SEMENCE

substantif féminin

[T-L : semence ; GDC : semence ; DECT : semence ; FEW (XI, 430) : sementia ; TLF (XV, 297a) : semence]

A. -Graine que l'on met en terre pour la reproduction.

Et s'il avient que tu le faces, Fai le de volenté si fine Qu'il n'i ait estoc ne racine Qui germe jamais, ou semence, S'il n'est einsi, qu'on recommence. (Mach., C. ami, 1357, 137)

...mais convient que l'ame de l'auditeur soit preparee par bonne acoustumance ad ce que elle se delicte et esjoïsse en bien et que elle ait haine de mal, en la maniere que la terre doit estre bien cultivee afin que elle nourrisse la semence. (Oresme, E.A., c.1370, 532)

...pour sa paine et salaire d'avoir taillé et redrecié les trailles des jardins dudit clos, refait les tonnelles et paveillons, redrecié et monté les sieges desdiz tonnelles et paveillons... comme pour avoir baillié et livré, a ses propres coux et despens, par marchié fait a lui, tout le merrien, osier, motes, semences et autres choses appartenans et neccessaires a yceulx jardins. (Clos galées Rouen M.-C., t.1, 1380, 266)

Les pepins sont la semence, et les convient tremper deux jours, puis semer, et sans les moullier laissiez croistre jusques a ce qu'elles appairent dehors (Ménagier Paris B.F., c.1392-1394, 120)

Et puis quant il vist qu'ilz avoient employé leurs bledz en semence, tant qu'il leur en estoit pau ou neant demouré, sy retourna mettre son siege et gaster leur semence (La Sale, Salade, c.1442-1444, 59)

[P. réf. à la parabole du semeur (Luc 8, 5-15)]

Mes paraboules ont semblance D'un homme semenant. Sa semence, Tumbent sur le chemin, est gatee, Car des bestes tost est mangee. (Pass. Auv., 1477, 137)

La semence est la parole Dieu, Que es durs cuers n'a point de lieu, Si peu que semence sur piarre. (Pass. Auv., 1477, 137)

[Dans un cont. métaph.]

Aultre petit prologue parlant des VIII tresglorieux grains de semence qui sont de sy tresgrans condicions, que le seigneur ou dame qui ont seignouries a gouverner, se ilz les vuellent ou bon jardin de leur cuer semer, certainement ilz y floriront et porteront fruit (La Sale, Salade, c.1442-1444, 4)

Recevez tousjours la vraye unde De la tresdivine clemence Et recuillez l'umble semence Du tressainct, sacré fruyt de vie Par jeune, oroison, abstinence, Tant que Mort vous lairra la vie. (La Vigne, S.M., 1496, 570)

Locution. [Pour figurer une action inutile et improductive] Semer sa semence entre les espines

Ne avons nous pas de ceulx qui semoyent leur semence entre les espines qui suffoquent le grain ? (Juv. Urs., Verba, 1452, 197)

Proverbe. De bon estoc bonne semence

Car comme on dist communement : De bon estoc bonne semence (Taillev., Songe thois. D., 1431, 76)

Bon fruit vient de bonne semence

Bon fruit vient de bonne semence. (Miélot, Prov. U., 1456, 192)

Graine utilisée comme médicament.

Item prenez de veen blanc Et de rouge plesant et franc, De blate bisante, cacabre, Qui est pierre où est gomme d'abre, Et de calame aromatique O semence de basilique (La Haye, P. peste, 1426, 148)

Ceste cure on l'appelle mitigative ou blanditive et se ainsi la douleur ne estoit mitiguee, on doit faire vomir par semence de raphanum et par attriplices ou par suc de moyenne escorche de sambuc (Gordon, Prat., c.1450-1500, VI, 12)

Semence froide

Et mesler o les précédens, Comme sont sandaulx, blans et rouges, Et muscatellins bien douges, Et semences froides, sans fraude (La Haye, P. peste, 1426, 144)

Aprez suit la forme plaisant D'autres trocisques, proffitans A tous adonc febricitans, Auxquelz faire prenez, sans bourde, Semences froides de cohourde, De citrules, laictue, endive, Et de pourpié, une herbe vive (La Haye, P. peste, 1426, 145)

...on leur otroie a prendre le brouet de petite poule et soit cuite en planté d'eaue avec une lectue ou avec semence froide (Gordon, Prat., c.1450-1500, I, 5)

Remarque : Cf. FEW XI, 430b, s.v. sementia : les quatre semences froides (...) semences froides majeures (...) semences froides mineures.

B. -Par analogie.

1.[À propos d'un être hum.]

a)[À propos de la femme] Ovule.

Par charnalité [est périlleuse] à couchier O femmes lors et les touchier, Se n'est à ceulx, par saint Eloy, Auxquelz est permiz par la loy Et sont chargiez hors suffisance De germe charnel ou semence, Et ont complexions moult bonnes. (La Haye, P. peste, 1426, 106)

b)[À propos de l'homme] Liquide séminal, sperme.

...aussi quant elle est trop seche ou trop chaude elle est sterille car la secheur et chaleur destruient nourrissement de la semence (Saint-gille, A.Y., 1362-1365, 87)

Car en lui [la Vierge] prist Dieu le filz son repaire Sanz y avoir naturelle semence (Mir. st Ign., 1366, 114)

Et sachiez j'ay plus chier d'assez Qu'en mon corps ce meshaing appére (...) qu'il faulsist que le congnusse [mon pére] Ne li moy, ne qu'enfans eusse De sa semence. (Mir. fille roy Hongrie, c.1371, 86)

Or t'est d'autrui semence née : Parrastre es, peres vocatis, Et li peres suppellatis N'est peres clamez ne parrastre (Desch., M.M., c.1385-1403, 136)

Naturelle semence

D'ignorance muciez en l'obscurté Est l'umain cuer qui laisse par peresce Servir la vierge en qui fu apporté Li sains secrez par divine noblesce, Pour laquelle devons avoir leesce, Car en lui prist Dieu le filz son repaire Sanz y avoir naturelle semence, Et en son corps mist Dieu si son affaire Que par ce l'a souzmis a sa puissance. (Mir. st Ign., 1366, 114)

Virile semence

MELCÏOR. L'encens, sans reprehencion, Monstre divine intelligence, Le mierre, l'incarnacion Faicte sans virille semence. (Myst. Pass. Troyes B., a.1482, 249)

Pollution de semence. Pollution nocturne.

Et se tu as le chief trop vain Et penses comme fait maint homme A aucune, en faisant ton somme, Et polucion de semence En ton dormant illec s'avance, Tu peches, et pour la pensée Qui fut devant ou chief causée, Mortelment. (Desch., M.M., c.1385-1403, 315)

Faire semence. Éjaculer.

...et incontinent apres qu'elle eust la teste droite et sans ce que ses jambes feussent encoires totalement entre les siennes, par la chaleur en laquelle il estoit sema et fist semance sans aulcunement la congnoistre (Doc. 1463. In : H. Haustein, Z. fr. Spr. Lit. 52, 1933, 112)

[Dans une compar.] Avoir aussi peu de lieu qq. part que semence sur pierre

La semence est la parole Dieu, Que es durs cuers n'a point de lieu, Si peu que semence sur piarre. (Pass. Auv., 1477, 137)

c)Par métonymie. Postérité, descendance, race.

Et de tous ces enfans est tres pau de semence demorée (Hemricourt, Miroir Hesb. B.B., 1353-1398, 63)

Tu qui donnes fausse sentence, Tu es issus de la semence De Chanaam, qui fu maudite Pour ce qu'en li tous maus habite. (Mach., C. ami, 1357, 14)

...se il determine que l'en doie donner a Cesar le cens, il sousmettra a la servitute le peculier et especial peuple de Dieu, la semence et ligniee franche, la tresnoble heritage de nostre Seigneur (Foul., Policrat. B., III, 1372, 230)

Et, de tant comme les roys ont esté plus nobles se il se sont ourgueilliz contre nostre Seigneur, de tant a esté leur semence plus tost cassee et defoulee. (Foul., Policrat., IV, 1372, 82)

Chascuns prent pour sez enfans cure Et, deüst prester a usure, Pluseurs bleschent leur conscience Pour souvenir a leur semence (Le Fèvre, Respit Mort H., 1376-1380, 87)

Encores par le prophete Dieu nous conforte et dit ainsi : Se vous me voules ouyr et garder mes commandemens, toute la terre que vos pies passeront je la vous donray et a vostre semence apres vous (Mézières, Sustance H., 1396, 100)

Par Dieu, vous ne sereiz mais nostre sire, ne nulz de [v]ostre semence! (JEAN D'OUTREM., Myr. histors G., a.1400, 183)

Et, pour ce que par sa ruÿne [de Lucifer] Nostre court n'est pas enterine, Ung homme en terre nous fault fere A nostre forme et exemplaire Pour amplir la desceance De paradix de sa semence. (Pass. Semur D.M., c.1420 [1488], 12)

David n'espera pas l'aide de Dieu en vain, et la benediction donnee sur sa semence (Chart., L. Esp., c.1429-1430, 94)

...nostre Seigneur fut indigné contre toute la semence d'Ysrael, et les donna en direpcion et division (Monstrelet, Chron. D.-A., t.5, c.1444-1453, 361)

Ha ! maudictes gens ! semence de Cayn ! (Chastell., Chron. K., t.1, c.1456-1471, 35)

2.[À propos de choses] Quantité de pièces de décoration (qui parsèment un ouvrage de broderie ou d'orfèvrerie).

Un pou de semence de grosses perles (Ch. VI, D., t.2, 1418, 351)

Ung autre orfroiz de brodure d'or, à X ymaiges d'apostres, où il y a nues sur leurs testes et semences, ou champ, d'estoiles d'or et ou chaperon la transfiguracion de NS (Comptes Lille L., t.2, 1420, 246)

Et a deux pendans servans à ladicte mitre de semblable brodure et semes à petis chappereaulx de semence de perles (Comptes Lille L., t.2, a.1467, 25)

...six gobeletz d'argent, en manière de cuvectes, goderonnez et grenetez, et poysent : IIII m. II o., où en la greneture sont semences de rozectes. (Comptes Lille L., t.2, a.1467, 181)

...quatre paiges et palefrenier habilliez de palletos de velours noir, tous chargiés d'orfavrie blanche, et gros bastons de brodure d'or fin, et ung large collier de pareille brodure, capronceaulx en teste de satin tané et noir bordez de semence de rozettes (La Marche, Mém., IV, Pièces annexées, p.1468-1500, 121)

Perle de semence. Perle de très petite taille.

...seront tous les ymages desd. ystoires par les lisieres brodéz de perles de semence par le colet et autour des manches (Industr. Paris F., 1410, 377)

C. -Au figuré.

Carnage (semence de morts)' (V. semaille).

Tantoist que il les voit la guerre à eas comenche, As lanches de sapins at geteit sa semenche Ly dus de grans ravine. (JEAN D'OUTREM., Geste Liège B.B., t.2, a.1400, 583)

Germe (de qqc.).

Le semenche de doctrine, anchois qu'elle appere, est constrainte par asperité de labeur et de discipline, comme la semence materielle gectee en terre est constrainte par l'asperité de la gelee. (Daudin, De la erudition H., c.1360-1380, 88)

Tu es rousée, vaine de miel, Puiz de doulceur, en qui de fiel ne d'amer n'ot onques semence. (Mir. st Panth., 1364, 310)

Origine.

De ce ne fu pas bien joyeus Silla, pour cause que cil lieux Ot esté comme la semence De Romme et primiere naiscence (Chr. Piz., M.F., IV, 1400-1403, 12)

Propos que l'on colporte.

Et assez tost après ladicte bataille de Vernueil, ledit Jehan Salvart eut souvenance de ce que ledit Mictes lui avoit dit que nostredicte ville de Rouen seroit conquise par force par nostredit adversere, et pour ce ala devers ledit Mictes et lui dist et remonstra que ce qu'il avoit dit ne povoit estre vray et que c'estoit mauvaise semence a semer par la ville (Chancell. Henri VI, L., t.2, 1427, 49)

...toute Affrique, et aucunes provinces d'Europe vers Occident, jusquez dedens Espaigne, et vers Orient, jusquez en Trace et Pannonie, sont pervertis de foy crestienne, et infaictes par semence de zizanie et de secte nouvelle. (Chart., L. Esp., c.1429-1430, 117)

Et en icelles divisions durant, disoient que la Royne d'Engleterre n'estoit pas fille du Roy de Sezille, mais de la Royne, et ceste semence semoient, affin de esmouvoir le poeupple et mettre en leur indignacion ladicte Royne (Escouchy, Chron. B., t.1, c.1453-1460, 303-304)

...fortune, envieuse de longue felicité (...), vint maintenant a l'emblee et toute soudainement en ceste maison du duc (...), vint semmer droit cy sa semence aussy de division (Chastell., Chron. IV, D., c.1461-1472, 100)