et entra en la porte du palais et ne cessa tant qu' il vint à l'entrée de la chambre du conseil et huscha ung huissier (Froiss., Chron. M., XIV, c.1375-1400, 54)

Huissier portier. Celui qui a pour mission d'ouvrir et de fermer la porte du palais du Parlement.

...et depuis ladicte créacion et institucion [de plusieurs sortes d'huissiers] , y en ait esté institué un autre qui s'appelle huissier portier, lequel a et doibt avoir la charge de fermer et ouvrir la porte de nostre palais (Ordonn. rois Fr. P., t.17, 1468, 103)

Huissier de cuisine

Un huissier de cuisine prendra deux sols six deniers tournois par jour pour toutes choses. (Doc. 1350. In : J. Viard, Bibl. Éc. Chartes 55, 1894, 617)

B. -Officier attaché à l'hôtel d'un grand personnage, en partic. officier chargé d'introduire chez un grand personnage.

Nous serons en se court trestout grant officier : Il fera l'un de nous par devant lui trenchier, Et l'autre chamberlenc, le tier sera huissier (Hugues Capet L., c.1358, 101)

Je n'escriptz point ung grant tas de galiers Comme escuyers, panetiers, eschançons, Enfans d'onneur, huissiers, paiges, garçons, Tabourineux, harpeux, saulteurs, danceurs (La Vigne, V.N., p.1495, 152)

[Dans un contexte métaph.]

Mon cueur vous adjourne, Viellesse, Par Droit, huissier de parlement, Devant Raison qui est maistresse Et juge de vray jugement. (CH. D'ORLÉANS, Ball. C., c.1415-1457, 184)

Huissier d'armes. Homme d'armes attaché à l'hôtel du roi ou d'un grand personnage.

...et est mise au neant l'obligation qu'avoit fait ledit Brifaudin à un huissier d'armes qui l'avoit emprisonné (Baye, I, 1400-1410, 128)

À Jehan Jossequin, huissier d'armes de mondit seigneur, la somme de quarante frans que mondit seigneur, par ses lettres donnees le derrain jour d'aoust mil quatre cens et douze pour ce adreçans à Jehan Despulectres, lors son tresorier et gouverneur general de toutes ses finances, lui est ordonné et tauxé pour avoir esté de Bourges à Lion et à Mascon pourchacier 2.000 escus qui deuz estoient à mondit seigneur (Comptes Etat bourg. M.F., t.2, 1419, 533)

...le dit conte de Ventadour, qui lors et despieça estoit nostre conseillier et chambellan en ordonnance, vint à l'uis de nostre chambre, que feu Guichart du Puy, en son vivant nostre premier huissier d'armes, gardoit, et hurta au dit huis pour entrer dedens la chambre et estre à nostre coucher, ainsi que à cause de son dit office de chambellan il avoit accoustumé (Doc. Poitou G., t.7, 1421, 364)

Huissier d'armes, ouv[r]ez moy l'huis, Laissiez moi ung peu [l. Laissiez m'ung peu] au roy parler. (Marcadé, Myst. Pass. Arras R., a.1440, 61)

Lors Madame s'avança et dist bellement a la royne : 'Ma dame, veez la Saintré.' Lors la royne appella Guillaume de Lurs, son huissier d'armes, et fist appeller Saintré. (La Sale, J.S., 1456, 91)

Huissier de chambre. Officier chargé de la porte du roi ou d'un grand personnage.

À Denisot Simon, huissier de chambre de Monseigneur Messire Charles (Compte Navarre I.P., 1367-1371, 103)

...ils lui donnèrent provision et envoyèrent un huissier de la chambre à Antoing faire commandement au seigneur du lieu que... (Chastell., Chron. K., t.3, c.1456-1471, 84)

Huissier de salle. Officier chargé de menus services à l'hôtel du roi ou d'un grand personnage.

...comme nostre amé huissier de sale, Raymondin le Monnoier et Jaques de Lange, bourgois de Paris, aient propos et devotion de faire et establir une confrarie en honneur de Nostre Seigneur... (Phil. Vi Valois, Doc. paris. V., t.1, 1332, 166)

Pringuelin, huissier de sale. (Ch. VI, D., t.1, 1398, 151)

...l'uissier de salle (Comptes roi René A., t.3, 1479, 214)

...nostre huissier de salle Henry, qui est de leur pays, et parle leur langaige, lequel est bon homme et sera vostre truchement (Lettres Ch. VIII, P., t.1, 1488, 334)

Autres assez principaux officiers, Ordinaires, domestiques, censiers De chelz le roy, tant de paneterie Que de cuysine : eschançons, despenciers, Apotiquaires, medecins, espiciers, Huissiers de salle, clercs de bouteillerie, Garde vesselle et d'autre broillerie (La Vigne, V.N., p.1495, 153)

Huissier du tresor. Officier chargé de la garde du trésor royal.

Et, à ceste cause, le roy donna l'office de huissier du Tresor, qui estoit audit Morin, à ung nommé Jaques Testeclere. (Roye, Chron. scand., I, 1460-1483, 41)

C. -DROIT Huissier (de / du parlement). Officier de justice chargé de signifier les actes de procédure.

...Estiene Le Fevre, huissier de parlement (Reg. crim. Chât., I, 1389-1392, 98)

Gobin de Pons, huissier du parlement (Reg. crim. Chât., II, 1389-1392, 30)

Lequel huissier, tant par vertu dudit commandement de bouche, comme par une petite cedule ou supplicacion baillée par ledit mons. l'evesque à ladite court, signée du saing manuel de honorable homme et discret maistre Jehan Willequin, greffier civil de ladite court, il faisoit commandement audit mons. se prevost que tantost et hastivement il alast en ladite court de parlement dire la cause pourquoy il ne vouloit rendre icelles femmes (Reg. crim. Chât., II, 1389-1392, 313)

Maistre J. de Lespine s'est opposé et oppose que nul ne soit receu à l'office d'uissier de Parlement (...) sans le oïr ou appeller. (Baye, I, 1400-1410, 312)

...et a esté fait exprès commendement à Robert Chaurre, huissier et appelleur des causes de Parlement, d'icelx executer sans deport aucun. (Baye, II, 1411-1417, 20)

Appoincté a esté que ledit de Troies sera par ung huissier de ceans amené prisonnier en la grosse tour du Palais (Fauq., III, 1431-1435, 160)

...Guilleaume Leclerc, huissier des Generaulx sur le fait de la justice des Aides (Comptes Paris V.L.D., t.1, 1441-1442, 258)

J'ay baillé commission à Alain Delacroix, huissier des requestes du Palais, à Paris, pour adjourner Anthoine de la Roche (Aff. Jacques Coeur M., 1453-1457, 277)

J'ay baillé à Anthoine Juin deux lectres royaulx pactentes par lesquelles est mandé au premier huissier ou sergent royal prandre au corps Village (Aff. Jacques Coeur M., 1453-1457, 277)

Et avecques lui y estoient le greffier de ladicte court et huissiers d'icelle. (Roye, Chron. scand., I, 1460-1483, 359)

...vous feistes par grant délibéracion de vostre conseil ordonnance rédigée en lettre patente, que en vostredite Chambre des comptes à Angiers n'y auroit plus que troys maistres auditeurs, deux clercs et ung huissier (Roi René vie L., 1464, 299)

Premier huissier

Ce jour, furent par le premier huissier publiées à la fenestre de la sale du Palais les ordonnances de la fin de cest Parlement et du commencement du Parlement prochain à venir. (Fauq., II, 1421-1430, 325)

Huissier à masse

Devant lequel corps estoient, ainsi qu'il est requis a ung grant seigneur du sang royal, deux huissiers a masse, habillez en dueil, faisans et exerçans leur office ainsi qu'en tel cas appartient. (La Vigne, V.N., p.1495, 311)